20
1 စံရအၫအစဎွၩဘံၫ့ဟၫဒၭ ဒုၭအီၪကီၪ့အၥုၭမုခမျၧး ထီးအလူၬတၭ, စဎွၩၥၧၫ့ဆံၫနံၫဂၩ အီၪလၧအၥိၭ, ဒဲ ကၥ့ၪလဖၪ, ဒဲလဲၪ့ၥုၭလဖၪနီၪလီၫ. တၭအဝ့ၫလ့ၩထၪ့
2 ဒဲဝၩ့ထၬစမ့ရအၫတၭဒုၭထၫ့ဒၩဝ့ၫလီၫ.- အၪ့မၧၫ့လၩ့ အၥီၫ့လဖၪ လၧအံၫစရ့လၭအစဎွၩ အၫဟၭအအီၪ လၧဒိၩ့ဖၧၩ့တၭ, စံၭအဝ့ၫ, စဘံၫ့ဟၫဒၭစံၭဘဲၫယီၩ,
3 နစ့ၩ,ဒဲနထီၫ့မွဲယဝ့ၫး နမၫၥံၪဆ့ဒဲနဖိၪနလံၩအဂ့ၩထုၬ
4 လဖၪမွဲယဝ့ၫလီၫ.- အံၫစရ့လၭအစဎွၩစံၭဆၧၫ့ဝ့ၫဒၪ တၭ,ယကဆါစဎွၩဧ့, ဘဲၫနလူအၥိၭနီၪယဝ့ၫဒၪယီၩ ယမွဲနဆၧ, ဒဲကယဲဆၧအီၪလၧယစူၪဖၧၩ့ ထီးအလူၬ လီၫ.
5 အၥီၫ့လဖၪနီၪဂဲၫထဲၩ့ထဲၩ့ဒီၭတၭ, စံၭဝ့ၫဒၪ,စဘံၫ့ ဟၫဒၭချဲၩ့ဆၧဘဲၫယီၩ, စံၭဝ့ၫဒၪ,ယအၪ့မၧၫ့လၩ့ဆၧ လၧနအီၪတၭ, စံၭလၧနမိဘၪဖ့ၪလၫ့ယၧၩလၧစ့ၩ, ဒဲန
6 ထီၫ့,ဒဲနမၫၥံၪ, ဒဲနဖိၪနလံၩၥံၪ,- မွဲလါနၫ့ဘိၩကဲဂီၩခိၬ အခၫယီၩ, ယမိအၪ့မၧၫ့လၩ့ယခ့ၫယၡၩတၭ, အဝ့ၫ ၥံၪမိအၪ့ဎၬ ဆၧလၧနဂံၪ့ဖၧၩ့, ဒဲလၧနခ့ၫနၡၩအဂံၪ့ ဖၧၩ့တၭ,ဆၧမိမၩအၥၭ လၧကယဲဆၧလၧနယိဂ့ၩလ မံၩ့လါလါနီၪ, အဝ့ၫၥံၪမိအီၪက့ၪဝ့ၫ လၧအစူၪဖၧၩ့
7 တၭ,မၩန့ခွံၬဝ့ၫလီၫ.- ထီးနီၪလဖၧၫ့အံၫစရ့လၭအ စဎွၩကိၭန့ထံၫၥံၪခးၥံၪအၥုၪ့က့ၭၥၭၡါ ထီးအလူၬတၭ, စံၭဝ့ၫဒၪ,ယိခွါဘီၪ, ယိလၧအဝ့ၫလဂၩယီၩအၪ့ဎၬ ဆၧအၧၩ့ဆံၭ. အဂဲးဘဲၫယီၩ အဝ့ၫအၪ့မၧၫ့လၩ့ဆၧ လၧယအီၪဘဲၫၥိၭအမိန့ဘၪယမၫၥံၪ, ဒဲယဖိၪယလံၩ ၥံၪ,ဒဲယကျိၪၥံၪစ့ၩၥံၪ ထီၫ့ၥံၪလွ့ၫၥံၪတၭး ယပဒၩ့အ
8 ဝ့ၫအ့ၬ- တၭၦၥုၪ့က့ၭၥၭၡါထီးအလူၬ, ဒဲၦခမျၧးထီး အလူၬစံၭအဝ့ၫ, ခိၭနၪအလူလဂ့ၩ. ဒဲအုၩ့လၩ့လဂ့ၩ.
9 မၩအၥၭဘဲၫနီၪတၭအဝ့ၫစံၭ စဘံၫ့ဟၫဒၭ အၥီၫ့လ ဖၪ,လီၩဘၪယကဆါစဎွၩနီၪ, ကယဲဆၧလၧနအၪ့မၧၫ့ လၩ့လၧနခ့ၫနၡၩအအီၪလၧနဂး လၧအခၪ့ထံၭလဖၪ ထီးအလူၬနီၪယမိမၩလီၫ. အ့ၪမွဲဆၧလမံၩ့ယီၩယမၩ ၥ့ၪအ့ၬ. တၭအၥီၫ့လဖၪနီၪစဲၪ့ထၪ့ခွံၬ, ဂဲၫန့ဒီၭဝ့ၫလၧ ဆၧချဲၩ့လီၫ.
10 စဘံၫ့ဟၫဒၭအၪ့မၧၫ့လၩ့ဆၧ လၧအအီၪတၭ,စံၭဝ့ၫ ဒၪ,လၧကယဲၦခမျၧးလၧအဖိၬ ယခဲၫ့မိမၩန့ဝ့ၫဎွ့ၩဎွ့ၩ အစူၪၥံၪနီၪ စမ့ရအၫအဂၪ့ခိၪအမုၬ အ့ၪလၧၫ့လၧအ ဂးတၭ, မွဲယွၩလဖၪ မၩယၧၩဘဲၫနီၪ ဒဲအၪနဲၪ့အနီၪ ဆံၭ.
11 အံၫစရ့လၭစဎွၩစံၭဆၧၫ့ဆၧတၭ, စံၭဝ့ၫဒၪ,ၦလၧ အခဲးထူၬအၥၭနီၪ, မွဲအထီးအီၪက့ၪဖိၫလိၫအၥၭဘဲၫ
12 ၦလၧအဘဲၪ့လၩ့ခွံၬအၥိၭနီၪလဂ့ၩ.- ထီးအနါဂၧၫ့ဆၧ ချဲၩ့နီၪတၭ, ဆၧမၩအၥၭလၧအဝ့ၫဒၪအီၩဆၧ, အဝ့ၫ ဒၪဒဲအစဎွၩလဖၪလၧအတဲၩဖၧၩ့တၭ, စံၭအခ့ၫအၡၩ တဲၩ့ဝဲၩနၥံၪအၥၭဆံၭ. တၭအဝ့ၫၥံၪတဲၩ့ဝဲၩအၥၭထၫ့ ဒုၪဒၩဒိၩ့နီၪလီၫ.
13 ယိခွါ,မီၪဂဲၫလၧအံၫစရ့လၭ အစဎွၩအၫဟၭအ အီၪလဂၩတၭ,စံၭဝ့ၫဒၪ, ယဟိဝၩစံၭဘဲၫယီၩ, ၦခမျၧး ထီးအလူၬယီၩနဒၪဘၪယူၭဧၪ. ယိခွါ,ယမိဖ့ၪလၫ့ ခွံၬဝ့ၫလၧနစူၪဖၧၩ့လၧမုဆၫလနံၩယီၩတၭ, နမိၥ့ၪယၫ
14 လၧယမွဲယဟိဝၩလီၫ.- တၭစအၫဟၭစံၭဝ့ၫဒၪ,လၧ ပလၫလဂၩလဲၪ. တၭအဝ့ၫဒၪစံၭ, ယဟိဝၩစံၭဝ့ၫဘဲၫ ယီၩ,လၧထံၫၥံၪခးၥံၪအၦဒိၪဖၭဒိၪ လဖၪအၡၩဖိၪၥၪ ခွၫၥံၪလီၫ. တၭအဝ့ၫဒၪစံၭ, မွဲပလၫမိဘၪတဲၩ့ဝဲၩဆၧ
15 ဒုၭၥုၭလဂၩလဲၪ. တၭစံၭဆၧၫ့ဝ့ၫဒၪ, မွဲနၧၩလီၫ.- ထီး နီၪလဖၧၫ့အဝ့ၫဒၪဝံထၪ့နၬထၪ့ ထံၫၥံၪခးၥံၪအၦဒိၪလ ဖၪအၡၩဖိၪၥၪခွၫၥံၪတၭ, အီၪဝ့ၫနံၫယၩ ၥၧၫ့ဆံၫနံၫ ဂၩတၭ,လၧခဲၫ့ထဲၩ့, ဝံထၪ့နၬထၪ့ၦခမျၧးထီးအလူၬ,
16 ကယဲၦအံၫစရ့လၭဖိၪတၭ, အီၪၦၡၩနွ့ၫထီၫ့လီၫ.- မု ထုၪ့နီၪအဝ့ၫၥံၪစဲၪ့ထၪ့ဝ့ၫလီၫ. အ့ၪမွဲစဘံၫ့ဟၫဒၭအီၩ မၧၩ့အၥၭ လၧတဲၩဖၧၩ့တၭ, အဝ့ၫဒၪဒဲစဎွၩလဖၪ ဒဲစဎွၩၥၧၫ့ဆံၫနံၫဂၩ လၧအမၩဆၧၩ့အဝ့ၫလီၫ.
17 ခးအၦဒိၪဖၭဒိၪလဖၪ အၡၩဖိၪၥၪခွၫၥံၪစဲၪ့ထၪ့ဆိၫ ဝ့ၫတၭ, စဘံၫ့ဟၫဒၭအၪ့မၧၫ့လၩ့ဆၧတၭ, ၦလဖၪဒုၭ နဲၪဝ့ၫတၭ, စံၭဝ့ၫဒၪၦၡၩလဖၪဂဲၫထၪ့လၧစမ့ရအၫအ
18 ဖၧၩ့လီၫ.- အဝ့ၫဒၪစံၭ, အ့ၪဂဲၫလၧဆၧဎူၫဆၧဎၩ့အဂး မွဲဂ့ၩ, ဖီၪ့န့မၧၫ့ဝ့ၫဆံၭ. အ့ၪမွဲဂဲၫလၧဆၧဒုၭၥုၭအဂး
19 မွဲဂ့ၩ,ဖီၪ့န့မၧၫ့ဝ့ၫဆံၭ.- ခးအၦဒိၪဖၭဒိၪလဖၪအၡၩ ဖိၪၥၪခွၫဂဲၫထၪ့ လၧဒိၩ့ဖၧၩ့ ဒဲၥုၭမုလၧအဖိၬအခဲၫ့
20 လီၫ.- အဝ့ၫၥံၪမၩၥံၫဝ့ၫလဂၩအၡၩလဂၩ, လဂၩအ ၡၩလဂၩတၭ ၦစံရအၫဖိၪစဲၪ့ဖျိၭဝ့ၫတၭ, အံၫစရ့လၭ လီၩ့ဆီးဝ့ၫတၭ, စံရအၫအစဎွၩဘံၫ့ဟၫဒၭဖီၩ့ဖျ့ၭဝ့ၫ လၧကၥ့ၪလီၩ့ အီၪလၧၦကၥ့ၪၥုၭဖိၪလဖၪအၥိၭလီၫ.
21 အံၫစရ့လၭအစဎွၩ လ့ၩထၪ့ဝ့ၫတၭ, ကျီၪ့ခွံၬကၥ့ၪၥံၪ, ဒဲလဲၪ့ၥုၭၥံၪတၭ, ကျီၪ့ခွံၬၦစံရအၫဖိၪလၧဆၧကျီၪ့ခွံၬ ဖၭဒိၪလီၫ.
22 မီၪလဂၩနီၪဂဲၫဝ့ၫလၧအံၫစရ့လၭ အစဎွၩအအီၪ တၭ,စံၭဝ့ၫ, လ့ၩမၩဆီၪ့ထၪ့နၥၭတၭ, ၥ့ၪယၫယိဆၧ လၧနမၩဆၧလဖၪဆံၭ. အဂဲးဘဲၫယီၩ ထီးနံၪ့ဆၧၫ့ ထဲၩ့အလးတၭ,စံရအၫအစဎွၩ မိဂဲၫထၪ့ထၫ့ဒၩဒီၭနၧၩ လီၫ.
23 တၭစံရအၫအစဎွၩအခ့ၫအၡၩစံၭဝ့ၫ, အဝ့ၫၥံၪ အယွၩလဖၪနီၪ, မွဲဆၧစီၩ့ခိၪအယွၩၥံၪလီၫ. မၩအၥၭ ဘဲၫနီၪတၭဆီၪ့နဲၪ့ပၧၩဒံၭလီၫ. တၭမွဲပဒုၭၥုၭလၧအ ဝ့ၫၥံၪလၧဆၧပျၩ့ဖၧၩ့ဆံၭ. မွဲမၬပမိဆီၪ့နဲၪ့အဝ့ၫၥံၪ
24 ဒံၭလီၫ.- တၭမၩဆၧယီၩ, ၥုၭခွံၬစဎွၩၥံၪ,လဂၩလၧအ လးဒၪဝ့ၫ, လဂၩလၧအလးဒၪဝ့ၫတၭ အီၪက့ၪၥုၭခိၪၥံၪ
25 လၧအလးနီၪဆံၭ.- တၭဝံထၪ့နၬထၪ့ၥုၭမုဎွ့ၩဎီၩ့ၥုၭမု လၧအလၩ့မါခွံၬလၧနစူၪဖၧၩ့နီၪဆံၭ. ကၥ့ၪလဒုၩလၧ ကၥ့ၪလဒုၩအလး, လဲၪ့ၥုၭလခိၪလၧလဲၪ့ၥုၭလခိၪအ လးတၭ, ပမိဒုၭဆၧလၧအဝ့ၫၥံၪ လၧဆၧပျၩ့ဖၧၩ့တၭ, မွဲတၡါပမိဆီၪ့နဲၪ့အဝ့ၫၥံၪလီၫ. တၭအဆၧခိၭနၪအ ဝ့ၫၥံၪအလူတၭ, မၩဝ့ၫဘဲၫနီၪလီၫ.
26 ထီးနံၪ့ဆၧၫ့ထဲၩ့အလးတၭ, ဆၧမၩအၥၭလၧစဘံၫ့ ဟၫဒၭဝံထၪ့နၬထၪ့ၦစံရအၫဖိၪတၭ, လ့ၩထီၩ့လၧအၫ
27 ဖ့ၭဘဲၫၥိၭအမိဒုၭဆၧထၫ့ဒၩ အံၫစရ့လၭလီၫ.- တၭ ၦအံၫစရ့လၭဖိၪဘၪဆၧဝံထၪ့ဝ့ၫတၭ, အီၪဝ့ၫထီးအ လူၬတၭ, လ့ၩထၪ့ထၫ့ဒၩအဝ့ၫၥံၪတၭ, ၦအံၫစရ့လၭ ဖိၪၥုၪ့အတဲၩလၧအမ့ၬယၫ, ဘဲၫဘ့ၪဖိၪနံၫဒီၪ့ဆံၭခိၬ အၥိၭ,အ့ၪမွဲၦစံရအၫဖိၪ မၩဎွ့ၩခးဖၧၩ့နီၪလီၫ.
28 ယွၩအၡၩလဂၩဂဲၫဝ့ၫတၭ, ချဲၩ့ဆၧလၧအံၫစရ့လၭ အစဎွၩတၭ,စံၭဝ့ၫဒၪ, ယဟိဝၩစံၭဘဲၫယီၩ, မွဲၦစံရ အၫဖိၪစံၭယူၭဝ့ၫ လၧယဟိဝၩမွဲစီၩ့ခိၪလဖၪ အယွၩ လမွဲဘၪဆၧပျၩ့ဖၧၩ့ အယွၩအကၠီၩ့နီၪတၭ, ယမိဖ့ၪ လၫ့ၦခမျၧးဖၭဒိၪယီၩ လၧနစူၪဖၧၩ့လီၫ. တၭနၥံၪမိ ၥ့ၪယၫလၧယမွဲယဟိဝၩလီၫ.
29 အဝ့ၫၥံၪတဲၩ့ဝဲၩဆၧဆဲၫဎၩ့လိၬအၥၭ နွ့ၫနံၩတၭ နွ့ၫနံၩလနံၩနီၪ ၥုၭဘူၭစိၩအၥၭတၭ, ဒုၭလိၬအၥၭ လီၫ. တၭၦအံၫစရ့လၭဖိၪ မၩၥံၫၦစံရအၫဖိၪ အခၪ့
30 ၥုၭဖိၪလကုၬ လၧမုလနံၩနီၪ အထးဖၧၩ့လီၫ.- တၭၦ အီၪလၩ့ထးလဖၪနီၪ စဲၪ့ဖျိၭဖိးလၧအၫဖ့ၭ, လၧဒိၩ့ ဖၧၩ့တၭ,ခိၪဒၧၩ့လၩ့ဎီးဝ့ၫလၧ ၦနံၫလၬနွ့ၫထီၫ့လၧအ အီၪလၩ့ထးဝ့ၫနီၪအဖၫ့ခိၪလီၫ. တၭစဘံၫ့ဟၫဒၭစဲၪ့ ဖျိၭခွံၬတၭ,ဂဲၫနုၬလၧဒိၩ့ဖၧၩ့ လၧဒူၭလၧယၫလခီၫလ
31 ဒူၭအဖၧၩ့လီၫ.- တၭအခ့ၫအၡၩစံၭဝ့ၫ,ယိခွါ, ပနါဂၧၫ့ ယူၭလၧအံၫစရ့လၭအၡၩဂံၪ့ဖိၪအစဎွၩလဖၪ မွဲစဎွၩ လၧအယၫ့ၥၭဆၧလီၫ. ဒုၭအီၪက့ၪလါပၧၩ လၧရၧၬ အဆၧယၬလၧပယးဒံၩ့, ဒဲဖျံၩလၧပခိၪဎွံၪတၭ, ဒုၭလ့ၩ ထၪ့ပၧၩလၧအံၫစရ့လၭ အစဎွၩအအီၪဆံၭ. ဘၪလ
32 ဘၪမိဒုၭမၧၫ့ဒံၭနၥၭမၧၫ့လီၫ.- အဝ့ၫၥံၪခဲးထူၬအယး ဒံၩ့လၧရၧၬအဆၧယၬတၭ, အီၪက့ၪဖျံၩလၧအခိၪဎွံၪ တၭဂဲၫဝ့ၫလၧအံၫစရ့လၭ အစဎွၩအအီၪတၭ, စံၭဝ့ၫ ဒၪ,နခ့ၫနၡၩစဘံၫ့ဟၫဒၭစံၭဝ့ၫဒၪ, မွဲနဒုၭမၧၫ့လါဒံၭ ယၧၩဆံၭ. တၭအဝ့ၫဒၪစံၭ, မွဲအမၧၫ့ဒံၭဆ့ဧၪး မွဲဝ့ၫ
33 လၧယထၧၫ့ဖုဝဲလီၫ.- ၦခမျၧးလဖၪနီၪ ထီးန့ဆၧချဲၩ့ လထံၪချဲၫ့ချဲၫ့တၭ, စံၭဝ့ၫဒၪ, နထၧၫ့ဖုဝဲစဘံၫ့ဟၫဒၭ လီၫ.တၭအဆၧစံၭဝ့ၫဒၪ, လ့ၩဘီၪ, ဂဲၫထဲၩ့ဆိၬအဝ့ၫ ဆံၭ.တၭစဘံၫ့ဟၫဒၭ ဂဲၫထၪ့လၧအအီၪတၭ, အဝ့ၫ
34 ဒုၭဂဲၫထၪ့ဝ့ၫလၧလဲၪ့ၥုၭအဖၧၩ့လီၫ.- စဘံၫ့ဟၫဒၭ စံၭအဝ့ၫ,ဒိၩ့လဖၪလၧယဖါမၩန့လၧနဖါနီၪ ယမိဖ့ၪ လၫ့ထဲၩ့တၭ, နမိဘၪမၩဖၧၩ့ၥုၪ့ဖၧၩ့ၥၭ လၧဒမၭစကၧၭ အဖၧၩ့ဘဲၫယဖါမၩဝ့ၫ လၧစမ့ရအၫအဖၧၩ့ အၥိၭနီၪ လီၫ.အဝ့ၫဒၪစံၭ, ယမိဖျါခွံၬနၧၩလၧဆၧအုၩ့လၩ့ယီၩ လီၫ.ဆၧအုၩ့လၩ့လိၬအၥၭ လၧအဝ့ၫ,ဖျါခွံၬဝ့ၫလီၫ.
35 တၭၦလၧမီၪအဖိၪခွၫ အကျၩလဂၩစံၭ ၦလၧအနဲၩ့ ထံၭလဂၩလၧယဟိဝၩအလူနီၪ, ကျီၪ့လါယၧၩဆံၭ.
36 တၭၦလဂၩနီၪကျီၪ့ဝ့ၫအ့ၬ.- အဝ့ၫဒၪစံၭ,မွဲၦလခိၭနၪ ဘၪယဟိဝၩအလူတၭ, ယိခွါ, ထီးနစဲၪ့ထၪ့ခွံၬလၧယ အီၪတၭ, ဆၬလၥၧၫ့လဒုၩ မိမၩၥံၫနၧၩလီၫ. တၭထီး အစဲၪ့ထၪ့ခွံၬလၧအအီၪနီၪ, ဆၬလၥၧၫ့လဒုၩဒၪန့ဝ့ၫ
37 တၭ,မၩၥံၫဝ့ၫလီၫ.- ထီးနီၪလဖၧၫ့ ဆၧဒၪန့ဝ့ၫလၧၦလ ဂၩဒၪတၭ,စံၭဝ့ၫ, ကျီၪ့လါယၧၩဆံၭ. တၭၦလဂၩနီၪ
38 ကျီၪ့ဝ့ၫတၭ, ကျီၪ့ဝ့ၫနုၬလီၫ.- မီၪလဂၩနီၪစဲၪ့ထၪ့ခွံၬ တၭ,အီၪခိၭစဎွၩလၧဖၧၩ့ၥၭနဲၩ့တၭ, မၩလၩ့မဲၩအ
39 ၥၭတၭ,အီၪလၧဖံၫ့ချၪ လၧအမ့ၬလီၩ့လီၫ.- ထီးစဎွၩ လ့ၩဖီၩ့အဘိၩ့ဘၭတၭ, အဝ့ၫကိၭထၪ့စဎွၩတၭ, စံၭ ဝ့ၫဒၪ,နခ့ၫနၡၩလ့ၩ လၧဆၧဒုၭၥုၭအကျၩ, ယိခွါ,ၦ လဂၩကၠၪပဲၩအၥၭတၭ, ဂဲၫဆိၬၦလဂၩ လၧယအီၪ တၭ,စံၭဝ့ၫဒၪ, ခိၭထၬၦလဂၩယီၩဆံၭ. အ့ၪလအီၪ ဘၪတၡါတၭ, နၥၭမၧၫ့ဘၪအီၪလၧအၥၭမၧၫ့အဂး လီၫ.အ့ၪလမွဲဘၪဘဲၫနီၪတၭ နမိဘၪလိၭစ့ၩလကံကၫ
40 လီၫ.- နခ့ၫနၡၩမၩဆၧထီးအံၩထီးအိၩ အဘိၩ့ဘၭ တၭ,အဝ့ၫဒၪ လအီၪဘၪလီၫ. တၭအံၫစရ့လၭအ စဎွၩစံၭအဝ့ၫ, နဆၧစ့ၩရၫ့မိအီၪဘဲၫနီၪလီၫ. နစ့ၩရၫ့
41 လၩ့နၥၭနနၫ့ဆါဒၪနဝ့ၫလီၫ.- အဝ့ၫဒၪမၩချဲၫ့ချဲၫ့တၭ, ထူၭခွံၬဖံၫ့ချၪ လၧအမ့ၬလီၩ့တၭ, အံၫစရ့လၭအစဎွၩ
42 ယိနဲၪ့ဝ့ၫလၧအမွဲလၧမီၪလဖၪအကျၩလီၫ.- တၭအဝ့ၫ ဒၪစံၭဝ့ၫ, ယဟိဝၩစံၭဝ့ၫဘဲၫယီၩ, မွဲနဖျါခွံၬၦလဂၩ လၧယအီၪက့ၪလၩ့ လၧဆၧဂၭဂီၩ့ခွံၬ အဂးအကၠီၩ့ တၭ,နၥၭမၧၫ့ မိအီၪလၧအၥၭမၧၫ့အဂး ဒဲနၡၩခမျၧး လၧအဝ့ၫဒၪအၡၩခမျၧးအဂးနီၪလီၫ.
43 အံၫစရ့လၭ အစဎွၩ လ့ၩဝ့ၫလၧအဂံၪ့ လၧအၥၭ ဎၧၫ့,ဒဲအၥုၪ့ခိအၥၭဝီၩတၭ, ထီၩ့လၧစမ့ရအၫလီၫ.