21
1 တၭလၧဆၧနီၪလဖၪအလးခဲၫ့, ဆၧမၩအၥၭလၧၦ ယံၭစရ့လၭဖိၪစနၫဘီၭ အီၪလၧစဘံၭမုအလးလၧယံၭ စရ့လၭအဖၧၩ့အီၪဘူၭ လၧစမ့ရအၫအစဎွၩအၫဟၭ
2 အနီးနီၪလီၫ.- တၭစအၫဟၭချဲၩ့ဆၧလၧစနၫဘီၭစံၭ ဝ့ၫဒၪ,ဖ့ၪလၫ့ယၧၩလၧစဘံၭမုအလး ဘဲၫၥိၭအမိကဲၪ ထၪ့ဆၧဒိၭဆၧလၪအကျိၭ လၧယဂးဆံၭ. အဂဲးဘဲၫ ယီၩအီၪဘူၭလၧယဂံၪ့လီၫ. တၭယမိဖ့ၪလၫ့နၧၩလၧ စဘံၭမုအလးနးလးဂ့ၩနဲၪ့ အနီၪဒံၭလီၫ. အ့ၪဂ့ၩလၧ နမ့ၬယၫတၭ, ယမိဖ့ၪလၫ့နၧၩ လၧစ့ၩထီးအကြၨၭ
3 လီၫ.- တၭစနၫဘီၭစံၭစအၫဟၭ မွဲယဟိဝၩထီးဒုၭဖ့ၪ လၫ့ခွံၬယၧၩ လၧယဖါအဆၧဖ့ၪၥၫလၧနၧၩလဂ့ၩ.
4 တၭစအၫဟၭဂဲၫလၧအဂံၪ့ လၧအၥၭဎၧၫ့ဒဲအၥုၪ့ခိ အၥၭဝီၩလၧဆၧချဲၩ့လၧ ၦယံၭစရ့လၭဖိၪစနၫဘီၭချဲၩ့ ဆၧအကၠီၩ့လီၫ. အဂဲးဘဲၫယီၩစံၭဝ့ၫဒၪ, ယဖ့ၪလၫ့ နၧၩလၧယဖါအဆၧဖ့ၪၥၪနီၪအ့ၬ. မံၫနၩ့ဝ့ၫလၧအလး မံၫအဖၧၩ့တၭ, ကၠၪခွံၬအမ့ၬတၭအၪ့ဆၧနီၪအၥၭအီၪ
5 အ့ၬ.- အမၫနးယ့ၭဇဘ့လၭ ဂဲၫလၧအအီၪတၭ, စံၭ ဝ့ၫ,နၥၭလမုၬဘၪတၭ, နလအၪ့ဘၪဆၧနီၪမွဲဘၪလဲၪ.
6 အဝ့ၫဒၪစံၭ, မွဲယချဲၩ့ဆၧလၧၦယံၭစရ့လၭဖိၪစနၫဘီၭ တၭ,ယစံၭ,ဖ့ၪလၫ့ယၧၩ လၧနစဘံၭမုအလး,လၧစ့ၩ အဂးဆံၭ. အ့ၪလမွဲဘၪနီၪတၭ အ့ၪဘၪနၥၭ ယမိဖ့ၪ လၫ့နၧၩလၧစဘံၭမုအလး နးလးလၧအဂးလီၫ. တၭ အဝ့ၫနီၪစံၭဝ့ၫဒၪ, ယဖ့ၪလၫ့နၧၩလၧယစဘံၭမုအလး အ့ၬ.
7 တၭအမၫနးယ့ၭဇဘ့လၭစံၭဝ့ၫ, ဘိၩ့နဲၪ့ယီၩမွဲနပၧၩ့ အံၫစရ့လၭ အဘၩ့အမုးဆ့ဧၪ. ဂဲထုၪ့အၪ့ဆၧဒဲအီၪ က့ၪနၥၭမုၬမုၬဆံၭ. ယမိဖ့ၪလၫ့နၧၩလၧၦၡၩယံၭစရ့
8 လၭဖိၪစနၫဘီၭအစဘံၭမုအလးနီၪလီၫ.- ၦမုၪနီၪကွ့ၭ လံၬလၧစအၫဟၭအမံၩ့တၭ, စဲၩနဲၪ့ထၬဝ့ၫလၧဆၧ စဲၩနဲၪ့နီၪတၭ, ဖ့ၪယုလံၬ လၧၦၥုၪ့က့ၭၥၭၡါ ဒဲၦဒိၪ လဖၪလၧအအီၪဝ့ၫလၧဝၩ့ဖၧၩ့ လၧစနၫဘီၭအဒိၩ့လီၫ.
9 ၦမုၪနီၪကွ့ၭလၧလံၬဖၧၩ့တၭ, စံၭဝ့ၫဒၪ, ကိၭထၪ့ဆၧဒုၪ ဆၧအၪ့ဆၧအီၩတၭ, အီၪက့ၪထၪ့ထီၫစနၫဘီၭ လၧၦ
10 ခမျၧးအကျၩ,- တၭအီၪက့ၪၦဘၫအလၭဖိၪနံၫဂၩလၧ အမ့ၬယၫ ဘဲၫၥိၭအမိထိးအၥၭ ထၫ့ဒၩဝ့ၫတၭ,စံၭ, နဒုၪဒွ့ၪယွၩဒဲစဎွၩနီၪလီၫ. ၦလဖၪနီၪဆိၬထၪ့ခွံၬအ ဝ့ၫတၭ,ခွံၬဝ့ၫလၧလိးထီးအၥံၫလီၫ.
11 တၭဒိၩ့အၡၩၥံၪ, ၦၥုၪ့က့ၭၥၭၡါ, ဒဲၦဒိၪလဖၪလၧ ၦဒိၩ့ဖိၪလဖၪအကျၩနီၪ မၩဝ့ၫဘဲၫနးယ့ၭဇဘ့လၭအၪ့ မၧၫ့လၩ့ဆၧအၥိၭ, ဘဲၫအကွ့ၭဝ့ၫလၧလံၬဖၧၩ့လၧအ
12 ဖ့ၪယုဝ့ၫအၥိၭနီၪလီၫ.- တၭကိၭထၪ့ဆၧဒုၪဆၧအၪ့ ဆၧအီၩဒဲအီၪက့ၪထၪ့ထီၫ စနၫဘီၭလၧၦခမျၧးအကျၩ
13 လီၫ.- ၦဘၫအလၭဖိၪနံၫဂၩ ဂဲၫဆၧၫ့နၩ့လၧအမ့ၬယၫ တၭ,ၦဘၫအလၭဖိၪထိးအၥၭထၫ့ဒၩဝ့ၫ, ထၫ့ဒၩစနၫ ဘီၭဒၪလ့ၬလၧၦခမျၧးအမ့ၬယၫတၭ, စံၭဝ့ၫဒၪ,စနၫ ဘီၭဒုၪဒွ့ၪယွၩ, ဒဲစဎွၩလီၫ. ထီးနီၪလဖၧၫ့ၦဆိၬထၪ့ ခွံၬအဝ့ၫလၧဒိၩ့အချိၫ့လၧခီၫ့တၭ, ခွံၬဝ့ၫလၧလိးထီး
14 အၥံၫလီၫ.- အဝ့ၫၥံၪအၪ့မၧၫ့လၩ့ဆၧလၧနးယ့ၭဇဘ့ လၭအအီၪတၭ, စံၭဝ့ၫဒၪ, စနၫဘီၭဘၪဆၧခွံၬဝ့ၫလၧ
15 လိးတၭၥံၫဝ့ၫလီၫ.- ထီးနးယ့ၭဇဘ့လၭနါဂၧၫ့ဝ့ၫလၧ စနၫဘီၭဘၪဆၧခွံၬဝ့ၫလၧလိး, ၥံၫယူၭတၭ, ဆၧမၩအ ၥၭလၧနုးယံၭဇဘ့လၭစံၭစအၫဟၭ, ဂဲထုၪ့မၩန့ၦယံၭ စရ့လၭဖိၪစနၫဘီၭ အစဘံၭမုအလး လၧအလအုၩ့ လၩ့ဘၪလၧအမိဖ့ၪလၫ့နၧၩ လၧစ့ၩအဂးနီၪဆံၭ. အ
16 ဂဲးဘဲၫယီၩ စနၫဘီၭလမၧၫ့ဘၪ, ၥံၫဝ့ၫဒၪယူၭ.- ထီး စအၫဟၭနါဂၧၫ့ လၧစနၫဘီၭၥံၫယူၭတၭ, ဆၧမၩအ ၥၭလၧစအၫဟၭဂဲထုၪ့ဘဲၫၥိၭ အမိလ့ၩလၩ့လၧၦယံၭ စရ့လၭဖိၪစနၫဘီၭ အစဘံၭမုအလး, ဘဲၫၥိၭအမိမၩ န့ဝ့ၫလီၫ.
17 ယဟိဝၩအလူလၩ့ဘၪ ၦတံၡဘၭဖိၪစအံၫလဲယၫ
18 တၭ,စံၭဝ့ၫဒၪ,ဂဲထုၪ့,- လ့ၩလၩ့အၪ့ဂၬအံၫစရ့လၭ အစဎွၩအၫဟၭ လၧစမ့ရအၫအဖၧၩ့နီၪဆံၭ. ယိခွါ, အီၪဝ့ၫလၧစနၫဘီၭ အစဘံၭမုအလးဖၧၩ့, ထီးအလး
19 လၧအလ့ၩလၩ့မၩန့ဝ့ၫလီၫ.- နဘၪချဲၩ့ဆၧလၧအဝ့ၫ တၭ,စံၭ,ယဟိဝၩစံၭဘဲၫယီၩ, နမၩၥံၫဆၧတၭ, မၩ န့ဆၧဆ့ဧၪ. နဘၪချဲၩ့ဆၧလၧအဝ့ၫတၭ, စံၭ, ယဟိ ဝၩစံၭဘဲၫယီၩ, ထီးအလးလၧထွံၪလဖၪအၪ့လဲၪ့စနၫ ဘီၭအၥွံၪနီၪ, ထွံၪလဖၪမိအၪ့လဲၪ့န့နၥွံၪ, နဝ့ၫဒၪလ့ၬ ထီးနီၪဆ့လီၫ.
20 စအၫဟၭစံၭစအံၫလဲယၫ, မွဲနဒၪန့ယၧၩဧၪ.ယဒုၪ ယဒၩဧ့, တၭအဝ့ၫဒၪစံၭဆၧၫ့ဝ့ၫ, ယဒၪဘၪယူၭ,အဂဲး ဘဲၫယီၩနအၪ့ဆၫခွံၬနနၫ့ဆါ, ဘဲၫၥိၭနမိမၩဆၧအၧၩ့
21 လၧယဟိဝၩအမ့ၬယၫလီၫ.- ယိခွါ, ယမိဒုၭဂဲၫဘၪ နၧၩလၧဆၧအၧၩ့တၭ, ယမိမၩန့ထၪ့ခွံၬနဆၨၩနဆၬ တၭ,ယမိဒၪ့ထ့ၬခွံၬ ၦခွၫၥံၪဘၪဆဲၫ့ လၧစအၫဟၭ ဒဲၦလၧအဒူၭထၬဝ့ၫ, ဒဲၦလၧအအီၪလၩ့ထး လၧအံၫ
22 စရ့လၭအဖၧၩ့လီၫ.- တၭယမိအီၪက့ၪနဂံၪ့ ဘဲၫစနံဘၭ အဖိၪခွၫစယ့ၫရဘိအၫ့အဂံၪ့အၥိၭနီၪ, ဒဲဘဲၫစအဟဲ ယၫအဖိၪခွၫစဘၫအၡၫအဂံၪ့အၥိၭ, လၧဆၧၥၭထၪ့အ လးအကၠီၩ့လၧနထိၪဂဲၩ ယဟိဝၩအဆၧၥၭထၪ့တၭ, ဒုၭမၩအံၫစရ့လၭလၧဆၧဒဲၩဘၭနီၪလီၫ.
23 ယဟိဝၩချဲၩ့ဆၧလၧ နးယ့ၭဇဘ့လၭအဂဲးတၭ,စံၭ ဝ့ၫဒၪ,ထွံၪလဖၪမိအၪ့နးယ့ၭဇဘ့လၭ လၧယံၭစရ့လၭ
24 အခိၪဒၧၩ့အနဲၩ့နီၪလီၫ.- တၭၦဘၪဆဲၫ့လၧစအၫဟၭ လၧအၥံၫဝ့ၫလၧဒိၩ့ဖၧၩ့နီၪ ထွံၪလဖၪမိအၪ့ခွံၬဝ့ၫတၭ, ၦလၧအၥံၫဝ့ၫ လၧမံၩ့လၬကျၩနီၪ ထိၪၥံၪလံၪၥံၪလၧ မူၭဖိၭဖၫ့လဖၪမိအၪ့ခွံၬဝ့ၫလီၫ.
25 မွဲမၬၦၡၩဘဲၫစအၫဟၭအၥိၭ လၧအအၪ့ဆၫခွံၬအ နၫ့ဆါဘဲၫၥိၭအမိမၩဆၧအၧၩ့ လၧယဟိဝၩအမ့ၬ ယၫလၧအမၫနးယ့ၭဇဘ့လၭ ထိၪဂဲၩဝ့ၫနီၪအီၪအ့ၬ.
26 တၭအဝ့ၫမၩဆၧဘၪၥၭလိၪဖၭဒိၪ လၧအဖိၬဆၧဂၩ့ လဖၪအခဲၫ့, ဘဲၫကယဲဆၧအၧၩ့လၧၦအၫမိၫဖိၪမၩဝ့ၫ အၥိၭလၧယဟိဝၩနၫ့ထၪ့ခွံၬဝ့ၫ လၧၦအံၫစရ့လၭဖိၪ အမ့ၬယၫလီၫ.
27 ထီးစအၫဟၭနါဂၧၫ့ဆၧချဲၩ့နီၪတၭ, ဆၧမၩအၥၭ လၧအၡၫ့အကီၩ့အၥိၭတၭ, အီၪက့ၪရၧၬအဆၧယၬ လၧအလီၩ့တၭ, ဒုၪဆၧအၪ့ဆၧအီၩ, ဒဲမံၫနၩ့ဝ့ၫလၧ
28 ရၧၬအဆၧယၬအဖၧၩ့တၭ, လ့ၩဝ့ၫစီၩစီၩလီၫ.- ယဟိ ဝၩအလူလၩ့ဘၪ ၦတံၡဘၭဖိၪစအံၫလဲယၫတၭ,စံၭ ဝ့ၫဒၪ,နဒၪဘၪလၧစအၫဟၭ ဆၪ့လၩ့အၥၭလၧယမ့ၬ
29 ယၫဆ့ဧၪ.- မွဲအဆၪ့လၩ့အၥၭလၧယမ့ၬယၫအကၠီၩ့ တၭ,ယမိဒုၭဂဲၫဆၧအၧၩ့ လၧအဝ့ၫဒၪအမုနံၩလဖၪ အဖၧၩ့အ့ၬ. လၧအဖိၪခွၫအမုနံၩလဖၪနီၪယမိဒုၭဂဲၫ ဘၪဆၧအၧၩ့လၧအဂံၪ့လီၫ.