19
1 တၭစအၫဟၭလီၩဘၪ နးယ့ၭဇဘ့လၭလၧကယဲ ဆၧလၧစအံၫလဲယၫမၩဝ့ၫ, ဒဲကယဲဆၧလၧအဘၪဆဲၫ့
2 လၧအမၩၥံၫမီၪလဖၪလၧနၭလီၫ.- ထီးနီၪလဖၧၫ့နး ယ့ၭဇဘ့လၭ အၪ့မၧၫ့အၥီၫ့လဂၩ လၧစအံၫလဲယၫအ အီၪတၭ,စံၭဝ့ၫဒၪ, ထီးကဲဂီၩခိၬဆၧၫ့ထဲၩ့အလးဘဲၫ ယီၩ,ယအ့ၪလအီၪက့ၪဘၪနၥၭမၧၫ့ ဘဲၫၦလဂၩလၧ အဝ့ၫၥံၪအကျၩအၥိၭနီၪတၭ, မွဲယွၩလဖၪမၩယၧၩ
3 ဘဲၫနီၪၥိၭ, ဒဲနၭနဲၪ့အနီၪဆံၭ.- ထီးအဒၪဘၪဝ့ၫတၭ, ဂဲထုၪ့လ့ၩဆၧလၧအၥၭမၧၫ့အဂးတၭ, ထီၩ့လၧဘံအၧၫ ၡံၫဘၫလၧအဘၪဆဲၫ့လၧယုဒၫတၭ, အီၪက့ၪလၩ့ထး
4 အခ့ၫအၡၩထီးနီၪလီၫ.- တၭလ့ၩဝ့ၫအနၫ့ဆါဒၪဝ့ၫ,လ နံၩလ့ၩဆၧ,လၧၡါမုနၧၫ့ဖၫတၭ, ဂဲၫဆၧၫ့နၩ့လၧၥံၪ့ရီ ၥံၫ့အဖၫ့လၬတၭ, အၪ့ကံၩ့ဆၧလၧအၥၭ ဘဲၫၥိၭအမိၥံၫ လီၫ. တၭစံၭဝ့ၫဒၪ, အၪယူၭဘိၩ့နဲၪ့ယီၩ, ယဟိဝၩဧ့, မၩန့ထၪ့ယၥၭဆံၭ. အဂဲးဘဲၫယီၩ ယဂ့ၩနဲၪ့ယဖါ
5 လဖၪအ့ၬ.- မံၫနၩ့မံၫမၪ လၧၥံၪ့ရီၥံၫ့အဖၫ့လၬတၭ, ယိခွါ,အၥီၫ့လဂၩ, ထိၭအဝ့ၫတၭစံၭဝ့ၫဒၪ, ဂဲထုၪ့အၪ့
6 ဆၧဘီၪ.- အဝ့ၫဒၪယိဝ့ၫတၭ, ယိခွါ,ကိၪပၪပဲၪလဘံၪ့ ဘၪဆၧအၪ့ဎူဝ့ၫလၧလိးၥွံၫအဖၫ့ခိၪ, ဒဲထံၫတခီးအီၪ လၧအခိၪဎွံၪအနဲၩ့လီၫ. တၭအၪ့ဆၧဒဲအီၩဆၧမံၫနၩ့
7 ဒီၭလီၫ.- ယဟိဝၩအၥီၫ့ဂဲၫထဲၩ့နံၫဘျၩ့လဘျၩ့တၭ, ထိၭဝ့ၫတၭ,စံၭဝ့ၫဒၪ, ဂဲထုၪ့အၪ့ဆၧဘီၪး အဂဲးဘဲၫ
8 ယီၩဖၧၩ့ၥၭယဲၩ့ကဲၪကၩလၧနဂးလီၫ.- အဝ့ၫဂဲထုၪ့ အၪ့ဆၧဒဲအီၩဆၧတၭ, လ့ၩဝ့ၫလၧဆၧအၪ့နီၪအဂဲးအ ဘၭအနံၩလံဆံၫ အနၩလံဆံၫ ထီၩ့လၧကဆါအခိၪ လီၩ့ဟိရ့ၭနီၪလီၫ.
9 ဂဲၫဝ့ၫထီးနီၪလၧဆၧအိၩဖၧၩ့တၭ, အီၪဝ့ၫထီးနီၪ ၥၫ့နၩချီၩ့တၭ,ယိခွါ, ယဟိဝၩအလူလၩ့ဘၪဝ့ၫတၭ, စံၭအဝ့ၫ, စအံၫလဲယၫဧ့, နမၩဆၧနီၪလၫထီးယီၩလဲၪ.
10 တၭအဝ့ၫဒၪစံၭဝ့ၫ, ယၥၭဆီၪ့လၧယဟိဝၩဆၧၥုၭမု ခမျၧးအယွၩဆီၪ့ဆီၪ့လ့ၬလီၫ. အဂဲးဘဲၫယီၩ ၦအံၫ စရ့လၭဖိၪခွံၬၡိၭနဆၧအုၩ့လၩ့, မၩလၩ့ဎီးခွံၬနဆၧ လုအလးလဖၪ, ဒဲမၩၥံၫနမီၪလဖၪလၧနၭတၭ, အီၪလၩ့ ထးန့ၫယၧၩလဂၩလီၫ. တၭအဝ့ၫၥံၪ အၪ့ဎၬယၥၭ
11 မၧၫ့ဘဲၫၥိၭအမိမၩန့ထၪ့ခွံၬဝ့ၫလီၫ.- အဆၧစံၭဝ့ၫ, စဲၪ့ ထၪ့တၭ,ဆၧၫ့ထုၪ့လၧခိၪလီၩ့ လၧယဟိဝၩအမ့ၬယၫ ဆံၭ.တၭယိခွါ, ယဟိဝၩလ့ၩဖီၩ့ခွံၬတၭ, လံၩမုဆီၪ့ မၩထ့ဖၭခိၪလီၩ့လဖၪတၭ, မၩလၩ့ဘျ့ၭလိးလဖၪလၧ ယဟိဝၩအမ့ၬယၫလီၫ. ယဟိဝၩအီၪဝ့ၫလၧလံၩနီၪ အဖၧၩ့အ့ၬ. တၭလၧလံၩနီၪအလးခဲၫ့ဂၪ့ခိၪဝၭဝ့ၫလီၫ.
12 ယဟိဝၩအီၪဝ့ၫလၧဂၪ့ခိၪဝၭအဖၧၩ့နီၪဆ့အ့ၬ.- တၭ လၧဂၪ့ခိၪဝၭအလးခဲၫ့နီၪ မ့ၪခဲၩထၪ့လီၫ. တၭယဟိ ဝၩအီၪဝ့ၫလၧမ့ၪနီၪအဖၧၩ့ဆ့အ့ၬ. တၭလၧမ့ၪနီၪအ
13 လးခဲၫ့ဆၧအၥီၫဆံၭခိၬ ဒဲဖူၬလူၭအီၪထၪ့လီၫ.- ထီး စအံၫလဲယၫနါဂၧၫ့တၭ, ဆၧမၩအၥၭလၧအချႃၬဘံၭ အမ့ၬလၧအဖၬဘဲၩ့ဖၧၩ့တၭ, လ့ၩထၪ့ဆၧၫ့ထုၪ့လၧ ဆၧအိၩဖၧၩ့အခိၪထိၭလီၫ. တၭယိခွါ, ဆၧအလူလၩ့ ဘၪအဝ့ၫတၭ,စံၭဝ့ၫဒၪ, စအံၫလဲယၫဧ့, နမၩဆၧနီၪ
14 လၫထီးယီၩလဲၪ.- တၭအဝ့ၫဒၪစံၭ, ယၥၭဆီၪ့လၧယ ဟိဝၩဆၧၥုၭမုခမျၧးအယွၩအဂး ဆီၪ့ဆီၪ့လ့ၬလီၫ. အဂဲးဘဲၫယီၩ ၦအံၫစရ့လၭဖိၪခွံၬၡိၭနဆၧအုၩ့လၩ့, မၩလၩ့ဎီးခွံၬနဆၧလုအလးလဖၪ, ဒဲမၩၥံၫနမီၪလဖၪ လၧနၭတၭ, အီၪလၩ့ထးန့ၫယၧၩလဂၩလီၫ. အဝ့ၫၥံၪ နီၪအၪ့ဎၬယၥၭမၧၫ့ ဘဲၫၥိၭအမိမၩန့ထၪ့ခွံၬဝ့ၫလီၫ.
15 တၭယဟိဝၩစံၭဝ့ၫ, လ့ၩထၪ့ဘီၪ, ထဲၩ့ဖိၬနဖၧၩ့ၥၭ လၧဒမၭစကၧၭအၡါမုနၧၫ့ဖၫ, ထီးနအ့ၪလ့ၩထီၩ့တၭ, ဂုၪစဟၭဇအ့လၭ လၧစဎွၩ လၧစံရအၫအဖၫ့ခိၪနီၪ
16 ဆံၭ.- တၭစနံၫ့ၡဲၫအဖိၪခွၫ စယံဟုၫနီၪနမိဘၪဂုၪဝ့ၫ လၧစဎွၩလၧအံၫစရ့လၭအဖၫ့ခိၪတၭ, စၡၫဖၭအဖိၪ ခွၫစအံၫလဲၡၫဘၪဆဲၫ့လၧအၫဘလၭ မဟိလၫလဂၩ
17 နီၪနမိဘၪဂုၪဝ့ၫလၧမီၪလၧနလးလီၫ.- ဆၧမၩအၥၭ လၧၦလၧအဖီၩ့ဖျ့ၭစဟၭဇအ့လၭအနၭနီၪ စယံဟုၫ မိမၩၥံၫဝ့ၫတၭ, ၦလၧအဖီၩ့ဖျ့ၭစယံဟုၫအနၭနီၪစအံၫ
18 လဲၡၫမိမၩၥံၫဝ့ၫလီၫ.- မွဲလါနၫ့တၭ, ယအီၪက့ၪလၩ့ ထးယူၭၦၡၩနွ့ၫထီၫ့လၧအံၫစရ့လၭအကျၩ, ကယဲခၪ့ လုးခိၪထီးအလူၬ လၧအလချံၭလၩ့ဘၪအၥၭ လၧဘၫ အလၭအမ့ၬယၫ, ဒဲကယဲနိၭထီးအလူၬလၧအလအဲၪ ဂါဘၪအဝ့ၫဒၪလီၫ.
19 အဝ့ၫဒၪစဲၪ့ထၪ့ထီးနီၪတၭ, ဒၪန့စၡၫဖၭအဖိၪခွၫ စအံၫလဲၡၫလၧအထဲၫဆၧလၧချီဖၫ လဆံၫနံၫခိၪလၧ အမ့ၬယၫတၭး အဝ့ၫဒၪအီၪလၧအဆၧ လဆံၫနံၫခိၪ လခိၪအၥိၭတၭး စအံၫလဲယၫလ့ၩဖီၩ့ခွံၬဝ့ၫတၭ,ခွံၬ
20 စိၩအဖၬဘဲၩ့လၧအလီၩ့လီၫ.- အဝ့ၫဒၪစဲၪ့ဒၪချီလဖၪ တၭ,စဲၪ့ဖိၬစအံၫလဲယၫအခဲၫ့စံၭဝ့ၫဒၪ, ဒုၭအဲၪဂါလါ ယၧၩလၧယမိဒဲယဖါဆံၭ, တၭယမိဖိၬနခဲၫ့လီၫ.တၭ အဆၧစံၭဝ့ၫ, ထဲၩ့ကဒၩထဲၩ့ဆံၭ. အဂဲးဘဲၫယီၩယမၩ နၧၩလၧဆၧနီၪလမံၩ့လဲၪ.
21 အဝ့ၫနီၪထဲၩ့ကဒၩထဲၩ့ဝ့ၫတၭ, မၩန့ချီဖၫလခိၪတၭ, မၩၥံၫဝ့ၫနီၪ, အၪ့ဎွံဝ့ၫအယၪလၧချီဖၫအဎၧၩ့အဎီ,ဖ့ၪ လၫ့ၦခမျၧးတၭ, အဝ့ၫၥံၪအၪ့ဝ့ၫလီၫ. ထီးနီၪလဖၧၫ့ အဝ့ၫဂဲထုၪ့လ့ၩဖိၬ စအံၫလဲယၫအခဲၫ့, ဒဲမၩအခ့ၫအ ၡၩအဆၧမၩလီၫ.