18
1 တၭလၧအၪနံၩအၪၥၫ့နီၪ ဆၧမၩအၥၭလၧယဟိဝၩ အလူလၩ့ဘၪစအံၫလဲယၫ, လၧၥၧၫ့နံၪ့လနံၪ့အဖၧၩ့ နီၪ,စံၭဝ့ၫဒၪ, လ့ၩဒုၭနဲၪနၥၭ လၧစအၫဟၭအမ့ၬယၫ တၭ,ယမိဒုၭဆၧၩ့လၩ့ဆၧလၧ ဂၪ့ခိၪချိၫ့လီၫ.
2 စအံၫလဲယၫလ့ၩဝ့ၫဒၪ ဘဲၫၥိၭအမိဒုၭနဲၪအၥၭလၧ စအၫဟၭအမ့ၬယၫတၭ, ဆၧၥၭဝံလၩ့ဒိၩအီၪဝ့ၫလၧ
3 စမ့ရအၫအဖၧၩ့နၭမၬလီၫ.- တၭစအၫဟၭကိၭန့စအိၫ ဘဒဲအၫလၧအပၧၩ့အဂံၪ့လီၫ. (တၭစအိၫဘဒဲအၫၥၭ
4 မဲၪယဟိဝၩဒိၪမၬလီၫ.- တၭလၧနးယ့ၭဇဘ့လၭဒၪ့ ထ့ၬခွံၬယဟိဝၩအမီၪလဖၪနီၪ ဆၧမၩအၥၭလၧစအိၫ ဘဒဲအၫမၩန့မီၪလယၩတၭ, အီၪက့ၪၥူၪဝ့ၫလၧဆၧ ဖၧၩ့ယဲဆံၫလစီၪ့, ယဲဆံၫလစီၪ့တၭ လုအၪ့လုအီၩဝ့ၫ
5 လၧကိၪဒဲထံၫလီၫ.)- တၭစအၫဟၭစံၭစအိၫဘဒဲအၫ လ့ၩဆၧလၧခးဖၧၩ့ထၧၫ့ဘံၪ့ယၫ, ကယဲထံၫထၪ့ဖျိၭ လစီၪ့လါလါး ဒဲလၧထံၫချိၬလချိၬလါလါ, ဘၪလဘၪ ပမိဒၪန့နၪ့ၥံၪမံၩ့ၥံၪတၭ ဒုၭမၧၫ့ဒံၭကၥ့ၪ, ဒဲကၥ့ၪလၫ, ဘဲၫၥိၭပဆၧဖိၪဆၧဎါအဒိၩ့ ထီးလၩ့မါဘၪလူၬလ
6 ဂ့ၩ.- အဝ့ၫၥံၪအၪ့နၩ့ဖၭခးနံၫခီၫ ဘဲၫၥိၭအမိလ့ၩခၫ့ဂၬ ဝ့ၫတၭ, စအၫဟၭအနၫ့ဆါဒၪဝ့ၫလဂၩ လ့ၩလၧဖၧၩ့ ၥၭလဘီၩ့း ဒဲစအိၫဘဒဲအၫအနၫ့ဆါလဂၩ လ့ၩဝ့ၫ လၧဖၧၩ့ၥၭလဘီၩ့ဒၪလီၫ.
7 စအိၫဘဒဲအၫအီၪလၧဖၧၩ့ၥၭတၭ, ယိခွါ,စအံၫလဲ ယၫဘၪခီၩ့ဝ့ၫတၭ, မွဲအၥ့ၪယၫအဝ့ၫနီၪၡီၫ့လၩ့အၥၭ လၧအမ့ၬယၫတၭ, စံၭဝ့ၫဒၪ,နမွဲယကဆါစအံၫလဲယၫ
8 ဆ့ဧၪ.- တၭအဝ့ၫဒၪစံၭဆၧၫ့ဝ့ၫ,ယၧၩလီၫ. တၭလ့ၩ
9 လီၩဘၪနကဆါ,ယိခွါ, စအံၫလဲယၫနီၪဆံၭ.- တၭအ ဝ့ၫနီၪစံၭ, ဘဲၫၥိၭနမိဖ့ၪလၫ့ခွံၬနခ့ၫနၡၩ လၧစအၫဟၭ အစူၪဖၧၩ့, ဘဲၫၥိၭအမိမၩၥံၫယၧၩနီၪ, မွဲယမၩမၪဆၧ
10 နီၪလမံၩ့လဲၪ.- ယဟိဝၩနယွၩမၧၫ့ဝ့ၫနီၪ, ၦၡၩလဆၨၩ မွဲဂ့ၩ,ဘၩ့မုးမွဲဂ့ၩ, လၧယကဆါလအၪ့မၧၫ့ဘၪဆၧ လ့ၩအၪ့ဎၬနၧၩလၧအဖၧၩ့အီၪနးစီၪ့အ့ၬ. တၭထီးၦ ၡၩစံၭလအီၪဘၪတၭ, ဘၩ့မုးမွဲဂ့ၩ, ၦဆၨၩမွဲဂ့ၩ,ဒုၭ
11 ဆိၪလၩ့ဝ့ၫလၧအဒၪန့နၧၩထီးနီၪအ့ၬ.- တၭဘိၩ့နဲၪ့ ယီၩနစံၭ,လ့ၩလီၩဘၪနကဆါ, ယိခွါ,စအံၫလဲယၫနီၪ
12 ဆံၭ.- ထီးယစဲၪ့ထၪ့လၧနအီၪတၭ, ဆၧမိမၩအၥၭလၧ ယဟိဝၩအၥၭမုမိဆိၬခွံၬနၧၩ ထီးယလၥ့ၪယၫဘၪအ လးတၭး ထီးယလ့ၩလီၩဘၪစအၫဟၭတၭ, လဒၪန့ ဘၪနၧၩနီၪ, မိမၩၥံၫယၧၩလီၫ. တၭလၧယဖိၪၥၪခွၫ
13 ထၪ့လံၩလံၩနီၪ, နခ့ၫနၡၩၥၭမဲၪယဟိဝၩလီၫ.- လၧနး ယ့ၭဇဘ့လၭမၩၥံၫယဟိဝၩ အမီၪလဖၪနီၪ ဆၧလၧ ယမၩလၧယအီၪက့ၪၥူၪၦၡၩလယၩ လၧယဟိဝၩအ မီၪလဖၪအကျၩလၧဆၧအိၩဖၧၩ့ ယဲဆံၫလစီၪ့,ယဲဆံၫ လစီၪ့တၭ, ယလုအၪ့လုအီၩလၧကိၪ ဒဲထံၫနီၪ,မွဲဆၧ
14 လီၩဘၪယကဆါအ့ၬဧၪ.- တၭဘိၩ့နဲၪ့ယီၩနစံၭ,လ့ၩ လီၩဘၪနကဆါ,ယိခွါ, စအံၫလဲယၫနီၪဆံၭ. တၭအ
15 ဝ့ၫမိမၩၥံၫယၧၩလီၫ.- တၭစအံၫလဲယၫစံၭဝ့ၫဒၪ,ဆၧ ၥုၭမုခမျၧးအယဟိဝၩ လၧယဆၧၫ့ထုၪ့လၧအမ့ၬယၫ မၧၫ့ဝ့ၫနီၪယမိဒုၭနဲၪတၡါယၥၭ လၧအမ့ၬယၫလၧမု ဆၫလနံၩယီၩလီၫ.
16 စအိၫဘဒဲအၫလ့ၩထၪ့အၪ့ဂၬ စအၫဟၭတၭ,လီၩ ဘၪအဝ့ၫတၭ, စအၫဟၭလ့ၩထၪ့အၪ့ဂၬစအံၫလဲယၫ
17 လီၫ.- ထီးစအၫဟၭဒၪဘၪစအံၫလဲယၫတၭ, ဆၧမၩ အၥၭလၧစအၫဟၭ စံၭဝ့ၫ, နမွဲၦလၧအမၩထံၬထၬ
18 အံၫစရ့လၭဆ့ဧၪ.- တၭအဝ့ၫဒၪစံၭဆၧၫ့ဝ့ၫ, ယမၩ ထံၬထၬအံၫစရ့လၭအ့ၬ. အ့ၪမွဲနဝ့ၫဒၪဒဲနဖါအၡၩဂံၪ့ ဖိၪလဖၪမၩထံၬထၬဝ့ၫ လၧနၥံၪစဲၪ့ဒၪယဟိဝၩအဆၧ မၪလူၬလဖၪ, ဒဲဖိၬဘၫအလၭလဖၪ အခဲၫ့နီၪအကၠီၩ့
19 လီၫ.- ဘိၩ့နဲၪ့ယီၩအၪ့မၧၫ့လၩ့ဆၧ, ဒုၭအီၪကီၪ့အံၫစ ရ့လၭထီးအလူၬ, ဒဲဘၫအလၭအမီၪၥံၪလံယၩယဲဆံၫ, ဒဲအၡ့ရိၫအမီၪလံယၩ, လၧအအၪ့ဆၧလၧနးယ့ၭဇ ဘ့လၭအစပွဲထံၭလဖၪ လၧယအီၪလၧခိၪလီၩ့ ကၫမ
20 လၭအလီၩ့ဆံၭ.- စအၫဟၭအၪ့မၧၫ့လၩ့ဆၧလၧၦအံၫ စရ့လၭဖိၪထီးအလူၬတၭ, ဒုၭအီၪကီၪ့မီၪလဖၪလၧခိၪ လီၩ့ကၫမလၭအလီၩ့လီၫ.
21 စအံၫလဲယၫဂဲၫ လၧၦခမျၧးထီးအလူၬအအီၪတၭ, စံၭဝ့ၫဒၪ, မွဲနၥံၪအၥၭမိဂံၩ့ဂၩ့ လၧဆၧနံၫမံၩ့အဘိၩ့ ဆၧၩ့ဆံၭယံၬလဲၪ. ယဟိဝၩအ့ၪမွဲယွၩတၭ, လီၩ့အ ဝ့ၫဆံၭ. ဘၫအလၭအ့ၪမွဲယွၩတၭ, လီၩ့အဝ့ၫဒၪဆံၭ.
22 တၭၦခမျၧးစံၭဆၧၫ့ဆၧနးထံၪအ့ၬ.- တၭစအံၫလဲယၫ စံၭၦခမျၧး, ယဝ့ၫဒၪယဟိဝၩအမီၪယီၩ, ယအီၪလၩ့ ထးယၧၩလဂၩဎးလီၫ. အ့ၪမွဲဘၫအလၭအမီၪနီၪ,မွဲ
23 ၦၡၩလံယၩယဲဆံၫလီၫ.- မွဲအဝ့ၫၥံၪဖ့ၪလၫ့ပၧၩလၧချီ ဖၫနံၫဒုၩတၭ, ရွံန့ဝ့ၫချီနးဒုၩလၧအဝ့ၫၥံၪအဂးဒၪဝ့ၫ တၭ,ဒၪ့ထ့ၬလကုၬလကုၬတၭ, အီၪက့ၪလၩ့ဝ့ၫလၧၥံၪ့ မုအဖၫ့ခိၪဆံၭ. ထီးအီၪက့ၪမ့ၪလၧအဖၫ့လၬနီၪလဂ့ၩး တၭယဝ့ၫဒၪယမိတဲၩ့ဝဲၩချီဖၫလဒုၩဒၪ ဒဲအီၪက့ၪလၩ့ လၧၥံၪ့မုအဖၫ့ခိၪတၭ, ယအီၪက့ၪမ့ၪ လၧအဖၫ့လၬ
24 ဆ့အ့ၬ.- နၥံၪဝ့ၫနီၪကိၭထၪ့ နၥံၪအယွၩလဖၪအမံၩ့ တၭ,ယဝ့ၫဒၪယီၩ ယမိကိၭထၪ့လၧယဟိဝၩအမံၩ့ တၭ,ယွၩလၧအစံၭဆၧၫ့ဆၧလၧမ့ၪလဂၩ, မွဲအအီၪ ဒၪဝ့ၫယွၩနီၪဆံၭ. တၭၦခမျၧးထီးအလူၬ စံၭဆၧၫ့ ဆၧတၭ,စံၭဝ့ၫဒၪ, နချဲၩ့ဆၧနီၪဂ့ၩယူၭ.
25 စအံၫလဲယၫစံၭ ဘၫအလၭအမီၪလဖၪ အၪ့ဎၬရွံ န့ချီဖၫနးဒုၩ လၧနၥံၪအဂးဒၪနၥံၪဝ့ၫတၭ, တဲၩ့ဝဲၩဆိၫဝ့ၫ ဆံၭ.အဂဲးဘဲၫယီၩ နၥံၪမွဲၦအၪဂၩလီၫ. တၭကိၭထၪ့ နၥံၪအယွၩလဖၪအမံၩ့ဆံၭ. ထီးအီၪက့ၪလၩ့မ့ၪလ
26 ဂ့ၩ.- အဝ့ၫၥံၪမၩန့ချီဖၫလဒုၩလၧဆၧဖ့ၪလၫ့ဝ့ၫတၭ, တဲၩ့ဝဲၩဝ့ၫတၭ, ကိၭထၪ့ဘၫအလၭအမံၩ့လၧဂီၩထီး လၧမုထုၪ့တၭ,စံၭဝ့ၫ, ဘၫအလၭဧ့, ခိၭနၪပလူဆံၭ. တၭဆၧအလူအီၪအ့ၬ. တၭဆၧစံၭဆၧၫ့ဝ့ၫနးမံၩ့အ့ၬ. တၭအဝ့ၫၥံၪဂဲထုၪ့လံဝၬဖီၩ့ လၧဆၧလုအလးလၧအ
27 မၩယူၭဝ့ၫလီၫ.- တၭလၧမုထုၪ့နီၪ ဆၧမၩအၥၭလၧ စအံၫလဲယၫဒုၪဒွ့ၪအဝ့ၫၥံၪတၭ, စံၭဝ့ၫဒၪ,ကိၭၡၭထၪ့ ဘီၪ,အဂဲးဘဲၫယီၩမွဲယွၩတၭ, မွဲအဆီၫ့မီၪ့ဆၧဧၪ, အ့ၪလမွဲဘၪဘဲၫနီၪတၭ, မွဲအလီၩ့ဆီးဆၧဧၪး အ့ၪလ မွဲဘၪဘဲၫနီၪတၭ, မွဲအလ့ၩဆၧဧၪး ဘၪလဘၪမံၫမၪ
28 ဝ့ၫတၭ, ဆၧမိဘၪထိၪဂဲထုၪ့ဝ့ၫလီၫ.- ၦၡၩကိၭၡၭထၪ့ ဝ့ၫတၭ,ဂ့ၬလၩ့အၥၭလၧဎ့ၬ ဒဲဒီၩၥံၪဘဲၫအထူၫအရူၫ
29 အၥိၭနီၪထီးအၥွံၪဂဲၫထၪ့လၧအလီၩ့လီၫ.- ထီးမုထုၪ့ ဖီၩ့ခွံၬတၭ, ဆၧမၩအၥၭလၧအဝ့ၫၥံၪနီၪ ချဲၩ့ဆၧလၧ မီၪအချိၬထီးလၧလုထၪ့ဆၧအထီတၭ, ဆၧအလူလ အီၪဘၪတၭ, ဆၧစံၭဆၧၫ့ဆၧနးမံၩ့အ့ၬ, ဒဲယူၭယၪ့ဆၧ နီၪအီၪဝ့ၫနးဂၩဆ့အ့ၬ.
30 စအံၫလဲယၫစံၭၦခမျၧးထီးအလူၬ, ဂဲၫဘူၭလၧ ယၧၩဆံၭ. တၭၦခမျၧးထီးအလူၬဂဲၫဘူၭလၧအဝ့ၫလီၫ. တၭအဝ့ၫမၩထၪ့ထဲၩ့ ယဟိဝၩအဆၧလုလး လၧအ
31 လၩ့ဎီးနီၪလီၫ.- တၭစအံၫလဲယၫမၩန့လိးလဆံၫနံၫ ဖျိၪ့ဘဲၫဆၧအဒီၪ့လဖၪ ဘၪဆဲၫ့လၧစယၫကူၭအဖိၪခွၫ အဆၧဝံထၪ့နၬထၪ့အၥိၭနီၪ, ၦလၧယဟိဝၩအလူဘၪ
32 ဝ့ၫတၭ,စံၭဝ့ၫဒၪ, အံၫစရ့လၭမွဲနမံၩ့လီၫ.- တၭအဝ့ၫ မၩထၪ့ဆၧလုအလး လၧလိးလဖၪလၧယဟိဝၩအမံၩ့ တၭ,မၩဆၧကၠီၪ့ဝၬဖီၩ့ဆၧလုအလး လၧအမိထီဆၧ
33 ချံၫနံၫနၬလီၫ.- တဲၩ့ဝဲၩၥံၪ့မုတၭ, ဒၪ့ထ့ၬချီဖၫလကုၬလ ကုၬတၭ, အီၪက့ၪဝ့ၫလၧၥံၪ့မုအဖၫ့ခိၪတၭစံၭဝ့ၫ, မၩ ဎွ့ၩထံၫဆဲၩလံဖျိၪ့လၧထံၫတၭ, လူၫလၩ့လၧဆၧလုမ့ၪ
34 အဖၫ့ခိၪဒဲလၧၥံၪ့မုအဖၫ့ခိၪနီၪဆံၭ.- တၭစံၭဝ့ၫဒၪ,မၩ နံၫဘျၩ့လဘျၩ့ဆံၭ. အဝ့ၫၥံၪမၩဝ့ၫနံၫဘျၩ့လဘျၩ့လီၫ. တၭစံၭဝ့ၫဒၪ, မၩၥၧၫ့ဘျၩ့လဘျၩ့ဆံၭ. တၭအဝ့ၫၥံၪ
35 မၩဝ့ၫၥၧၫ့ဘျၩ့လဘျၩ့လီၫ.- ထံၫလၩ့ယွၩဝၬဖီၩ့ဆၧလု လးတၭအဝ့ၫဒၪမၩဎွ့ၩဆၧအကၠီၪ့နီၪ လၧထံၫဆ့လီၫ.
36 ဆၧမၩအၥၭလၧလုထၪ့ဆၧအထီနီၪ, မီၪစအံၫလဲ ယၫဂဲၫဘူၭတၭ, စံၭဝ့ၫဒၪ, ယဟိဝၩ, စအၫဘြဟၫ့, စအံစၭ,ဒဲအံၫစရ့လၭအယွၩဧ့, လၧမုဆၫလနံၩယီၩ, နဲၪဖျီၪထၪ့လၧနမွဲယွၩလၧအံၫစရ့လၭအကျၩ, ဒဲလၧ ယမွဲနခ့ၫနၡၩ ဒဲလၧယမၩဆၧလဖၪယီၩ ထီးအလူၬ
37 လၧနလူနီၪဆံၭ.- ခိၭနၪယလူယဟိဝၩဧ့, ဘဲၫၥိၭၦခ မျၧးယီၩမိၥ့ၪယၫလၧနမွဲယဟိဝၩယွၩ, ဒဲလၧနဘိၭကၠၪ
38 ကဒၩထဲၩ့အဝ့ၫၥံၪအၥၭနီၪဆံၭ.- တၭယဟိဝၩအမ့ၪ လၩ့ထ့ၬဝ့ၫတၭ အၪ့ခွံၬဆၧလုမ့ၪ, ဒဲၥံၪ့မု,ဒဲလိးလဖၪ, ဒဲဂၪ့ခိၪအမုၬတၭ, အၪ့လဲၪ့ထၪ့ခွံၬထံၫလၧအအီၪဝ့ၫ လၧဆၧအကၠီၪ့ဖၧၩ့နီၪလီၫ.
39 ထီးၦခမျၧးထီးအလူၬဒၪဘၪဝ့ၫတၭ, ၡီၫ့လၩ့အၥၭ ချႃၬလၩ့အမ့ၬတၭ,စံၭဝ့ၫဒၪ, ယဟိဝၩ,အဝ့ၫဒၪမွဲယွၩ
40 တၭ,ယဟိဝၩ,အဝ့ၫဒၪမွဲယွၩလီၫ.- တၭစအံၫလဲယၫ စံၭအဝ့ၫၥံၪ,ဖီၪ့ထၬဘၫအလၭ အမီၪလဖၪနီၪဆံၭ.ဒုၭ ဖီၩ့ဖျ့ၭဝ့ၫနးဂၩလဂ့ၩ. တၭအဝ့ၫၥံၪ ဖီၪ့ထၬဝ့ၫတၭ စအံၫလဲယၫၥိၫ့လၩ့ဝ့ၫ လၧထံၫချိၬကံၡၧၫ့တၭမၩၥံၫ အဝ့ၫၥံၪထီးနီၪလီၫ.
41 တၭစအံၫလဲယၫစံၭစအၫဟၭ, လ့ၩထၪ့အၪ့ဆၧအီၩ ဆၧဆံၭ. အဂဲးဘဲၫယီၩ ဆၧဂဲၫဆၧၩ့အၪအၪလ့ၬအ
42 ၥီၫအီၪထၪ့ဝ့ၫလီၫ.- တၭစအၫဟၭလ့ၩထၪ့ဝ့ၫဘဲၫၥိၭ အမိအၪ့ဆၧဒဲအီၩဆၧလီၫ. တၭစအံၫလဲယၫလ့ၩထၪ့ လၧကၫမလၭအခိၪလီၩ့အဒၩ့ခိၪတၭ, ၡီၫ့လၩ့အၥၭ လၧဂၪ့ခိၪတၭ အီၪက့ၪအမ့ၬ လၧအခၪ့လုးခိၪအဆူၭ
43 ဖၧၩ့လီၫ.- တၭစံၭအခ့ၫအၡၩလ့ၩထၪ့ဘီၪ, ယိစိၩလၧ မၫဆမံၭနီၪဆံၭ. တၭအဝ့ၫလ့ၩထၪ့ ယိဝ့ၫတၭ,စံၭ ဝ့ၫဒၪ,ဆၧအီၪနးမံၩ့အ့ၬ. တၭအဝ့ၫဒၪစံၭဝ့ၫ, လ့ၩဒီၭ
44 နွ့ၫဘျၩ့ဆံၭ.- တၭလၧအလ့ၩထၪ့နွ့ၫဘျၩ့လဘျၩ့နီၪ ဆၧမၩအၥၭလၧအစံၭဝ့ၫဒၪ, ယိခွါ, ဆၧအုၪ့ဖိၪထၪ့ လၧမၫဆမံၭဖၧၩ့ ဘဲၫၦၡၩအစူၪယၫၥၭအၥိၭနီၪလီၫ. တၭအဝ့ၫဒၪစံၭ, လ့ၩထၪ့လီၩဘၪစအၫဟၭ, ဘဲၫၥိၭ ဆၧဂဲၫဆၧၩ့ထီးပဒၩ့နၧၩလဂ့ၩ, တဲၩ့ဝဲၩဆၧတၭ,လ့ၩ
45 လၩ့ဆံၭ.- တၭလၧအဆၧၫ့အထီ ဎွ့ၩအံၩဎွ့ၩအိၩဆၧ မၩအၥၭလၧမူၭခိၪထၪ့ၥၧၫ့ လၧဆၧအုၪ့ၥၧၫ့, ဒဲလံၩ တၭ,ဆၧဂဲၫဆၧၩ့ဖၭဒိၪလီၫ. တၭစအၫဟၭထူၬဆၧ
46 တၭ,လ့ၩဝ့ၫလၧယံၭစရ့လၭလီၫ.- ယဟိဝၩအစူၪအီၪ ဝ့ၫလၧစအံၫလဲယၫအလီၩ့တၭ, အဝ့ၫဒၪခဲးထူၬထၪ့အ ယးဒံၩ့တၭ, စဲၪ့ဝ့ၫလၧစအၫဟၭ အမ့ၬယၫထီၩ့လၧ ဆၧလ့ၩနုၬလၧယံၭစရ့လၭလီၫ.