17
1 တၭၦတံၡဘၭဖိၪစအံၫလဲယၫ လၧအအီၪဝ့ၫလၧ ၦဂံလအၭဖိၪအကျၩနီၪစံၭစအၫဟၭ, ယဟိဝၩအံၫစ ရ့လၭအယွၩမၧၫ့ဝ့ၫ, လၧယဆၧၫ့ထုၪ့လၧအမ့ၬယၫ နီၪ,ဆၧလၧနံၪ့လဖၪယီၩ ဆၩ့ထံၫမွဲဂ့ၩ, ဆၧဆၧၩ့မွဲ ဂ့ၩ,အ့ၪလမွဲဘၪလၧယလူအကၠီၩ့တၭ မိအီၪဘၪအ့ၬ. ယဟိဝၩအလူလၩ့ဘၪဝ့ၫ,
2-3 စံၭဝ့ၫဒၪ,စဲၪ့ထၪ့ထီး ယီၩတၭ, ကၠၪနၥၭလၧမုထၪ့လခီၫတၭ, အီၪက့ၪၥူၪန ၥၭလၧထံၫချိၬခ့ၫရံၭအနဲၩ့ အီၪလၧယီၫဒၫ့ အမ့ၬယၫ
4 ဆံၭ.- ဆၧမိမၩအၥၭလၧနမိဘၪအီၩ ဆၧလၧထံၫချိၬ နီၪတၭ,ယမၪလူၬယူၭ ကျၭၥံၪဘဲၫၥိၭအမိဘုၪအၪ့နၧၩ
5 ထီးနီၪလီၫ.- အဝ့ၫဒၪလ့ၩဝ့ၫဒဲမၩဝ့ၫဘဲၫယဟိဝၩအ လူအၥိၭနီၪတၭ, လ့ၩအီၪလၧထံၫခ့ၫရံၭအနဲၩ့လၧအ
6 အီၪလၧယီၫဒၫ့အမ့ၬယၫလီၫ.- တၭကျၭၥံၪဂဲၫဆိၬန့ ဝ့ၫလၧကိၪဒဲဆၧယၪလၧဂီၩလခီၫ, ဒဲကိၪဒဲဆၧယၪလၧ မုဂၪလၩ့လခီၫဆ့တၭ, အီၩထံၫလၧထံၫချိၬနီၪလီၫ.
7 တၭလၧမုနံၩလဖၪနီၪအလးခဲၫ့, ဆၧမၩအၥၭလၧထံၫ လၩ့ၥံၭခွံၬလၧထံၫချိၬဖၧၩ့လီၫ. အဂဲးဘဲၫယီၩဆၧဂဲၫ ဆၧၩ့လၧခးဖၧၩ့အ့ၬ.
8-9 ဂဲထုၪ့ လ့ၩလၧဇၫရဖၭ လၧအဘၪဆဲၫ့လၧဇဲဒၧၫ့တၭ, အီၪ ထီးနီၪဆံၭ,ယိခွါ, ယမၪလူၬၦမုၪမဲၫလဂၩ ထီးနီၪဘဲၫ
10 ၥိၭအမိလုအၪ့နၧၩလီၫ.- ဂဲထုၪ့တၭလ့ၩဝ့ၫ လၧဇၫရ ဖၭ,လ့ၩထီၩ့လၧဒိၩ့အတရၫ့နီၪ, ယိခွါ, ၦမုၪမဲၫလဂၩ အီၪထီးနီၪအၪ့ထုၫ့ထၪ့ၥံၪ့မုအထဲၩ့တၭ, ကိၭန့အဝ့ၫ, စံၭ,ဂဲၫဆိၬန့လါယၧၩ လၧထံၫလၧလိၫ့ဖၧၩ့ လဆံၭဘဲၫ
11 ၥိၭယမိအီၩဘီၪ.- လၧၦမုၪနီၪလ့ၩဘဲၫၥိၭအမိဂဲၫထဲၩ့ ဆိၬဝ့ၫတၭ, အဝ့ၫဒၪကိၭထၪ့ဝ့ၫ,စံၭ, ဂဲၫဆိၬန့လါယၧၩ
12 လၧကိၪနးဆံၭလၧနစူၪဖၧၩ့ဘီၪ.- ၦမုၪနီၪစံၭဝ့ၫ,ယဟိ ဝၩနယွၩမၧၫ့ဝ့ၫနီၪ, ယကိၪပၪပဲၪအီၪအ့ၬ. အီၪန့ၫကိၪ မုၬလစူၪလၧမီၫ့အဖၧၩ့, ဒဲၥိၪလဆံၭ လၧပလၫ့ဖၧၩ့ တၭ,ယိခွါ, ယအၪ့ထုၫ့ထၪ့ၥံၪ့မုထဲၩ့နံၫထဲၩ့, ဘဲၫၥိၭ ယမိလ့ၩနုၬဒဲတဲၩ့ဝဲၩလၧယဂး, ဒဲလၧယဖိၪခွၫအဂး,
13 ဘဲၫၥိၭပမိအၪ့ဆၧတၭၥံၫဝ့ၫလီၫ.- စအံၫလဲယၫစံၭဝ့ၫ, အၪ့ယိၪလဂ့ၩ, မၩဘဲၫနစံၭဆၧအၥိၭနီၪဆံၭ. မွဲလါ နၫ့တၭ, မၩဆိၫဒၪခလူၬကိၪပၪပဲၪဖိၪလဘံၪ့ လၧယဂး တၭ,ဂဲၫဆိၬလၧယအီၪတၭ, မၩထဲၩ့လၧနဂးဒဲလၧန
14 ဖိၪခွၫအဂးလၧခဲၫ့ဆံၭ.- အဂဲးဘဲၫယီၩ ယဟိဝၩအံၫ စရ့လၭအယွၩစံၭဘဲၫယီၩ, မီၫ့အကိၪမုၬလမိလူၬဘၪ, ဒဲပလၫ့အၥိၪလမိလၩ့ၡၩဘၪ ထီၩ့လၩ့မုနံၩလၧယဟိ ဝၩအၪ့မၧၫ့ဆၧဂဲၫဆၧၩ့လၩ့ လၧဂၪ့ခိၪချိၫ့လီၫ.
15 ၦမုၪလ့ၩဝ့ၫတၭ, မၩဆၧဘဲၫစအံၫလဲယၫအလူအ ၥိၭနီၪတၭ,အဝ့ၫဒၪ, ဒဲၦမုၪ,ဒဲအၡၩဂံၪ့ဖိၪအၪ့ဆၧအမု
16 နံၩလဖၪလီၫ.- မီၫ့အကိၪမုၬလလူၬဘၪ, ပလၫ့အၥိၪ လလၩ့ၡၩဘၪ, ဘဲၫယဟိဝၩအလူ လၧအချဲၩ့ဝ့ၫလၧ စအံၫလဲယၫအစူၪဖၧၩ့အၥိၭနီၪလီၫ.
17 လၧဆၧနီၪလဖၪအလးခဲၫ့ ဆၧမၩအၥၭ လၧဂံၪ့အ ကဆါမုၪနီၪအဖိၪခွၫဆၫထၪ့ဝ့ၫတၭ, ဆၫဝ့ၫနၭနၭလ့ၬ
18 ထီးအၥၭအီၪလၧၩ့လၧအဖၧၩ့အ့ၬ.- တၭၦမုၪနီၪစံၭ စအံၫလဲယၫ, ဆၧဘၪဆဲၫ့လၧနၧၩဒဲယၧၩမွဲဆၧနီၪလ မံၩ့လဲၪ,ယွၩအၡၩဧ့, နဂဲၫဒုၭနၪ့ထၪ့ထဲၩ့ ယဆၧဒဲၩ
19 ဘၭ,ဒဲမၩၥံၫယဖိၪခွၫဆ့ဧၪ.- အဝ့ၫဒၪစံၭ,နဖိၪခွၫနီၪ, ဖ့ၪလၫ့ယၧၩဘီၪ. အဝ့ၫဒၪမၩန့ထၪ့လၧအၥၭနၫၡါအ ဖၧၩ့တၭ, ဆိၬထၪ့ဝ့ၫလၧဒူၭလၧထၭလဆၫ့ထီးအအီၪ အလးတၭအီၪက့ၪလၩ့ဝ့ၫလၧ အလးမံၫဒၪဝ့ၫနီၪလီၫ.
20 အဝ့ၫဒၪကိၭထၪ့ယဟိဝၩတၭ, စံၭဝ့ၫဒၪ,ယဟိဝၩယ ယွၩဧ့,နဒုၭဂဲၫဆ့ဆၧအၧၩ့ လၧၦမုၪမဲၫအလီၩ့လၧယ
21 အီၪယါလၧအၥိၭ, ဒဲမၩၥံၫအဖိၪခွၫဆ့ဧၪ.- တၭစီၪ့ထၪ့ အၥၭလၧဖိၪၥၪအဖၫ့ခိၪၥၧၫ့ဖၧၫ့တၭ, ကိၭထၪ့ယဟိ ဝၩတၭ,စံၭဝ့ၫဒၪ, ယဟိဝၩယယွၩဧ့, မွဲဖိၪၥၪအၥၭဂဲၫ
22 ထဲၩ့လါလၧအဖၧၩ့ဆံၭ.- ယဟိဝၩခိၭနၪစအံၫလဲယၫ အလူတၭ, ဖိၪၥၪအၥၭဂဲၫထဲၩ့ထဲၩ့ လၧအဖၧၩ့တၭ,
23 မၧၫ့ထၪ့ထဲၩ့ဝ့ၫလီၫ.- စအံၫလဲယၫမၩန့ဖိၪၥၪဆိၬလၩ့ ခွံၬဝ့ၫလၧဒူၭဖၧၩ့လၧထၭနီၪ, နုၬလၧဂံၪ့ဖၧၩ့ဖ့ၪလၫ့ဝ့ၫ လၧအမိတၭ, စအံၫလဲယၫစံၭဝ့ၫဒၪ, ယိခွါ,နဖိၪခွၫမၧၫ့
24 ဝ့ၫလီၫ.- တၭၦမုၪစံၭစအံၫလဲယၫ, ဘိၩ့နဲၪ့ယီၩ လၧ ဆၧယီၩအကၠီၩ့ယၥ့ၪယၫလၧနမွဲယွၩအၡၩ, ဒဲယဟိ ဝၩအလူလၧနနိၭမွဲ ဆၧအမွဲအတီၩလီၫ.