16
1 တၭယဟိဝၩအလူလၩ့ဘၪ စဟၫနနဲၫအဖိၪခွၫစ
2 ယံဟုၫထၫ့ဒၩစဘၫအၡၫစံၭဝ့ၫဒၪ,- မွဲယထုၭထၪ့ခွံၬ နၧၩလၧဂၪ့ခိၪမုၬအကျၩနီၪ အီၪက့ၪထၪ့ထီၫနၧၩ, ဒဲအီၪ က့ၪနၧၩလၧဆၧအခိၪလၧ ယၡၩခမျၧးအံၫစရ့လၭအ ဖၫ့ခိၪတၭ, နလ့ၩဆၧလၧစယ့ၫရဘိအၫ့အဖၧၩ့ၥၭဖၧၩ့, ဒဲဒုၭမၩယၡၩခမျၧး အံၫစရ့လၭလၧဆၧဒဲၩဘၭ ဘဲၫ ၥိၭနမိဒုၭထၪ့ယၥၭ လၧအဆၧဒဲၩဘၭ အကၠီၩ့တၭ,
3 ယိခွါ,ယမိမၩန့ခွံၬ စဘၫအၡၫအဖိၪအလံၩ, ဒဲအၡၩ ဂံၪ့ဖိၪအဖိၪအလံၩတၭး ယမိအီၪက့ၪနဂံၪ့ဘဲၫစနံဘၭ
4 အဖိၪခွၫစယ့ၫရဘိအၫ့အဂံၪ့အၥိၭနီၪလီၫ.- တၭၦဘၪ ဆဲၫ့လၧစဘၫအၡၫလၧအၥံၫဝ့ၫလၧ ဒိၩ့ဖၧၩ့နီၪထွံၪမိ အၪ့ခွံၬဝ့ၫတၭ, ၦဘၪဆဲၫ့လၧအဝ့ၫ, လၧအၥံၫဝ့ၫလၧ မံၩ့လၬကျၩနီၪ ထိၪၥံၪလံၪၥံၪလၧဆၧဖိၭဖၫ့ မိအၪ့ခွံၬ ဝ့ၫလီၫ.
5 တၭဆၧအီၪလၩ့ထးဘၪဆဲၫ့လၧစဘၫအၡၫ, ဒဲဆၧ လၧအမၩဝ့ၫ, ဒဲအစီၩ့အမၩ့နီၪ ကွ့ၭအၥၭလၧအံၫစရ့ လၭအစဎွၩအလံၬ ကွ့ၭနဲၪ့ဆၧအဖၧၩ့, မွဲအ့ၬဧၪ.
6 စဘၫအၡၫမံၫဝ့ၫလၧအဖါၥံၪ အၥိၭတၭ, ၦခုၪ့လၩ့ ဘၧၩ့ခွံၬဝ့ၫလၧတၧဇၫအဖၧၩ့တၭ, အဖိၪခွၫစအံလၫ ကဲၪထၪ့စဎွၩလၧအလးလီၫ.
7 လၧစဟၫနနဲၫအဖိၪခွၫ, မီၪစယံဟုၫအစူၪဖၧၩ့နီၪ, ယဟိဝၩအလူအီၪထၪ့ထၫ့ဒၩ စဘၫအၡၫ,ဒဲထၫ့ဒၩ အၡၩဂံၪ့ဖိၪလၧကယဲဆၧအၧၩ့ လၧအမၩဝ့ၫလၧယဟိ ဝၩအမ့ၬယၫ လၧအထိၪဂဲၩ အဆၧၥၭထၪ့လၧအမၩ ဆၧလၧအစူၪ, လၧအလၩ့ဂၬစယ့ၫရဘိအၫ့အၡၩဂံၪ့ ဖိၪအၥိၭနီၪအကၠီၩ့ ဒဲလၧအမၩၥံၫဝ့ၫအကၠီၩ့ဆ့လီၫ.
8 တၭလၧယုဒၫအစဎွၩအၫစၫ အနံၪ့နံၫဆံၫဎူၫနံၪ့လ နံၪ့နီၪ, စဘၫအၡၫအဖိၪခွၫစအံလၫကဲၪၥၫ့စဎွၩလၧ
9 အံၫစရ့လၭအဖၫ့ခိၪ လၧတၧဇၫအဖၧၩ့နံၫနံၪ့လီၫ.- တၭ အခ့ၫအၡၩအလဲၪ့ကၥ့ၪဖိၭဖၫ့အခိၪ စဇံမရဲၫကိၪ့လိၬ ဆၧထၫ့ဒၩအဝ့ၫ ဘိၩ့အအီၪလၧတၧဇၫအဖၧၩ့, အီၩ မၧၩ့အၥၭလၧအၡၩယိအဂံၪ့ လၧတၧဇၫအဖၧၩ့စအါ
10 ဇၫအဂံၪ့ဖၧၩ့နီၪလီၫ.- စဇံမရဲၫလ့ၩနုၬဝ့ၫတၭ, ကျီၪ့ ခွံၬဒဲမၩၥံၫအဝ့ၫနီၪ ကဲၪထၪ့စဎွၩလၧအလးတၭ,မွဲဝ့ၫ လၧယုဒၫအစဎွၩ အၫစၫအနံၪ့နံၫဆံၫနွ့ၫနံၪ့လနံၪ့နီၪ လီၫ.
11 ထီးအကဲၪၥၫ့စဎွၩ, ဆၧၫ့နၩ့လၧအလးဆီၩ့ဆီနီၪ တၭ,ဆၧမၩအၥၭလၧအမၩၥံၫ စဘၫအၡၫအၡၩဂံၪ့ ဖိၪထီးအလူၬလီၫ. အဘူၭအထံးမွဲဂ့ၩ, အထံၩအၥိၭ မွဲဂ့ၩ, အီၪက့ၪလၩ့ထးၦၡၩအခွၫ လၧအဘၪဆဲၫ့လၧ
12 အဝ့ၫနးဂၩအ့ၬ.- တၭစဇံမရဲၫမၩဂၭဂီၩ့ခွံၬ စဘၫအ ၡၫအၡၩဂံၪ့ဖိၪထီးအလူၬ, ဘဲၫယဟိဝၩအလူလၧအ ချဲၩ့ဆၧထၫ့ဒၩ စဘၫအၡၫလၧမီၪစယံဟုၫအစူၪဖၧၩ့
13 အၥိၭနီၪလီၫ.- မွဲစဘၫအၡၫအဆၧဒဲၩဘၭ, ဒဲအဖိၪခွၫ စအံလၫအဆၧဒဲၩဘၭ ထီးအလူၬ လၧအမၩဆၧဒဲၩ ဘၭ,ဒဲဒုၭမၩအံၫစရ့လၭ လၧဆၧဒဲၩဘၭ လၧအဒုၭ ထၪ့ယဟိဝၩ အံၫစရ့လၭအယွၩ အၥၭလၧအဝ့ၫၥံၪ အဆၧပျီၩပျီၩနီၪအကၠီၩ့လီၫ.
14 တၭဆၧအီၪလၩ့ထးဘၪဆဲၫ့ လၧစအံလၫအဆၧမၩ လဖၪ,ဒဲကယဲဆၧလၧအမၩဝ့ၫ ထီးအလူၬနီၪကွ့ၭအၥၭ လၧအံၫစရ့လၭအစဎွၩ အလံၬကွ့ၭနဲၪ့ဆၧအဖၧၩ့နီၪ, မွဲအ့ၬဧၪ.
15 လၧယုဒၫအစဎွၩအၫစၫ အနံၪ့နံၫဆံၫနွ့ၫနံၪ့လနံၪ့ နီၪ,စဇံမရဲၫကဲၪစဎွၩ လၧတၧဇၫအဖၧၩ့နွ့ၫနံၩလီၫ. တၭၦခမျၧးၥုၪ့တဲၩထၫ့ဒၩ ဂံဘၥိၫ့လၧအဘၪဆဲၫ့လၧ
16 ၦဖလံၡၫဖိၪလီၫ.- တၭၦခမျၧးလၧအၥုၪ့တဲၩလဖၪနီၪ နါဂၧၫ့လၧစဇံမရဲၫကိၪ့လိၬဆၧအၧၩ့, ဒဲမၩၥံၫစဎွၩနီၪ လီၫ.တၭအံၫစရ့လၭ ထီးအလူၬအီၪက့ၪ ၦၥုၭမုအခိၪ စအီမြဲၫလၧစဎွၩလၧအံၫစရ့လၭ အဖၫ့ခိၪလၧၦၥုၪ့တဲၩ
17 အကျၩလၧမုလနံၩနီၪလီၫ.- စအီမြဲၫလ့ၩထၪ့လၧဂံဘ ၥိၫ့,ဒဲအံၫစရ့လၭ ထီးအလူၬအီၪလၧအၥိၭတၭ,
18 ဝၩ့ထၬတၧဇၫလီၫ.- တၭထီးစဇံမရဲၫဒၪဘၪဝ့ၫလၧၦမၩ န့ဒိၩ့တၭ, ဆၧမၩအၥၭလၧအလ့ၩနုၬဝ့ၫလၧစဎွၩအ ဂံၪ့အနီးဖၧၩ့တၭ, ဆူၭထၪ့ခွံၬစဎွၩ အဂံၪ့လၧအဖၫ့ခိၪ
19 လၧမ့ၪတၭ,ၥံၫဝ့ၫလီၫ.- မွဲလၧအဆၧဒဲၩဘၭလၧအမၩ ဝ့ၫလၧယဟိဝၩအမ့ၬယၫ လၧအလ့ၩဆၧလၧစယ့ၫ ရဘိအၫ့အဖၧၩ့ၥၭဒဲလၧ အဆၧဒဲၩဘၭအဖၧၩ့လၧအ မၩဝ့ၫလၧအဒုၭမၩအံၫစရ့လၭ အဆၧဒဲၩဘၭအကၠီၩ့ လီၫ.
20 ဆၧအီၪလၩ့ထးဘၪဆဲၫ့လၧစဇံမရဲၫ, ဒဲအဆၧပိၩ့ ထၪ့လၧအမၩဝ့ၫနီၪကွ့ၭအၥၭ လၧအံၫစရ့လၭအစဎွၩ အလံၬကွ့ၭနဲၪ့ဆၧအဖၧၩ့နီၪမွဲအ့ၬဧၪ.
21 ထီးနီၪလဖၧၫ့ ၦအံၫစရ့လၭအၡၩခမျၧးလၩ့ဖၭနံၫ ဒီၪ့လီၫ. ၦခမျၧးဖိၭဖၫ့လီၩ့ စဂံနၭအဖိၪခွၫ စတံဘနဲၫ ဘဲၫၥိၭအမိအီၪက့ၪဝ့ၫလၧစဎွၩတၭ, အဖိၭဖၫ့လဒီၪ့နီၪ
22 လီၩ့စအီမြဲၫလီၫ.- တၭၦခမျၧးလၧအလီၩ့စအီမြဲၫနီၪ, ဆီၪ့နဲၪ့ၦခမျၧး လၧအလီၩ့စဂံနၭအဖိၪခွၫ စတံဘနဲၫ နီၪဒံၭလီၫ. စတံဘနဲၫၥံၫဝ့ၫတၭ, စအီမြဲၫ ကဲၪစဎွၩ လီၫ.
23 လၧယုဒၫအစဎွၩအၫစၫ အနံၪ့ၥၧၫ့ဆံၫလနံၪ့နီၪစ အီမြဲၫကဲၪၥၫ့စဎွၩလၧအံၫစရ့လၭအဖၫ့ခိၪ, လဆံၫနံၫနံၪ့
24 လီၫ. ကဲၪစဎွၩလၧတၧဇၫအဖၧၩ့ဎူၫနံၪ့လီၫ.- အဝ့ၫ ဒၪဎွ့ၩန့ခိၪလီၩ့စမ့ရအၫ လၧစၡံမၧၫအစူၪဖၧၩ့လၧစ့ၩ နံၫကံကၫတၭ, မၩကဲၪထၪ့ဒိၩ့လၧခိၪလီၩ့အလီၩ့တၭ, ဖျိၬဒိၩ့လၧအမၩထၪ့ဝ့ၫနီၪ အမံၩ့ဘဲၫခိၪလီၩ့စမ့ရအၫ
25 အကဆါစၡံမၧၫအမံၩ့ အၥိၭနီၪလီၫ.- တၭစအီမြဲၫ မၩဆၧအၧၩ့လၧယဟိဝၩအမ့ၬၥၪဖၧၩ့, ဒဲမၩဆၧအၧၩ့ နီၪအၪနဲၪ့ကယဲၦလၧအအီၪထးဝ့ၫ လၧအမ့ၬယၫနီၪ
26 လီၫ.- တၭလ့ၩဝ့ၫလၧစနံဘၭအဖိၪခွၫ စယ့ၫရဘိအၫ့ အဖၧၩ့ၥၭထၧၫ့ဘီၩ့ယၫ, ဒဲလၧအဆၧဒဲၩဘၭအဖၧၩ့ လၧအဒုၭမၩအံၫစရ့လၭ လၧဆၧဒဲၩဘၭလၧအဒုၭထၪ့ ယဟိဝၩအံၫစရ့လၭ အယွၩအၥၭလၧအဝ့ၫၥံၪအဆၧ ပျီၩပျီၩနီၪလီၫ.
27 ဆၧအီၪလၩ့ထးဘၪဆဲၫ့လၧစအီမြဲၫ လၧအမၩဝ့ၫ, ဒဲအစီၩ့အမၩ့ လၧအမၩဖျီၪဝ့ၫနီၪ ကွ့ၭအၥၭလၧအံၫစရ့ လၭအစဎွၩအလံၬကွ့ၭနဲၪ့ဆၧအဖၧၩ့ မွဲအ့ၬဧၪ.
28 စအီမြဲၫမံၫဝ့ၫလၧအဖါအၥိၭတၭ, ၦခုၪ့လၩ့ဘၧၩ့ ခွံၬဝ့ၫလၧစမ့ရအၫအဖၧၩ့တၭ, အဖိၪခွၫစအၫဟၭကဲၪ ထၪ့စဎွၩလၧအလးလီၫ.
29 လၧယုဒၫအစဎွၩအၫစၫအနံၪ့ၥၧၫ့ ဆံၫဎိၭနံၪ့လနံၪ့ နီၪစအီမြဲၫအဖိၪခွၫ စအၫဟၭကဲၪၥၫ့စဎွၩလၧအံၫစရ့ လၭအဖၫ့ခိၪတၭ, စအီမြဲၫအဖိၪခွၫစအၫဟၭကဲၪစဎွၩ လၧအံၫစရ့လၭအဖၫ့ခိၪ လၧစမ့ရအၫအဖၧၩ့ နံၫဆံၫ
30 နံၫနံၪ့လီၫ.- တၭစအီမြဲၫအဖိၪခွၫ စအၫဟၭမၩဆၧ အၧၩ့လၧယဟိဝၩအမ့ၬယၫ နၭနဲၪ့ကယဲၦလၧအအီၪ
31 ဝ့ၫလၧအမ့ၬယၫထီးအလူၬဒံၭလီၫ.- တၭဆၧမၩအၥၭ လၧအအီၪက့ၪအလ့ၩဆၧလၧ စနံဘၭအဖိၪခွၫစယ့ၫရ ဘိအၫ့အဆၧဒဲၩဘၭ အဖၧၩ့နီၪဘဲၫအမွဲဆၧဆံၭခိၬ တၭ,မၩန့အမၫလၧဇဲဒၧၫ့ဖိၪအစဎွၩ အ့ၫၥဘ့လၭအ ဖိၪမုၪနးယ့ၭဇဘ့လၭတၭ, လ့ၩမၩဘၫအလၭအဆၧ
32 တၭ,ဘိၪ့ထၪ့ဘၩထၪ့ဝ့ၫလီၫ.- တၭမၩဆၧလုလးလၧ ဘၫအလၭအဂးလၧဘၫ အလၭအဂံၪ့ဖၧၩ့လၧအမၩ
33 ဝ့ၫလၧစမ့ရအၫအဖၧၩ့လီၫ.- စအၫဟၭတဲၩ့အၡ့ရိၫ အဂၩ့း ဒဲစအၫဟၭဒုၭထၪ့ ယဟိဝၩအံၫစရ့လၭအ ယွၩအၥၭနီၪအၪနဲၪ့ ကယဲအံၫစရ့လၭအစဎွၩလၧအ အီၪဝ့ၫလၧအမ့ၬယၫထီးအလူၬလီၫ.
34 လၧအမုနံၩလဖၪနီၪ ၦဘ့ၫၥလၭဖိၪစဟဲအလၭမၩ ကဲၪထၪ့ယ့ၫရခိၫလီၫ. အီၪက့ၪဝ့ၫအခၪ့ထံၭလၧအဖိၪ ဝဲၡါအဘဲရၫ့အဖၧၩ့တၭ, ဘိၭဆၧၫ့ထုၪ့အတရၫ့လၧအ ဖိၪဒၪဘၨၩစစံဂၧၭအဖၧၩ့နီၪ, ဘဲၫယဟိဝၩအလူလၧ အချဲၩ့ဝ့ၫလၧစနိၫ့အဖိၪခွၫ စယီရှုၫအ့ၫအစူၪဖၧၩ့နီၪ လီၫ.