15
(၂ကွ့ၭ ၥ၃:ၥ-ၥ၄:ၥ).
1 လၧစနံဘၭ အဖိၪခွၫစဎွၩ ယ့ၫရဘိအၫ့အနံၪ့ဎွ့ၩ ထၪ့လဆံၫဎိၭနံၪ့လနံၪ့နီၪ, စအဘဲယၫကဲၪစဎွၩလၧ
2 ယုဒၫအဖၫ့ခိၪနီၪလီၫ.- ကဲၪစဎွၩၥၧၫ့နံၪ့လၧယရုစလံၫ့ အဖၧၩ့တၭ, အမိအမံၩ့မွဲနးမၫအခၫ, စအဘံၭစလိၫ့
3 အဖိၪမုၪလီၫ.- အဝ့ၫဒၪလ့ၩဝ့ၫလၧအဖါ အဆၧဒဲၩဘၭ လၧအမၩဝ့ၫ လၧအမ့ၬယၫထီးအလူၬ အဖၧၩ့တၭ, အၥၭလၧၫ့ထၪ့ဎွ့ၩထၪ့ လၧယဟိဝၩအဝ့ၫဒၪ အယွၩ
4 ဘဲၫအဖါစဒၫဝံၭအၥၭအၥိၭအ့ၬ.- လါနၫ့တၭ,လၧစဒၫ ဝံၭအကၠီၩ့နီၪ ယဟိဝၩအဝ့ၫဒၪအယွၩ ဖ့ၪလၫ့ဝ့ၫလၧ မ့ၪဒိၩ့လဖျိၪ့လၧယရုစလံၫ့အဖၧၩ့ ဘဲၫၥိၭအမိအီၪက့ၪ လၩ့အဖိၪခွၫလၧအလးခဲၫ့နီၪတၭ, မၩဂုးမၩခၧၫ့ယရု
5 စလံၫ့နီၪလီၫ.- အဂဲးဘဲၫယီၩ စဒၫဝံၭမၩအတီၩအလီၩ့ လၧယဟိဝၩအမ့ၬယၫတၭ, လဘိၭကၠၪခွံၬဘၪအၥၭ လၧဆၧလၧယဟိဝၩ မၪလူၬလဖၪ လဆိၩဒၪဝ့ၫလီၫ. အဝ့ၫဒၪကၠၪခွံၬအၥၭ န့ၫဆၧဘၪဆဲၫ့ လၧၦဟံၥၭဖိၪ
6 စယုၫရဲၫအၫလမံၩ့နီၪလီၫ.- တၭဆၧဒုၭၥုၭအီၪဝ့ၫလၧ စရံၫဟဘိအၫ့ဒဲစယ့ၫရဘိအၫ့ လဆိၩဒၪဝ့ၫလီၫ.
7 ဆၧအီၪလၩ့ထး ဘၪဆဲၫ့လၧစအဘဲယၫ, ဒဲက ယဲဆၧလၧအမၩဝ့ၫနီၪ, ကွ့ၭအၥၭလၧယုဒၫအစဎွၩ အလံၬကွ့ၭနဲၪ့ဆၧအဖၧၩ့မွဲအ့ၬဧၪ. တၭဆၧဒုၭလိၬအ
8 ၥၭလၧစအဘဲယၫ့, ဒဲစယ့ၫရဘိအၫ့နီၪလီၫ.- စအဘဲ ယၫ့မံၫဝ့ၫလၧအဖါၥံၪအၥိၭတၭ, ၦခုၪ့လၩ့ဘၧၩ့ခွံၬဝ့ၫ လၧစဒၫဝံၭအဒိၩ့ဖၧၩ့တၭ, အဖိၪခွၫစအၫစၫ ကဲၪထၪ့ စဎွၩလၧအလးလီၫ.
(၂ကွ့ၭ ၥ၅:ၥ၆-ၥ၆;၆).
9 တၭအံၫစရ့လၭအစဎွၩ စယ့ၫရဘိအၫ့အနံၪ့ဎွ့ၩ ထၪ့နံၫဆံၫနီၪစအၫစၫကဲၪထၪ့စဎွၩ လၧယုဒၫအဖၫ့ခိၪ
10 လီၫ.- ကဲၪစဎွၩလၧယရုစလံၫ့အဖၧၩ့ လံဆံၫလနံၪ့ တၭ,အမိအမံၩ့မွဲနးမၫအခၫစအဘံၭၡလိၫ့ အဖိၪမုၪ
11 လီၫ.- စအၫစၫမၩဆၧအတီၩအလီၩ့လၧယဟိဝၩအ
12 မ့ၬၥၪဖၧၩ့ဘဲၫအဖါစဒၫဝံၭအၥိၭနီၪလီၫ.- မၩဂၭဂီၩ့ ခွံၬၦအဲၪပခၧၩ့ဖိၪလၧခးနီၪတၭ, ၥုၭခွံၬဆၧဂၩ့ၥံၪလၧ
13 အဖါတဲၩ့ဝ့ၫထီးအလူၬလီၫ.- တၭၥုၭခွံၬအမိနးမၫအ ခၫဒၪလ့ၬ လၧနးဎွၩမုၪအလးလၧ အတဲၩ့အၡ့ရိၫအဂၩ့ အကၠီၩ့နီၪလီၫ. တၭစအၫစၫမၩဂၭဂီၩ့ခွံၬ အဆၧဂၩ့
14 တၭ,ဆူၭထၪ့ခွံၬဝ့ၫလၧထံၫချိၬ ကံဒၧၫ့အနဲၩ့လီၫ.- တၭ ဆၧအလးထၪ့ထီၫလဖၪနီၪ, ဘၪဆၧၥုၭခွံၬဝ့ၫအ့ၬ. လါနၫ့တၭ စအၫစၫအၥၭအီၪဝ့ၫထၧၫ့ဖျိၪ့ယၫ လၧယ
15 ဟိဝၩလဆိၩဒၪဝ့ၫလီၫ.- အဝ့ၫဂဲၫဆိၬဆၧလၧအဖါ အီၪက့ၪဆံၫ့ဎံၪဝ့ၫ လၧအနၫ့ဆါဒၪဝ့ၫ အီၪက့ၪဆံၫ့ဎံၪ လဖၪလၧယဟိဝၩအဂံၪ့ဖၧၩ့, ကယဲစ့ၩ, ဒဲထီၫ့,ဒဲဆၧ အဎၧၩ့အဎီၥံၪလီၫ.
16 တၭဆၧဒုၭၥုၭအီၪဝ့ၫလၧ စအၫစၫဒဲအံၫစရ့လၭအ
17 စဎွၩဘၫအၡၫ လဆိၩဒၪအဝ့ၫၥံၪလီၫ.- တၭအံၫစရ့ လၭအစဎွၩဘၫအၡၫနီၪ လ့ၩထၪ့ထၫ့ဒၩယုဒၫ, ဒဲမၩ ထၪ့ရၫမၫဘဲၫၥိၭ အမိပဒၩ့ၦလ့ၩထၪ့, ဒဲဂဲၫနုၬလၧယု ဒၫအစဎွၩအၫစၫအအီၪလီၫ.
18 ထီးနီၪလဖၧၫ့ စအၫစၫမၩန့ ကယဲကျိၪၥံၪစ့ၩၥံၪ,ဒဲ ထီၫ့ၥံၪလွ့ၫၥံၪ, လၧအအီၪလၩ့ထးလၧဆၧအီၪက့ၪကီၪ့ အလးလၧယဟိဝၩအဂံၪ့ဖၧၩ့, ဒဲလၧအအီၪက့ၪကီၪ့အ လးလၧစဎွၩအဂံၪ့ဖၧၩ့တၭ, ဖ့ၪလၫ့ဝ့ၫလၧအခ့ၫအၡၩ အစူၪဖၧၩ့တၭ, စဎွၩအၫစၫဖ့ၪယုဝ့ၫ လၧစံရအၫအ စဎွၩဘံၫ့ဟၫဒၭ, စတၫဘြံမိၫ့အဖိၪခွၫ, စဟံဇိၫ့အဖိၪ ခွၫ,လၧအအီၪဝ့ၫ လၧဒမၭစကၧၭအဖၧၩ့ စံၭဝ့ၫဒၪ,
19 ဆၧအုၩ့လၩ့အီၪဝ့ၫလၧနၧၩ ဒဲယၧၩ, ဒဲယဖါ ဒဲနဖါ လီၫ. ယိခွါ,ယဖ့ၪယုနၧၩ လၧလၬဆီၪ့, ကျိၪၥံၪစ့ၩၥံၪ, ဒဲထီၫ့ၥံၪလွ့ၫၥံၪလီၫ. ဂဲၫမၩဂၭဂီၩ့နဆၧအုၩ့လၩ့ လၧ အံၫစရ့လၭအစဎွၩ ဘၫအၡၫ ဘဲၫၥိၭအမိစဲၪ့ထၪ့ခွံၬ
20 လၧယအီၪဆံၭ.- စဘံၫ့ဟၫဒၭခိၭနၪစဎွၩ အၫစၫအလူ တၭ,အၪ့မၧၫ့လၩ့ ၦၥုၭအခိၪလဖၪ လၧအအီၪဝ့ၫလၧ အစူၪဖၧၩ့ ထၫ့ဒၩအံၫစရ့လၭ အဒိၩ့လဖၪ, ဒဲကျီၪ့ခွံၬ အဲယၧၫ့,ဒဲဒၫ့, ဒဲအၫတလၭဘ့ၭၥမၫအခၫ ဒဲခံၫ့န့ၫရ့ၭ
21 ထၧၫ့ဘံၪ့ယၫ, ဒဲခးနၭၥလဲၫထၧၫ့ဘံၪ့ယၫလီၫ.- ထီး စဘၫအၡၫနါဂၧၫ့ဝ့ၫတၭ, ဆၧမၩအၥၭလၧအမၩထၪ့ ရၫမၫနီၪ, အီၪပထုၬဝ့ၫတၭအီၪဝ့ၫလၧတၧဇၫအဖၧၩ့
22 လီၫ.- တၭစဎွၩအၫစၫဒုၭဂၧၫ့ထၪ့ၥၩလၩ့ဆၧလၧယု ဒၫထၧၫ့ဘံၪ့ယၫဖီၩ့ဖျ့ၭနးဂၩအ့ၬ. တၭၦၡၩဆိၬထၪ့ ခွံၬရၫမၫအလိးလဖၪ, ဒဲအၥံၪ့လဖၪလၧစဘၫအၡၫမၩ ထၪ့ဝ့ၫလၧအဖၧၩ့လီၫ. တၭလၧဆၧလဖၪနီၪစဎွၩအၫ စၫမၩထၪ့ဂံဘၫဘၪဆဲၫ့လၧဘံၪ့ယမံၫ့ ဒဲမံဇဒၫဆ့လီၫ.
23 ဆၧအီၪလၩ့ထးဘၪဆဲၫ့လၧစအၫစၫ, ဒဲအစီၩ့အမၩ့ ထီးအလူၬ, ဒဲကယဲဆၧလၧအမၩဝ့ၫ ဒဲဒိၩ့လဖၪလၧ အမၩထၪ့ဝ့ၫနီၪ ကွ့ၭအၥၭလၧယုဒၫအစဎွၩအလံၬကွ့ၭ နဲၪ့ဆၧအဖၧၩ့,မွဲအ့ၬဧၪ, မွဲလါနၫ့ဘိၩလၧအၥၭၡါအ
24 ဆၧၫ့အထီနီၪအခၪ့ဆၫလီၫ.- စအၫစၫမံၫဝ့ၫလၧအဖါ ၥံၪအၥိၭတၭ, ၦခုၪ့လၩ့ဘၧၩ့ခွံၬဝ့ၫလၧ အဖါစဒၫဝံၭ အဒိၩ့ဖၧၩ့တၭ, အဖိၪခွၫစယဟီၡဖၭ ကဲၪထၪ့စဎွၩလၧ အလးလီၫ.
25 ယုဒၫအစဎွၩ အၫစၫအနံၪ့နံၫနံၪ့လနံၪ့နီၪ,စယ့ၫရ ဘိအၫ့အဖိၪခွၫစနၫဒၭကဲၪစဎွၩ လၧအံၫစရ့လၭအဖၫ့ ခိၪတၭ, ကဲၪစဎွၩလၧအံၫစရ့လၭအဖၫ့ခိၪနံၫနံၪ့လီၫ.
26 မၩဆၧအၧၩ့လၧယဟိဝၩအမ့ၬယၫတၭ, လ့ၩဆၧလၧ အဖါအဖၧၩ့ၥၭ, ဒဲလၧအဆၧဒဲၩဘၭအဖၧၩ့, လၧအဒုၭ မၩအံၫစရ့လၭလၧဆၧဒဲၩဘၭလီၫ.
27 စအံစခၫအၡၩဂံၪ့ဖိၪ စအဟဲယၫအဖိၪခွၫစဘၫ အၡၫကိၪ့ထၪ့ဆၧထၫ့ဒၩဝ့ၫတၭ, စဘၫအၡၫကျီၪ့ခွံၬဝ့ၫ လၧဂံဘၥိၫ့အဖၧၩ့ လၧအဘၪဆဲၫ့ လၧၦဖလံၡၫဖိၪ, အဂဲးဘဲၫယီၩစနၫဒၭ, ဒဲအံၫစရ့လၭထီးအလူၬဝၩ့ထၬ
28 ဂံဘၥိၫ့တၭး- လၧယုဒၫအစဎွၩ အၫစၫအနံၪ့ၥၧၫ့နံၪ့ လနံၪ့နီၪ, စဘၫအၡၫမၩၥံၫဝ့ၫတၭ, ကဲၪစဎွၩလၧအ
29 လးလီၫ.- ထီးအကဲၪစဎွၩတၭ, ဆၧမၩအၥၭလၧအ ကျီၪ့ခွံၬစယ့ၫရဘိအၫ့အၡၩဂံၪ့ဖိၪ ထီးအလူၬလီၫ.အီၪ က့ၪလၩ့ထးၦလၧအၥၪထၪ့ဝ့ၫ လၧစယ့ၫရဘိအၫ့ထီး အလမၩဂၭဂီၩ့ဘၪနီၪနးဂၩအ့ၬ. ဘဲၫယဟိဝၩအလူ ချဲၩ့ဝ့ၫလၧအခ့ၫအၡၩ, ၦၡဲလိၫဖိၪစအဟဲယၫ အစူၪ
30 ဖၧၩ့အၥိၭနီၪလီၫ.- မွဲလၧစယ့ၫရဘိအၫ့အဆၧဒဲၩဘၭ လၧအမၩဝ့ၫ, ဒဲလၧအဒုၭမၩအံၫစရ့လၭ လၧဆၧဒဲၩ ဘၭ,လၧအထိၪဂဲၩ ယဟိဝၩအံၫစရ့လၭ အယွၩအ
31 ဆၧၥၭထၪ့နီၪအဂဲးလီၫ.- တၭဆၧအီၪလၩ့ထးဘၪ ဆဲၫ့လၧစနၫဒၭ, ဒဲကယဲဆၧလၧအမၩဝ့ၫထီးအလူၬနီၪ ကွ့ၭအၥၭလၧအံၫစရ့လၭအစဎွၩ အလံၬကွ့ၭနဲၪ့ဆၧ
32 အဖၧၩ့,မွဲအ့ၬဧၪ.- တၭဆၧဒုၭလိၬအၥၭ အီၪဝ့ၫလၧ စအၫစၫဒဲအံၫစရ့လၭအစဎွၩ ဘၫအၡၫလဆိၩဒၪအ ဝ့ၫၥံၪလီၫ.
33 လၧယုဒၫအစဎွၩအၫစၫအနံၪ့ၥၧၫ့နံၪ့လနံၪ့နီၪ, စအ ဟဲယၫအဖိၪခွၫ စဘၫအၡၫ ကဲၪၥၫ့စဎွၩ လၧအံၫစရ့ လၭအဖၫ့ခိၪ လၧတၧဇၫအဖၧၩ့ နံၫဆံၫလံနံၪ့လီၫ.
34 အဝ့ၫမၩဆၧအၧၩ့ လၧယဟိဝၩအမ့ၬယၫတၭ, လ့ၩ ဆၧလၧစယ့ၫရဘိအၫ့အဖၧၩ့ၥၭ, ဒဲလၧအဆၧဒဲၩဘၭ အဖၧၩ့ လၧအဒုၭမၩအံၫစရ့လၭလၧဆၧဒဲၩဘၭလီၫ.