14
1 အထီထီးနီၪ စယ့ၫရဘိအၫ့အဖိၪခွၫစအဘဲယၫဆၫ
2 ထၪ့ဝ့ၫလီၫ.- တၭစယ့ၫရဘိအၫ့စံၭအမၫ, ဂဲထုၪ့လါ ဆံၭ. တၭမၩလၩ့မဲၩနၥၭဘဲၫၥိၭ ၦၡၩထီးၥ့ၪယၫလၧ နမွဲစယ့ၫရဘိအၫ့အမၫလဂ့ၩး တၭလ့ၩလၧၡဲလိၫဆံၭ. တၭယိခွါ, မီၪစအဟဲယၫ, လၧအစံၭယၧၩ လၧယမိ ကဲၪထၪ့စဎွၩလၧၦခမျၧးယီၩအဖၫ့ခိၪနီၪ, အီၪထီးနီၪ
3 လီၫ.- မၩန့ကိၪဆံၫလီၪ့, ဒဲကိၪပၪပဲၪလဖၪဒဲန့ၫစၩ့လ ပလၫ့လၧနစူၪဖၧၩ့တၭ, လ့ၩလၧအအီၪတၭ, ဖိၪၥၪမိ မၩအၥၭဘဲၫၥ့ၪလဲၪ, ဘဲၫၥ့ၪလဲၪနီၪ မိလီၩဘၪနၧၩလီၫ.
4 စယ့ၫရဘိအၫ့အမၫမၩဝ့ၫဘဲၫနီၪတၭ, ဂဲထုၪ့တၭ,လ့ၩ ဝ့ၫလၧၡဲလိၫတၭ, ဂဲၫဝ့ၫလၧစအဟဲယၫ အဂံၪ့လီၫ. တၭစအဟဲယၫလၧအၥၭၡါအကၠီၩ့ အမ့ၬၥၪဒၪဝါဆၧ
5 အ့ၬ.- တၭယဟိဝၩစံၭစအဟဲယၫ, ယိခွါ,စယ့ၫရဘိ အၫ့အမၫဂဲၫအၪ့ကံၩ့ဆၧလၧနၧၩ လၧအဖိၪခွၫအဂး လီၫ.အဂဲးဘဲၫယီၩ ဘၪဆၧဆၫလီၫ. တၭနမိဘၪစံၭ အဝ့ၫဘဲၫအံၩဘဲၫအိၩလီၫ. အဂဲးဘဲၫယီၩ, ဆၧမၩအ ၥၭထီးအဂဲၫနုၬတၭ, မိကျဲၩ့မၩအၥၭ ဘဲၫၦမုၪအဂူၫ ဂၩလဂၩအၥိၭလီၫ.
6 ထီးစအဟဲယၫနါဂၧၫ့အခၪ့ၥီၫ လၧအဂဲၫနုၬလၧတ ရၫ့အဖၧၩ့တၭ, ဆၧမၩအၥၭလၧအစံၭဝ့ၫဒၪ, စယ့ၫရ ဘိအၫ့အမၫဧ့, ဂဲၫနုၬဘီၪ. နကျဲၩ့မၩနၥၭဘဲၫၦဂူၫဂၩ အၥိၭ,မွဲဘၪလဲၪ. ဆၧအၪ့မၧၫ့လၩ့ယၧၩ လၧနအီၪ
7 လၧဆၧအဎၧၫ့လီၫ.- လ့ၩလီၩဘၪစယ့ၫရဘိအၫ့,ယ ဟိဝၩအံၫစရ့လၭအယွၩစံၭဝ့ၫဘဲၫယီၩ, မွဲယထုၭထၪ့ ခွံၬနၧၩလၧၦၡၩခမျၧးအကျၩ အီၪက့ၪထၪ့ထီၫနၧၩ, ဒဲအီၪက့ၪနၧၩလၧယၡၩခမျၧး အံၫစရ့လၭအဖၫ့ခိၪ,
8 ဒဲထုၭန့ဘၩ့မုး လၧစဒၫဝံၭအၡၩဂံၪ့ဖိၪတၭ, ဖ့ၪလၫ့ လၧနၧၩတၭး မွဲလါနၫ့ဘိၩ ဘဲၫနမိမၩန့ၫဆၧအဘၪလၧ ယမ့ၬယၫနမီၪ့ဎီၩ့ယခ့ၫယၡၩ စဒၫဝံၭ လၧအထီးန့ ယဆၧၥီၪ့ဆၧၥၫ့တၭ, လီၩ့ယၧၩ လၧအၥၭထၧၫ့ဖျိၪ့
9 ယၫအၥိၭနီၪအ့ၬ.- အ့ၪမွဲနမၩဆၧအၧၩ့နၭနဲၪ့ကယဲၦ လၧအအီၪဝ့ၫလၧနမ့ၬယၫနီၪ, အဂဲးဘဲၫယီၩနလ့ၩတဲၩ့ နယွၩအဂူၫဂၩလဖၪ, ဒဲဆၧဂၩ့ၥိၫ့အၥၭ, ဒဲမၩၥၭထၪ့
10 ယၧၩတၭ,ခွံၬၡိၭထးယၧၩလၧနချိၫ့နီၪလီၫ.- မၩအၥၭ ဘဲၫနီၪတၭ,ယိခွါ, ယမိဒုၭဂဲၫဘၪဆၧအၧၩ့လၧစယ့ၫ ရဘိအၫ့အၡၩဂံၪ့ဖိၪတၭ, လၧၦဘၪဆဲၫ့လၧစယ့ၫရ ဘိအၫ့နီၪ ယမိဒၪ့ထ့ၬခွံၬကယဲၦခွၫလဖၪ, ဒဲၦလၧအ ဘၪဆၧဒုၭထၬဝ့ၫ ဒဲအီၪလၩ့ထး လၧအံၫစရ့လၭအ ဖၧၩ့တၭ,ယမိမၩန့ထၪ့ခွံၬ စယ့ၫရဘိအၫ့ အဆၧအီၪ လၩ့ထး, ဘဲၫၦမၩန့ထၪ့ခွံၬဆၧအ့ၪ ထီးအလူၬအၥိၭ
11 နီၪလီၫ.- တၭၦဘၪဆဲၫ့လၧစယ့ၫရဘိအၫ့, လၧအၥံၫ ဝ့ၫလၧဒိၩ့ဖၧၩ့နီၪ, ထွံၪမိအၪ့ခွံၬဝ့ၫတၭ, ၦလၧအၥံၫဝ့ၫ လၧမံၩ့လၬကျၩနီၪ, ထိၪၥံၪလံၪၥံၪလၧဆၧဖိၭဖၫ့မိအၪ့ ခွံၬဝ့ၫလီၫ. အဂဲးဘဲၫယီၩ ယဟိဝၩချဲၩ့ယူၭဝ့ၫလီၫ.
12 ဂဲထုၪ့နဝ့ၫတၭ, ထဲၩ့ထဲၩ့လၧနဂံၪ့ဒၪနဝ့ၫဆံၭ. ထီးနခၪ့
13 နုၬဘၪလၧဒိၩ့ဖၧၩ့တၭ, ဖိၪၥၪမိၥံၫဝ့ၫလီၫ.- အံၫစရ့ လၭမိဒဲၩလၩ့အၥၭနၫၡါဂၪ့ဝ့ၫလၧအကၠီၩ့တၭ, မိခုၪ့ လၩ့ဘၧၩ့ခွံၬဝ့ၫလီၫ. အဂဲးဘဲၫယီၩ လၧၦဘၪဆဲၫ့လၧ စယ့ၫရဘိအၫ့အကျၩနီၪ ၦမိဂဲၫထီၩ့လၧၥွၪခိၪဖၧၩ့နီၪ မွဲန့ၫအဝ့ၫဒၪလဂၩလီၫ. အဂဲးဘဲၫယီၩ ဆၧဒၪန့ဆၧ ဂ့ၩလၧယဟိဝၩအံၫစရ့လၭ အယွၩအဂးလၧအဝ့ၫဒၪ အဖၧၩ့လၧစယ့ၫရဘိအၫ့ အၡၩဂံၪ့ဖိၪအကျၩလီၫ.
14 တၭယဟိဝၩမိဒုၭဂဲထုၪ့စဎွၩ လၧအံၫစရ့လၭအဖၫ့ခိၪ လၧအမိဒၪ့ထ့ၬခွံၬစယ့ၫရဘိအၫ့ အၡၩဂံၪ့ဖိၪလၧမုလ နံၩနီၪလီၫ. တၭနီၫလဲၪၬ ဘိၩ့နဲၪ့ယီၩဒၪလ့ၬဆ့လီၫ.
15 တၭယဟိဝၩမိကျီၪ့ခွံၬ အံၫစရ့လၭဘဲၫဖီးလၧအဂဲၩဝၭ ဝ့ၫလၧထံၫကျၩအၥိၭနီၪ, မိထ့ၬခွံၬအံၫစရ့လၭလၧခး ဂ့ၩလဘံၪ့ယီၩအဖၧၩ့လၧအဖ့ၪလၫ့အဖါလဖၪနီၪ, မိ မၩလၩ့ပြံၩလၩ့ပၩဝ့ၫလၧထံၫမိၡါဝါလခီၫ, အဂဲးဘဲၫ ယီၩအဝ့ၫၥံၪတဲၩ့န့အၡ့ရိၫ လၧအဂးတၭ, မၩၥၭထၪ့
16 ယဟိဝၩလီၫ.- တၭအဝ့ၫဒၪမိဖ့ၪလၫ့ခွံၬ အံၫစရ့လၭ လၧစယ့ၫရဘိအၫ့ အဆၧဒဲၩဘၭအကၠီၩ့, အဝ့ၫလဂၩ မၩဒဲၩဘၭဆၧတၭ, ဒုၭမၩဒဲၩဘၭ အံၫစရ့လၭနီၪဆ့ လီၫ.
17 စယ့ၫရဘိအၫ့အမၫဂဲထုၪ့, စဲၪ့ထၪ့ခွံၬတၭ,ဂဲၫလၧ တၧဇၫလီၫ. ထီးအထီၩ့လၧတရၫ့အခၧၫ့တၭ, ဖိၪၥၪ
18 ၥံၫဝ့ၫလီၫ.- အဝ့ၫၥံၪခုၪ့လၩ့ဘၧၩ့ခွံၬဝ့ၫတၭ, အံၫစရ့ လၭထီးအလူၬဒဲၩလၩ့အၥၭနၫၡါတၭး ဂၪ့ဝ့ၫလၧအ ကၠီၩ့,ဘဲၫယဟိဝၩ အလူအထၫလၧအချဲၩ့ဆၧလၧအ ခ့ၫအၡၩမီၪစအဟဲယၫ အစူၪဖၧၩ့အၥိၭနီၪလီၫ.
19 တၭဆၧအီၪလၩ့ထး ဘၪဆဲၫ့လၧစယ့ၫရဘိအၫ့,လၧ အဒုၭၥုၭအဂဲးအကၠီၪ့, လၧအမၩစဎွၩအဆၧအဂဲးအ ကၠီၪ့,ယိခွါ, ကွ့ၭအၥၭလၧအံၫစရ့လၭအစဎွၩအလံၬ
20 ကွ့ၭနဲၪ့ဆၧအဖၧၩ့နီၪလီၫ.- မုနံၩလဖၪလၧစယ့ၫရဘိ အၫ့ကဲၪစဎွၩနီၪမွဲနံၫဆံၫနံၫနံၪ့တၭ, မံၫဝ့ၫလၧအဖါလ ဖၪတၭး အဖိၪခွၫ စနၫဒၭနီၪကဲၪထၪ့စဎွၩ လၧအလး လီၫ.
(၂ကွ့ၭ ၥၥ;၅-ၥ၂:ၥ၅).
21 စစီလမၧၫ့အဖိၪခွၫ စရံၫဟဘိအၫ့နီၪ ကဲၪစဎွၩလၧ ယုဒၫအဖၧၩ့လီၫ. စရံၫဟဘိအၫ့ကဲၪၥၫ့စဎွၩနီၪအၥၭ ၡါလံဆံၫလနံၪ့တၭ, ကဲၪစဎွၩလဆံၫနွ့ၫနံၪ့လၧယရု စလံၫ့အဖၧၩ့နီၪ, ဒိၩ့လၧယဟိဝၩရွံန့လၧအံၫစရ့လၭ အဒီၪ့ထီးအလူၬအကျၩ, ဘဲၫၥိၭအမိအီၪက့ၪအမံၩ့ ထီးနီၪလီၫ. တၭအမိအမံၩ့မွဲနးနၫအမၫ, ၦအၫမၧၫ့အ
22 မုၪလီၫ.- ယုဒၫနီၪမၩဆၧအၧၩ့လၧယဟိဝၩအမ့ၬယၫ တၭ,ထိၪဂဲၩထၪ့အၥၭကဲၪ့လၧ အဝ့ၫၥံၪအဆၧဒဲၩဘၭ လၧအမၩယူၭဝ့ၫ, လၧအဖါလဖၪမၩဝ့ၫထီးအလူၬအ
23 ဖၫ့ခိၪဒံၭလီၫ.- အဝ့ၫၥံၪနီၪမၩဆ့ လၧအလးထၪ့ထီၫ လဖၪ,ဒဲဆၧဂၩ့အၡ့ရိၫလၧဆၧစီၩ့ခိၪထီၫ ထီးအလူၬ
24 အလီၩ့, ဒဲလၧၥံၪ့ၥံၫ့ဆ့ၬ ထီးအလူၬအဖၫ့လၬလီၫ.-ၦ အဲၪပခၧၩ့ဖိၪ အီၪလၧခးဖၧၩ့နီၪတၭး အဝ့ၫၥံၪမၩက ယဲဆၧဘၪၥၭလိၪလဖၪ ဘၪဆဲၫ့လၧၦဆၨၩလဖၪလၧ ယဟိဝၩနၫ့ထၪ့ခွံၬဝ့ၫ လၧအံၫစရ့လၭဖိၪ အမ့ၬယၫ အၥိၭနီၪလီၫ.
25 တၭဆၧမၩအၥၭ လၧစဎွၩရံၫဟဘိအၫ့ အနံၪ့ဎွ့ၩ ထၪ့ယဲနံၪ့လနံၪ့နီၪ အံဇံၭအစဎွၩၡဲၡၭဂဲၫထၫ့ဒၩယရု
26 စလံၫ့လီၫ.- အဝ့ၫဒၪမၩန့ထၪ့ခွံၬ ယဟိဝၩအဂံၪ့အဆၧ လူဒိၪဎွ့ၩဒိၪ, ဒဲစဎွၩအဂံၪ့ အဆၧလူဒိၪဎွ့ၩဒိၪတၭ, ဆိၬခွံၬဝ့ၫထီးအလူၬတၭ, ဆိၬထၪ့ခွံၬကယဲထၩ့ဖံၭထီၫ့
27 လၧစစီလမၧၫ့မၩဝ့ၫထီးအလူၬလီၫ.- တၭစဎွၩရံၫဟ ဘိအၫ့တဲၩ့ထၩ့ဖံၭထီးဘၩ့လၧအလးတၭ, ဖ့ၪလၫ့ဝ့ၫ လၧၦပၧၩ့ဆၧၥံၪအခိၪအစူၪဖၧၩ့, လၧအပၧၩ့စဎွၩအ
28 ဂံၪ့အတရၫ့လီၫ.- ထီးစဎွၩလ့ၩနုၬလၧယဟိဝၩအဂံၪ့ ဖၧၩ့တၭ, ဆၧမၩအၥၭလၧၦပၧၩ့ဆၧၥံၪဆိၬဝ့ၫတၭ, ဂဲၫထဲၩ့န့ဝ့ၫလၧၦပၧၩ့ဆၧၥံၪ အဒူၭဖၧၩ့လီၫ.
29 တၭဆၧအီၪလၩ့ထးဘၪဆဲၫ့ လၧစရံၫဟဘိအၫ့,ဒဲ ကယဲဆၧလၧအမၩဝ့ၫနီၪ, ကွ့ၭအၥၭလၧယုဒၫအစဎွၩ
30 ၥံၪအလံၬကွ့ၭနဲၪ့ဆၧအဖၧၩ့မွဲအ့ၬဧၪ.- တၭဆၧဒုၭၥုၭ အီၪဝ့ၫလၧစရံၫဟဘိအၫ့, ဒဲစယ့ၫရဘိအၫ့လဆိၩဒၪ
31 ဝ့ၫလီၫ.- တၭစရံၫဟဘိအၫ့မံၫဝ့ၫလၧအဖါၥံၪအၥိၭ တၭ,ၦခုၪ့လၩ့ဘၧၩ့ခွံၬဝ့ၫလၧ အဖါၥံၪအၥိၭလၧစဒၫ ဝံၭအဒိၩ့ဖၧၩ့လီၫ. အမိအမံၩ့မွဲ နးနၫအမၫ ၦအၫမၧၫ့ အမုၪလီၫ. အဖိၪခွၫစအဘဲယၫ့ ကဲၪစဎွၩလၧအလး နီၪလီၫ.