13
1 ယိခွါ, ယွၩအၡၩလဂၩလၧယဟိဝၩအလူအ ကၠီၩ့ဂဲၫထၪ့ခွံၬ လၧယုဒၫထီၩ့လၧဘ့ၫၥလၭအဖၧၩ့တၭ, စယ့ၫရဘိအၫ့ ဆၧၫ့ထုၪ့ဝ့ၫလၧဆၧလုလး အနဲၩ့ထံၭ
2 ဘဲၫၥိၭအမိဆူၭခဲၩဆၧနၧၫ့မၧၫ့လီၫ.- ၦၡၩနီၪကိၭထၪ့ ဝ့ၫထၫ့ဒၩဆၧလုအလးလၧယဟိဝၩ အလူအကၠီၩ့တၭ, စံၭဝ့ၫဒၪ,ဆၧလုအလးဧ့, ဆၧလုအလးဧ့, ယဟိဝၩ စံၭဘဲၫယီၩ, ယိခွါ,ဖိၪၥၪလဂၩ မိအီၪဖျဲၪဝ့ၫလၧစဒၫ ဝံၭအဂံၪ့အဂး, အမံၩ့စယိၫစဲအၫတၭး ဆၧအလးထၪ့ ထီၫအၡၩလုဆၧ, ၦလၧအဆူၭခဲၩ ဆၧနၧၫ့မၧၫ့လၧ နလီၩ့လဖၪနီၪ, အဝ့ၫဒၪမိလုထၪ့ အဝ့ၫၥံၪလၧနလီၩ့
3 တၭး မ့ၪမိအၪ့ၦၡၩအဎွံၪအနၧၩ့လၧနလီၩ့လီၫ.- လၧ မုလနံၩနီၪ အဝ့ၫဒၪဖ့ၪလၫ့ဆၧနဲၪ့တၭ, စံၭဝ့ၫဒၪ,အ ယီၩမွဲဆၧနဲၪ့လၧယဟိဝၩချဲၩ့ယူၭဆၧ, ယိခွါ,ဆၧလု အလးမိထ့ဖၭ, ဒဲဖံၫ့ချၪလၧအအီၪလၧအလီၩ့နီၪမိဘၪ ဆၧဂါလၩ့ခွံၬဝ့ၫလီၫ.
4 ထီးစဎွၩယ့ၫရဘိအၫ့နါဂၧၫ့ယွၩအၡၩ အဆၧချဲၩ့ လၧအကိၭထၪ့ထၫ့ဒၩ ဆၧလုအလးလၧဘ့ၫၥလၭအ ဖၧၩ့နီၪတၭ, ဆၧမၩအၥၭလၧအယူၬစိၩအစူၪလၧဆၧ လုလးအနဲၩ့ထံၭတၭ, စံၭဝ့ၫဒၪ, ဖီၪ့ထၬအဝ့ၫဘီၪး တၭအစူၪလၧအယူၬစိၩထၫ့ဒုၩဒၩအဝ့ၫနီၪ, ဎဲၫ့ထၪ့ခွံၬ
5 တၭ,ထုၭလၩ့ထဲၩ့ဝ့ၫလၧအအီၪၥ့ၪလၧၩ့အ့ၬ. ဆၧလု အလးနီၪအ့ၪထ့ဖၭဆ့တၭ, ဖံၫ့ချၪဘၪဆၧလၩ့ခုၬခွံၬ ဝ့ၫလၧဆၧလုအလး, ဘဲၫဆၧနဲၪ့လၧယွၩအၡၩဖ့ၪလၫ့
6 ဝ့ၫလၧယဟိဝၩအလူအၥိၭနီၪလီၫ.- စဎွၩစံၭဆၧၫ့ယွၩ အၡၩတၭ, စံၭဝ့ၫဒၪ, အၪ့ယၫဆၧလၧယဟိဝၩနယွၩ အမ့ၬယၫတၭ, ဘၩဆိၪဖၪန့ယဂး, ဘဲၫၥိၭယမိန့ထဲၩ့ ယစူၪဆံၭ. တၭယွၩအၡၩအၪ့ကံၩ့အၪ့ယၫ ယဟိ ဝၩတၭ,စဎွၩန့ထဲၩ့အစူၪတၭ, ကဲၪထဲၩ့ဝ့ၫဘဲၫအလး
7 လီၫ.- တၭစဎွၩစံၭယွၩအၡၩ, ဂဲၫလၧယၥိၭလၧယ ဂံၪ့တၭ, ဒုၭဆီၪ့ထၪ့နၥၭဆံၭ. တၭယမိ ဖ့ၪလၫ့နၧၩ
8 လၧဆၧလမံၩ့လီၫ.- ယွၩအၡၩနီၪစံၭစဎွၩ, နအ့ၪဖ့ၪ လၫ့ယၧၩလၧနဂံၪ့ထၧၫ့ခီၫယၫနီၪ, ယလ့ၩနုၬလၧနၥိၭ အ့ၬး ယအၪ့ကိၪ, ဒဲယအီၩထံၫ လၧဆၧအလးယီၩ
9 အ့ၬ.- အဂဲးဘဲၫယီၩ ယဟိဝၩအလူနီၪမၪလူၬယၧၩ ဘဲၫနီၪအၥိၭ, စံၭဝ့ၫဒၪ, အၪ့ကိၪလဂ့ၩ, ဒဲအီၩထံၫလ
10 ဂ့ၩ,ဒဲထဲၩ့ထဲၩ့လၧဖၧၩ့ၥၭလၧနဂဲၫနီၪလဂ့ၩ.- အခိး မွဲထဲၩ့ထဲၩ့ဝ့ၫလၧဖၧၩ့ၥၭလဘီၩ့ဒၪတၭ, မွဲဖၧၩ့ၥၭလၧ အဂဲၫလၧဘ့ၫၥလၭနီၪအ့ၬ.
11 မီၪၥၭၡါလဂၩအီၪဝ့ၫလၧ ဘ့ၫၥလၭအဖၧၩ့တၭ,အ ဖိၪခွၫလဖၪဂဲၫတၭ, လီၩဘၪဝ့ၫလၧကယဲဆၧမၩလၧ ယွၩအၡၩမၩဝ့ၫ လၧမုလနံၩနီၪ လၧဘ့ၫၥလၭအဖၧၩ့ လီၫ.ဆၧချဲၩ့လၧအစံၭ စဎွၩနီၪအဝ့ၫၥံၪလီၩဘၪအ ဖါဆ့လီၫ. တၭအဖါစံၭအဝ့ၫၥံၪ, မွဲအလ့ၩဝ့ၫလၧဖၧၩ့
12 ၥၭလဘီၩ့ဘီၩ့လဲၪ.- အဂဲးဘဲၫယီၩ အဖိၪခွၫလဖၪဒၪ ဘၪဖၧၩ့ၥၭလၧယွၩအၡၩလၧအဂဲၫဝ့ၫ လၧယုဒၫလဂၩ
13 လ့ၩဝ့ၫနီၪလီၫ.- အဝ့ၫဒၪစံၭအဖိၪခွၫလဖၪနီၪမၩထၪ့
14 ယၧၩကၥ့ၪယီၩ့အပီၩ့ဆံၭ.- အဝ့ၫၥံၪ မၩထၪ့ကၥ့ၪ ယီၩ့အပီၩ့လၧအဂးတၭ, အဝ့ၫဒၪထူၬဝ့ၫတၭ, လီၩ့ ဆီးယွၩအၡၩတၭ, ဒၪန့ဝ့ၫဆၧၫ့နၩ့ လၧၥံၪ့ထိၭဖၫအ ဖၫ့လၬတၭ,စံၭအဝ့ၫဒၪ, နမွဲယွၩအၡၩလၧအဂဲၫထၪ့ လၧယုဒၫနီၪဆ့ဧၪ. တၭအဝ့ၫဒၪစံၭ, မွဲယၧၩလီၫ.
15 ထီးနီၪလၧဖၧၫ့ ၦလဂၩနီၪစံၭဝ့ၫ, ဂဲၫလၧယၥိၭလၧယ
16 ဂံၪ့တၭ,အၪ့ကိၪဆံၭ.- အဝ့ၫဒၪစံၭဝ့ၫ, ယထဲၩ့ထဲၩ့လၧ နၥိၭ,လ့ၩနုၬဒဲနၧၩ, ၥ့ၪအ့ၬ.တၭယအၪ့ကိၪ, ဒဲယအီၩ
17 ထံၫလၧအလးယီၩအ့ၬ.- အဂဲးဘဲၫယီၩဆၧစံၭယၧၩ လၧယဟိဝၩအလူ, နအၪ့ဘၪကိၪ,ဒဲနအီၩဘၪထံၫလၧ အလးထီးနီၪအ့ၬ. တၭနကၠၪထဲၩ့နၥၭလၧနမိဖိၬဖၧၩ့
18 ၥၭလၧနဂဲၫနီၪဆ့အ့ၬ.- အဝ့ၫဒၪစံၭဝ့ၫ, ယဝ့ၫဒၪယီၩ ယမွဲမီၪဘဲၫနၧၩ အၥိၭတၭ, ဆၧအၥီၫ့လဂၩလီၩဘၪ ယၧၩလၧယဟိဝၩအလူတၭ, စံၭဝ့ၫဒၪ, ဂဲၫဆိၬအဝ့ၫ လၧနဂံၪ့ဘဲၫၥိၭအမိအၪ့ကိၪဒဲအီၩထံၫဆံၭ. တၭချဲၩ့
19 ဘျံၭချဲၩ့ဘျၪဆၧလၧအဝ့ၫလီၫ.- အခိးမွဲဘဲၫနီၪတၭအ ဝ့ၫဒၪထဲၩ့ထဲၩ့လၧအၥိၭတၭ, အၪ့ကိၪလၧအဂံၪ့ဖၧၩ့ ဒဲအီၩထံၫလီၫ.
20 တၭၦလဖၪနီၪ ဆၧၫ့နၩ့လၧစပွဲထံၭအဘိၩ့ဘၭနီၪ ဆၧမၩအၥၭလၧယဟိဝၩ အလူလၩ့ဘၪမီၪလၧအဂဲၫ
21 ထဲၩ့ဆိၬအဝ့ၫလီၫ.- အဝ့ၫဒၪကိၭထၪ့လၧယွၩအၡၩ လၧအဂဲၫလၧယုဒၫတၭ, စံၭဝ့ၫဒၪ, ယဟိဝၩစံၭဘဲၫ ယီၩ,မွဲနပိၩ့ထၪ့ယဟိဝၩအနိၭတၭ, လထီးန့ဘၪဆၧ
22 မၪလူၬလၧယဟိဝၩ နယွၩမၪလူၬနၧၩး- အ့ၪမွဲနဂဲၫ ထဲၩ့ကဒၩထဲၩ့တၭ, အၪ့ကိၪဒဲအီၩထံၫအလးထီးယ ဟိဝၩစံၭနၧၩ, အၪ့ကိၪလဂ့ၩ, အီၩထံၫလဂ့ၩနီၪ,တၭ
23 နစွၪဂဲၫထဲၩ့ဘၪလၧနဖါအၥွၪခိၪအဖၧၩ့အ့ၬ.- လၧအ အၪ့ကိၪအလးခဲၫ့, ဒဲလၧအအီၩထံၫအလးခဲၫ့နီၪ,ဆၧ မၩအၥၭလၧၦလဂၩနီၪ မၩထၪ့ကၥ့ၪယီၩ့အပီၩ့လၧ
24 မီၪလၧအဂဲၫထဲၩ့ဆိၬဝ့ၫလဂၩအဂးလီၫ.- ထီးအဝ့ၫ လ့ၩဆၧတၭ, ဆၬလၥၧၫ့ဘၪခီၩ့ဝ့ၫ လၧဖၧၩ့ၥၭနီၪ, မၩၥံၫဝ့ၫတၭ, အစွၪအီၪခွံၬၡိၭထးအၥၭ လၧဖၧၩ့ၥၭ တၭ,ကၥ့ၪယီၩ့ဆၧၫ့ထုၪ့လၧအနဲၩ့ထံၭတၭ, ဆၬလ
25 ၥၧၫ့နီၪဆၧၫ့ထုၪ့ဝ့ၫလၧအစွၪအနဲၩ့ထံၭဆ့လီၫ.- ယိ ခွါ,ၦၡၩၥံၪလ့ၩဖီၩ့ခွံၬတၭ, ဒၪဘၪအစွၪအီၪခွံၬၡိၭအ ၥၭထီးနီၪလၧဖၧၩ့ၥၭနီၪ ဆၬလၥၧၫ့ဆၧၫ့ထုၪ့လၧအ နဲၩ့ထံၭတၭ, အဝ့ၫၥံၪဂဲၫလီၩဘၪဝ့ၫလၧဒိၩ့ဖၧၩ့, ထီး
26 မီၪၥၭၡါအီၪဝ့ၫလီၫ.- မီၪလၧအဂဲၫထဲၩ့ဆိၬဝ့ၫလၧဖၧၩ့ ၥၭနီၪနါဂၧၫ့ဝ့ၫတၭ, စံၭဝ့ၫဒၪ, မွဲဝ့ၫယွၫအၡၩလၧအ ပိၩ့ထၪ့ယဟိဝၩအလူတၭ, ယဟိဝၩဖ့ၪလၫ့ခွံၬဝ့ၫလၧ ဆၬလၥၧၫ့လၧအအဲၪ့ၡၫ့ယၬခွံၬဝ့ၫတၭ, မၩၥံၫဝ့ၫ, ဘဲၫ ယဟိဝၩအလူလၧအချဲၩ့ဆၧလၧ အဝ့ၫအၥိၭနီၪလီၫ.
27 အလဂၩနီၪချဲၩ့ဆၧလၧ အဖိၪခွၫလဖၪ စံၭဝ့ၫဒၪ,မၩ ထၪ့ယၧၩကၥ့ၪယီၩ့အပီၩ့နီၪဆံၭ. တၭအဝ့ၫၥံၪမၩ
28 ထၪ့ဝ့ၫအပီၩ့နီၪဆ့လီၫ.- လ့ၩဝ့ၫတၭဒၪန့အစွၪအီၪခွံၬ ၡိၭခွံၬအၥၭလၧဖၧၩ့ၥၭအဖၧၩ့, ဒဲကၥ့ၪယီၩ့, ဒဲဆၬလ ၥၧၫ့ဆၧၫ့ထုၪ့ဝ့ၫလၧအစွၪအနဲၩ့ထံၭတၭ, ဆၬလၥၧၫ့ လအၪ့ဘၪအစွၪ, ဒဲလအဲၪ့ၡၫ့ဘၪကၥ့ၪယီၩ့နီၪလီၫ.
29 မီၪလဂၩနီၪ မၩန့ယွၩအၡၩအစွၪတၭ, အီၪက့ၪဝ့ၫ လၧကၥ့ၪယီၩ့အလီၩ့ ဂဲၫထဲၩ့ဆိၬဝ့ၫတၭ, မီၪၥၭၡါဂဲၫ လၧဒိၩ့ဖၧၩ့, ဘဲၫၥိၭအမိဂၪ့ဝ့ၫတၭ, ခုၪ့လၩ့ဘၧၩ့ခွံၬ
30 ဝ့ၫလီၫ.- အဝ့ၫဒၪအီၪက့ၪအစွၪလၧအၥွၪခိၪဒၪဝ့ၫအ ဖၧၩ့တၭ, ဒဲၩလၩ့အၥၭနၫၡါဂၪ့ကိၭၡၭထၪ့တၭ, စံၭ
31 ဝ့ၫဒၪ,အၩလါ, ယထၧၫ့ဖုဝဲဧ့,- တၭလၧအခုၪ့လၩ့ဘၧၩ့ ခွံၬဝ့ၫအလးခဲၫ့နီၪဆၧမၩအၥၭ လၧအချဲၩ့ဆၧလၧအ ဖိၪခွၫလဖၪတၭ,စံၭဝ့ၫ, ထီးယအ့ၪၥံၫခိၬတၭ, ခုၪ့လၩ့ ဘၧၩ့ခွံၬယၧၩလၧဆၧၥွၪခိၪအဖၧၩ့ထီးယွၩအၡၩအီၪ ခုၪ့လၩ့ဘၧၩ့အၥၭလၧအဖၧၩ့နီၪဆံၭ. အီၪက့ၪယဎွံၪ
32 လၧအဝ့ၫအဎွံၪအနဲၩ့ထံၭနီၪဆံၭ.- အဂဲးဘဲၫယီၩဆၧ ချဲၩ့လၧအကိၭထၪ့ယဟိဝၩ အလူထၫ့ဒၩဆၧလုအလး လၧဘ့ၫၥလၭအဖၧၩ့ဒဲထၫ့ဒၩ ဂံၪ့လဖၪလၧဆၧအလး ထၪ့ထီၫထီးအလူၬ လၧအအီၪဝ့ၫလၧစမ့ရအၫအဒိၩ့ ၥံၪအဖၧၩ့နီၪ မိလၧၫ့ထၪ့ဎွ့ၩထၪ့တၡါလီၫ.
33 ဆၧလမံၩ့ယီၩအလးခဲၫ့ စယ့ၫရဘိအၫ့ ဂဲၫထဲၩ့ ကဒၩထဲၩ့လၧအဖၧၩ့ၥၭအၧၩ့အ့ၬး အ့ၪမွဲအီၪက့ၪထဲၩ့ ဒီၭၦၡၪ့ထုၬလၧၦခမျၧးအကျၩ လၧအလးထၪ့ထီၫအ ၡၩလုဆၧလဖၪလီၫ. တၭထီးဒၪ ၦလၧအဘၪအၥၭ နီၪ,အီၪက့ၪလၩ့မဲၩဒၪဆၧဘဲၫၥိၭ အမိကဲၪထၪ့ဆၧအ လးထၪ့ထီၫအၡၩလုဆၧနီၪလီၫ.
34 တၭဆၧလမံၩ့ယီၩ ကဲၪထၪ့ဆၧဒဲၩဘၭလၧစယ့ၫရ ဘိအၫ့အဂံၪ့အဂး, ထီးဆၧဒၪ့ထ့ၬ, ဒဲမၩဂၭဂီၩ့ခွံၬဝ့ၫ လၧဂၪ့ခိၪချိၫ့လီၫ.