14
1 တၭအနီၪမွဲဆၧလၧၦအံၫစရ့လၭဖိၪ န့ၥၫလၧခးကၫ နအၫ့အဖၧၩ့, လၧၦလုဆၧစအံၫလအ့ဇၫလဂၩ,ဒဲစနိၫ့ အဖိၪခွၫစယီရှုၫအ့ၫ, ဒဲၦအံၫစရ့လၭဖိၪအဒီၪ့အဖါလ ဖၪအခိၪၥံၪဖ့ၪလၫ့ အၪ့နၩ့ဖၭန့ဝ့ၫ လၧဆၧန့ၥၫအဂး
2 လီၫ.- လၧအဖၭဆၧအကၠီၩ့တၭ န့ဘၪအဆၧန့ၥၫဘဲၫ ယဟိဝၩမၪလူၬဝ့ၫလၧစမိစ့ၭ အစူၪဖၧၩ့အၥိၭ, လၧၦ ခွံၫဒီၪ့ဒဲလခီၫဒီၪ့အဂးလီၫ.
3 အဂဲးဘဲၫယီၩ စမိစ့ၭဖ့ၪလၫ့ယူၭၦနံၫဒီၪ့ ဒဲလခီၫဒီၪ့ အဆၧန့ၥၫ လၧယီၫဒၫ့ဝါလခီၫလီၫ. အ့ၪမွဲၦလံဝဲၫဖိၪ
4 နီၪဖ့ၪလၫ့ဝ့ၫလၧအဆၧန့ၥၫလၧအကျၩအ့ၬ.- (အဂဲး ဘဲၫယီၩစယိၥၭအဖိၪမွဲၦနံၫဒီၪ့, စမနၭစ့ၫ, ဒဲစအံဖံၫ့ လီၫ.) မၩအၥၭဘဲၫနီၪတၭ အဝ့ၫၥံၪဖ့ၪလၫ့ဆၧအဂး လၧၦလံဝဲၫဖိၪ လၧထံၫၥံၪခးၥံၪ အဖၧၩ့အ့ၬ. မွဲအဖ့ၪ လၫ့န့ၫဒိၩ့လဖၪလၧအမိအီၪလၧအဖၧၩ့, ဒဲဆၧအၪ့အ ဆၪအလးဝၬဖီၩ့ဝ့ၫ လၧအဆၧဖိၪဆၧဎါအဒိၩ့အဂး, ဒဲလၧအဆၧဖိၪဆၧလံၩအဂးလီၫ.
5 ဘဲၫယဟိဝၩမၪလူၬစမိစ့ၭအၥိၭနီၪ, ၦအံၫစရ့လၭ ဖိၪမၩဝ့ၫဘဲၫနီၪအၥိၭ, ဒဲအၪ့နၩ့ဖၭ ထံၫၥံၪခးၥံၪအ ဆၧၫ့နီၪလီၫ.
6 တၭၦယုဒၫဖိၪဂဲၫလၧစယီရှုၫအ့ၫအအီၪ လၧဂံလဂၫ လၭအဖၧၩ့း ဒဲၦကံနၭဖိၪ, စယဖၧၫနံၫအဖိၪခွၫစကၫ လ့ၭ,စံၭအဝ့ၫဒၪ, ဆၧလၧယဟိဝၩစံၭယွၩအခ့ၫအၡၩ စမိစ့ၭလၧအဂဲးအကၠီၪ့, ဒဲနဂဲးနကၠီၪ့လၧကၫဒ့ၭဘၫန့
7 အၫအဖၧၩ့နီၪ, နၥ့ၪယၫလီၫ.- လၧယဟိဝၩအခ့ၫအ ၡၩစမိစ့ၭအၪ့မၧၫ့လၩ့ယၧၩ လၧကၫဒ့ၭဘၫန့အၫဘဲၫ ၥိၭယမိယိၥူၪထံၫၥံၪခးၥံၪနီၪ ယၥၭၡါအနံၪ့လံဆံၫ, တၭယဂဲၫထဲၩ့ဆိၬဆၧချဲၩ့ လၧအအီၪလၧယၥၭခံဖၧၩ့
8 နီၪလီၫ.- မွဲလါနၫ့တၭ ယထၧၫ့ဖုဝဲလၧအလ့ၩထၪ့လၧ ယၥိၭလဖၪနီၪမၩဖံၪထၪ့ၦခမျၧးအၥၭလီၫ. အ့ၪမွဲယ ဝ့ၫဒၪယီၩ ယလီၩ့ဖိၬယဟိဝၩယယွၩအခဲၫ့ လၧၫ့လၧၫ့
9 ဎွ့ၩဎွ့ၩလီၫ.- တၭဆၧလၧမုလနံၩ စမိစ့ၭဆိၪလၩ့အၥၭ တၭစံၭဝ့ၫဒၪ, မွဲမၬခးလၧနယဲးလၩ့ဝ့ၫ မိကဲၪထၪ့နဆၧ န့ၥၫအလး, ဒဲလၧနဖိၪနလံၩအလး လၩ့ဆိၩလၩ့ကၠၪ လီၫ. အဂဲးဘဲၫယီၩ နဖိၬယူၭယဟိဝၩယယွၩအဖၧၩ့
10 ၥၭလၧၫ့လၧၫ့ဎွ့ၩဎွ့ၩယူၭလီၫ.- ဘိၩ့နဲၪ့ယီၩ, ယိခွါ, ယဟိဝၩဒုၭမၧၫ့ဒံၭယၧၩ, ဘဲၫအစံၭဝ့ၫအၥိၭနီၪ, လံ ဆံၫယဲနံၪ့ယီၩ, လၧယဟိဝၩ ချဲၩ့ဆၧချဲၩ့လထံၪနီၪ, လၧစမိစ့ၭလံၩလံၩ, လၧၦအံၫစရ့လၭဖိၪ စဲၪ့ဝံၩ့ဝၩ့လၧ ၡါမုနၧၫ့ဖၫအဘိၩ့ဘၭနီၪး တၭဘိၩ့နဲၪ့ယီၩ, ယိခွါ, ဆၧလၧမုဆၫလနံၩယီၩ ယၥၭၡါယူၭ ဎိၭဆံၫယဲနံၪ့
11 လီၫ.- မွဲလါနၫ့ယဂဲးဆီၪ့ယဘၭဆီၪ့ လၧမုဆၫလနံၩ ယီၩ, ဘဲၫလၧအနံၩလၧစမိစ့ၭအၪ့မၧၫ့လၩ့ယၧၩအၥိၭ နီၪ,ဘဲၫယဂဲးယဘၭ အီၪအထီထီးနီၪအၥိၭ, ယဂဲးယ ဘၭအီၪဝ့ၫဘိၩ့နဲၪ့ယီၩ ဘဲၫနီၪအၥိၭဆ့, လၧဆၧဒုၭ ၥုၭအဂး, လၧစဲၪ့ထၪ့အဂး, ဒဲလၧဂဲၫနုၬအဂးဆ့လီၫ.
12 တၭဘိၩ့နဲၪ့ယီၩ ဖ့ၪလၫ့ယၧၩ လၧခိၪလီၩ့လဖျိၪ့နီၪ, လၧယဟိဝၩ ချဲၩ့ဆၧလၧအဂဲးအကၠီၪ့ လၧမုလနံၩနီၪ ဆံၭ. အဂဲးဘဲၫယီၩ နနါဂၧၫ့လၧမုဆၫလနံၩနီၪလၧၦ အၫနၭဖိၪအီၪဝ့ၫတၭ, ဒိၩ့လဖၪနီၪဒိၪဝ့ၫ ဒဲအီၪလၧအ ခိၪဒၧၩ့နီၪလီၫ. ယဟိဝၩအ့ၪအီၪလၧယၥိၭတၭ, ယ မိနၫ့ထၪ့ခွံၬအဝ့ၫၥံၪ ဘဲၫယဟိဝၩစံၭဝ့ၫအၥိၭနီၪလီၫ.
13 စယီရှုၫအ့ၫဆိၪဂ့ၩအဝ့ၫဒၪ, ဒဲဖ့ၪလၫ့ စယဖၧၫနံၫ အဖိၪခွၫ စကၫလ့ၭ လၧဟံဘြၧၫ့ လၧအဆၧန့ၥၫနီၪ
14 လီၫ.- မၩအၥၭဘဲၫနီၪတၭ, ဟံဘြၧၫ့ကဲၪထၪ့ၦကံနၭ ဖိၪစယဖၧၫနံၫအဖိၪခွၫ စကၫလ့ၭအဆၧန့ၥၫခီးမုဆၫ လနံၩယီၩလီၫ. အဂဲးဘဲၫယီၩ မွဲအဖိၬယဟိဝၩ အံၫ စရ့လၭအယွၩအဖၧၩ့ၥၭ လၧၫ့လၧၫ့ဎွ့ၩဎွ့ၩအကၠီၩ့
15 နီၪလီၫ.- တၭလၧအခၪ့ထံၭနီၪ ဟံဘြၧၫ့အမံၩ့မွဲကၧၫ ယၭအၫဘၫလီၫ. အနီၪမွဲၦဒိၪလဂၩ လၧအၫနၭဖိၪအ ကျၩလီၫ. တၭထံၫၥံၪခးၥံၪအီၪပွံၭဝ့ၫ လၧဆၧဒုၭၥုၭ နီၪလီၫ.