13
1 တၭစယီရှုၫအ့ၫအၥၭၡါယူၭ, ဒဲလ့ၩနုၬယူၭလၧနံၪ့လ ဖၪအကျၩလီၫ. တၭယဟိဝၩစံၭအဝ့ၫဒၪ, နၥၭၡါယူၭ တၭ,ဂၪ့ခိၪလၧၦမိဘၪမၩန့ဒံၭဝ့ၫနီၪ, အီၪဒံၭအၪအၪ လ့ၬလီၫ.
2-3 တၭဂၪ့ခိၪလၧအအီၪဒံၭနီၪ, မွဲအယီၩး- ၦ ဖလံၡၫဖိၪအခးနဲၩ့ထံၭထီးအလူၬ, ဒဲၦဂ့ၭရှုရဲၫအခး ထၧၫ့ဘံၪ့ယၫ, လၧစဲဟီၫလၧအအီၪလၧအံဇံၭအမ့ၬ ယၫဖိးလၧအ့ၭကြၧၫ့အခးနဲၩ့ထံၭ လၧမုဖၩလခီၫ,လၧ ဆၧအီၪက့ၪလၧၦကၫနအၫ့ဖိၪအဂး, ဖလံၡၫဖိၪအၦဒိၪ ယဲဂၩအခး ၦဂၫဇၫဖိၪအခး, ဒဲၦအၭစဒီၭဖိၪအခး, ၦ အ့ၡကၫလၧၫ့ဖိၪအခး, ၦဂံၭတဲၭဖိၪအခး ဒဲၦအၫဝဲၫ
4 ဖိၪအခးဆ့လီၫ.- လၧမုခံၫ့လခီၫနီၪ ၦကၫနအၫ့ဖိၪအခး ထၧၫ့ဘံၪ့ယၫ, ဒဲမံရၫလၧအအီၪလၧၦစဲဒၧၫ့ဖိၪ အခး နဲၩ့ထံၭဖိးလၧအၫဖ့ၭ, ဖိးလၧအၫမိၫဖိၪအခးနဲၩ့ထံၭ,
5 ဒဲၦဂံၭဘျဲၭဖိၪအခး, ဒဲလ့ၭဘနၧၫ့လၧမုထၪ့လခီၫထၧၫ့ ဘံၪ့ယၫ, လၧဘၫအလၭဂၬအခိၪလီၩ့ ဟၧမၧၫ့အခၪ့
6 ထံၭ,ဖိးလၧဆၧလ့ၩနုၬ လၧဟၫမၭလီၫ.- ကယဲခိၪလီၩ့ ဖိၪလၧလ့ၭဘနၧၫ့ဖိးလၧမံၭစၫဖီၭမ့အၧၫ့ ဒဲၦစဲဒၧၫ့ဖိၪ ထီးအလူၬနီၪ ယမိနၫ့ထၪ့ခွံၬဝ့ၫ လၧၦအံၫစရ့လၭဖိၪ အမ့ၬယၫလီၫ. အ့ၪမွဲနဝ့ၫဒၪယီၩဖၭဆၧတၭ, အၪ့နၩ့ ဖၭဆၧနီၪ လၧအံၫစရ့လၭဖိၪလၧဆၧန့ၥၫအဂး, ဘဲၫ
7 ယမၪလူၬနၧၩ အၥိၭနီၪဆံၭ.- မၩအၥၭဘဲၫနီၪတၭ, ဘိၩ့နဲၪ့ယီၩအၪ့နၩ့ဖၭ ထံၫၥံၪခးၥံၪယီၩ လၧဆၧန့ၥၫ အလးလၧၦခွံၫဒီၪ့, ဒဲလၧၦမနၭစ့ၫဖိၪလခီၫဒီၪ့အဂးနီၪ ဆံၭ.
8 တၭအဝ့ၫနီၪ, ဒဲၦရုဘံၫ့ဖိၪ, ဒဲၦဂၭဖိၪနီၪန့ဘၪ ယူၭအဆၧန့ၥၫလၧစမိစ့ၭဖ့ၪလၫ့ဝ့ၫ လၧယီၫဒၫ့ဝါလ ခီၫလၧမုထၪ့လခီၫဘဲၫယဟိဝၩအခ့ၫအၡၩစမိစ့ၭဖ့ၪ
9 လၫ့ဝ့ၫအၥိၭနီၪ,- လၧအရိအၧၫလၧအအီၪလၧအၫနၫ့ အထံၫနဲၩ့, ဒဲဒိၩ့အီၪဝ့ၫလၧထံၫချိၬအၥၭကျၩ ဒဲဆၧ
10 ပျၩ့မ့ၭဒဘၫထၧၫ့ဘံၪ့ယၫဖိးလၧဒဲဘၫ့,- ဒဲၦအၫမိၫဖိၪ အစဎွၩစဲဟၫ့လၧအပၧၩ့ဆၧ လၧဟ့ၭၡဘၫ့အဖၧၩ့လ ဂၩအဒိၩ့လဖၪထီးအလူၬ, ဖိးလၧၦအၫမၧၫ့ဖိၪအခး
11 နဲၩ့ထံၭး- ဒဲဂံလအၭ, ဒဲၦဂ့ၭရှုၫဖိၪ, ဒဲၦမၫအကၭဖိၪ အခးနဲၩ့ထံၭ, ဒဲခိၪလီၩ့ဟၧမၧၫ့ ထၧၫ့ခးယၫ, ဒဲဘၫ
12 ၡၫ့ထၧၫ့ဘံၪ့ယၫဖိးလၧစၫလကၭ,- ဒဲဘၫၡၫ့အစဎွၩ အီၭလၧအပၧၩ့ဆၧလၧအၭၡတြီၭအဖၧၩ့, ဒဲလၧအ့ဒ အဲၫအဖၧၩ့လၧအအီၪလၩ့ထး လၧၦအဆီၪ့ဖိၪလၧအ အီၪလၩ့ထးအကျၩလဂၩ အဘၩ့အမုးထၧၫ့ဘံၪ့ယၫ လီၫ. တၭစမိစ့ၭဖ့ၬခွံၬ အဝ့ၫၥံၪဒဲနၫ့ထၪ့ခွံၬဝ့ၫလီၫ.
13 မွဲလါနၫ့ဘိၩၦအံၫစရ့လၭဖိၪ နၫ့ထၪ့ခွံၬဘၪၦဂ့ၭရှုၫ ဖိၪ,ဒဲၦမၫအကၭဖိၪအ့ၬ. အ့ၪမွဲၦဂ့ၭရှုၫဖိၪ, ဒဲၦမၫအ ကၭဖိၪအီၪဝ့ၫ လၧၦအံၫစရ့လၭဖိၪ အကျၩထီးမုဆၫ
14 လနံၩယီၩလီၫ.- အ့ၪမွဲၦလံဝဲၫဖိၪနီၪ မွဲအဖ့ၪလၫ့ဝ့ၫလၧ ဆၧန့ၥၫအ့ၬး ယဟိဝၩအံၫစရ့လၭအယွၩ အဆၧလု မၩလၧမ့ၪမွဲအဝ့ၫၥံၪအဆၧန့ၥၫ ဘဲၫအစံၭအဝ့ၫၥံၪအ ၥိၭနီၪလီၫ.
15 တၭစမိစ့ၭဖ့ၪလၫ့ဆၧလၧ ၦရုဘံၫ့ဖိၪလဒီၪ့ဘဲၫအဂံၪ့
16 ဒီၪ့လဖၪအၥိၭနီၪလီၫ.- တၭအခးနဲၩ့ထံၭနီၪမွဲလၧအ ရိအၧၫလၧအအီၪလၧထံၫမိၡါအၫနၫ့အနဲၩ့, ဒဲဒိၩ့အီၪ ဝ့ၫလၧထံၫချိၬအၥၭကျၩ, ဒဲဆၧပျၩ့ထၧၫ့ဘံၪ့ယၫလၧ
17 မ့ၭဒဘၫအနဲၩ့ထံၭ, ဟ့ၭၡဘၫ့,- ဒဲအဒိၩ့ထီးအလူၬ လၧအအီၪဝ့ၫလၧဆၧပျၩ့ဖၧၩ့, ဒဲဘၫ့,ဒဲဘၫမိၭဘၫအ
18 လၭ,ဒဲဘ့ၭၥဘၫအလၭမံအၧၫ့,- ဒဲယၭဟၫဇၫ,ဒဲကၫ
19 ဒ့ၭမိၭ,ဒဲမံၫဖ့လၭ,- ဒဲကၧၫယၭၥအံၫ့, ဒဲစံဘမၫ,ဒဲဇ့ၭ
20 ရ့ၭၡၫဟၫ လၧခိၪလီၩ့အဆူၭအခိၪလီၩ့.- ဒဲဘ့ၭၥပံ
21 အီၫ,ဒဲအၭၡဒီၭ, ဖံစဂၫ, ဒဲဘ့ၭယ့စမီၭ,- ဒဲဆၧပျၩ့အဒိၩ့ ၥံၪထီးအလူၬ, ဒဲၦအၫမိၫဖိၪအစဎွၩစဲဟၫ့လၧအပၧၩ့ ဆၧလၧဟ့ၭၡဘၫ့အဖၧၩ့ လဂၩအဘၩ့အမုးထၧၫ့ဘံၪ့ ယၫ,ၦလၧစမိစ့ၭ ဖ့ၬခွံၬလၧမံဒအၫ့ အၦဒိၪလဖၪအ ၥိၭ,စအံဝဲၫ,ဒဲစရံကံၫ့, ဒဲစဇၧၫ့,ဒဲစဟၧၫ,ဒဲစရံဘၫ,လၧ အမွဲစဲဟၫ့အၦဒိၪလဖၪ, အီၪဝ့ၫလၧထံၫၥံၪခးၥံၪအ
22 ဖၧၩ့နီၪလီၫ.- စဘံအီၫအဖိၪခွၫမီၪစဘၫလၫ့နီၪ ၦအံၫ စရ့လၭဖိၪမၩၥံၫလၧနၭ လၧၦလၧအဘၪဆၧမၩၥံၫဝ့ၫ
23 လၧအကျၩနီၪလီၫ.- တၭၦရုဘံၫ့ဖိၪအခးနဲၩ့ထံၭနီၪမွဲ ထံၫယီၫဒၫ့ဒဲအနဲၩ့ထံၭလီၫ. အနီၪမွဲၦရုဘံၫ့ဖိၪအဆၧ န့ၥၫ,ဘဲၫအဂံၪ့ဒီၪ့လဖၪအၥိၭနီၪ, ဒိၩ့လဖၪ,ဒဲအတဝၫ့ လဖၪနီၪလီၫ.
24 တၭစမိစ့ၭဖ့ၪလၫ့ဆၧလၧဂၭလဒီၪ့နီၪ, ဘဲၫၦဂၭဖိၪ
25 အဂံၪ့ဒီၪ့လဖၪအၥိၭနီၪလီၫ.- တၭအဝ့ၫၥံၪအခးနဲၩ့ ထံၭနီၪမွဲယ့ၫဇၧၫဒဲဂံလအၭအဒိၩ့ထီးအလူၬ, ဒဲၦအၫ မၧၫ့ဖိၪအခးဖိၭဖၫ့ခး ဖိးလၧအရိအၧၫလၧအအီၪလၧ
26 ရၭဘၫအမ့ၬယၫ,- ဒဲလၧဟ့ၭၡဘၫ့ဖိးလၧရၫမၭမံၭ ဇပၫ,ဒဲဘ့ၭတနံၫ့ ဒဲလၧဖ့ၫဟန့အံၫ့ဖိးလၧဒံဘၧၫအခး
27 နဲၩ့ထံၭ,- တၭအီၪဝ့ၫလၧခိၪလီၩ့ဆူၭအဖၧၩ့နီၪ, ဘ့ၭ ၥရၫ့ဒဲဘ့ၭၥနံၫ့မၫ, ဒဲစၧကီၭ, ဒဲဇၫဖၫ့, ဆၧအီၪလၩ့ ထးလၧဟ့ၭၡဘၫ့အစဎွၩ စဲဟၫ့ အဘၩ့အမုး, ထံၫ ယီၫဒၫ့ဒဲအနဲၩ့ထံၭဖိးလၧ မၫဆမံၭခံၫ့နရ့ၭအနဲၩ့ထံၭ
28 လၧယီၫဒၫ့ဝါလခီၫလၧမုထၪ့လခီၫလီၫ.- အဝ့ၫနီၪမွဲၦ ဂၭဖိၪအဆၧန့ၥၫ, ဘဲၫအဂံၪ့ဒီၪ့လဖၪအၥိၭနီၪ, ဒိၩ့လ ဖၪဒဲအတဝၫ့လဖၪဆ့လီၫ.
29 စမိစ့ၭဖ့ၪလၫ့ဆၧလၧၦမနၭစ့ၫဖိၪ လခီၫဒီၪ့တၭ,အ ယီၩမွဲၦမနၭစ့ၫဖိၪလခီၫဒီၪ့အဆၧန့ၥၫ, ဘဲၫအဂံၪ့ဒီၪ့
30 လဖၪအၥိၭနီၪလီၫ.- အခးနဲၩ့ထံၭအီၪဝ့ၫ လၧမၫဟ နၫအံၫ့, ဘၫၡၫ့ထၧၫ့ဘံၪ့ယၫ, ဘၫၡၫ့အစဎွၩအီၭအ ဘၩ့အမုးထၧၫ့ဘံၪ့ယၫ, ဒဲယၫအၧၫအဒိၩ့လၧအအီၪ
31 လၧဘၫၡၫ့အဖၧၩ့ထီးအလူၬ, ဒိၩ့ဎူၫဆံၫလီၫ.- ဒဲဂံလ အၭဖိၭဖၫ့,ဒဲအၭၡတြီၭ, ဒဲအ့ဒအဲၫ,ဒိၩ့လဖၪအီၪလၧ စအီၭအဘၩ့အမုးအဖၧၩ့ လၧဘၫၡၫ့ဘၪဆဲၫ့လၧစမ နၭစ့ၫအဖိၪခွၫ, စမၫခၧၫအဖိၪ, လၧစမၫခၧၫအဖိၪဖိၭ
32 ဖၫ့ဘဲၫအဂံၪ့ဒီၪ့လဖၪအၥိၭနီၪလီၫ.- အနီၪမွဲဆၧလၧ စမိစ့ၭဖ့ၪအၪ့နၩ့ဖၭလၧဆၧန့ၥၫအဂး လၧမိအၭအဆၧ ပျၩ့ဖၧၩ့လၧယီၫဒၫ့ဝါလခီၫ ဆဲၫဎၩ့လၧယ့ၫရခိၫလၧမု
33 ထၪ့လခီၫနီၪလီၫ.- အ့ၪမွဲလၧၦလံဝဲၫဖိၪလဒီၪ့နီၪ စမိ စ့ၭဖ့ၪလၫ့အဆၧန့ၥၫအ့ၬ. ယဟိဝၩ အံၫစရ့လၭအ ယွၩမွဲအဝ့ၫၥံၪအဆၧန့ၥၫ ဘဲၫအစံၭဝဲၩဝ့ၫ အၥိၭနီၪ လီၫ.