15
1 အယီၩမွဲၦယုဒၫဖိၪလဒီၪ့အဂး ဘဲၫအဂံၪ့ဒီၪ့လဖၪ အၥိၭနီၪ, ဖိးလၧအံဒိၫ့အခးနဲၩ့ထံၭ, ၡါမုနၧၫ့ဖၫဇံၫ့
2 လၧမုခံၫ့လခီၫနီၪ မွဲခးလၧမုခံၫ့အနဲၩ့ထံၭအထုၬ,-တၭ အခးနဲၩ့ထံၭလၧမုခံၫ့နီၪ, အီၪလၧမၫဆမံၭ ထံၫလၪ
3 အဆၧဒူၩ့ကဲၪ့ လၧအတီၩလၧမုခံၫ့လခီၫ,- တၭလ့ၩ ဆၧလၧမုခံၫ့ဖိးလၧ မအၫလ့ၫအၭကြၫ့ဘံၫ့, ဒဲလ့ၩဝ့ၫ လၧဇံၫ့တၭ, လ့ၩထၪ့လၧမုခံၫ့ဖိးလၧကၫဒ့ၭဘၫန့အၫ ဒဲလ့ၩဆၧထီၩ့ လၧဟ့ဇရၧၫ့, ဒဲလ့ၩထၪ့လၧအၫဒၫ, ဒဲ
4 လ့ၩဎဲၪ့ဆၧဖိးလၧကၫကအၫ,- တၭလ့ၩဝ့ၫလၧအၭဇ မၧၫ့တၭစဲၪ့ထၪ့ဝ့ၫလၧအံဇံၭ အထံၫမိၡါတၭအခးနဲၩ့ စဲၪ့ထၪ့ခွံၬဝ့ၫ ထီးမၫဆမံၭနဲၩ့ထံၭနီၪလီၫ. အနီၪမွဲန ၥံၪအခးနဲၩ့ထံၭလၧမုခံၫ့လခီၫလီၫ.
5 ခးအနဲၩ့ထံၭလၧမုထၪ့လခီၫနီၪ မွဲမၫဆမံၭထံၫလၪ ဖိးလၧယီၫဒၫ့အထုၬတၭ, ခးအနဲၩ့ထံၭလၧမုဖၩလခီၫ နီၪမွဲလၧမၫဆမံၭ အဆၧဒူၩ့ကဲၪ့ လၧယီၫဒၫ့အထုၬ
6 လီၫ.- တၭခးအနဲၩ့ထံၭနီၪ လ့ၩဆၧလၧဘ့ၭၥဟီၭလၫ, ဒဲလ့ၩဝ့ၫလၧဘ့ၭၥၫရဘၫ လၧမုဖၩလခီၫး ဒဲခးအနဲၩ့ ထံၭနီၪလ့ၩထၪ့ဝ့ၫလၧစရုဘံၫ့အဖိၪခွၫ စဘိဟၫ့အလိး
7 လဖျိၪ့,- တၭခးအနဲၩ့ထံၭနီၪ လ့ၩထၪ့ဝ့ၫလၧဒံဘၧၫအ ခိၪလီၩ့ဆူၭအၫကီၫ, ဒဲလၧမုဖၩလခီၫ တီၩဝ့ၫလၧဂံလ ဂၫလၭလၧအအီၪဝ့ၫလၧဆၧလ့ၩထၪ့ လၧအဒၧမံၫ့အ မ့ၬယၫ, လၧအအီၪဝ့ၫလၧထံၫချိၬလၧမုခံၫ့လခီၫ, ဒဲခး အနဲၩ့ထံၭနီၪလ့ၩဝ့ၫလၧ အံၪ့ၡၫမ့ၬအထံၫတၭ, အစဲၪ့
8 ထၪ့ဝ့ၫနီၪမွဲထီးအံၪ့ရိဂလၭး- တၭခးအနဲၩ့နီၪလ့ၩထၪ့ လၧစဟံၪ့နၧၫ့အဖိၪခွၫ အခိၪလီၩ့ဆူၭ, လၧယဘူစဲၭ လၧမုခံၫ့လခီၫ, အဝ့ၫနီၪမွဲယရုစလံၫ့လီၫ. တၭခးအ နဲၩ့ထံၭနီၪလ့ၩထၪ့ဘၭခိၪလီၩ့ဒၩ့ခိၪ လၧအအီၪလၧ ခိၪလီၩ့ဆူၭဟံၪ့နၧၫ့အမ့ၬယၫ လၧမုနုၬလခီၫ ၦဆီၪ့
9 ဖိၪအခိၪလီၩ့ဆူၭအထုၬလၧမုဖၩလခီၫလီၫ.- ဆၧထိၪ ခးအနဲၩ့ထံၭလၧခိၪလီၩ့ဒၩ့ခိၪဖိးလၧထံၫန့ၭဖၥိၫအၫ အထံၫထၪ့ဖျိၭတၭ, လ့ၩဝ့ၫလၧခိၪလီၩ့ အံဖၧၫအဒိၩ့ လဖၪ,တၭဆၧထိၪခးအနဲၩ့နီၪ လၧဘၫအလၫလၧအ
10 မွဲကၧၫယၭယအရံၫ့.- တၭခးအနဲၩ့နီၪလ့ၩဎဲၪ့ဆၧလၧ ဘၫအလၫအမုနုၬလခီၫ လၧခိၪလီၩ့စံအၫ, ဒဲလ့ၩဆၧ လၧခိၪလီၩ့ ယ့အရံၫ့အပၪ, အဝ့ၫနီၪမွဲခ့ၭစလၧၫ့လၧမု ဖၩလခီၫတၭ, လ့ၩလၩ့လၧဘ့ၭၥၡ့မ့ၭတၭ, လ့ၩဆၧ
11 လၧတံမနၫ,- ခးအနဲၩ့နီၪစဲၪ့ထၪ့လၧအ့ၭကြၧၫ့အနဲၩ့ လၧမုဖၩလခီၫတၭ, ဆၧထိၪခးအနဲၩ့နီၪ လၧၡဲကြၧၫ့ တၭ,လ့ၩဝ့ၫလၧခိၪလီၩ့ဘၫအလၫတၭ, စဲၪ့ထၪ့ဝ့ၫလၧ ယၭဘနံၫလၭတၭ, ခးအနဲၩ့စဲၪ့ထၪ့ခွံၬ ထီးမၫဆမံၭ နဲၩ့နီၪလီၫ.
12 တၭခးအနဲၩ့လၧမုနုၬလခီၫနီၪ မွဲမၫဆမံၭဖၭဒိၪ, ဒဲအနဲၩ့ထံၭနီၪလီၫ. အနီၪမွဲယုဒၫဖိၪ အခးနဲၩ့ဝၬဖီၩ့ ဝ့ၫ, ဘဲၫအဂံၪ့ဒီၪ့လဖၪအၥိၭနီၪလီၫ.
(စ့ၩ ၥ:ၥၥ-ၥ၅).
13 တၭအဝ့ၫဖ့ၪလၫ့စယဖၧၫနံၫအဖိၪခွၫ စကၫလ့ၭအ ဂးလၧၦယုဒၫဖိၪအကျၩ, ဘဲၫယဟိဝၩမၪလူၬ စယီရှုၫ အ့ၫအၥိၭနီၪ, စအၫနၭအဖါစအၫဘၫအဒိၩ့ လၧအမွဲ
14 ဟံဘြၧၫ့နီၪလီၫ.- တၭစကၫလ့ၭနီၪနၫ့ထၪ့ခွံၬစအၫနၭ အဖိၪခွၫၥၧၫ့ဂၩ, စၡံၡဲၫ, ဒဲစအၫဟဲမၫ့, ဒဲစတၫလမ့ၫ,
15 စအၫနၭအဖိၪခွၫလဖၪ လၧအလးထီးနီၪလီၫ.- တၭမွဲ အလ့ၩထၪ့ဝ့ၫထီးနီၪ, လၧၦဒံဘၧၫဖိၪအအီၪလီၫ. တၭ
16 လၧၥၫ့နီၪဒံဘၧၫအမံၩ့ မွဲကၧၫယၭစံဖၧၫလီၫ.- တၭ စကၫလ့ၭစံၭဝ့ၫဒၪ, ၦလၧအဖ့ၬခွံၬကၧၫယၭစံဖၧၫ ဒဲ မၩန့ဝ့ၫလဂၩနီၪ, ယမိဖ့ၪလၫ့ယဝ့ၫ လၧယဖိၪမုၪ နး အၭစၫလၧအမၫအဂးလီၫ.
17 တၭစကၫလ့ၭအထၧၫ့ဖုဝဲစကံနၭအဖိၪခွၫ စအီၫၥၫ နအ့လၭလဂၩနီၪ မၩန့ဝ့ၫတၭ, အဝ့ၫဒၪဖ့ၪလၫ့ဝ့ၫလၧ
18 အဖိၪမုၪနးအၭစၫလၧအမၫအဂးလီၫ.- တၭၦမုၪဂဲၫ ထီၩ့နီၪဆၧမၩအၥၭလၧအထိၪဂဲၩ အဝ့ၫဒၪဘဲၫၥိၭအ မိအၪ့ကံၩ့ ဂၪ့ခိၪလဝၩ့လၧအဖါလီၫ. တၭၦမုၪနီၪစဲၪ့ လၩ့ခွံၬလၧကၥ့ၪယီၩ့ခိၪလီၫ. တၭစကၫလ့ၭစံၭအဝ့ၫ,
19 ဘၪနၥၭလၧဆၧနီၪလမံၩ့လဲၪ.- တၭၦမုၪနီၪစံၭဆၧၫ့ ဝ့ၫ,ဖ့ၪလၫ့ယၧၩလၧဆၧဆိၪဂ့ၩဘီၪး အဂဲးဘဲၫယီၩ နဖ့ၪလၫ့ယူၭယၧၩ လၧခးမုခံၫ့လခီၫယူၭ, ဖ့ၪလၫ့လါ ဆ့ယၧၩလၧထံၫထၪ့ဖျိၭလဖၪနီၪဆံၭ. တၭအဆၧဖ့ၪ လၫ့ဝ့ၫလၧထံၫထၪ့ဖျိၭ လၧထၭလခီၫ, ဒဲထံၫထၪ့ဖျိၭ လၧလၬလခီၫနီၪလီၫ.
20 အယီၩမွဲၦယုဒၫဖိၪလဒီၪ့အဆၧန့ၥၫ ဘဲၫအဂံၪ့လဖၪ အၥိၭနီၪလီၫ.
21 တၭၦယုဒၫဖိၪလဒီၪ့အဒိၩ့လဖၪ လၧအယဲၩ့ထုၬတီၩ လၧခးအံဒၧၫ့အနဲၩ့ လၧမုခံၫ့လခီၫနီၪ မွဲကၭတဇံၫအ့
22 လၭ,ဒဲအံဒၫ,ဒဲယၫဂၧၫ,- ဒဲကဲနၫ,ဒဲဒမိနၫ,ဒဲအၭဒဒၫ, ဒဲက့ၭဒ့ၭ,ဒဲဟၫဇၧၫ,ဒဲအံၥနၫ့,
23-24 ဇံဖၭ,ဒဲတံလံၫ့,
25 ဒဲတံအလီၭ,- ဒဲဟၫဇၧၫ,ဟဒၭတၫ,ဒဲက့ၫရအီၭ,ဒဲယ့
26 ဇရၧၫ့တၭ, အနီၪမွဲဟၫဇၧၫ့,- အၫမၩ့, ဒဲၡံမၫ, ဒဲမီ
27 လဒၪ,- ဒဲဟၫဇၫဂၭဒၫ, ဒဲဟ့ၡမၩ့, ဒဲဘ့ၭၥပၫလ့ၭ,
28 ဒဲဟၫဇၫရှူၫအ့လၭ, ဒဲဘံအၧၫၡံၫဘၫ, ဒဲဘ့ၭစယီၫ
29 ၥယၫ,- ဘၫအလၫ,ဒဲအဲအံၫ့,ဒဲအ့ဇံၫ့,ဒဲအ့လတိလၭ,
30 ဒဲခံၫစ့လၭ,ဒဲဟီမၫ,- ဒဲဇံၭလၭ,ဒဲမၭဒမၫနၫ,ဒဲစၫ့စၫ့
31 နၫ့,- ဒဲလဘၫအီၭ, ဒဲၡံလဟံၫ့, ဒဲအၫအံၩ့, ဒဲရံမၧၫ့
32 လီၫ.-ဒိၩ့ထီးအလူၬနီၪမွဲနံၫဆံၫခွံၫဒိၩ့ အီၪလၧအတ ဝၫ့လဖၪလီၫ.
33 လၧခိၪလီၩ့ဆူၭအ့ၭၡတ့ၫအီလၭ, ဒဲဇိရံအၫ, ဒဲအၭ
34 ၡနၫ,- ဒဲဇၫ့အိအၫ,အံၫ့ဂၪ့နံၫ့, တၫပုအၫ,ဒဲအံနၫ့, ယၫမုၫၥၫ,ဒဲအဒၧလၫ့,စိကိၫ,ဒဲအဇံကၫ,
35-36 ဒဲၡရၫ အံၫ့,ဒဲအဒံၭၥံၫ့,ဒဲကဒံရၫ,ဂံၫဒရီၭၥံၫ့လီၫ. ဒိၩ့လဆံၫ
37 လံဖျိၪ့အီၪလၧအတဝၫ့လဖၪလီၫ.- ဇံနၫ့,ဒဲဟၭဒၡၫ,
38 ဒဲမံၭဂဒၫလၭဂၭ,- ဒဲဒံလအၫ့, ဒဲမံဇပၫ, ဒဲယီၭၥအ့
39 လၭ,- လၫခံၭ, ဒဲဘီဇကၭ, ဒဲအ့ၭဂလၫ့, ဒဲကၭဘၩ့,
40 ဒဲလၫမၩ့,ဒဲတံၭၥလံၭ,- ဒဲဂဒံရီၭ,ဒဲဘ့ၭၥဒၫဂၧၫ့,ဒဲနၫ
41 အမၫ,ဒဲမၭကံဒၫနီၪလီၫ.- မွဲဒိၩ့လဆံၫဎူၫဒိၩ့အီၪလၧ
42 အတဝၫ့လဖၪလီၫ.- လံဘနၫ, ဒဲအံၥၧၫ့, ဒဲအၫၡၫ့, ယ့ၭဖတၫ,ဒဲအၭၡနၫ,ဒဲနံဇံၭ,
43-44 ကဲၪလၫ,ဒဲအၭဇံၭ, ဒဲမၫရၡၫလီၫ. ဒိၩ့ခွံၫဒိၩ့အီၪလၧအတဝၫ့လဖၪလီၫ. အ့ၭကြၩ့,ဒဲအဒိၩ့လဖၪဒဲအတဝၫ့လဖၪလီၫ.
45-46 လၧ အ့ၭကြၩ့ထီၩ့လၧမၫဆမံၭနီၪကယဲဒိၩ့အအီၪဘူၭလၧ
47 အၭၡဒီၭ,ဒဲအတဝၫ့လဖၪ,- အၭၡဒီၭ, ဒဲအဒိၩ့လ ဖၪဒဲအတဝၫ့လဖၪ, ဂၫဇၫ,ဒဲအဒိၩ့လဖၪ, ဒဲအတဝၫ့ လဖၪ,ဖိးလၧအံဇံၭ အထံၫမိၡါ, ဒဲမၫဆမံၭဖၭဒိၪအ နဲၩ့ထံၭနီၪလီၫ.
48 တၭလၧခိၪလီၩ့အလီၩ့နီၪ ၡၫမၧၫ,ဒဲယၭတၧၫ,ဒဲဝိ
49 ကိၫ,- ဒဲဒၫ့နၫ, ဒဲကၧၫယၭစၫနၫ, အနီၪမွဲဒံဘၧၫ, အၫနၭ, ဒဲအ့ၭၡတံၫမီၭ,ဒဲအနံၩ့,
50-51 ဒဲဂိၡံၫ့,ဒဲဟိလၫ့ ဒဲဂဲလိၫလီၫ. ဒိၩ့လဆံၫလဒိၩ့အီၪလၧအတဝၫ့လဖၪ လီၫ. အၫရၭ, ဒဲဒုမၫ, ဒဲအ့ၭၡအၫ့,
52-53 ဒဲယၫနၧၫ့, ဒဲဘ့ၭၥ
54 တၭပုအၫ, ဒဲအဖဲကၫ,- ဒဲဟုမတၫ, ဒဲကၧၫယၭအၫ ဘၫ,အနီၪမွဲဟံဘြၧၫ့, ဒဲဇဲအီၫလီၫ. ဒိၩ့ခွံၫဒိၩ့အီၪလၧ
55 အတဝၫ့လဖၪလီၫ.- မ့အၧၫ့, ဒဲကၫမလၭ, ဒဲဇံဖၭ,ဒဲ
56 ယၧၭတၫ,- ဒဲယ့ၭစအ့လၭ, ဒဲယီၭဒံအၫ့, ဒဲဇၫ့အိ
57 အၫ,- ကံၫ့,ဂံဘအၫ,ဒဲတံမနၫနီၪလီၫ. ဒိၩ့လဆံၫအီၪ
58 လၧအတဝၫ့လဖၪလီၫ.- ဟၫလဟၧလၭ, ဘ့ၥဇၧၫ,
59 ဒဲစ့ဒၧၫ,- ဒဲမၫအရၭ,ဒဲဘ့ၭၥနီၭ, ဒဲအ့လတံၫကၫ့လီၫ. ဒိၩ့ဎူၫဒိၩ့အီၪလၧအတဝၫ့လဖၪလီၫ.
60 ကၧယၭဘၫအလၭ, အနီၪမွဲကၧၫယၭယ့အရံၫ့,ဒဲ ရၭဘၫနီၪလီၫ. ဒိၩ့နံၫဒိၩ့အီၪလၧအတဝၫ့လဖၪလီၫ.
61 တၭလၧၡါမုနၧၫ့ဖၫနီၪဘ့ၭၥၫရဘၫ, မံၭဒံၫ့,ဒဲစံၫကၫ
62 ကၫ,- ဒဲနံၭဘၡၫ့, ဒဲထံၫလၪအဒိၩ့, ဒဲအံၪ့ဂံၫဒဲၫနီၪ
63 လီၫ. ဒိၩ့ဎူၫဒိၩ့အီၪလၧအတဝၫ့လဖၪလီၫ.- အ့ၪမွဲၦ ယ့ဘုၫဖိၪ,ယရုစလံၫ့ဖိၪနီၪ, ၦယုဒၫဖိၪနၫ့ထၪ့ခွံၬဝ့ၫၥ့ၪ အ့ၬ. တၭၦယ့ဘုၫဖိၪအီၪဝ့ၫလၧ ၦယုဒၫဖိၪအကျၩ လၧယရုစလံၫ့အဖၧၩ့ ထီးမုဆၫလနံၩယီၩလီၫ.