42
1 ထီးနီၪလဖၧၫ့ၦၥုၭဖိၪအခိၪထီးအလူၬ, ဒဲစကရံအၫ အဖိၪခွၫစယိၫဟၫနၫ့, ဒဲစဟီၭၡအဲအၫအဖိၪခွၫစယ့ၫ ဇနဲအၫ, ဒဲၦခမျၧးလၧအဆံၭထုၬဖိးလၧအဒိၪထုၬထီး
2 အလူၬနီၪၥုၭဘူၭအၥၭး- စံၭမီၪစယ့ၫရမဲအၫမွဲပအၪ့ ကံၩ့အၪ့ယၫဆၧယီၩ ကဲၪထၪ့လါဆၧအဂ့ၩ လၧနမ့ၬ ယၫတၭ,ဘၩဆိၪဖၪန့ပဂးလၧယဟိဝၩနယွၩ, လၧၦ အီၪလၩ့ထးထီးအလူၬယီၩအဂး, (အဂဲးဘဲၫယီၩ ၦ အီၪလၩ့ထးၡၩဂၩ လၧၦအၪဂၩအကျၩဘဲၫနမ့ၬၥၪဒၪ
3 ဘၪပၧၩအၥိၭနီၪ,) - ဘဲၫၥိၭယဟိဝၩနယွၩ မိဒုၭနဲၪ လၧပမ့ၬယၫဖၧၩ့ၥၭလၧပမိဖိၬ, ဒဲဆၧလၧပမိဘၪမၩ နီၪဆံၭ.
4 တၭမီၪစယ့ၫရမဲအၫစံၭဝ့ၫး ယနါဂၧၫ့ယူၭ,ယိခွါ, ယမိဘၩဆိၪဖၪ ယဟိဝၩနၥံၪအယွၩ ဘဲၫနၥံၪအဆၧ ချဲၩ့အၥိၭနီၪ, ထီးဒၪယဟိဝၩမိစံၭဆၧၫ့နၥံၪလမံၩ့မံၩ့ နီၪ,ဆၧမၩအၥၭလၧယမိလီၩဘၪနၥံၪလီၫ. ယအီၪ က့ၪၥူၪခွံၬဆၧလၧနၥံၪနးမံၩ့အ့ၬ.
5 တၭအဝ့ၫၥံၪစံၭစယ့ၫရမဲအၫ, ပမိမၩဘဲၫကယဲဆၧ လၧယဟိဝၩနယွၩအၪ့မၧၫ့လၩ့နၧၩ လၧပအီၪလၧအ ဂးအၥိၭနီၪလီၫ. မွဲယဟိဝၩကဲၪထၪ့ၦထိးအၥၭအမွဲ
6 အတီၩလၧပဘိၩ့ဆၧၩ့ဆံၭ.- အဂ့ၩမွဲဂ့ၩ, အအၧၩ့မွဲ ဂ့ၩပမိခိၭနၪယဟိဝၩပယွၩ လၧပအၪ့မၧၫ့လၩ့န့နၧၩ လၧအအီၪလဂၩအလူ, ဘဲၫၥိၭထီးပအ့ၪခိၭနၪယဟိ ဝၩပယွၩအလူတၭ,ဆၧမိဂ့ၩဝ့ၫလၧပဂးလီၫ.
7 တၭလၧဆံၫနံၩအလးခဲၫ့နီၪဆၧမၩအၥၭလၧယဟိ
8 ဝၩအလူလၩ့ဘၪ စယ့ၫရမဲအၫလီၫ.- တၭအဝ့ၫဒၪ ကိၭန့စကရံအၫ အဖိၪခွၫစယိၫဟၫနၫ့, ဒဲၦၥုၭခိၪထီး အလူၬလၧအအီၪလၧအၥိၭ, ဒဲၦခမျၧးလၧအဆံၭထုၬ
9 ဖိးလၧအဒိၪထုၬထီးအလူၬ,- တၭစံၭအဝ့ၫၥံၪ,ယဟိ ဝၩအံၫစရ့လၭအယွၩ, လၧနၥံၪအၪ့မၧၫ့လၩ့န့ယၧၩ ဘဲၫၥိၭယမိအီၪက့ၪနၥံၪ အဆၧအၪ့ကံၩ့အၪ့ယၫလၧ
10 အမ့ၬယၫနီၪစံၭဝ့ၫဘဲၫယီၩး- နၥံၪအ့ၪအီၪဒံၭလၧခး ယီၩအဖၧၩ့တၭ, ယမိမၩကဲၪထၪ့နၥံၪတၭ,ယမၩလၩ့ ဎီးနၥံၪအ့ၬ, ယမိၥုၪ့လၩ့ဖျၭလၩ့နၥံၪတၭ, ယထ့ၭထၪ့ ခွံၬနၥံၪအ့ၬ. အဂဲးဘဲၫယီၩယနီၫ့ယါလၩ့ထဲၩ့ယၥၭ
11 လၧဆၧအၧၩ့လၧယမၩယူၭနၥံၪနီၪလီၫ.- ဘၭဘလၧၫ့ အစဎွၩလၧနၥံၪၥၭမဲၪနီၪ, ၥၭမဲၩလၧၩ့ အဝ့ၫလဂ့ၩ, ယဟိဝၩစံၭဝ့ၫဒၪ. ၥၭမဲၪအဝ့ၫလဂ့ၩ, အဂဲးဘဲၫယီၩ ယအီၪလၧနၥံၪအၥိၭ, ယထိးထဲၩ့တၩ့ထဲၩ့နၥံၪ, ဒဲမၩ
12 ဖီၩ့မၩဖျ့ၭနၥံၪလၧအစူၪဖၧၩ့လီၫ.- တၭယမိဒုၭနဲၪဆၧ ယၫ့ၥၭလဖၪလၧနၥံၪ, ဘဲၫၥိၭအဝ့ၫဒၪမိယၫ့ၥၭနၥံၪ, ဒဲမိအၪ့မၧၫ့နၥံၪထဲၩ့ထဲၩ့ လၧနၥံၪအခးဒၪနၥံၪဝ့ၫအ
13 ဖၧၩ့လီၫ.- အ့ၪမွဲနၥံၪအ့ၪစံၭ, ပအီၪလၧခးယီၩအဖၧၩ့ အ့ၬ.ပခိၭနၪယဟိဝၩနၥံၪအယွၩအလူအ့ၬး နၥံၪအ့ၪ
14 စံၭ,မွဲအ့ၬ.- ပမိလ့ၩလၧခးအံဇံၭအဖၧၩ့, ထီးပလဒၪ လၧၩ့ဘၪဆၧဒုၭၥုၭ, ဒဲလနါဂၧၫ့လၧၩ့ဘၪ ခွ့ၩအၥီၫ, ဒဲဆၧလၥၭဝံလၧၩ့ဘၪပၥၭ လၧကိၪတၭ, ပမိအီၪထီး
15 နီၪလီၫ.- ဘိၩ့နဲၪ့ယီၩယုဒၫအၡၩ အီၪလၩ့ထးၥံၪဧ့, ခိၭနၪယဟိဝၩအလူဆံၭ. ဆၧၥုၭမုခမျၧးအယဟိဝၩ အံၫစရ့လၭအယွၩစံၭဘဲၫယီၩ, နၥံၪအ့ၪအီၪက့ၪနၥံၪ အမ့ၬဘဲၫၥိၭနၥံၪမိလ့ၩနုၬ လၧအံဇံၭအဖၧၩ့, ဒဲလ့ၩ
16 အီၪထီးနီၪတၭ,- ဆၧမိမၩအၥၭလၧနၭလၧနၥံၪၥၭမဲၪ ဝ့ၫနီၪမိချႃၭန့နၥံၪ ထီးအံဇံၭအခးဖၧၩ့နီၪတၭ, ဆၧၥၭ ဝံလၩ့ဒိၩလၧနၥံၪၥၭမဲၪဝ့ၫနီၪ မိလီၩ့ဆီးချႃၭန့နၥံၪလၧ
17 အံဇံၭအဖၧၩ့တၭ, နၥံၪမိၥံၫထီးနီၪလီၫ.- မွဲမၬကယဲ ၦၡၩလၧအအီၪက့ၪအမ့ၬ လၧအမိလ့ၩနုၬလၧအံဇံၭ အဖၧၩ့ဘဲၫၥိၭအမိအီၪထီးနီၪ, မိၥံၫဝ့ၫလၧနၭၥံၪဖၩ့ ၥံၪ,ဒဲလၧဆၧၥၭဝံလၩ့ဒိၩ, ဒဲလၧဆၧၥံၫချဲၫ့လီၫ. တၭ ၦအီၪလၩ့ထးအ့ၬး ၦဖီၩ့ဖျ့ၭဒဲဆၧအၧၩ့ လၧဆၧဒုၭ ဂဲၫဘၪအဝ့ၫၥံၪနီၪနးဂၩအ့ၬ.
18 အဂဲးဘဲၫယီၩ ဆၧၥုၭမုခမျၧးအယဟိဝၩအံၫစရ့ လၭအယွၩနီၪစံၭဘဲၫယီၩ, ဘဲၫယၥၭထၪ့ဒဲယၥၭခဲၩထၪ့ လူၫလၩ့အၥၭ လၧၦယရုစလံၫ့ဖိၪ အဖၫ့ခိၪအၥိၭနီၪ, ထီးနၥံၪအ့ၪလ့ၩနုၬလၧအံဇံၭအဖၧၩ့နီၪ, ယၥၭထၪ့မိ လူၫလၩ့အၥၭလၧနၥံၪအဖၫ့ခိၪဘဲၫနီၪၥိၭတၭ, နၥံၪမိ ကဲၪထၪ့ဆၧၥၭလိၪအလး ဒဲဆၧထီၫမံၫထီၫမၪအလး, ဒဲဆၧဆိၪအၧၩ့အလး, ဒဲဆၧဒုၪဒွ့ၪအလးတၭ, နၥံၪ မိဒၪလၧၩ့ဆၧအလးယီၩအ့ၬ.
19 ၦအီၪလၩ့ထး လၧယုဒၫၥံၪဧ့, ယဟိဝၩစံၭနၥံၪ, လ့ၩလၧအံဇံၭအဖၧၩ့လဂ့ၩ. ၥ့ၪယၫတၡါလၧယထိး ယၥၭလၧနၥံၪအမ့ၬယၫ လၧမုဆၫလနံၩယီၩဆံၭ.
20 မွဲမၬနၥံၪမၩမၪဘၪနၥံၪအၥၭဒၪနၥံၪဝ့ၫလီၫ. အဂဲးဘဲၫ ယီၩ,နၥံၪအၪ့မၧၫ့လၩ့ယၧၩလၧယဟိဝၩနၥံၪအယွၩ အအီၪတၭ,နၥံၪစံၭ, ဘၩဆိၪဖၪန့ပဂးလၧယဟိဝၩ ပယွၩဆံၭ. ဘဲၫကယဲဆၧလၧယဟိဝၩပယွၩစံၭအၥိၭ
21 နီၪလီၩဘၪထဲၩ့ပၧၩဆံၭ. တၭပမိမၩဝ့ၫလီၫ.- ဘိၩ့နဲၪ့ ယီၩယလီၩဘၪယူၭဆၧနီၪ လၧနၥံၪလၧမုဆၫလနံၩ ယီၩလီၫ. မွဲလါနၫ့နၥံၪခိၭနၪယဟိဝၩ နၥံၪအယွၩအ လူအ့ၬ,ဒဲလၧအအၪ့မၧၫ့လၩ့န့ယၧၩ လၧနၥံၪအအီၪ
22 လၧအကၠီၩ့နၥံၪခိၭနၪဆၧနးမံၩ့အ့ၬ.- မၩအၥၭဘဲၫနီၪ တၭ,ဘိၩ့နဲၪ့ယီၩၥ့ၪယၫတၡါ လၧနၥံၪမိၥံၫလၧနၭၥံၪ ဖၩ့ၥံၪ,လၧဆၧၥၭဝံလၩ့ဒိၩ, လၧဆၧၥံၫချဲၫ့လၧဆၧအ လးလၧအဘၪနၥံၪအၥၭ လၧနၥံၪမိလ့ၩနုၬအီၪလၧအ ဖၧၩ့လီၫ.