43
1 ထီးစယ့ၫရမဲအၫချဲၩ့ဆၧလၧၦၡၩ ထီးအလူၬလၧ ယဟိဝၩအဝ့ၫၥံၪအယွၩ အလူထီးအလူၬ လၧယဟိ ဝၩအဝ့ၫၥံၪအယွၩအၪ့မၧၫ့လၩ့န့အဝ့ၫ လၧအဝ့ၫၥံၪအ
2 အီၪလၧဆၧချဲၩ့ထီးအလူၬနီၪ,- တၭဆၧမၩအၥၭလၧ စဟီၭၡအဲအၫအဖိၪခွၫစအၭစရဲၫ, ဒဲစကရံအၫအဖိၪ ခွၫစယိၫဟၫနၫ့, ဒဲၦအအီၪက့ၪထၪ့ထီၫအၥၭ ထီးအ လူၬချဲၩ့ထၪ့ဆၧတၭ, စံၭစယ့ၫရမဲအၫ နချဲၩ့ဘျံၭချဲၩ့ ဘျၪဆၧလီၫ. ယဟိဝၩပယွၩအၪ့မၧၫ့လၩ့န့နၧၩဘဲၫ နစံၭလ့ၩအီၪလၧအံဇံၭအဖၧၩ့လဂ့ၩ အၥိၭနီၪအ့ၬ.
3 အ့ၪမွဲစနံၫရဲအၫအဖိၪခွၫ စဘၫရၧၭထိၪဂဲၩနၥၭထၫ့ဒၩ ပၧၩဘဲၫၥိၭအမိဖ့ၪလၫ့ခွံၬပၧၩ လၧၦခၫလဒံအၫဖိၪအ စူၪဖၧၩ့လၧအမိမၩၥံၫပၧၩ, ဒဲဆိၬအၪ့မၧၫ့ဎီးပၧၩလၧ
4 ဘၭဘလၧၫ့အဖၧၩ့နီၪလီၫ.- တၭစကရံအၫအဖိၪခွၫ စယိၫဟၫနၫ့, ဒဲၦၥုၭဖိၪအခိၪထီးအလူၬ,ဒဲၦခမျၧးထီး အလူၬနီၪခိၭနၪယဟိဝၩအလူ လၧအဘၪအီၪဝ့ၫလၧ ခးယုဒၫအဖၧၩ့အ့ၬ.
5 တၭစကရံအၫအဖိၪခွၫစယိၫဟၫနၫ့, ဒဲၦၥုၭဖိၪအခိၪ ထီးအလူၬနီၪမၩန့ယုဒၫအၡၩ အီၪလၩ့ထးထီးအလူၬ လၧအဂဲၫထဲၩ့ထဲၩ့ လၧၦဆၨၩထီးအလူၬအကျၩထီး ဆၧနၫ့ထၪ့ဒုၭအီၪဝ့ၫအလးလစီၪ့လါလါနီၪ ဘဲၫၥိၭအ
6 မိအီၪလၧခးယုဒၫအဖၧၩ့,- ဒဲၦခွၫ,ဒဲၦမုၪ,ဒဲဖိၪဒံၩဖိၪ ၥၪ,ဒဲစဎွၩအဖိၪမုၪလဖၪ, ဒဲကယဲၦလၧအပၧၩ့ ၦခိၭ ဆၧစန့ၭဘူၫဇၫရဒၫ့အီၪက့ၪလၩ့ထး လၧစၡၫဖၫ့အဖိၪ ခွၫ,စအဟဲကၫ့အဖိၪခွၫ, စဂ့ၭဒလဲအၫအစူၪဖၧၩ့,ဒဲမီၪ စယ့ၫရမဲအၫ, ဒဲစနံၫရဲအၫအဖိၪခွၫစဘၫရၧၭလီၫ.
7 တၭအဝ့ၫၥံၪဂဲၫဝ့ၫလၧခးအံဇံၭအဖၧၩ့လီၫ. အဂဲးဘဲၫ ယီၩအဝ့ၫၥံၪခိၭနၪယဟိဝၩအလူအ့ၬး တၭဂဲၫဝ့ၫလၧ တၫဖၫ့ဟ့ၭလီၫ.
8 ထီးနီၪလဖၧၫ့ ယဟိဝၩအလူလၩ့ဘၪစယ့ၫရမဲအၫ
9 လၧတၫဖၫ့ဟ့ၭအဖၧၩ့တၭ,စံၭဝ့ၫဒၪ,- မၩန့လိးဖၭဒိၪ လဖၪလၧနစူၪဖၧၩ့တၭ,အီၪက့ၪၥူၪဝ့ၫလၧကဖံၬကျၩ လၧၦဎူအၩ့ကတဲၩအလးလၧအဆၧလ့ၩနုၬ လၧဖၫရိၫ အဂံၪ့လၧတၫဖၫ့ဟ့ၭအဖၧၩ့ လၧယုဒၫအၦၡၩအမ့ၬ
10 ယၫ,- တၭ,စံၭအဝ့ၫၥံၪ,ဆၧၥုၭမုခမျၧးအယဟိဝၩ အံၫစရ့လၭအယွၩ စံၭဝ့ၫဘဲၫယီၩ, ယိခွါ,ယမိအၪ့ မၧၫ့လၩ့ဆၧ, ဒဲမၩန့ယခ့ၫယၡၩဘၭဘလၧၫ့အစဎွၩ န့ၭဘူၫခၭန့ဇၫတၭ, မိအီၪက့ၪအလးဆီၩ့ဆီလၧလိး လၧယအီၪက့ၪၥူၪလဖၪအဖၫ့ခိၪလီၫ. တၭအဝ့ၫဒၪမိ ပၠၪထၪ့အစဎွၩအတဲၩလၧအဖၫ့ခိၪလီၫ.
11 ထီးအဝ့ၫဒၪအ့ၪဂဲၫဝ့ၫတၭ, မိကျီၪ့ခးအံဇံၭလီၫ.ၦ လၧအအီၪဝ့ၫလၧဆၧၥံၫအဂးနီၪမိၥံၫ, ဒဲၦလၧအအီၪ ဝ့ၫလၧကဲၪဎီးအဂးနီၪ မိကဲၪဎီး, ဒဲၦလၧအအီၪဝ့ၫလၧ
12 နၭအဂးနီၪ,မိဘၪဆၧလၧနၭလီၫ.- ယမိဆူၭခဲၩမ့ၪလၧ အံဇံၭအယွၩလဖၪအဂံၪ့ဖၧၩ့တၭး အဝ့ၫဒၪမိဆူၭထၪ့ ခွံၬဝ့ၫ,ဒဲမိဆိၬအၪ့မၧၫ့ဎီးဝ့ၫတၭ, မိကီၩ့ထၪ့အံဇံၭအ ခးဘဲၫၦယိၥိၪကီၩ့ထၪ့ဖၬဘဲၩ့အၥိၭတၭ, မိစဲၪ့ထၪ့ခွံၬ ထီးနီၪလၧဆၧဘၪလိၬအိၭလိၬအဖၧၩ့လီၫ.
13 တၭအဝ့ၫဒၪမိမၩဂၭဂီၩ့ခွံၬဆ့ဘ့ၭၥၡံမ့ၭအဆၧဂၩ့ လဖၪလၧအအီၪဝ့ၫလၧခးအံဇံၭအဖၧၩ့, လၧအံဇံၭဖိၪ အယွၩၥံၪအဂံၪ့လဖၪနီၪ, အဝ့ၫဒၪမိဆူၭထၪ့ခွံၬလၧမ့ၪ လီၫ.