41
1 တၭဆၧမၩအၥၭ လၧလၩနွ့ၫဘံၪ့လဘံၪ့နီၪ စအံၫ လံၭၡမၫ အဖိၪခွၫ စန့ၭၥနဲအၫ အဖိၪခွၫ စအံၡမၫအ့ လၭ,ဘၪဆဲၫ့လၧစဎွၩအဆၨၩအဆၬလဂၩ, ဒဲစဎွၩ အၦဒိၪဖၭဒိၪလဖၪ, ဒဲၦဆံၫဂၩ အီၪလၧအၥိၭနီၪဂဲၫ ဝ့ၫလၧစအဟဲကၫ့အဖိၪခွၫစဂ့ၭဒလဲအၫအအီၪ, လၧ မံဇဖၫအဖၧၩ့တၭ, အၪ့ကိၪလစီၪ့ဎးလၧမံဇဖၫအဖၧၩ့ လီၫ.
2 တၭစန့ၭၥနဲအၫအဖိၪခွၫ စအံၡမၫအ့လၭဒဲၦဆံၫ ဂၩလၧအအီၪလၧအၥိၭ ဂဲထုၪ့ကျီၪ့ခွံၬ စၡၫဖၫ့အဖိၪ ခွၫစအဟဲကၫ့အဖိၪခွၫ, စဂ့ၭဒလဲအၫလၧနၭတၭ, မၩ ၥံၫၦလၧဘၭဘလၧၫ့အစဎွၩအီၪက့ၪလၩ့လၧခးအဖၫ့
3 ခိၪလီၫ.- တၭစအံၡမၫအ့လၭမၩၥံၫဆ့ကယဲၦယုဒၫဖိၪ လၧအအီၪဝ့ၫလၧစဂ့ၭဒလဲအၫအၥိၭ လၧမံဇဖၫအဖၧၩ့ ထီးအလူၬ, ဒဲၦခၫလဒံအၫဖိၪအၡၩၥုၭဖိၪလၧအအီၪ ထီးနီၪလီၫ.
4 တၭလၧအမၩၥံၫ စဂ့ၭဒလဲအၫအလးခဲၫ့နံၫနံၩလ
5 နံၩ,လၧၦလၥ့ၪယၫဘၪနးဂၩနီၪ,- ဆၧမၩအၥၭလၧ ၦဎိၭဆံၫဂဲၫဝ့ၫလၧၡံကံၫ့, လၧၡဲလိၫ, ဒဲလၧစမ့ရအၫ လၧအခၪလၬဆီၪ့လိၩ့ခွံၬယူၭ, လၧအကီၩ့အၥိၭယၬ, လၧအဂ့ၬလၩ့ဒၪအၥၭယူၭတၭ, အီၪဝ့ၫလၧဆၧမၩ ဘိၪ့,ဒဲလီဘၫ့လၧအစူၪဖၧၩ့ဘဲၫၥိၭ မိဂဲၫဆိၬဝ့ၫလၧ ယဟိဝၩအဂံၪ့ဖၧၩ့လီၫ.
6 စန့ၭၥနဲအၫအဖိၪခွၫ စအံၡမၫအ့လၭ လ့ၩလၧခီၫ့ ဘဲၫၥိၭအမိအၪ့ဂၬဝ့ၫတၭ, လ့ၩလခီၫ ဂၪ့လခီၫတၭ, ထီးအထီၩ့လၧအအီၪနီၪ, ဆၧမၩအၥၭလၧအစံၭအ ဝ့ၫၥံၪ,ဂဲၫလၧစအဟဲကၫ့အဖိၪခွၫ စဂ့ၭဒလဲအၫအအီၪ
7 ဆံၭ.- တၭထီးအဝ့ၫၥံၪဂဲၫနုၬ လၧဒိၩ့အၥၭကျၩတၭ, ဆၧမၩအၥၭ လၧစန့ၭၥနဲအၫအဖိၪခွၫ စအံၡမၫအ့ လၭမၩၥံၫအဝ့ၫၥံၪတၭ, ခွံၬၡိၭခွံၬဝ့ၫ လၧဆၧဖၧၩ့အ ၥၭကျၩ,အဝ့ၫဒၪ ဒဲၦၡၩလၧအအီၪလၧအၥိၭလဖၪ
8 မၩဝ့ၫလီၫ.- လါနၫ့ၦၡၩဆံၫဂၩအီၪဝ့ၫလၧအကျၩလၧ အစံၭစအံၡမၫအ့လၭနီၪ ထီးမၩၥံၫပၧၩလဂ့ၩ. အဂဲး ဘဲၫယီၩပအီၪလၧဘုၪကၠိၩ့, ဒဲဘုၪမုယီၩဒဲၥိၪၥံၪချၫၥံၪ, ဒဲန့ၫစၩ့အီၪက့ၪကီၪ့အၥၭလၧမံၩ့လၬကျၩလီၫ. အခိး မွဲအအွံၪၥၭဆၧၩ့အဝ့ၫၥံၪတၭ, မၩၥံၫဝ့ၫလၧအထၧၫ့ဖု ဝဲအကျၩအ့ၬ.
9 တၭဆၧဖၧၩ့လၧစအံၡမၫအ့လၭခွံၬၡိၭခွံၬ ၦၡၩလၧ အမၩၥံၫဝ့ၫအစွၪ လၧအအီၪဝ့ၫ လၧစဂ့ၭဒလဲအၫအ ၥိၭအကၠီၩ့နီၪ, မွဲဆၧဖၧၩ့လၧစဎွၩအၫစၫ ခုၪ့လၩ့ဝ့ၫ လၧအၥၭမဲၪ ၦအံၫစရ့လၭအစဎွၩ ဘၫအၡၫအကၠီၩ့ လီၫ. စန့ၭၥနဲအၫအဖိၪခွၫစအံၡမၫအ့လၭနီၪ မၩဎွ့ၩ ဝ့ၫလၧၦဘၪဆၧမၩၥံၫဝ့ၫလီၫ.
10 ထီးနီၪလဖၧၫ့စအံၡမၫအ့လၭ ဆိၬအၪ့မၧၫ့ဎီးကယဲ ၦခမျၧးလၧအအီၪလၩ့ထးလၧမံဇဖၫအဖၧၩ့, စဎွၩအ ဖိၪမုၪလဖၪဒၪလ့ၬ, ဒဲကယဲၦခမျၧးလၧအအီၪလၩ့ထး လၧမံဇဖၫလၧၦခိၭဆၧအခိၪ စန့ၭဘူၫဇၫရဒၫ့အီၪက့ၪ လၩ့ဝ့ၫလၧစအဟဲကၫ့ အဖိၪခွၫ စဂ့ၭဒလဲအၫအစူၪ ဖၧၩ့လီၫ. တၭစန့ၭၥနဲအၫ အဖိၪခွၫစအံၡမၫအ့လၭ ဆိၬအၪ့မၧၫ့ဎီးဝ့ၫတၭ, လ့ၩဝ့ၫဘဲၫၥိၭအမိလ့ၩထၪ့လၧ ၦအၫမၧၫ့ဖိၪအအီၪလီၫ.
11 အ့ၪမွဲထီးစကရံအၫအဖိၪခွၫ စယိၫဟၫနၫ့ဒဲၦၥုၭဖိၪ အခိၪလၧအအီၪဝ့ၫ လၧအၥိၭထီးအလူၬနီၪ နါဂၧၫ့ဝ့ၫ လၧကယဲဆၧအၧၩ့လၧစန့ၭၥနဲအၫအဖိၪခွၫ စအံၡမၫ
12 အ့လၭမၩဝ့ၫတၭ,- မၩန့ၦၡၩထီးအလူၬတၭ,လ့ၩဒုၭ ဆၧလၧစန့ၭၥနဲအၫအဖိၪခွၫစအံၡမၫအ့လၭတၭ, ဒၪ န့ဝ့ၫလၧထံၫဖၭဒိၪအနဲၩ့အီၪဝ့ၫ လၧဂံဘအၧၫ့အဖၧၩ့
13 လီၫ.- တၭထီးၦခမျၧးလၧအအီၪဝ့ၫ လၧစအံၡမၫအ့ လၭအၥိၭထီးအလူၬနီၪ ဒၪဘၪစကရံအၫအဖိၪခွၫ စယိၫဟၫနၫ့ဒဲၦၥုၭခိၪလဖၪလၧအအီၪလၧအၥိၭထီး အလူၬတၭ, ဆၧမၩအၥၭ လၧအၥုၪ့ထိၬ ၥၭထိၬဝ့ၫ
14 လီၫ.- တၭကယဲၦလၧအံၡမၫအ့လၭဆိၬထၪ့ခွံၬလၧမံ ဇဖၫနီၪအၪ့မၧၫ့ဎီးဝ့ၫထီးအလူၬတၭ, အဝ့ၫၥံၪကၠၪက ဒၩထဲၩ့အၥၭတၭ,ဂဲၫထဲၩ့ထဲၩ့တၭ,လ့ၩဝ့ၫလၧစကရံ
15 အၫအဖိၪခွၫစယိၫဟၫနၫ့အအီၪလီၫ.- အ့ၪမွဲစန့ၭၥနဲ အၫအဖိၪခွၫစအံၡမၫအ့လၭ ဒဲၦဎိၭဂၩနီၪ ဖီၩ့ဖျ့ၭဝ့ၫ လၧစယိၫဟၫနၫ့တၭ, လ့ၩဝ့ၫလၧၦအၫမၧၫ့ဖိၪအအီၪ လီၫ.
16 ထီးနီၪလဖၧၫ့စကရံအၫအဖိၪခွၫ စယိၫဟၫနၫ့ဒဲၦ ၥုၭဖိၪအခိၪလၧအအီၪဝ့ၫ လၧအၥိၭထီးအလူၬနီၪမၩ န့ၦခမျၧးလၧအအီၪလၩ့ထး လၧအမၩန့ထဲၩ့ဝ့ၫလၧ မံဇဖၫအဖၧၩ့ လၧစန့ၭၥနဲအၫအဖိၪခွၫ စအံၡမၫအ့ လၭအစူၪဖၧၩ့လၧအမၩၥံၫစအဟဲကၫ့ အဖိၪခွၫစဂ့ၭ ဒလဲအၫအလးခဲၫ့နီၪ, ၦၥုၭဖိၪအီၪလၧဂဲးဆီၪ့ဘၭဆီၪ့ ဒဲၦမုၪဒဲဖိၪဒံၩဖိၪၥၪ, ဒဲၦဖၫဆွံၪလၧအဝ့ၫဒၪ ဂဲၫထဲၩ့
17 ဆိၬလၧဂံဘအၧၫ့း- တၭအဝ့ၫၥံၪထဲၩ့ဝ့ၫတၭ, အီၪဝ့ၫ လၧခံၫမဟၫ့အဆၧအီၪအလးလၧအအီၪဝ့ၫ လၧဘ့ၭ ၥလံဟံၫ့အနဲၩ့ထံၭ, ဘဲၫၥိၭအမိလ့ၩနုၬ လၧအံဇံၭအ
18 ဖၧၩ့,လၧၦခၫလဒံအၫဖိၪအကၠီၩ့နီၪလီၫ.- မွဲလၧအၥၭ မဲၪအဝ့ၫၥံၪအကၠီၩ့နီၪ, အဂဲးဘဲၫယီၩ စန့ၭၥနဲအၫအ ဖိၪခွၫစအံၡမၫအ့လၭမၩၥံၫယူၭ စအဟဲကၫ့အဖိၪခွၫ စဂ့ၭဒလဲအၫလၧဘၭဘလၧၫ့အစဎွၩ အီၪက့ၪလၩ့ဝ့ၫ လၧခးအဖၫ့ခိၪလီၫ.