40
1 လၧၦခိၭဆၧအခိၪစန့ၭဘူၫဇၫရဒၫ့ဖျါခွံၬစယ့ၫရမဲ အၫလၧရၫမၫအလးခဲၫ့နီၪ ယဟိဝၩအလူလၩ့ဘၪ စယ့ၫရမဲအၫလီၫ. အဂဲးဘဲၫယီၩလၧစန့ၭဘူၫဇၫရဒၫ့, မၩန့ယူၭအဝ့ၫနီၪ, အီၪစၧၩ့ထၬဝ့ၫလၧၥွ့ၫထၭ လၧၦ လၧအဘၪဆၧဆိၬထၪ့ခွံၬ လၧယရုစလံၫ့ဒဲယုဒၫနီၪ, အၪ့မၧၫ့ဎီးဝ့ၫလဖၪအကျၩ လၧအဘၪဆၧဆိၬခွံၬအၪ့ မၧၫ့ဎီးဝ့ၫလၧဘၭဘလၧၫ့နီၪလီၫ.
2 ၦခိၭဆၧအခိၪမၩန့စယ့ၫရမဲအၫတၭ, စံၭအဝ့ၫ,ယ ဟိဝၩနယွၩချဲၩ့ဝဲၩဆၧအၧၩ့ယီၩ လၧအလးယီၩအဂဲး
3 လီၫ.- ယဟိဝၩဒုၭဘၪအဝ့ၫတၭ, မၩဝ့ၫဘဲၫကယဲဆၧ လၧအစံၭဝ့ၫအၥိၭနီၪလီၫ. အဂဲးဘဲၫယီၩနၥံၪမၩမၪ ဘၪယဟိဝၩတၭ, ခိၭနၪအလူအ့ၬ. မၩအၥၭဘဲၫနီၪ
4 တၭ,ဆၧယီၩလမံၩ့ဘၪနၥံၪလီၫ.- တၭဘိၩ့နဲၪ့ယီၩ, ယိခွါ, ယမၩဂၭဖျ့ၭနၧၩလၧၥွ့ၫထၭ လၧအအီၪဝ့ၫလၧ နစူၪလီၩ့လီၫ. နဂဲၫလၧယၥိၭလၧဘၭဘလၧၫ့နီၪ, အ့ၪ ဂ့ၩလၧနမ့ၬယၫတၭ, ဂဲၫဘီၪ. တၭယမိအီၪက့ၪယမ့ၬ လၧနလီၩ့လၧဆၧဂ့ၩအဂးလီၫ. တၭဂဲၫလၧယၥိၭလၧ ဘၭဘလၧၫ့နီၪအ့ၪအၧၩ့လၧနမ့ၬယၫတၭ, အီၪဒၪနဝ့ၫ ဆံၭ.ယိခွါ, ခးလဘံၪ့အီၪလၧနမ့ၬယၫလီၫ. ထီးဒၪ အလးဂ့ၩ, ဒဲလီၩ့လၧနမ့ၬယၫနီၪ, လ့ၩလၧနီၪဘီၪ.
5 တၭလထဲၩ့ထဲၩ့ဒံၭဘၪအဘိၩ့ဘၭနီၪ, အဝ့ၫဒၪစံၭ, ထဲၩ့ထဲၩ့လၧစၡၫဖၫ့အဖိၪခွၫ စအဟဲကၫ့အဖိၪခွၫစဂ့ၭ ဒလဲအၫအအီၪ, လၧဘၭဘလၧၫ့အစဎွၩအီၪက့ၪလၩ့ ၦအခိၪလၧယုဒၫအဒိၩ့လဖၪအဖၫ့ခိၪတၭ, အီၪလၧအ ဝ့ၫအၥိၭလၧၦခမျၧးအကျၩဘီၪ. အ့ၪလမွဲဘၪဘဲၫနီၪ တၭ,ထီးဒၪအလးဂ့ၩဒဲလီၩ့လၧနမ့ၬယၫနီၪ, လ့ၩလၧ နီၪဘီၪ. တၭၦခိၭဆၧအခိၪနီၪ, ဖ့ၪလၫ့အဝ့ၫလၧဆၧ အၪ့လၧဖၧၩ့ၥၭအဂး,ဒဲဆၧဖ့ၪလၫ့အဂးတၭ ဖျါခွံၬဝ့ၫ လီၫ.
6 တၭစယ့ၫရမဲအၫလ့ၩဝ့ၫလၧစအဟဲကၫ့ အဖိၪခွၫ စဂ့ၭဒလဲအၫအီၪလၧမံဇဖၫအဖၧၩ့တၭ, အီၪဝ့ၫလၧအ ၥိၭလၧၦခမျၧး လၧအအီၪလၩ့ထးလၧခးဖၧၩ့အကျၩ လီၫ.
(၂ဎွၩ, ၂၅;၂၂-၂၄).
7 တၭထီးၦၥုၭဖိၪအခိၪလၧအအီၪဝ့ၫ လၧမံၩ့လၬကျၩ ထီးအလူၬ, အဝ့ၫၥံၪဒဲအၦၡၩနါဂၧၫ့ဝ့ၫလၧဘၭဘလၧၫ့ အစဎွၩအီၪက့ၪစအဟဲကၫ့အဖိၪခွၫ စဂ့ၭဒလဲအၫနီၪ လၧခးအဖၫ့ခိၪတၭ, အီၪက့ၪလၩ့ၦခွၫဒဲၦမုၪ, ဒဲဖိၪဒံၩ ဖိၪၥၪ,ဒဲခးအၦၡၪ့ဖိၪယၬဖိၪလနၩ့ လၧအစူၪဖၧၩ့, ၦ လၧဆၧလဆိၬအၪ့မၧၫ့ဎီးဘၪဝ့ၫ လၧဘၭဘလၧၫ့အ
8 ဖၧၩ့တၭ,- အဝ့ၫၥံၪဂဲၫလၧမံဇဖၫထီးစဂ့ၭဒလဲအၫအ အီၪနီၪ, စန့ၭၥနဲအၫအဖိၪခွၫဒၪလ့ၬ စအံၡမၫအ့လၭ, ဒဲစကရံအၫ အဖိၪခွၫၥံၪ, စယိၫဟၫနၫ့ဒဲစစၪ့နၥၧၫ့,ဒဲ စဟၫဟုမ့ၭအဖိၪခွၫ, စစံၫရအဲအၫ, ဒဲနတီၭဖၭဖိၪစအ့ ဖဲၫအဖိၪခွၫၥံၪ, ဒဲၦမၫအကၭဖိၪလဂၩ အဖိၪခွၫစယ့ၫ ဇနဲအၫ,အဝ့ၫၥံၪဒဲၦၡၩဘၪဆဲၫ့လၧအဝ့ၫၥံၪဆ့လီၫ.
9 တၭစၡၫဖၫ့အဖိၪခွၫစအဟဲကၫ့အဖိၪခွၫ, စဂ့ၭဒလဲ အၫဆိၪလၩ့အၥၭလၧအဝ့ၫၥံၪ, ဒဲလၧအၦၡၩလဖၪ တၭ,စံၭဝ့ၫဒၪ,ၥၭမဲၪဆၧလဂ့ၩ, မၩၦခၫလဒံအၫဖိၪအ ဆၧဆံၭ.အီၪလၧခးဖၧၩ့တၭ, မၩဘၭဘလၧၫ့အစဎွၩ အဆၧဆံၭ. တၭဆၧမိဂ့ၩထၪ့ လၧနၥံၪအဂးလီၫ.
10 အ့ၪမွဲဆၧလၧယၧၩယီၩ, ယိခွါ, ယအီၪလၧမံဇဖၫဘဲၫ ၥိၭယမိမၩ ၦခၫလဒံအၫဖိၪ လၧအမိဂဲၫလၧပအီၪအ ဆၧလီၫ. အ့ၪမွဲနၥံၪဝ့ၫအီၪက့ၪကီၪ့စဘံၭထံၫ, ဒဲဆၧခိ အထီအဆၧၥၪ, ဒဲၥိၪၥံၪချၫၥံၪ, ဒဲဒုၭလၩ့ဝ့ၫလၧနၥံၪအ ဆၧဖၧၩ့တၭ,အီၪလၧဒိၩ့လဖၪ လၧနၥံၪမၩန့ဝ့ၫဆံၭ.
11 တၭထီးၦယုဒၫဖိၪထီးအလူၬ လၧအအီၪဝ့ၫလၧမိ အၭအဖၧၩ့, ဒဲလၧၦအၫမၧၫ့ဖိၪအကျၩ, ဒဲလၧအံဒၧၫ့ အဖၧၩ့,ဒဲၦလၧအအီၪဝ့ၫ လၧခးထီးအလူၬအဖၧၩ့နီၪ, နါဂၧၫ့ဝ့ၫလၧဘၭဘလၧၫ့အစဎွၩ အီၪက့ၪလၩ့ထးၦ လၧၦယုဒၫဖိၪအကျၩတၭ, အီၪက့ၪစၡၫဖၫ့အဖိၪခွၫ စအဟဲကၫ့အဖိၪခွၫစဂ့ၭဒလဲအၫ လၧအဖၫ့ခိၪတၭ,
12 ၦယုဒၫဖိၪထီးအလူၬ, ဂဲၫထဲၩ့ဝ့ၫလၧအလးထီးဆၧနၫ့ ထၪ့ဒုၭအီၪဝ့ၫလၧအဖၧၩ့တၭ, ဂဲၫထီၩ့လၧခးယုဒၫလၧ စဂ့ၭဒလဲအၫအအီၪ လၧမံဇဖၫအဖၧၩ့တၭ, အီၪက့ၪ ကီၪ့စဘံၭထံၫ, ဒဲဆၧခိအထီအဆၧၥၪအၪအၪလ့ၬလီၫ.
(၂ဎွၩ ၂၅;၂၅-၂၆).
13 ထီးနီၪလဖၧၫ့စကရံအၫအဖိၪခွၫစယိဟၫနၫ့ဒဲၦၥုၭ ဖိၪအခိၪလၧအအီၪဝ့ၫလၧမံၩ့လၬကျၩ ထီးအလူၬဂဲၫ
14 ဝ့ၫလၧစဂ့ၭဒလဲအၫအအီၪ လၧမံဇဖၫအဖၧၩ့,- တၭ စံၭအဝ့ၫၦအၫမၧၫ့ဖိၪ အစဎွၩစဘၫအလံၭအၪ့မၧၫ့ လၩ့စန့ၭၥနဲအၫအဖိၪခွၫ စအံၡမၫအ့လၭဘဲၫၥိၭ အမိ မၩၥံၫနၧၩနီၪ, မွဲနၥ့ၪယၫတၡါဆ့ဧၪ. တၭစအဟဲကၫ့
15 အဖိၪခွၫစဂ့ၭဒလဲအၫနဲၩဝ့ၫအ့ၬး- ထီးနီၪလဖၧၫ့စက ရံအၫအဖိၪခွၫ စယိၫဟၫနၫ့ချဲၩ့ၥူၪဆၧ လၧစဂ့ၭဒလဲ အၫလၧမံဇဖၫအဖၧၩ့တၭ,စံၭဝ့ၫဒၪ, ဒုၭလ့ၩလါယၧၩ ဆံၭ.တၭယမိမၩၥံၫစန့ၭၥနဲအၫအဖိၪခွၫစအံၡမၫအ့ လၭတၭ,ၦမိၥ့ၪယၫဘၪနးဂၩအ့ၬ. မွဲအမိမၩၥံၫနၧၩ တၭ,ဒဲၦယုဒၫဖိၪလၧအအီၪကီၪ့လၧနအီၪထီးအလူၬ, မိလၩ့ပြံၩလၩ့ပၩ, ဒဲၦအီၪလၩ့ထးလၧယုဒၫလဖၪမိ ဂၭဂီၩ့ဂၭစၪနီၪမွဲဘၪလဲၪ.
16 စအဟဲကၫ့အဖိၪခွၫစဂ့ၭဒလဲအၫ စံၭစကရံအၫအ ဖိၪခွၫစယိၫဟၫနၫ့နီၪ, ထီးမၩဆၧနီၪလမံၩ့လဂ့ၩး အ ဂဲးဘဲၫယီၩ နချဲၩ့ဘျံၭချဲၩ့ဘျၪလၧစအံၡမၫအ့လၭအ ဂဲးနီၪလီၫ.