39
1 ယုဒၫအစဎွၩဇ့ၭဒကဲအၫ အနံၪ့ခွံၫနံၪ့လနံၪ့လၩဆံၫ ဘံၪ့လဘံၪ့နီၪ ဘၭဘလၧၫ့ အစဎွၩ န့ၭဘူၫခၭန့ဇၫ, ဒဲအၥုၭမုခမျၧးထီးအလူၬ ဂဲၫထၪ့လၧယရုစလံၫ့တၭ,
2 ဝၩ့ထၬဝ့ၫလီၫ.- တၭလၧစဇ့ၭဒကဲအၫအနံၪ့လဆံၫလ နံၪ့,လၩလံဘံၪ့လဘံၪ့, လၩထၪ့ခွံၫနံၩလနံၩနီၪ ဒိၩ့
3 ဘၪဆၧဘုၪ့ဖိးဝ့ၫလီၫ.- ဘၭဘလၧၫ့အစဎွၩအၦဒိၪ ဖၭဒိၪထီးအလူၬဂဲၫနုၬဝ့ၫတၭ, ဆၧၫ့နၩ့လၧတရၫ့အ ၥၭကျၩနီၪ, စနၧဂလၭၡၫရံဇၧၫ,စၡၫ့မဂၫနံဘိၫ, ၦဖၫ ဆွံၪအခိၪစစၫစံၫကံၫ့, ၦမၫကူၭအခိၪ,စနၧဂလၭၡၫရံ ဇၧၫ,ဒဲဘၭဘလၧၫ့အစဎွၩ အၦဒိၪၥံၪလၧအအီၪလၩ့ ထးလဖၪထီးအလူၬလီၫ.
4 တၭထီးယုဒၫအစဎွၩဇ့ၭဒကဲအၫ, ဒဲၦၥုၭဖိၪထီးအ လူၬနီၪဒၪဘၪဝ့ၫတၭ, စဲၪ့ဖျိၭတၭ, စဲၪ့ထၪ့ခွံၬလၧဒိၩ့ ဖၧၩ့လၧမုနၩလခီၫ လၧစဎွၩအကျိၭအဖၧၩ့ၥၭလၧတ ရၫ့အီၪလၧခိၪဒၧၩ့ နံၫထၧၫ့အဘိၩ့ဆၧၩ့တၭ, စဲၪ့ထၪ့
5 ဝ့ၫလၧဆၧပျၩ့ဖၧၩ့ အဖၧၩ့ၥၭလီၫ.- အ့ၪမွဲၦခၫလဒံ အၫအၥုၭမုခမျၧးလီၩ့ဆီးဝ့ၫတၭ, ချႃၭန့စဇ့ၭဒကဲအၫ လၧယ့ၫရခိၫ အဆၧပျၩ့ဖၧၩ့တၭ, ဖီၪ့န့ဝ့ၫတၭ, ဆိၬ ထၪ့ဝ့ၫလၧဘၭဘလၧၫ့အစဎွၩ န့ၭဘူၫခၭန့ဇၫအအီၪ လၧရံဘလၫလၧခးဟၫမၭအဖၧၩ့တၭ, အဝ့ၫဒၪစ့ၩရၫ့
6 အဝ့ၫလီၫ.- တၭဘၭဘလၧၫ့အစဎွၩမၩၥံၫစဇ့ၭဒကဲ အၫအဖိၪခွၫလဖၪ လၧအမ့ၬယၫလၧရံဘလၫအဖၧၩ့ တၭ,ဘၭဘလၧၫ့အစဎွၩမၩၥံၫ ခးယုဒၫအၦဒိၪဖၭဒိၪ
7 ထီးအလူၬလီၫ.- အီၩ့ခွ့ၭထၪ့ခွံၬစဇ့ၭဒကဲအၫအမ့ၬ ၥၪတၭစၧၩ့ထၬဝ့ၫလၧၥွ့ၫထၭဘဲၫၥိၭ အမိဆိၬထၪ့ခွံၬ
8 အဝ့ၫဖိးလၧဘၭဘလၧၫ့လီၫ.- တၭၦခၫလဒံအၫဖိၪ ဆူၭထၪ့ခွံၬစဎွၩအနီး, ဒဲၦခမျၧးအဂံၪ့လဖၪ လၧမ့ၪ တၭ,မၩလၩ့ဎီးခွံၬယရုစလံၫ့အခိၪဒၧၩ့လီၫ.
9 ထီးနီၪလဖၧၫ့ၦခိၭဆၧအခိၪ စန့ၭဘူၫဇၫရဒၫ့ဆိၬ အၪ့မၧၫ့ဎီးၦခမျၧး လၧအအီၪလၩ့ထးလၧဒိၩ့ဖၧၩ့ ဒဲၦ လၧအလ့ၩယူၭဝ့ၫ လၧအအီၪလခီၫ, ဒဲၦခမျၧးလၧအ
10 အီၪလၩ့ထးလဖၪနီၪထီးလၧဘၭဘလၧၫ့လီၫ.- တၭ ၦခိၭဆၧအခိၪ စန့ၭဘူၫဇၫရဒၫ့ အီၪက့ၪလၩ့ထးၦၡၪ့ ဖိၪယၬဖိၪလနၩ့ လၧအဆၧလအီၪဘၪလၧခးယုဒၫအ ဖၧၩ့,ဒဲဖ့ၪလၫ့အဝ့ၫၥံၪ လၧစဘံၭကျိၭလဖၪ, ဒဲဂၪ့ခိၪ အဝၩ့လဖၪလၧမုလနံၩနီၪလီၫ.
11 ဘၭဘလၧၫ့အစဎွၩန့ၭဘူၫခၭန့ဇၫ မၪလူၬၦခိၭဆၧ အခိၪစန့ၭဘူၫဇၫရဒၫ့ လၧစယ့ၫရမဲအၫအဂဲးအကၠီၪ့
12 တၭ,စံၭဝ့ၫဒၪ,- မၩန့ဝ့ၫတၭ,ယိထဲၩ့ခွါထဲၩ့ဂ့ၩဘၪစဲၪ တၭ,မၩအၧၩ့အဝ့ၫလၧဆၧနးမံၩ့လဂ့ၩ မွဲဘဲၫအချဲၩ့
13 ဆၧလၧနၧၩအၥိၭနီၪ မၩအဝ့ၫဘဲၫနီၪအၥိၭဆံၭ.- တၭ ၦခိၭဆၧအခိၪ စန့ၭဘူၫဇၫရဒၫ့, ဒဲၦဖၫဆွံၪဖိၪအခိၪ စန့ၭဘၡၫစဘၫ့, ဒဲၦမၫကူၭအခိၪစနၧဂလၭၡၫရံဇၧၫ,
14 ဒဲဘၭဘလၧၫ့အစဎွၩအၦဒိၪဖၭဒိၪထီးအလူၬ,- အၪ့ မၧၫ့လၩ့ဆၧမၩန့ထၪ့ထဲၩ့ စယ့ၫရမဲအၫလၧထီၫ့အဝၩ့ ဖၧၩ့တၭ, ဖ့ၪလၫ့အဝ့ၫလၧစၡၫဖၫ့အဖိၪခွၫစအဟဲအ ကံၫ့အဖိၪခွၫစဂ့ၭဒလဲအၫအစူၪဖၧၩ့ ဘဲၫၥိၭအမိဆိၬ ထၪ့အဝ့ၫလၧအဂံၪ့ဖၧၩ့လီၫ. တၭအီၪလၧၦခမျၧးအ ကျၩလီၫ.
15 တၭလၧစယ့ၫရမဲအၫ အီၪကၭဘံၭထၬအၥၭလၧ ထီၫ့အဝၩ့ဖၧၩ့အဘိၩ့ဘၭနီၪ, ယဟိဝၩအလူလၩ့ဘၪ
16 အဝ့ၫတၭ,စံၭဝ့ၫဒၪ,- လ့ၩချဲၩ့ဆၧလၧၦအံၫၥအိပၠၫဖိၪ စအံၫဘ့ၭမလ့ၭတၭ, စံၭ, ဆၧၥုၭမုခမျၧးအယဟိဝၩ အံၫစရ့လၭအယွၩစံၭဘဲၫယီၩ, ယိခွါ,ယမိမၩလၧၫ့ ထၪ့ဎွ့ၩထၪ့ယဆၧချဲၩ့လၧဒိၩ့ယီၩ အဂဲးအကၠီၪ့လၧ ဆၧအၧၩ့အဂး, လမွဲဘၪလၧဆၧဂ့ၩအဂးတၭ, ဆၧ
17 လၧမုလနံၩနီၪမိမၩအၥၭလၧနမ့ၬယၫလီၫ.- မွဲလါနၫ့ တၭ, ယမိမၩဖီၩ့မၩဖျ့ၭနၧၩလၧမုလနံၩနီၪ, ယဟိဝၩ စံၭဝ့ၫဒၪး တၭဆၧမိဖ့ၪလၫ့ခွံၬနၧၩ လၧၦလၧနၥၭမဲၪဝ့ၫ
18 အစူၪဖၧၩ့အ့ၬ.- အဂဲးဘဲၫယီၩယမိမၩဖီၩ့မၩဖျ့ၭတၡါ နၧၩတၭ, နမိလၩ့ထံၩဖါဘၪလၧနၭအ့ၬ. အ့ၪမွဲနၥၭ မၧၫ့မိကဲၪထၪ့ဆၧအၪ့ဂူၬန့လၧနဂးလီၫ. အဂဲးဘဲၫယီၩ နဒိၭနဲၩ့နၥၭလၧယၧၩ, ယဟိဝၩစံၭဝ့ၫဒၪ.