38
1 ထီးနီၪလဖၧၫ့စမၭတၫ့အဖိၪခွၫစၡ့ၭဖတဲအၫ, ဒဲပၭ ၡၧၫအဖိၪခွၫစဂ့ၭဒလဲအၫ, ဒဲစၡံၫလမဲအၫ အဖိၪခွၫ စယူကလၭ,ဒဲစမၫလခဲအၫအဖိၪခွၫစပၭၡၧၫ နါဂၧၫ့ ဆၧချဲၩ့လၧစယ့ၫရမဲအၫချဲၩ့ဝ့ၫ လၧၦခမျၧးလၧအစံၭ
2 ဝ့ၫ,- ယဟိဝၩစံၭဘဲၫယီၩ, ၦလၧအအီၪဝ့ၫလၧဒိၩ့ဖၧၩ့ နီၪမိၥံၫဝ့ၫလၧနၭၥံၪဖၩ့ၥံၪ, လၧဆၧၥၭဝံလၩ့ဒိၩ, ဒဲ လၧဆၧၥံၫချဲၫ့လီၫ. အ့ၪမွဲၦလၧအစဲၪ့ထၪ့လၧၦခၫလ ဒံအၫဖိၪအအီၪနီၪ မိမၧၫ့ဝ့ၫလီၫ. အဂဲးဘဲၫယီၩမိန့ ဘၪအၥၭမၧၫ့ဘဲၫဆၧအၪ့ဂူၬန့ဆီၪ့အၥိၭတၭ, မိမၧၫ့
3 ဝ့ၫလီၫ.- ယဟိဝၩစံၭဘဲၫယီၩ, ဆၧမိဖ့ၪလၫ့ခွံၬတၡါ ဒိၩ့ယီၩလၧဘၭဘလၧၫ့အစဎွၩ ၥုၭမုခမျၧးအစူၪဖၧၩ့ တၭ,အဝ့ၫဒၪမိမၩန့ဝ့ၫလီၫ.
4 တၭၦဒိၪဖၭဒိၪလဖၪစံၭစဎွၩ, မွဲၦလဂၩယီၩဘၪ ဆၧမၩၥံၫလါဝ့ၫဆံၭ. အဂဲးဘဲၫယီၩမွဲအမၩလၩ့ဆါ ၦၥုၭဖိၪလၧအအီၪလၩ့ထး လၧဒိၩ့ဖၧၩ့လဖၪအစူၪ, ဒဲၦခမျၧးထီးအလူၬအစူၪလီၫ. ချဲၩ့ဆၧလၧအဝ့ၫၥံၪ ဘဲၫဆၧချဲၩ့လဖၪနီၪအၥိၭလီၫ. အဂဲးဘဲၫယီၩၦလဂၩ ယီၩမွဲအအၪ့ဎၬ ၦခမျၧးယီၩ အဆၧဘၪလိၭအိၭလိၬ အ့ၬ,မွဲဆၧမၩဂၭဂီၩ့ဝ့ၫလခီၫလီၫ.
5 တၭစဎွၩဇ့ၭဒကဲအၫစံၭဝ့ၫဒၪ, ယိခွါ,အဝ့ၫဒၪအီၪ ဝ့ၫလၧနၥံၪအစူၪဖၧၩ့လီၫ. အဂဲးဘဲၫယီၩစဎွၩမၩဆၧ
6 ထၫ့ဒၩနၥံၪၥ့ၪနးမံၩ့အ့ၬ.- တၭအဝ့ၫၥံၪဖီၪ့ထၬစယ့ၫ ရမဲအၫတၭ, ဒုၭနုၬဝ့ၫလၧစဟၫမလ့ၭအဖိၪခွၫ စမၫ လကဲအၫအဆၧဖၧၩ့လၧအအီၪဝ့ၫ လၧထီၫ့အဝၩ့ဖၧၩ့ တၭ,ဆဲၩလၩ့စယ့ၫရမဲအၫလၧဖျံၩလဖၪလီၫ. တၭ ထံၫအီၪလၧအဖၧၩ့အ့ၬ. အီၪန့ၫဖံၬတၭ, စယ့ၫရမဲအၫ လၩ့လၧၩ့လၧဖံၬကျၩလီၫ.
7 တၭၦအံၫၥအိပၠၫဖိၪစအံၫဘ့ၭမလ့ၭ, ၦဖၫဆွံၪလၧ အအီၪဝ့ၫလၧစဎွၩအဂံၪ့ဖၧၩ့လဂၩ နါဂၧၫ့ဝ့ၫလၧၦဒုၭ နုၬစယ့ၫရမဲအၫလၧဆၧဖၧၩ့လီၫ. စဎွၩဆၧၫ့နၩ့အီၪ
8 ဝ့ၫလၧဘံၪ့ယမံၫ့အတရၫ့အဖၧၩ့လီၫ.- စအံၫဘ့ၭမ လ့ၭနီၪစဲၪ့ထၪ့လၧစဎွၩအဂံၪ့ဖၧၩ့တၭ, ချဲၩ့ဆၧဒဲစဎွၩ
9 တၭ,စံၭဝ့ၫဒၪ,- ယကဆါစဎွၩဧ့,ၦလဖၪနီၪကယဲအ ဝ့ၫၥံၪမၩမီၪစယ့ၫရမဲအၫနီၪမွဲဆၧအၧၩ့, အဝ့ၫၥံၪခွံၬ လၩ့ဝ့ၫလၧဆၧဖၧၩ့တၭ,မိၥံၫဝ့ၫလၧဆၧၥၭဝံအၥၭအ ကၠီၩ့လၧဆၧအလးထီးအအီၪဝ့ၫလီၫ. အဂဲးဘဲၫယီၩ ကိၪလၧဒိၩ့ဖၧၩ့အီၪလၧၩ့အ့ၬ.
10 တၭစဎွၩမၪလူၬ ၦအံၫၥအိပၠၫဖိၪစအံၫဘ့ၭမလ့ၭ, စံၭဝ့ၫဒၪ, မၩန့ၦထီးယီၩၥၧၫ့ဆံၫလၧနၥိၭတၭ, အၪ့ မၩန့ထၪ့ထဲၩ့မီၪစယ့ၫရမဲအၫလၧဆၧဖၧၩ့ လၧအလ ချႃၭၥံၫဒံၭဘၪနီၪဆံၭ.
11 တၭစအံၫဘ့ၭမလ့ၭမၩန့ၦၡၩလဖၪလၧအၥိၭ, လ့ၩ နုၬလၧစဎွၩအဂံၪ့ လၧဆၧအီၪက့ၪကီၪ့စ့ၩအဖၫ့လၬ တၭ,မၩန့ထၪ့ဆၧကဲၩ့ယၬအလးလံၩ ဒဲဆၧအကီၩ့အ ၥိၭအလးလံၩတၭ, ဆဲၩလၩ့ဝ့ၫလၧဖျံၩလၧစယ့ၫရမဲ
12 အၫအအီၪလၧဆၧဖၧၩ့နီၪလီၫ.- တၭၦအံၫၥအိပၠၫဖိၪ စအံၫဘ့ၭမလ့ၭ စံၭစယ့ၫရမဲအၫ, အီၪက့ၪဆၧကဲၩ့ ယၬ,ဒဲဆၧကီၩ့ဆၧၥိၭအလံၩ လၧနကံၪလၬဖၧၩ့လၧ ဖျံၩအဖၫ့လၬဆံၭ. တၭစယ့ၫရမဲအၫ မၩဝ့ၫဘဲၫနီၪ
13 လီၫ.- အခိးမွဲၦထုၭထၪ့စယ့ၫရမဲအၫလၧဖျံၩလဖၪ, မၩန့ထၪ့ခွံၬဝ့ၫလၧဆၧဖၧၩ့တၭ, စယ့ၫရမဲအၫအီၪဝ့ၫ လၧထီၫ့အဝၩ့ဖၧၩ့လီၫ.
14 ထီးနီၪလဖၧၫ့စဎွၩဇ့ၭဒကဲအၫ အၪ့မၧၫ့လၩ့ဆၧတၭ, အၪ့မၩန့စယ့ၫရမဲအၫလၧအအီၪ လၧဆၧလ့ၩနုၬလၧ ယဟိဝၩအဂံၪ့ဖၧၩ့ၥၧၫ့စီၪ့လစီၪ့တၭ, စဎွၩစံၭစယ့ၫရ မဲအၫ,ယမိအၪ့စၪ့နၧၩလၧဆၧနးမံၩ့း ထီးအီၪက့ၪၥူၪ ခွံၬလၧယၧၩဆၧနးမံၩ့လဂ့ၩ,ဧီၪ.
15 တၭစယ့ၫရမဲအၫစံၭစဇ့ၭဒကဲအၫ, ယအ့ၪလီၩဘၪ နၧၩတၭ, နမိမၩၥံၫတၡါယၧၩ မွဲအ့ၬဧၪ. ယအ့ၪဒုၭ
16 ကိၪ့နၧၩတၭ,နခိၭနၪယလူအ့ၬ.- စဎွၩဇ့ၭဒကဲအၫဆိၪ လၩ့ၥူၪအၥၭလၧစယ့ၫရမဲအၫတၭ,စံၭဝ့ၫဒၪ, ယဟိ ဝၩမၧၫ့ဝ့ၫလၧအဖ့ၪလၫ့ၦလၧၦၥၭမၧၫ့ယီၩ, ယမၩၥံၫ နၧၩအ့ၬ. ယမိဖ့ၪလၫ့ခွံၬနၧၩလၧၦလၧအအၪ့ဎၬနၥၭ မၧၫ့အစူၪဖၧၩ့ဆ့အ့ၬ.
17 ထီးနီၪလဖၧၫ့စယ့ၫရမဲအၫစံၭစဇ့ၭဒကဲအၫ, ဆၧ ၥုၭမုခမျၧးအယဟိဝၩ, အံၫစရ့လၭအယွၩ, စံၭဘဲၫ ယီၩ,နအ့ၪလ့ၩထီၩ့လၧဘၭဘလၧၫ့ အစဎွၩအၦဒိၪ ဖၭဒိၪၥံၪအအီၪတၭ, နၥၭမိမၧၫ့ဝ့ၫ ၦဆူၭထၪ့ခွံၬဒိၩ့ လဖျိၪ့ယီၩလၧမ့ၪအ့ၬ. တၭနမိမၧၫ့ဒဲနၡၩဂံၪ့ဖိၪလီၫ.
18 အ့ၪမွဲနအ့ၪလလ့ၩထၪ့ဘၪလၧဘၭဘလၧၫ့ အစဎွၩအ ၦဒိၪဖၭဒိၪၥံၪအအီၪတၭ, ဆၧမိဖ့ၪလၫ့ခွံၬ ဒိၩ့လဖျိၪ့ ယီၩလၧၦခၫလဒံအၫဖိၪအစူၪဖၧၩ့တၭ, အဝ့ၫၥံၪမိဆူၭ ထၪ့ခွံၬဝ့ၫလၧမ့ၪ, တၭနမိဖီၩ့ဖျ့ၭလၧအစူၪဖၧၩ့အ့ၬ.
19 တၭစဎွၩဇ့ၭဒကဲအၫစံၭ စယ့ၫရမဲအၫ, ယၥၭမဲၪၦ ယုဒၫဖိၪလၧအလ့ၩယူၭ လၧၦခၫလဒံအၫဖိၪ လခီၫ တၭး မိဖ့ၪလၫ့ခွံၬဘၪခိၬ ယၧၩလၧအဝ့ၫၥံၪအစူၪဖၧၩ့ တၭ,အဝ့ၫၥံၪမိမၩကြၩ့ထမးယၧၩလီၫ.
20 တၭစယ့ၫရမဲအၫစံၭဝ့ၫဒၪ,မိဖ့ၪလၫ့ခွံၬနၧၩအ့ၬ. ခိၭ နၪလါယဟိဝၩအလူလၧယချဲၩ့ဆၧလၧနၧၩဆံၭ. တၭ
21 ဆၧမိဂ့ၩလၧနဂးတၭ, နၥၭမိမၧၫ့ဝ့ၫလီၫ.- အ့ၪမွဲနအ့ၪ လလ့ၩထၪ့ဘၪတၭ, အယီၩမွဲဆၧချဲၩ့ လၧယဟိဝၩ
22 ဒုၭနဲၪယၧၩ,- ယိခွါ,ကယဲၦမုၪလၧအအီၪလၩ့ထးလၧ ယုဒၫအစဎွၩအဂံၪ့ဖၧၩ့ထီးအလူၬနီၪ, မိဘၪဆၧဆိၬ ထၪ့ဝ့ၫလၧဘၭဘလၧၫ့အစဎွၩ အၦဒိၪဖၭဒိၪလဖၪအ အီၪတၭ,အဝ့ၫၥံၪမိစံၭ, နထံၩနၥိၭထိၪဂဲၩနၧၩ, ဒဲမၩ စၪနၧၩလီၫ. နခၪ့လၩ့လၧၩ့ လၧဖံၬကျၩ လါနၫ့တၭ,
23 ထဲၩ့ထဲၩ့ဝ့ၫလီၫ.- ၦမိဂဲၫဆိၬနမၫထီးအလူၬ ဒဲနဖိၪန လံၩလၧၦခၫလဒံအၫဖိၪအအီၪတၭ, နမိဖီၩ့ဖျ့ၭလၧအ စူၪဖၧၩ့အ့ၬ. ဘၭဘလၧၫ့အစဎွၩမိဖီၪ့ထၬနၧၩတၭ, မိ ဆူၭထၪ့ခွံၬဒိၩ့ယီၩလၧမ့ၪလီၫ.
24 ထီးနီၪလဖၧၫ့စဇ့ၭဒကဲအၫ,စံၭစယ့ၫရမဲအၫ, ဒုၭၥ့ၪ ယၫၦၡၩလၧဆၧချဲၩ့လဖၪယီၩ နးဂၩလဂ့ၩတၭ,နမိ
25 ၥံၫဘၪအ့ၬ.- တၭၦဒိၪဖၭဒိၪလဖၪနီၪ အ့ၪနါဂၧၫ့ဝ့ၫလၧ ယချဲၩ့ဆၧလၧနၧၩ, အ့ၪဂဲၫလၧနအီၪတၭ,စံၭနၧၩ, လီၩ ဘၪပၧၩလၧဆၧလၧနစံၭစဎွၩဆံၭ, အီၪက့ၪၥူၪလၧ ပၧၩလဂ့ၩ, ဒဲကယဲဆၧချဲၩ့လၧစဎွၩစံၭနၧၩတၭ, ပမိ
26 မၩၥံၫနၧၩအ့ၬ.- နမိဘၪစံၭအဝ့ၫၥံၪ, ယအၪ့ကံၩ့အၪ့ ယၫစဎွၩဘဲၫၥိၭ အထီးဒုၭထဲၩ့ထဲၩ့ယၧၩ လၧစစၪ့န ၥၧၫ့အဂံၪ့ဖၧၩ့ဘဲၫၥိၭယထီးၥံၫထီးနီၪလဂ့ၩလီၫ.
27 တၭၦဒိၪဖၭဒိၪထီးအလူၬနီၪ, ဂဲၫဝ့ၫလၧစယ့ၫရမဲ အၫအအီၪတၭ,အၪ့စၪ့ဝ့ၫတၭ, အဝ့ၫဒၪလီၩဘၪအဝ့ၫ ၥံၪကယဲဆၧချဲၩ့ဘဲၫစဎွၩ မၪလူၬဝ့ၫအၥိၭလီၫ. တၭ အဝ့ၫၥံၪအီၪလၩ့မါပံၭတၭ စဲၪ့ထၪ့ခွံၬလၧအအီၪလီၫ. အဂဲးဘဲၫယီၩၥ့ၪယၫအဂဲးအကၠီၪ့နီၪအ့ၬ.
28 တၭစယ့ၫရမဲအၫအီၪဝ့ၫလၧထီၫ့အဝၩ့ဖၧၩ့ ထီးမုလ နံၩလၧၦမၩန့ယရုစလံၫ့တၭ, ထီးၦမၩန့ယရုစလံၫ့ နီၪ,အီၪဝ့ၫလၧအဖၧၩ့လီၫ.