37
1 တၭစယိၫစဲအၫ အဖိၪခွၫစဇ့ၭဒကဲအၫ ကဲၪစဎွၩ လၧစယဟီအကံၫ့အဖိၪခွၫစကိၫနဲအၫအလးလၧဘၭ ဘလၧၫ့အစဎွၩန့ၭဘူၫခၭန့ဇၫ အီၪက့ၪစဎွၩလၧခးယု
2 ဒၫအဖၧၩ့လီၫ.- မွဲလါနၫ့တၭအဝ့ၫဒၪမွဲဂ့ၩ, အခ့ၫအ ၡၩမွဲဂ့ၩ, ခိၭနၪယဟိဝၩအလူအထၫလၧအချဲၩ့ဝ့ၫလၧ
3 မီၪစယ့ၫရမဲအၫအစူၪဖၧၩ့နီၪအ့ၬ.- တၭစဎွၩဇ့ၭဒကဲ အၫအၪ့မၧၫ့လၩ့စၡ့ၫလမဲအၫအဖိၪခွၫစယဟုကလၭ, ဒဲၦလုဆၧစမၫအစဲအၫ အဖိၪခွၫစဇ့ၭဖနဲအၫလၧမီၪ စယ့ၫရမဲအၫအအီၪတၭ, စံၭဝ့ၫဒၪ, ဘၩဆိၪဖၪန့ပဂး
4 လၧယဟိဝၩပယွၩဆံၭ.- တၭစယ့ၫရမဲအၫဂဲၫနုၬ, ဒဲစဲၪ့ထၪ့လၧၦခမျၧးအကျၩလီၫ. အဂဲးဘဲၫယီၩအဝ့ၫ
5 ၥံၪဒုၭနုၬဒံၭအဝ့ၫ လၧထီၫ့ဖၧၩ့ဒံၭအ့ၬ.- ထီးနီၪလ ဖၧၫ့ဖၫရိၫအၥုၭမုခမျၧးစဲၪ့ထၪ့ယူၭ လၧခးအံဇံၭအ ဖၧၩ့တၭ,ၦခၫလဒံအၫဖိၪ လၧအဝၩ့ထၬ ယရုစလံၫ့ နီၪနါဂၧၫ့အပရၧၫ့တၭ, စဲၪ့ဒၪခွံၬဝ့ၫလၧယရုစလံၫ့နီၪ လီၫ.
6 ထီးနီၪလဖၧၫ့ ယဟိဝၩအလူလၩ့ဘၪမီၪစယ့ၫရမဲ
7 အၫတၭ,စံၭဝ့ၫဒၪ,- ယဟိဝၩအံၫစရ့လၭအယွၩစံၭ ဘဲၫယီၩ, နၥံၪမိဘၪစံၭ ၦလၧအအၪ့မၧၫ့လၩ့နဂဲၫအၪ့ စၪ့ဆၧလၧယၧၩ, ယုဒၫအစဎွၩနီၪ, ယိခွါ,ဖၫရိၫအၥုၭ မုခမျၧးလၧအဂဲၫထၪ့မၩဆၧၩ့နၥံၪယီၩ, မိထဲၩ့ထဲၩ့လၧ
8 အံဇံၭလၧအခးဒၪဝ့ၫအဖၧၩ့လီၫ.- တၭၦခၫလဒံအၫ ဖိၪမိဂဲၫထဲၩ့ဒီၭဒုၭဆၧထၫ့ဒၩဒိၩ့ယီၩတၭ, မိမၩန့ဝ့ၫ
9 ဒဲဆူၭထၪ့ခွံၬဝ့ၫလၧမ့ၪလီၫ.- ယဟိဝၩ စံၭဘဲၫယီၩ, ထီးအၪ့လီၫလၩ့နၥံၪအၥၭလဂ့ၩ, စံၭဝ့ၫၦခၫလဒံအၫ ဖိၪမိစဲၪ့ထၪ့ခွံၬလၧပအီၪတၡါနီၪတၭး အဂဲးဘဲၫယီၩ
10 အဝ့ၫၥံၪမိစဲၪ့ထၪ့ဘၪအ့ၬ.-အဂဲးဘဲၫယီၩ နၥံၪအ့ၪ ကျီၪ့ၦခၫလဒံအၫဖိၪ အၥုၭမုခမျၧးထီးအလူၬ လၧအ ဒုၭဆၧထၫ့ဒၩနၥံၪတၭ, အီၪလၩ့ထးဝ့ၫန့ၫၦလၧအဘၪ ၦဘၪဆ့ၭလဖၪ လၧအကျၩလါနၫ့တၭ,မွဲအမိဂဲထုၪ့ လဂၩလၧအတဲၩဒၪဝ့ၫ, လဂၩလၧအတဲၩဒၪဝ့ၫတၭ, မိဆူၭထၪ့ခွံၬဒိၩ့ယီၩလၧမ့ၪလီၫ.
11 ထီးၦခၫလဒံအၫဖိၪ အၥုၭမုခမျၧးစဲၪ့ထၪ့ခွံၬလၧ
12 ယရုစလံၫ့လၧဖၫရိၫအၥုၭမုခမျၧးအကၠီၩ့တၭ,- ထီး နီၪလဖၧၫ့စယ့ၫရမဲအၫ စဲၪ့ထၪ့ခွံၬလၧယရုစလံၫ့တၭ, လ့ၩလၧၦခမျၧးအကျၩဘဲၫၥိၭ အမိဖီၩ့ဖျ့ၭထီၩ့လၧခး
13 ဘံၪ့ယမံၫ့အဖၧၩ့လီၫ.- မွဲအအီၪဝ့ၫလၧစဘံၪ့ယမံၫ့အ တရၫ့အဘိၩ့ဘၭတၭ, ၦခိၭဆၧဖိၪအခိၪလဂၩအီၪဝ့ၫ ထီးနီၪအမံၩ့မွဲစအရဲယၫ လၧအမွဲစၡ့ၫလမဲအၫအဖိၪ ခွၫလၧအမွဲစဟၪ့အနဲအၫအဖိၪခွၫတၭ, အဝ့ၫဒၪဖီၪ့ ထၬမီၪစယ့ၫရမဲအၫတၭ, စံၭဝ့ၫဒၪ, နလ့ၩလၩ့လၧၦခၫ လဒံအၫဖိၪအအီၪလခီၫလီၫ.
14 ထီးနီၪလဖၧၫ့စယ့ၫရမဲအၫစံၭဝ့ၫဒၪ, ဆၧချဲၩ့ဘျံၭ ချဲၩ့ဘျၪလီၫ. ယလ့ၩထၪ့လၧၦခၫလဒံအၫဖိၪအအီၪ လခီၫအ့ၬ. တၭအ့ၪမွဲအဝ့ၫဒၪခိၭနၪအလူအ့ၬ. အခိးမွဲ စအရဲယၫဖီၪ့ထၬ စယ့ၫရမဲအၫတၭ, ဂဲၫဆိၬဝ့ၫလၧၦ
15 ဒိၪဖၭဒိၪၥံၪအအီၪလီၫ.- တၭၦဒိၪဖၭဒိၪလဖၪနီၪၥၭ ထၪ့ဘၪစယ့ၫရမဲအၫတၭ, ထးဝ့ၫတၭ, ဒုၭနုၬဝ့ၫလၧ ထီၫ့ဖၧၩ့လၧၦကွ့ၭလံၬစစၪ့နၥၧၫ့အဂံၪ့ဖၧၩ့လီၫ. အဂဲး ဘဲၫယီၩမွဲအဒုၭကဲၪထၪ့ဆၧအလးနီၪလၧထီၫ့လီၫ.
16 တၭထီးစယ့ၫရမဲအၫလ့ၩနုၬ လၧဂံၪ့အဆၧဖၧၩ့လၧ အဆံၭဒဲလၧဆၧဆူၭဖၧၩ့တၭ,စယ့ၫရမဲအၫအီၪဝ့ၫထီး
17 နီၪအၪနံၩအၪၥၫ့လီၫ.- ထီးနီၪလဖၧၫ့စဎွၩဇ့ၭဒကဲအၫ အၪ့မၧၫ့လၩ့ဆၧတၭ, ထုၭထၪ့ထဲၩ့ဝ့ၫတၭ, စဎွၩအၪ့ စၪ့ၥူၪဝ့ၫလၧအဂံၪ့ဖၧၩ့တၭ, စံၭဝ့ၫဒၪ, ဆၧအလူလၧ ယဟိဝၩနီၪအီၪဆ့ဧၪ. တၭစယ့ၫရမဲအၫ စံၭဝ့ၫဒၪ, အီၪဝ့ၫလီၫ. အဂဲးဘဲၫယီၩ, စံၭဝ့ၫဒၪ, ဆၧမိဖ့ၪလၫ့ခွံၬ နၧၩလၧဘၭဘလၧၫ့အစဎွၩအစူၪဖၧၩ့လီၫ.
18 တၭစယ့ၫရမဲအၫ စံၭစဎွၩဇ့ၭဒကဲအၫ, နၧၩမွဲဂ့ၩ, နခ့ၫနၡၩမွဲဂ့ၩ, နၡၩခမျၧးမွဲဂ့ၩ,ယမၩမၪဘၪနၥံၪလၧ နၥံၪဒုၭနုၬယၧၩ လၧထီၫ့ဖၧၩ့ယီၩ, မွဲဆၧနီၪလမံၩ့
19 လဲၪ.- မီၪလဖၪလၧအချဲၩ့ဆၧလၧမီၪအချိၬ လၧနၥံၪ တၭ,စံၭဝ့ၫ,ဘၭဘလၧၫ့အစဎွၩလဂဲၫထၫ့ဒၩဘၪနၥံၪ
20 ဒဲလဂဲၫထၫ့ဒၩဘၪခးယီၩနီၪ, မွဲအအီၪခီၫခီၫလဲၪ.- မၩ အၥၭဘဲၫနီၪတၭ, ဘိၩ့နဲၪ့ယီၩ, ကဆါစဎွၩဧ့, ခိၭနၪ လါဆံၭ.ယအၪ့ကံၩ့အၪ့ယၫဆၧ, မွဲအဘၪလါနၥၭ ဘဲၫၥိၭနထီၩ့ဒုၭထဲၩ့ထဲၩ့ယၧၩ လၧၦကွ့ၭလံၬစစၪ့န ၥၧၫ့အဂံၪ့ဖၧၩ့လဂ့ၩ,ယမိၥံၫဘၪခိၬထီးနီၪလီၫ.
21 တၭစဎွၩဇ့ၭဒကဲအၫ မၪလူၬဝ့ၫ, လၧၦၡၩမိအီၪ က့ၪစယ့ၫရမဲအၫ လၧထီၫ့အဝၩ့ဖၧၩ့တၭ, ၦၡၩဘၪ ဖ့ၪလၫ့ဝ့ၫအကိၪလလီၪ့ လၧၦၡၩမၩကိၪအဖၧၩ့ၥၭဖၧၩ့ ကိၭမုနံၩဒ့ၭ ထီးကိၪလၧဒိၩ့ဖၧၩ့ မိလူၬဝ့ၫလီၫ. တၭ စယ့ၫရမဲအၫအီၪဝ့ၫလၧထီၫ့အဝၩ့ဖၧၩ့လီၫ.