36
1 ဆၧမၩအၥၭလၧယုဒၫအစဎွၩ စယိၫစဲအၫအဖိၪခွၫ စယဟီအကံၫ့အနံၪ့လံနံၪ့လနံၪ့နီၪ, ယဟိဝၩအလူလၩ့
2 ဘၪစယ့ၫရမဲအၫတၭ,စံၭဝ့ၫဒၪ,- မၩန့လံၬလထူၫတၭ ကယဲဆၧချဲၩ့လၧယချဲၩ့ထၫ့ဒၩယူၭ အံၫစရ့လၭ,ဒဲထၫ့ ဒၩယုဒၫ, ဒဲထၫ့ဒၩၦဆၨၩထီးအလူၬ, ခီၫလၧမုလနံၩ လၧယချဲၩ့ဆၧလၧနၧၩ လၧစယိစဲအၫအမုနံၩလဖၪ ထီးမုဆၫလနံၩယီၩကွ့ၭလၩ့လၧအဖၧၩ့ဆံၭ.
3 ဘၪလဘၪယုဒၫအၡၩဂံၪ့ဖိၪ မိနါဂၧၫ့ကယဲဆၧအၧၩ့ လၧယကၩ့ကၩယမိမၩဝ့ၫ ဘဲၫၥိၭအဝ့ၫၥံၪမိကၠၪခွံၬအ ၥၭ,လဂၩလၧအဖၧၩ့ၥၭအၧၩ့ဒၪဝ့ၫ, လဂၩလၧအဖၧၩ့ ၥၭအၧၩ့ဒၪဝ့ၫနီၪ, ဘဲၫၥိၭယမိဖျါခွံၬ အဝ့ၫၥံၪအဆၧ အၧၩ့ဒဲအဆၧဒဲၩဘၭနီၪလီၫ.
4 ထီးနီၪလဖၧၫ့ စယ့ၫရမဲအၫကိၭန့စနံၫရဲအၫအဖိၪ ခွၫစဘၫရၧၭတၭ, စဘၫရၧၭနီၪ ကွ့ၭယဟိဝၩအလူ ထီးအလူၬ လၧအချဲၩ့ဆၧလၧစယ့ၫရမဲအၫအနိၭလၧ
5 လံၬလထူၫအဖၧၩ့လီၫ.- စယ့ၫရမဲအၫမၪလူၬ စဘၫ ရၧၭတၭ,စံၭဝ့ၫဒၪ, ယဘၪဆၧကၭဘံၭထၬယူၭယၧၩ
6 တၭးယလ့ၩထၪ့လၧယဟိဝၩအဂံၪ့ဖၧၩ့ၥ့ၪအ့ၬ.- အခိး မွဲလ့ၩထၪ့နဝ့ၫဒၪတၭ, ဖီယဟိဝၩအလူလၧလံၬလထူၫ အဖၧၩ့လၧနကွ့ၭလၧယနိၭနီၪ, လၧၦၡၩခမျၧးအနါ ဖၧၩ့,လၧယဟိဝၩအဂံၪ့ဖၧၩ့း ထီးဆၧဒုၪဆၧအၪ့ဆၧ အီၩအနံၩလနံၩနီၪဆံၭ. တၭနမိဘၪဖီဆ့အဝ့ၫလၧၦ ယုဒၫဖိၪလၧအဂဲၫထၪ့ လၧအဒိၩ့လဖၪအနါဖၧၩ့လီၫ.
7 ဘၪလဘၪအဝ့ၫၥံၪမိအၪ့ကံၩ့အၪ့ယၫ ဆၧလၧယဟိ ဝၩအမ့ၬယၫတၭ,မိကၠၪခွံၬအၥၭ, လဂၩလၧအဖၧၩ့ ၥၭအၧၩ့ဒၪဝ့ၫ, လဂၩလၧအဖၧၩ့ၥၭအၧၩ့ဒၪဝ့ၫနီၪလီၫ. အဂဲးဘဲၫယီၩဆၧၥၭထၪ့ ဒဲဆၧၥၭခဲၩထၪ့လၧယဟိ ဝၩလီၩဘၪထၫ့ဒၩယူၭ ၦခမျၧးယီၩမွဲအဒိၪမၬလီၫ.
8 တၭစနံၫရဲအၫအဖိၪခွၫစဘၫရၧၭနီၪ မၩဝ့ၫဘဲၫက ယဲဆၧချဲၩ့ လၧမီၪစယ့ၫရမဲအၫမၪလူၬဝ့ၫနီၪ, ဒဲဖီဘၪ ဝ့ၫယဟိဝၩအလူလၧလံၬဖၧၩ့ လၧယဟိဝၩအဂံၪ့ဖၧၩ့ လီၫ.
9 တၭဆၧမၩအၥၭ လၧယုဒၫအစဎွၩစယိၫစဲအၫအ ဖိၪခွၫစယဟီအကံၫ့အနံၪ့ယဲနံၪ့လနံၪ့လၩခွံၫဘံၪ့လ ဘံၪ့နီၪ, ၦခမျၧးလၧယရုစလံၫ့အဖၧၩ့ထီးအလူၬ,ဒဲက ယဲၦလၧအဂဲၫဝ့ၫ လၧယုဒၫအဒိၩ့ထီၩ့လၧယရုစလံၫ့ အဖၧၩ့ထီးအလူၬနီၪ, ကိၭထၪ့ဆၧဒုၪဆၧအၪ့ဆၧအီၩ
10 လၧယဟိဝၩအမ့ၬယၫလီၫ.- ထီးနီၪလဖၧၫ့စဘၫရၧၭ ဖီထၪ့စယ့ၫရမဲအၫအဆၧချဲၩ့လၧလံၬဖၧၩ့ လၧယဟိ ဝၩအဂံၪ့ဖၧၩ့, လၧၦကွ့ၭလံၬစၡၫဖၫ့အဖိၪခွၫစဂ့ၫမရဲ အၫအဒူၭဖၧၩ့ လၧဆၧဝၩ့ထၪ့ထီၫလစီၪ့, ထီးဆၧလ့ၩ နုၬလၧယဟိဝၩအဂံၪ့တရၫ့အၥၫ့နီၪ လၧၦခမျၧးထီး အလူၬအနါဖၧၩ့လီၫ.
11 ထီးစၡၫဖၫ့အဖိၪခွၫ စဂ့ၫမရဲအၫအဖိၪခွၫစမံၫခ့ယၫ
12 နါဂၧၫ့ယဟိဝၩအလူထီးအလူၬလၧလံၬဖၧၩ့နီၪ,- ထီး နီၪလဖၧၫ့မွဲအလ့ၩလၩ့ဝ့ၫလၧစဎွၩအဂံၪ့, လၧၦကွ့ၭ လံၬအဒူၭဖၧၩ့တၭ, ယိခွါ,ၦဒိၪဖၭဒိၪထီးအလူၬဆၧၫ့ နၩ့ထီးနီၪ, ၦကွ့ၭလံၬ စအံၫလံၭၡမၫ, ဒဲစၡ့ၫမအဲအၫ အဖိၪခွၫစဒ့ၫလအဲအၫ ဒဲစအၭဘီၫအဖိၪခွၫစအ့လနၫ ၥၫ့,ဒဲစၡၫဖၫ့အဖိၪခွၫစဂ့ၫမရဲအၫ, စဟၪ့အနဲအၫ အဖိၪခွၫစဇ့ၭဒကဲအၫ, ဒဲၦဒိၪဖၭဒိၪထီးအလူၬလဖၪ
13 လီၫ.- ထီးနီၪလဖၧၫ့စမံၫခ့ယၫလီၩလၩ့လၬလၩ့အဝ့ၫ ၥံၪလၧကယဲဆၧချဲၩ့လၧအနါဂၧၫ့ဝ့ၫ လၧစဘၫရၧၭဖီ
14 လံၬလၧၦခမျၧးအနါဖၧၩ့အဘိၩ့ဘၭနီၪလီၫ.- မၩအ ၥၭဘဲၫနီၪတၭ, ၦဒိၪဖၭဒိၪထီးအလူၬ အၪ့မၧၫ့လၩ့စယ ဟုဒဲၫလဂၩ စန့ၭၥနဲအၫအဖိၪခွၫ စၡ့ၫလမဲအၫအဖိၪ ခွၫ,စကုၡဲၫအဖိၪခွၫ, ထီၩ့လၧစဘၫရၧၭအအီၪတၭ, စံၭဝ့ၫဒၪ,မၩန့လံၬလထူၫလၧနဖီဆၧလၧအဖၧၩ့ လၧၦ ခမျၧးအနါဖၧၩ့နီၪ လၧနစူၪဖၧၩ့တၭ, ဂဲၫဘီၪ. အခိးမွဲ စနံၫရဲအၫအဖိၪခွၫ စဘၫရၧၭနီၪ မၪန့လံၬလထူၫနီၪ
15 လၧအစူၪဖၧၩ့တၭ, ဂဲၫလၧအဝ့ၫၥံၪအအီၪလီၫ.- တၭ အဝ့ၫၥံၪနီၪစံၭအဝ့ၫ, ဆၧၫ့နၩ့တၭဖီလၧပနါဖၧၩ့ဆံၭ. အခိးမွဲစဘၫရၧၭဖီထၪ့ဝ့ၫ လၧအဝ့ၫၥံၪအနါဖၧၩ့လီၫ.
16 ထီးအဝ့ၫၥံၪနါဂၧၫ့ဆၧချဲၩ့ထီးအလူၬတၭ, ဆၧမၩအ ၥၭလၧအၥၭမဲၪဝ့ၫ လဂၩဒဲလဂၩတၭ, စံၭစဘၫရၧၭ နီၪ,ပမိလီၩဘၪစဎွၩလၧဆၧချဲၩ့ယီၩ ထီးအလူၬတၡါ
17 လီၫ.- တၭအဝ့ၫၥံၪအၪ့စၪ့စဘၫရၧၭတၭ,စံၭဝ့ၫ, လီၩ ဘၪပၧၩဘီၪ. နကွ့ၭဆၧချဲၩ့ယီၩ ထီးအလူၬလၧအနိၭ
18 ဘဲၫၥ့ၪလဲၪ.- ထီးနီၪလဖၧၫ့စဘၫရၧၭစံၭဆၧၫ့အဝ့ၫၥံၪ, အဝ့ၫဒၪချဲၩ့ဆၧလၧယၧၩ လၧအနိၭတၭ, ယကွ့ၭလၧ
19 ၥံၪထံၫလၧလံၬဖၧၩ့လီၫ.- တၭၦဒိၪဖၭဒိၪလဖၪ စံၭ စဘၫရၧၭနီၪ, လ့ၩအီၪက့ၪၥူၪနၥၭ,နဝ့ၫဒၪ, ဒဲစယ့ၫရမဲ အၫဆံၭ. ထီးနၥံၪအီၪအလးနီၪ, ဒုၭၥ့ၪယၫၦၡၩနးဂၩ လဂ့ၩ,ဧီၪ.
20 အဝ့ၫၥံၪလ့ၩနုၬဝ့ၫ လၧစဎွၩအအီၪအဝၩ့ဖၧၩ့တၭ, အီၪက့ၪလံၬလထူၫလၧ ၦကွ့ၭလံၬစအံၫလ့ၭၡမၫအဒူၭ ဖၧၩ့တၭ,လီၩဘၪဆၧချဲၩ့ထီးအလူၬ လၧစဎွၩအနါ ဖၧၩ့လီၫ.
21 အခိးမွဲစဎွၩအၪ့မၧၫ့လၩ့ စယဟုဒဲၫဘဲၫၥိၭအမိဂဲၫ ဆိၬလံၬလထူၫနီၪတၭ, အဝ့ၫဒၪမၩန့ဝ့ၫလၧၦကွ့ၭလံၬ စအံၫလ့ၭၡမၫအဒူၭဖၧၩ့လီၫ. တၭစယဟုဒဲၫဖီထၪ့ ဝ့ၫလၧစဎွၩအနါဖၧၩ့, ဒဲလၧၦဒိၪဖၭဒိၪၥံၪ လၧအဆၧၫ့ ထုၪ့လၧစဎွၩအနဲၩ့ထံၭလဖၪအနါဖၧၩ့လီၫ.
22 တၭစဎွၩဆၧၫ့နၩ့ဝ့ၫလၧဆၧဂီးအထီအဂံၪ့ဖၧၩ့, လၧ လၩဎွ့ၩထၪ့ခွံၫဘံၪ့လဘံၪ့အဖၧၩ့တၭ, မ့ၪခဲၩထၪ့လၧ
23 ဖံၫ့ချၪဖၧၩ့ လၧအမ့ၬယၫလီၫ.- တၭထီးစယဟုဒဲၫဖီ လံၬၥၧၫ့ဆၫ့လံဆၫ့တၭ, ဆၧမၩအၥၭလၧစဎွၩကူၭခွံၬ လံၬလၧၦကွ့ၭလံၬအဒီၩလဘံၪ့တၭ, ဖျႃၭလၩ့ခွံၬဝ့ၫ လၧမ့ၪဖၧၩ့ အီၪလၧဖံၫ့ချၪဖၧၩ့ ထီးလံၬလထူၫလူၬဝ့ၫ
24 လီၫ.- တၭၦလၧအနါဂၧၫ့ဆၧချဲၩ့နီၪ, စဎွၩမွဲဂ့ၩ,အခ့ၫ အၡၩမွဲဂ့ၩ, ၥၭမဲၪဝ့ၫအ့ၬ. ၡၫ့ခွံၬအကီၩ့အၥိၭနးဂၩ
25 ဆ့အ့ၬ.- မွဲလါနၫ့ဘဲၫနီၪတၭ, စအ့ၫလနၫၥၫ့, ဒဲစဒ့ၫ လအဲအၫ, ဒဲစဂ့ၫမရဲအၫလဖၪနီၪအၪ့ကံၩ့အၪ့ယၫယူၭ စဎွၩဘဲၫၥိၭအထီးဆူၭထၪ့ခွံၬ လံၬလထူၫနီၪလဂ့ၩလါ
26 နၫ့တၭ,မွဲအခိၭနၪအဝ့ၫၥံၪအလူအ့ၬ.- အ့ၪမွဲစဎွၩမၪ လူၬစဟၫမလ့ၭအဖိၪခွၫစယ့ၫရမံၫအ့လၭ, ဒဲစအၭ ဇ့ၫအ့လၭအဖိၪခွၫစစံၫရအဲအၫ, ဒဲစအၭဘဒံၫအ့လၭ အဖိၪခွၫစၡ့ၫလမဲအၫနီၪ, ဘဲၫၥိၭအမိဖီၪ့န့ၦကွ့ၭလံၬ စဘၫရၧၭနီၪ ဒဲမီၪစယ့ၫရမဲအၫဆ့လါနၫ့တၭ, ယဟိ ဝၩအီၪက့ၪၥူၪခွံၬယူၭအဝ့ၫၥံၪလီၫ.
27 တၭလၧစဎွၩဆူၭထၪ့ခွံၬလံၬလထူၫ, ဒဲဆၧချဲၩ့လၧ စဘၫရၧၭကွ့ၭဝ့ၫ လၧစယ့ၫရမဲအၫအနိၭအလးခဲၫ့နီၪ,
28 ယဟိဝၩအလူလၩ့ဘၪစယ့ၫရမဲအၫတၭ,- စံၭဝ့ၫဒၪ, မၩန့ဒီၭလံၬထူၫလထူၫဒၪတၭ, ကွ့ၭကယဲဆၧချဲၩ့လၧ အခၪ့ထံၭလၧအဖၧၩ့ လၧအအီၪဝ့ၫလၧလံၬလထူၫလၧ အခၪ့ထံၭအဖၧၩ့, လၧယုဒၫအစဎွၩယဟီအကံၫ့ဆူၭ
29 ထၪ့ခွံၬနီၪဆံၭ.- တၭနမိဘၪစံၭယုဒၫအစဎွၩယဟီ အကံၫ့နီၪ, ယဟိဝၩစံၭဘဲၫယီၩ,နဆူၭထၪ့ခွံၬယူၭလံၬ လထူၫယီၩတၭ,နစံၭ, နကွ့ၭလၧအဖၧၩ့လၧဘၭဘလၧၫ့ အစဎွၩမိဂဲၫတၡါ, မၩဂၭဂီၩ့ခးလဘံၪ့ယီၩဒဲမိမၩဂၭ ဂီၩ့ၦၡၩဒဲဆၧဖိၪဆၧဎါလၧအဖၧၩ့နီၪမွဲဘၪလဲၪ.
30 မၩအၥၭဘဲၫနီၪတၭ, ယဟိဝၩစံၭလၧယုဒၫအစဎွၩ ယဟီအကံၫ့အဂဲးအကၠီၪ, မွဲအမိအီၪဘၪလၧၦလၧအ မိဆၧၫ့နၩ့လၧစဒၫဝံၭအလးဆီၩ့ဆီအဖၫ့ခိၪအ့ၬ. တၭ ၦမိခွံၬၡိၭခွံၬအစွၪ ဘဲၫၥိၭအမိဘၪဆၧခိလၧမုဆၫလ
31 ခီၫ,ဒဲဆၧဂီးလၧမုနၩလခီၫလီၫ.- တၭယမိစ့ၩရၫ့အဝ့ၫ ဒၪ,ဒဲအချံၫအၥၪ, ဒဲအခ့ၫအၡၩ လၧအဆၧအၧၩ့အ ကၠီၩ့တၭ,ယမိဒုၭဘၪအဝ့ၫဒၪ, ဒဲၦယရုစလံၫ့ဖိၪ,ဒဲယု ဒၫအၦၡၩလၧကယဲဆၧအၧၩ့လၧယချဲၩ့ ဆၧလၧအဝ့ၫ ၥံၪအဂဲးတၭ, အဝ့ၫၥံၪခိၭနၪဝ့ၫအ့ၬ.
32 ထီးနီၪလဖၧၫ့စယ့ၫရမဲအၫ မၩန့လံၬထူၫလထူၫဒၪ တၭ,ဖ့ၪလၫ့ဝ့ၫလၧၦကွ့ၭလံၬစဘၫရၧၭ, လၧအမွဲစနံၫ ရဲအၫအဖိၪခွၫတၭ, အဝ့ၫဒၪကွ့ၭဝ့ၫကယဲဆၧချဲၩ့လၧ စယ့ၫရမဲအၫအနိၭ လၧယုဒၫအစဎွၩယဟီအကံၫ့ဆူၭ ထၪ့ခွံၬဝ့ၫလၧမ့ၪဖၧၩ့နီၪ, လၧအဖၧၩ့တၭ, အီၪက့ၪဝ့ၫ လၧဆၧချဲၩ့ဘဲၫအဝ့ၫၥံၪအၥိၭနီၪ အၪထံၪလၧအဖၫ့ခိၪ လီၫ.