33
1 မၩဒီၭလဖၧၫ့ လၧစယ့ၫရမဲအၫအီၪကၭဘံၭထၬဒံၭ အၥၭလၧထီၫ့အဝၩ့ဖၧၩ့နီၪ, ယဟိဝၩအလူလၩ့ဘၪအ
2 ဝ့ၫနံၫဖၧၫ့လဖၧၫ့တၭ,စံၭဝ့ၫဒၪ,- ယဟိဝၩလၧအမၩ ဆၧဘဲၫယီၩ, ယဟိဝၩလၧအမၩကဲၪထၪ့ဝ့ၫ ဘဲၫၥိၭအ
3 မိဒုၭအီၪခၧၫ့ဝ့ၫး ယဟိဝၩမွဲအမံၩ့လီၫ.- ကိၭထၪ့ ယၧၩဆံၭ,ယမိစံၭဆၧၫ့နၧၩတၭ, ယမိဒုၭနဲၪနၧၩလၧ ဆၧအဒိၪအထီၫ, ဒဲဆၧလၩ့လၭလဖၪ, လၧနလၥ့ၪ
4 ယၫဘၪလီၫ.- အဂဲးဘဲၫယီၩယဟိဝၩအံၫစရ့လၭအ ယွၩစံၭဘဲၫယီၩ, လၧဒိၩ့ယီၩအဂံၪ့လဖၪအဂဲး, ဒဲလၧ ယုဒၫအစဎွၩလဖၪအဂံၪ့အဂဲး လၧအဘၪဆၧမၩဂၭ
5 ဂီၩ့ခွံၬဝ့ၫလၧဆၧစီၩ့ခိၪပဒၩ့ၥံၪ, ဒဲလၧနၭနီၪး- ၦဂဲၫဒုၭ ဆၧလၧၦခၫလဒံအၫဖိၪအၥိၭ ဘဲၫၥိၭအမိမၩဎွ့ၩဆၧ လၧၦၡၩအစွၪလၧယမၩၥံၫဝ့ၫ လၧယၥၭထၪ့, ဒဲလၧ ယၥၭခဲၩထၪ့လီၫ. အဂဲးဘဲၫယီၩ မွဲလၧၦထီးအလူၬ အဆၧဒဲၩဘၭအကၠီၩ့တၭ, ယအီၪက့ၪၥူၪယမ့ၬလၧ
6 ဒိၩ့ယီၩလီၫ.- ယိခွါ, ယမိဒုၭအီၪဆီၪ့အီၪချဲၫ့အဝ့ၫၥံၪ, ယမိမၩဘျၪထဲၩ့အဝ့ၫၥံၪ, ယမိမၩဖျီၪထၪ့ဆၧဘၪလိၬ အိၭလိၬ, ဒဲဆၧမွဲဆၧတီၩအၪအၪလ့ၬ လၧအမ့ၬယၫ
7 လီၫ.- တၭယမိဒုၭဂဲၫထဲၩ့ထဲၩ့ၦယုဒၫအဆၧအၪ့မၧၫ့ ဎီးဝ့ၫးဒဲအံၫစရ့လၭလၧအဆၧအၪ့မၧၫ့ဎီးဝ့ၫတၭ, ယ
8 မိမၩထၪ့အဝ့ၫၥံၪဘဲၫအခၪ့ထံၭအၥိၭနီၪ,- ယမိၥူၫဝၭ ဆံၫ့ဆၧမၪလၧအလီၩ့, ထီးအလူၬလၧအမၩမၪဘၪ ယၧၩတၭ,ယမိဖျါခွံၬအဆၧဒဲၩဘၭထီးအလူၬ, လၧ
9 အမၩမၪဘၪယၧၩ,ဒဲလၧအပိၩ့ထၪ့ယၧၩလီၫ.- တၭ ဆၧမိကဲၪထၪ့ဆၧၥုၪ့ဎွံၫၥၭယီၫအမံၩ့လၧယဂး, ဆၧ စံၭထၪ့အၪ့အူၭအလး, ဒဲဆၧလၩဖၩ့အလး, လၧၦ ဆၨၩလၧဂၪ့ခိၪချိၫ့ ထီးအလူၬအမ့ၬယၫ, လၧအနါ ဂၧၫ့ကယဲဆၧဂ့ၩ လၧယမၩအဝ့ၫၥံၪလီၫ. တၭအဝ့ၫ ၥံၪမိၥၭမဲၪဝ့ၫ, ဒဲဝၭထိၬဝ့ၫလၧဆၧဂ့ၩ ထီးအလူၬအ ကၠီၩ့,ဒဲလၧဆၧဘီၪဆၧယီၫထီးအလူၬအကၠီၩ့, လၧယ ဒုၭဘၪအဝ့ၫၥံၪလီၫ.
10 ယဟိဝၩစံၭဘဲၫယီၩ, ဆၧအလးယီၩလၧနၥံၪစံၭလၧ အဂဲး, ၦၡၩမွဲဂ့ၩ, ဆၧဖိၪဆၧဎါမွဲဂ့ၩ, အီၪလၧအဖၧၩ့ အ့ၬ. အီၪယူဝ့ၫနီၪ လၧယုဒၫအဒိၩ့လဖၪအဖၧၩ့, ဒဲ လၧယရုစလံၫ့အဖၧၩ့ၥၭလဖၪအဖၧၩ့ထီးၦၡၩလအီၪ ဘၪ,ထီးၦအီၪဝ့ၫမွဲဂ့ၩ, ဆၧဖိၪဆၧဎါမွဲဂ့ၩ လအီၪ
11 ဘၪ,အီၪယူဝ့ၫနီၪ, ဆၧမိနါဂၧၫ့ဒီၭလၧအဖၧၩ့,- ဆၧၥုၪ့ ဎွံၫၥၭယီၫအၥီၫ,ဒဲတလၭမူၭမုၪအလူ,ဒဲတလၭမူၭခွၫ အလူ, ၦအလူလၧအစံၭ, စံၭထၪ့အၪ့အူၭဆၧၥုၭမု ခမျၧးအယဟိဝၩဆံၭ. အဂဲးဘဲၫယီၩမွဲယဟိဝၩဂ့ၩ ဝ့ၫလီၫ.မွဲအခိးအတၩအီၪဝ့ၫလၩ့ဆိၩလၩ့ကၠၪအဂဲး လီၫ.ၦအလူဒၪလ့ၬ လၧအဂဲၫဆိၬဆၧလုစံၭထၪ့အၪ့ အူၭလၧယဟိဝၩအဂံၪ့အဖၧၩ့လီၫ. အဂဲးဘဲၫယီၩယ မိဒုၭဂဲၫထဲၩ့ၦခးဖိၪလၧအလ့ၩကဲၪဎီး, ဘဲၫလၧအခၪ့
12 ထံၭအၥိၭနီၪးယဟိဝၩစံၭဝ့ၫဒၪ.- ဆၧၥုၭမုခမျၧးအ ယဟိဝၩစံၭဘဲၫယီၩ, ဆၧအလးထီးယီၩလၧၦၡၩမွဲ ဂ့ၩ,ဆၧဖိၪဆၧဎါမွဲဂ့ၩ, လအီၪဘၪတၭ,အီၪယူဝ့ၫနီၪ, ၦယိၥိၪလၧအဒုၭခိၬလၩ့အၥိၪ, အဘ့ၪလဖၪအအီၪ အလးနီၪ, မိအီၪဒီၭဝ့ၫလၧအဒိၩ့လဖၪထီးအလူၬအ
13 ဖၧၩ့နီၪလီၫ.- လၧခိၪလီၩ့ထိၩ့ချိၬအဒိၩ့လဖၪ, လၧဆၧ ပျၩ့ဖၧၩ့အဒိၩ့လဖၪ, ဒဲလၧမုခံၫ့အဒိၩ့လဖၪ, ဒဲလၧ စဘံၪ့ယမံၫ့အခးဖၧၩ့, ဒဲလၧဆၧအလးအီၪဝၬဖီၩ့ယ ရုစလံၫ့လၧခီၫ့ဒဲလၧယုဒၫအဒိၩ့လဖၪအဖၧၩ့နီၪ, ၥိၪဒဲ ဘ့ၪလဖၪမိလ့ၩဒီၭလၧၦလၧအဝံထၪ့နၬထၪ့ဝ့ၫ အစူၪ ဖၫ့လၬနီၪးယဟိဝၩစံၭဝ့ၫဒၪ.
14 ယဟိဝၩစံၭဝ့ၫဒၪ,ယိခွါ, မုနံၩလဖၪမိဘၪဝ့ၫလၧ ယမိမၩဆၧဂ့ၩလမံၩ့လၧယစံၭဝဲၩၦအံၫစရ့လၭဖိၪ, ဒဲ
15 ၦယုဒၫဖိၪလီၫ.- ဆၧလၧမုနံၩလဖၪ,ဒဲဆၧလၧအဆၧၫ့ အထီနီၪ, ယမိဒုၭမဲၪထၪ့ဆၧတီၩအထဲၩ့လထဲၩ့လၧ စဒၫဝံၭတၭ, အဝ့ၫဒၪမိမၩဆၧစ့ၩရၫ့ဒဲဆၧတီၩဆၧလီၩ့
16 လၧဂၪ့ခိၪချိၫ့လီၫ.- လၧမုနံၩလဖၪနီၪယုဒၫမိထီၩ့လၧ ဆၧထိးထဲၩ့တၩ့ထဲၩ့ဝ့ၫတၭ, ယရုစလံၫ့မိအီၪလၧဒိၭ နဲၩ့အၥၭအလးတၭ, အယီၩဆၧမိကိၭဝ့ၫယဟိဝၩပ
17 ဆၧတီၩဆၧလီၩ့နီၪလီၫ.- အဂဲးဘဲၫယီၩယဟိဝၩစံၭ ဘဲၫယီၩ, စဒၫဝံၭအၦၡၩလၧအမိဆၧၫ့နၩ့လၧအံၫစရ့ လၭအဂံၪ့အလးဆီၩ့ဆီအဖၫ့ခိၪနီၪမိအီၪဝ့ၫအဆိၩအ
18 ကၠၪလီၫ.- ၦလုဆၧၥံၪ, ဒဲၦလံဝဲၫဖိၪၥံၪလၧအလုထၪ့ ဆၧလုမ့ၪ, ဒဲဆူၭခဲၩဆၧမၩဘိၪ့ကိၪမုၬ,ဒဲလုထၪ့ဆၧ ကိၭမုနံၩဒ့ၭနီၪ, မိအီၪဝ့ၫလၧယမ့ၬယၫလီၫ.
19 ယဟိဝၩအလူလၩ့ဘၪ စယ့ၫရမဲအၫတၭ,စံၭဝ့ၫ
20 ဒၪ,- ယဟိဝၩစံၭဘဲၫယီၩ, နၥံၪမၩဂၭဂီၩ့ယဆၧအုၩ့ လၩ့လၧမုဆၫဆၫ, ဒဲယဆၧအုၩ့လၩ့လၧမုနၩနၩ,ထီး မုနံၩဒဲမုနၩလအီၪဘၪ လၧအဆၧၫ့အထီနီၪအ့ၪၥ့ၪ
21 တၭ,- ထီးနီၪလဖၧၫ့ယဆၧအုၩ့လၩ့ လၧယခ့ၫယၡၩ စဒၫဝံၭအဖိၪခွၫလကဲၪဘၪစဎွၩ လၧအလးဆီၩ့ဆီအ ဖၫ့ခိၪးဒဲယဆၧအုၩ့လၩ့လၧယခ့ၫယၡၩ ၦလံဝဲၫဖိၪ ၥံၪဒဲၦလုဆၧနီၪဂၭဂီၩ့မိၥ့ၪဆ့လီၫ.
22 ဘဲၫၦဝံထၪ့နၬထၪ့မူၭခိၪအၥုၭမုခမျၧး လၥ့ၪဘၪအ ၥိၭနီၪ, ဒဲဘဲၫမၫဆမံၭအမ့ၭၦတိၪ့ဝ့ၫလၥ့ၪဘၪအၥိၭ, ယမိမၩအၪထၪ့ယခ့ၫယၡၩ စဒၫဝံၭအချံၫအၥၪ ဒဲၦ လံဝဲၫဖိၪလၧအမၩယဆၧဘဲၫနီၪၥိၭလီၫ.
23 မၩဒီၭလဖၧၫ့ယဟိဝၩအလူလၩ့ဘၪ စယ့ၫရမဲအၫ
24 တၭ,စံၭဝ့ၫဒၪ,- ဆၧလၧၦခမျၧးယီၩချဲၩ့ဆၧ, ဒဲစံၭၦ နံၫဒီၪ့လၧယဟိဝၩရွံန့ဝ့ၫတၭ, ဆၧခွံၬၡိၭခွံၬယူၭနီၪး နဆီၫ့မီၪ့အ့ၬဧၪ. တၭအဝ့ၫၥံၪမၩကြၩ့ထမး ယၡၩ ခမျၧးဘဲၫအလမွဲလၧၩ့ဘၪ ၦဆၨၩလၧအမ့ၬယၫအ
25 ၥိၭနီၪလီၫ.- ယဟိဝၩစံၭဘဲၫယီၩ, ယဆၧအုၩ့လၩ့လၧ မုဆၫဆၫဒဲလၧမုနၩနၩ, အ့ၪလအီၪလၧၩ့ဘၪယအ့ၪ
26 လအီၪက့ၪဘၪမူၭခိၪဒဲဂၪ့ခိၪအၥနိၫလဖၪတၭ,- ထီး နီၪလဖၧၫ့ ယမိခွံၬၡိၭစယၫကူၭအချံၫအၥၪ, ဒဲယခ့ၫ ယၡၩစဒၫဝံၭ, ဘဲၫၥိၭယမိမၩန့အချံၫအၥၪ, လၧၦ ပၧၩ့စအၫဘြဟၫ့, ဒဲစအံစၭ, ဒဲစယၫကူၭအချံၫအၥၪ အဂးနီၪဆ့အ့ၬ. အဂဲးဘဲၫယီၩယမိဒုၭဂဲၫထဲၩ့ထဲၩ့အ ဆၧအၪ့မၧၫ့ဎီးဝ့ၫတၭ, ယမိယၫ့ၥုၪ့ယၫ့ၥၭအဝ့ၫၥံၪ လီၫ.