34
1 ထီးဘၭဘလၧၫ့အစဎွၩန့ၭဘူၫခၭန့ဇၫ, ဒဲအၥုၭမု ထီးအလူၬ, ဒဲဂၪ့ခိၪအဘၩ့အမုးလၧအပၧၩ့ဝ့ၫထီးအ လူၬ,ဒဲၦဆၨၩလဖၪထီးအလူၬ, ဒုၭဆၧထၫ့ဒၩယရုစ လံၫ့,ဒဲအဒိၩ့လဖၪတၭ,ယဟိဝၩအလူလၩ့ဘၪစယ့ၫ
2 ရမဲအၫတၭ,စံၭဝ့ၫဒၪ,- ယဟိဝၩအံၫစရ့လၭအယွၩ စံၭဘဲၫယီၩ, လ့ၩချဲၩ့ဆၧလၧယုဒၫအစဎွၩ,စဇ့ၭဒကဲ အၫတၭ,စံၭဝ့ၫ, ယဟိဝၩစံၭဘဲၫယီၩ,ယိခွါ,ယမိဖ့ၪ လၫ့ဒိၩ့ယီၩ လၧဘၭဘလၧၫ့အစဎွၩ အစူၪဖၧၩ့တၭ,
3 အဝ့ၫဒၪမိဆူၭထၪ့ခွံၬဝ့ၫလၧမ့ၪ,- နဖီၩ့ဖျ့ၭဘၪလၧအ စူၪဖၧၩ့အ့ၬ. ဆၧမိဖီၪ့န့နၧၩတၡါ, ဒဲမိဖ့ၪလၫ့ခွံၬနၧၩ လၧအစူၪဖၧၩ့တၭ, နမ့ၬၥၪမိဒၪဘၪဘၭဘလၧၫ့စဎွၩ အမ့ၬၥၪ,ဒဲအဝ့ၫဒၪအနိၭမိချဲၩ့ဆၧလၧနနိၭတၭ, နမိ
4 ဘၪလ့ၩထီၩ့လၧဘၭဘလၧၫ့နီၪလီၫ.- မွဲလါနၫ့ခိၭနၪ ယဟိဝၩအလူ, ယုဒၫအစဎွၩဇ့ၭဒကဲအၫဧ့,ယဟိ
5 ဝၩစံၭလၧနဂဲးဘဲၫယီၩ, နမိၥံၫဘၪလၧနၭအ့ၬ.- နမိၥံၫ လၧဆၧမုၬဆၧဎၩ့အဖၧၩ့တၭ, ဘဲၫလၧနဖါလဖၪ,စဎွၩ ၥံၪလၧဖျိၩ့အၥိၭနီၪ, လၧအအီၪဝ့ၫလၧနလချႃၭအီၪဒံၭ ဘၪဆၧဆူၭခဲၩနၧၫ့မၧၫ့နီၪ ၦမိဆူၭခဲၩဆၧနၧၫ့မၧၫ့ဘဲၫ နီၪၥိၭလၧနဂး,မိဂၪ့ဝ့ၫလၧနကၠီၩ့တၭ, စံၭဝ့ၫ,အၩလါ, ကဆါဧ့ၬနီၪလီၫ. မွဲမၬ,ယချဲၩ့ယူၭဆၧချဲၩ့ယူၭ, ယ ဟိဝၩစံၭဝ့ၫဒၪ.
6 ထီးဘၭဘလၧၫ့ အစဎွၩအၥုၭမုခမျၧးဒုၭဆၧထၫ့ ဒၩယရုစလံၫ့,ဒဲယုဒၫအဒိၩ့ထီးအလူၬ လၧအအီၪလၩ့
7 ထးလၧလၫခ့ၭ, ဒဲအဇံကၫတၭ,- ထီးနီၪလဖၧၫ့မီၪစ ယ့ၫရမဲအၫလီၩဘၪ ယုဒၫအစဎွၩဇ့ၭဒကဲအၫလၧဆၧ ချဲၩ့ထီးအလူၬနီၪ လၧယရုစလံၫ့အဖၧၩ့လီၫ. အဂဲး ဘဲၫယီၩဒိၩ့လဖၪနီၪ အီၪဝ့ၫလၧအခိၪဒၧၩ့နီၪအီၪလၩ့ ထးဝ့ၫလၧယုဒၫအဒိၩ့အကျၩလီၫ.
8 လၧစဎွၩဇ့ၭဒကဲအၫအုၩ့လၩ့ ဆၧလၧၦခမျၧးထီးအ လူၬအီၪဝ့ၫလၧယရုစလံၫ့အဖၧၩ့ ဘဲၫၥိၭအမိကိၭထၪ့
9 ဆၧမၩဖီၩ့ဖျ့ၭဝ့ၫး- ၦကိၭဂၩဒ့ၭမိဖျါခွံၬလဂၩ အဎီး ခွၫ,ဒဲလဂၩအဎီးမုၪ, လၧအမွဲၦဟံဘြူၫဖိၪခွၫဂ့ၩ, ၦဟံဘြူၫဖိၪမုၪဂ့ၩ, ဘဲၫၥိၭၦဟံဘြူၫဖိၪၥံၪထီးအၪ့ မၧၫ့ဎီးအထၧၫ့ဖုဝဲလဂ့ၩ, အလးခဲၫ့နီၪယဟိဝၩအလူ
10 လၩ့ဘၪစယ့ၫရမဲအၫး- တၭထီးၦဒိၪဖၭဒိၪ, ဒဲၦခမျၧး ထီးအလူၬလၧအအုၩ့လၩ့ဆၧနီၪနါဂၧၫ့ဝ့ၫ လၧၦကိၭ ဂၩဒ့ၭဘၪဖျါခွံၬအဎီးခွၫ, ဒဲအဎီးမုၪလၧအလမိအၪ့ မၧၫ့ဎီးလၧၩ့ဘၪဝ့ၫတၭ, အဝ့ၫၥံၪခိၭနၪဝ့ၫတၭ, ဖျါခွံၬ
11 ဝ့ၫလီၫ.- အ့ၪမွဲလၧခဲၫ့ထဲၩ့နီၪကၠၪအၥၭတၭ, ဒုၭဂဲၫ ထဲၩ့ထဲၩ့အဎီးခွၫ, ဒဲအဎီးမုၪ လၧအဖျါခွံၬဝ့ၫတၭ,
12 အၪ့မၧၫ့အကဲၪဎီးခွၫဒဲဎီးမုၪလီၫ.- အခိးမွဲယဟိဝၩ
13 အလူလၩ့ဘၪစယ့ၫရမဲအၫတၭ,စံၭဝ့ၫဒၪ,- ယဟိဝၩ အံၫစရ့လၭအယွၩစံၭဘဲၫယီၩ, ယအုၩ့လၩ့ဆၧလၧန ၥံၪအဖါလဖၪလၧမုနံၩလနံၩ လၧယဒုၭစဲၪ့ထၪ့အဝ့ၫၥံၪ
14 လၧအံဇံၭ, လၧၦဎီးဖိၪအဂံၪ့ဖၧၩ့တၭ,ယစံၭ,- နွ့ၫနံၪ့ အထုၬနီၪနၥံၪဝ့ၫကိၭဂၩဒ့ၭ, ဘၪဖျါခွံၬနၥံၪအထၧၫ့ဖု ဝဲ,ၦဟံဘြူၫဖိၪလၧ ၦအၪ့ဆၫခွံၬဝ့ၫလၧနစူၪဖၧၩ့တၭ, ထီးအမၩနဆၧဎူၫနံၪ့တၭ, နမိဘၪဖျါခွံၬဝ့ၫလၧနအီၪ လီၫ.မွဲလါနၫ့ဘိၩနၥံၪအဖါလဖၪခိၭနၪယလူအ့ၬ, ဒိၭ
15 အနါဆ့အ့ၬ.- တၭလၧမုလနံၩယီၩနၥံၪကၠၪစိၩနၥံၪအ ၥၭ,ဒဲမၩဆၧလီၩ့လၧယမ့ၬယၫ, ဒဲကိၭထၪ့ဆၧဖီၩ့ဖျ့ၭ လဂၩဘၪလဂၩလၧၦအီၪလၧအနဲၩ့ထံၭ, ဒဲနၥံၪအုၩ့ လၩ့ဆၧလၧယမ့ၬယၫလၧဂံၪ့ဖၧၩ့ လၧဆၧကိၭဝ့ၫလၧ
16 ယမံၩ့လီၫ.- မွဲလါနၫ့တၭ,နၥံၪကၠၪကဒၩထဲၩ့နၥံၪအ ၥၭတၭ,မၩဘၪၥၭလိၪယမံၩ့တၭ, နၥံၪဒုၭဂဲၫထဲၩ့ထဲၩ့ အၪ့မၧၫ့ဎီးလဂၩအဎီးခွၫ, လဂၩအဎီးမုၪဆုၬဆုၬလၧ နၥံၪဖျါခွံၬ လ့ၩမၩဆၧထီးဒၪအၥၭနီၪ, ဘဲၫၥိၭအဝ့ၫ ၥံၪမိကဲၪထၪ့ထဲၩ့ဒီၭ ဎီးမုၪၥံၪဒဲဎီးခွၫၥံၪ လၧနၥံၪအဂး လီၫ.
17 မၩအၥၭဘဲၫနီၪတၭယဟိဝၩစံၭဘဲၫယီၩ, နၥံၪခိၭ နၪယလူတၭ, ကိၭထၪ့ဆၧဖီၩ့ဖျ့ၭ, လဂၩလၧအထၧၫ့ ဖုဝဲ,လဂၩလၧၦလၧအနဲၩ့ထံၭနီၪအ့ၬ. ယိခွါ, ယကိၭ ထၪ့ဆၧဖီၩ့ဖျ့ၭလၧနၥံၪအဂး, ယဟိဝၩစံၭဝ့ၫဒၪ, လၧ နၭၥံၪဖၩ့ၥံၪ, ဒဲလၧဆၧၥၭဝံလၩ့ဒိၩ ဒဲလၧဆၧၥံၫချဲၫ့ တၭ,ယမိဒုၭဘၪနၥံၪ လၧဆၧခိဆၧဝီၩ လၧဂၪ့ခိၪအ ဘၩ့အမုးထီးအလူၬအဖၧၩ့လီၫ.
18 တၭၦလၧအလၨၪခၫ့ဖၬ ယဆၧအုၩ့လၩ့လၧအလ ထီးန့ဘၪဆၧအုၩ့လၩ့အလူလၧအအုၩ့လၩ့လၧယမ့ၬ ယၫထီးအဒၪ့ထ့ၬခွံၬ ချီဖိၪနံၫခီၫတၭ, လ့ၩဝ့ၫလၧနံၫခီၫ
19 အဘိၩ့ဆၧၩ့,- ယုဒၫအၦဒိၪဖၭဒိၪ, ဒဲယရုစလံၫ့အၦ ဒိၪဖၭဒိၪၥံၪ, ၦဖၫဆွံၪၥံၪ,ဒဲၦလုဆၧလဖၪ, ဒဲထံၫၥံၪခး ၥံၪအၦၡၩထီးအလူၬ လၧအလ့ၩဆၧလၧချီဖိၪနံၫခီၫ
20 အဘိၩ့ဆၧၩ့နီၪ,- ယမိဖ့ၪလၫ့အဝ့ၫၥံၪလၧအဒုၪအဒၩ အစူၪဖၧၩ့, ဒဲၦလၧအအၪ့ဎၬ အၥၭမၧၫ့လဖၪအစူၪ ဖၧၩ့တၭ,အစွၪနီၪမိကဲၪဆၧအၪ့လၧဆၧဖိၭဖၫ့အထိၪ အလံၪအဂး, ဒဲလၧဂၪ့ခိၪအဆၧဖိၪဆၧဎါအဂးလီၫ.
21 တၭယုဒၫအစဎွၩဇ့ၭဒကဲအၫ, ဒဲအၦဒိၪဖၭဒိၪလဖၪ နီၪ,ယမိဖ့ၪလၫ့ခွံၬလၧအဒုၪအဒၩအစူၪဖၧၩ့, ဒဲၦလၧ အအၪ့ဎူၫအၪ့ဎၬ အၥၭမၧၫ့အစူၪဖၧၩ့, ဒဲဘၭဘလၧၫ့ အစဎွၩအၥုၭမုခမျၧးအစူၪဖၧၩ့ လၧအစဲၪ့ထၪ့ခွံၬလၧ
22 နၥံၪအအီၪလီၫ.- ယိခွါ, ယဟိဝၩစံၭဝ့ၫဒၪ, ယမိမၪ လူၬဆၧ, ဒဲဒုၭဂဲၫထဲၩ့ထဲၩ့အဝ့ၫၥံၪလၧဒိၩ့ယီၩတၭ, အဝ့ၫၥံၪမိဒုၭထၫ့ဒၩ ဒဲမၩန့ဝ့ၫဒဲဆူၭထၪ့ခွံၬဝ့ၫလၧမ့ၪ တၭ,ယမိအီၪက့ၪယုဒၫအဒိၩ့လဖၪ လၧဆၧအီၪယူ, လၧၦၡၩအီၪဝ့ၫလၧအဖၧၩ့နးဂၩအ့ၬ.