32
1 လၧယုဒၫအစဎွၩဇ့ၭဒကဲအၫ အနံၪ့ဆံၫနံၪ့လနံၪ့နီၪ, အဝ့ၫနီၪမွဲစန့ၭဘူၫခၭန့ဇၫ အနံၪ့လဆံၫဎိၭနံၪ့လနံၪ့
2 နီၪယဟိဝၩအလူလၩ့ဘၪ စယ့ၫရမဲအၫလီၫ.- အထီ ထီးနီၪဘၭဘလၧၫ့အစဎွၩအၥုၭမုခမျၧးလဖၪဝၩ့ထၬ ယရုစလံၫ့တၭ,မီၪစယ့ၫရမဲအၫဘၪဆၧကၭဘံၭထၬ ဝ့ၫလၧထီၫ့အဝၩ့ဖၧၩ့ လၧအအီၪဝ့ၫလၧယုဒၫအစဎွၩ
3 အဂံၪ့ဖၧၩ့လီၫ.- အဂဲးဘဲၫယီၩယုဒၫအစဎွၩဇ့ၭဒကဲ အၫကၭဘံၭထၬအဝ့ၫတၭ,စံၭဝ့ၫဒၪ, နချဲၩ့ဆၧလၧမီၪ အချိၬတၭ,နစံၭ,ယဟိဝၩစံၭဘဲၫယီၩ,ယိခွါ, ယမိဖ့ၪ လၫ့ခွံၬဒိၩ့လဖျိၪ့ယီၩ လၧဘၭဘလၧၫ့အစဎွၩအစူၪ
4 ဖၧၩ့တၭ,အဝ့ၫဒၪမိမၩန့ဝ့ၫလီၫ.- တၭယုဒၫအစဎွၩ ဇ့ၭဒကဲအၫဖီၩ့ဖျ့ၭ လၧၦခၫလဒံအၫအစူၪဖၧၩ့အ့ၬး မွဲ ဆၧမိဖ့ၪလၫ့ခွံၬဝ့ၫတၡါ လၧဘၭဘလၧၫ့အစဎွၩအစူၪ ဖၧၩ့တၭ,မိချဲၩ့လိၬအၥၭလၧအနိၭခီၫနိၭ, ဒဲအမ့ၬၥၪ
5 မိဒၪဘၪအဝ့ၫဒၪအမ့ၬၥၪလီၫ.- မွဲအမိၥိၫ့စဇ့ၭဒကဲအၫ လၧဘၭဘလၧၫ့တၭ, အဝ့ၫဒၪမိအီၪထီးနီၪထီးယစ့ၩ ရၫ့အဝ့ၫ, ယဟိဝၩစံၭဝ့ၫဒၪး နၥံၪအ့ၪဒုၭၥုၭလၧၦခၫ လဒံအၫဖိၪလါနၫ့တၭ, နၥံၪမိဘီၪထၪ့ယီၫထၪ့အ့ၬ.
6 စယ့ၫရမဲအၫစံၭဝ့ၫဒၪ, ယဟိဝၩအလူလၩ့ဘၪယၧၩ
7 တၭ,စံၭဝ့ၫဒၪ.- ယိခွါ, နမၩ့စၡၫလၧၫ့အဖိၪခွၫစဟၫ နၫမ့ၫလၭမိဂဲၫလၧနအီၪတၭစံၭ, ဎွ့ၩန့ယဂၪ့ခိၪလဝၩ့ လၧအအီၪ လၧအၫ့အၥီၭအဖၧၩ့ လၧနဂးဒၪနဝ့ၫဆံၭၬ အဂဲးဘဲၫယီၩဆၧစ့ၩရၫ့န့ၥၫ အဆၧဎွ့ၩန့ထဲၩ့ဝ့ၫနီၪ
8 အီၪဝ့ၫလၧနစူၪဖၧၩ့လီၫ.- တၭယမၩ့အဖိၪခွၫစဟၫနၫ မ့လၭဂဲၫဝ့ၫလၧယအီၪလၧထီၫ့အဝၩ့ဖၧၩ့ဘဲၫယဟိဝၩ အလူအၥိၭနီၪတၭ,စံၭယၧၩ, ဎွ့ၩန့ယဂၪ့ခိၪလဝၩ့လၧ အအီၪဝ့ၫလၧအၫ့အၥီၭ လၧဘံၪ့ယမံၫ့အခးဖၧၩ့ဆံၭ. အဂဲးဘဲၫယီၩဆၧစ့ၩရၫ့န့ၥၫ အဆၧဎွ့ၩန့ထဲၩ့ဝ့ၫနီၪ အီၪလၧနစူၪဖၧၩ့လီၫ. ဎွ့ၩန့ဝ့ၫလၧနဂး ဒၪနဝ့ၫဆံၭ. ထီးနီၪလဖၧၫ့ ယၥ့ၪယၫ လၧအနီၪမွဲယဟိဝၩ အလူ လီၫ.
9 တၭယဎွ့ၩန့ဂၪ့ခိၪလဝၩ့ လၧအအီၪဝ့ၫလၧအၫ့အ ၥီၭအဖၧၩ့လၧယမၩ့အဖိၪခွၫစဟၫနၫမ့လၭအစူၪဖၧၩ့ တၭ,ယခံၫ့စ့ၩၡက့လၭလဆံၫနွ့ၫဘံၪ့ လၧအဂးလီၫ.
10 တၭယကွ့ၭဆၧလၧလံၬဖၧၩ့, ဒဲစဲၩနဲၪ့ထၬဒဲမၩန့ၦထိး
11 အၥၭလဖၪတၭ, ခံၫ့စ့ၩလၧခံၫ့အဖၧၩ့လီၫ.- တၭယမၩ န့ဎွ့ၩဆၧအလံၬ အီၪစဲၩနဲၪ့ထၬ ဘဲၫဆၧအထူၫအရူၫ
12 အၥိၭ,ဒဲလံၬလၧအအီၪဖျီၪလဘံၪ့လီၫ.- ယဖ့ၪလၫ့ဎွ့ၩ ဆၧအလံၬလဘံၪ့နီၪ, လၧစမၫအစဲအၫအဖိၪခွၫစနံၫ ရဲအၫနီၪအဖိၪခွၫ စဘၫရၧၭလၧယမၩ့အဖိၪခွၫ စဟၫ နၫမ့လၭအမ့ၬယၫဒဲလၧၦထိးအၥၭလၧအကွ့ၭအမံၩ့ လၧလံၬဎွ့ၩဆၧအလီၩ့လဖၪအမ့ၬယၫ, ဒဲလၧကယဲၦ ယုဒၫဖိၪလၧအဆၧၫ့နၩ့ လၧထီၫ့အဝၩ့ဖၧၩ့အမ့ၬယၫ
13 ထီးအလူၬလီၫ.- ယမၪလူၬစဘၫရၧၭလၧအဝ့ၫၥံၪအ
14 မ့ၬယၫတၭ,ယစံၭ,- ဆၧၥုၭမုခမျၧးအယဟိဝၩအံၫ စရ့လၭအယွၩ,စံၭဘဲၫယီၩ, မၩန့လံၬလဖၪယီၩဆံၭး ဎွ့ၩဆၧလၧအလံၬဘၪစဲၩနဲၪ့ထၬအၥၭလဘံၪ့, ဒဲလံၬ အီၪဖျီၪနီၪနံၫဘံၪ့လူၬတၭ, အီၪက့ၪဝ့ၫလၧဖၧၩ့ဂၪ့ခိၪ အဖၧၩ့,ဘဲၫၥိၭ အမိအီၪအၪနံၩအၪၥၫ့အဂဲးနီၪဆံၭ.
15 အဂဲးဘဲၫယီၩဆၧၥုၭမုခမျၧးအယဟိဝၩ အံၫစရ့လၭ အယွၩစံၭဘဲၫယီၩ, ဂံၪ့ၥံၪဎၫ့ၥံၪဒဲဂၪ့ခိၪအဝၩ့,ဒဲစဘံၭ ၥၪအလးနီၪ ၦမိဎွ့ၩန့ဒံၭဝ့ၫ လၧခးလဘံၪ့ယီၩအဖၧၩ့ လီၫ.
16 တၭလၧယဖ့ၪလၫ့ဎွ့ၩဆၧအလံၬ လၧစနံၫရဲအၫအ ဖိၪခွၫစဘၫရၧၭအစူၪဖၧၩ့အလးခဲၫ့နီၪ, ယဘၩဆိၪဖၪ
17 ယဟိဝၩတၭ,ယစံၭ,- ကဆါယဟိဝၩဧ့,ယိခွါ,နတဲၩ့ လၩ့ဂၪ့ခိၪဒဲမူၭခိၪလၧနစီၩ့ဒိၪနမၩ့ထီၫ,ဒဲနစူၪယူၬထၪ့
18 အၥၭလီၫ.ဆၧကၪလၨၪအီၪလၧနဂးနးမံၩ့အ့ၬ.- နဒုၭ နဲၪဆၧအဲၪအခိးအတၩလၧၦအထီၫ့လဖၪ, ဒဲနမၩဆၧၫ့ ထဲၩ့ဖါလဖၪအဆၧအၧၩ့လၧအဖိၪလဖၪလၧအလးခဲၫ့ နီၪအၥၭနၫၡါအဖၧၩ့လီၫ. ဆၧအဒိၪ, ဆၧဆီၪ့ယွၩ,
19 ဆၧၥုၭမုခမျၧးအယဟိဝၩနီၪး မွဲအမံၩ့တၭ.- ဒိၪဝ့ၫ လၧဆၧကိၪ့လိၬအဖၧၩ့, ဒဲဆၧစီၩ့ဆၧမၩ့အီၪလၧမၩ ဆၧအဖၧၩ့လီၫ. အဂဲးဘဲၫယီၩ နမ့ၬၥၪအီၪဝဲထၪ့အ ၥၭ,လၧၦၡၩၥံၪအဖၧၩ့ၥၭထီးအလူၬအလီၩ့း ဘဲၫၥိၭ နမိဖ့ၪလၫ့ ၦကိၭဂၩဒ့ၭဆုၬဆုၬ ဘဲၫအဖၧၩ့ၥၭအၥိၭ,
20 ဒဲဘဲၫအမၩဆၧအဆၧၥၪအၥိၭနီၪ,- နအီၪက့ၪဆၧမၩ နဲၪ့ဒဲဆၧလၩ့လၭလဖၪ လၧခးအံဇံၭအဖၧၩ့ထီးမုဆၫ လနံၩယီၩ,ဒဲလၧအံၫစရ့လၭအကျၩ, ဒဲလၧၦၡၩအဂူၫ ဂၩလဖၪအကျၩ, ဒဲအီၪက့ၪထၪ့နမံၩ့ ထီးမုဆၫလနံၩ
21 ယီၩလီၫ.- အဂဲးဘဲၫယီၩ နဒုၭစဲၪ့ထၪ့နၡၩခမျၧးအံၫ စရ့လၭအီၪလၧခးအံဇံၭအဖၧၩ့ အီၪလၧဆၧမၩနဲၪ့ ဒဲဆၧလၩ့လၭလဖၪလၧနစူၪဆီၪ့, ဒဲနစူၪယူၬထၪ့အၥၭ,
22 ဒဲဆၧမၩၥၭမဲၪအလးဖၭဒိၪလီၫ.- တၭနဖ့ၪလၫ့ယူၭ အဝ့ၫၥံၪလၧခးလဘံၪ့ယီၩ လၧနဆိၪလၩ့နၥၭလၧအဝ့ၫ ၥံၪအဖါလဖၪလၧနမိဖ့ၪလၫ့အဝ့ၫၥံၪ လၧခးလဘံၪ့လၧ
23 အယွၩလၩ့ဝ့ၫလၧဆၧနူထံၫဒဲန့ၫစၩ့လီၫ.- တၭအဝ့ၫ ၥံၪဂဲၫနုၬန့ၥၫဝ့ၫလီၫ. မွဲလါနၫ့တၭ, လခိၭနၪဘၪနလူ ဒဲလ့ၩလၧနဆၧၥီၪ့ဆၧၥၫ့အဖၧၩ့ၥၭဖၧၩ့နီၪဆ့အ့ၬး က ယဲဆၧလၧနမၪလူၬဝ့ၫလၧအမိဘၪမၩနီၪ, အဝ့ၫၥံၪမၩ နးမံၩ့အ့ၬ. မၩအၥၭဘဲၫနီၪတၭ,နဒုၭဘၪအဝ့ၫၥံၪလၧ
24 ဆၧအၧၩ့ယီၩထီးအလူၬလီၫ.- ယိခွါ, ဆၧစီၩ့ခိၪပဒၩ့ ဘီၪ,အဝ့ၫၥံၪဂဲၫထီၩ့လၧဒိၩ့ဘဲၫၥိၭ အမိမၩန့ဝ့ၫတၭ, ဆၧဖ့ၪလၫ့ဒိၩ့ လၧၦခၫလဒံအၫဖိၪအစူၪဖၧၩ့ လၧအ ဒုၭဝ့ၫလၧနၭၥံၪဖၩ့ၥံၪ, ဒဲလၧဆၧၥၭဝံလၩ့ဒိၩ, ဒဲလၧ ဆၧၥံၫချဲၫ့လီၫ. ဆၧလၧနချဲၩ့ယူၭနီၪ, ဆၧမၩကဲၪထၪ့
25 ယူၭအၥၭတၭ,ယိခွါ, နဒၪဘၪနဝ့ၫလီၫ.- မွဲလါနၫ့, ကဆါယဟိဝၩဧ့,နစံၭယူၭယၧၩ, ဎွ့ၩန့ဂၪ့ခိၪအဝၩ့ လဘံၪ့ယီၩလၧစ့ၩတၭ, မၩၦထိးအၥၭဆံၭ.မွဲလါနၫ့ ဘဲၫနီၪတၭ, ဆၧဖ့ၪလၫ့ခွံၬဒိၩ့ လၧၦခၫလဒံအၫဖိၪအ စူၪဖၧၩ့လီၫ.
26 ထီးနီၪလဖၧၫ့ ယဟိဝၩအလူလၩ့ဘၪစယ့ၫရမဲအၫ
27 တၭ,စံၭဝ့ၫဒၪ,- ယိခွါ,ယၧၩယဟိဝၩယီၩ,ယမွဲဆၧ ဖံၭဆၧယၪ ထီးအလူၬအယွၩတၭ, ဆၧကၪလၨၪလ
28 မံၩ့မံၩ့အီၪလၧယဂးဘၪမိၥ့ၪဧၪ.- မၩအၥၭဘဲၫနီၪတၭ, ယဟိဝၩစံၭဘဲၫယီၩ, ယိခွါ, ယမိဖ့ၪလၫ့ခွံၬဒိၩ့လဒိၩ့ ယီၩလၧၦခၫလဒံအၫဖိၪအစူၪဖၧၩ့, ဒဲလၧဘၭဘလၧၫ့ အစဎွၩန့ၭဘူၫခၭန့ဇၫအစူၪဖၧၩ့တၭ, အဝ့ၫဒၪမိမၩ
29 န့ဝ့ၫလီၫ.- တၭၦခၫလဒံအၫဖိၪ လၧအမိဒုၭဆၧထၫ့ဒၩ ဒိၩ့ယီၩ,မိဂဲၫဆူၭခဲၩထၪ့ဒိၩ့ယီၩလၧမ့ၪတၭ, ဆူၭထၪ့ ခွံၬဝ့ၫ,ဒဲဂံၪ့လဖၪလၧၦဆူၭခဲၩ ဆၧနၧၫ့မၧၫ့လၧဘၫအ လၭအဂးနီၪ, ဒဲလူၫလၩ့ဆၧလုအီၩ လၧယွၩအဂူၫဂၩ အဂးလၧအခိၪအလီၩ့ ဘဲၫၥိၭအမိထိၪဂဲၩယၥၭထၪ့
30 လီၫ.- အဂဲးဘဲၫယီၩၦအံၫစရ့လၭဖိၪ,ဒဲၦယုဒၫဖိၪမၩ န့ဆၧအၧၩ့လၧယမ့ၬယၫခီၫ လၧအဖိၪၥၪခွၫထၪ့လီၫ. အဂဲးဘဲၫယီၩၦအံၫစရ့လၭဖိၪမၩန့ ဆၧထိၪဂဲၩယၥၭ ထၪ့လၧအစူၪမၩဆၧအကၠီၩ့လီၫ. ယဟိဝၩစံၭဝ့ၫဒၪ.
31 အဂဲးဘဲၫယီၩဒိၩ့လဖျိၪ့ယီၩ မွဲလၧယၥၭထၪ့ဘၪအ လး,ဒဲယၥၭခဲၩထၪ့ဘၪအလး ခီၫလၧမုလနံၩ လၧၦ တဲၩ့ဝ့ၫ ထီးမုဆၫလနံၩယီၩး ဘဲၫၥိၭ ယမိၥုၭခွံၬဝ့ၫ,
32 လၧယမ့ၬယၫ,- လၧၦအံၫစရ့လၭဖိၪ,ဒဲၦယုဒၫဖိၪအ ဆၧအၧၩ့ထီးအလူၬအကၠီၩ့, လၧအမၩဝ့ၫဘဲၫၥိၭအမိ ထိၪဂဲၩယၥၭထၪ့, အဝ့ၫၥံၪဒဲအစဎွၩၥံၪ အၦဒိၪဖၭ ဒိၩၥံၪဒဲအၡၩလုဆၧလဖၪ, ဒဲအမီၪလဖၪ, ဒဲယုဒၫအၡၩ ၥံၪဒဲၦယရုစလံၫ့ဖိၪလဖၪနီၪလီၫ.
33 အဂဲးဘဲၫယီၩအဝ့ၫၥံၪကၠၪဒိၭချိၫ့အၥၭ လၧယမ့ၬ ယၫတၭ,မွဲအကၠၪအမ့ၬလၧယအီၪအ့ၬ. ယၥီၪ့လိၪအ ဝ့ၫၥံၪ,ယဂဲထုၪ့ဂီၩဂီၩ,ယၥီၪ့လိၪလါနၫ့တၭ,မွဲအခိၭ
34 နၪဝ့ၫဘဲၫယၥီၪ့လိၪဆၧအၥိၭနီၪအ့ၬ.- မွဲအအီၪက့ၪအ ဝ့ၫၥံၪအဆၧၥၭလိၪလဖၪ လၧဂံၪ့ဖၧၩ့လၧဆၧကိၭဝ့ၫ
35 လၧယမံၩ့ဘဲၫၥိၭအမိမၩစံၪစၪဝ့ၫလီၫ.- တၭအဝ့ၫၥံၪ မၩထၪ့ဘၫအလၭထၪ့ထီၫ လၧစဟံၪ့နၧၫ့အဖိၪခွၫအ ခိၪလီၩ့ဆူၭဖၧၩ့နီၪ, ဘဲၫၥိၭအမိဒုၭခၫ့ဂၬအဖိၪမုၪၥံၪ, ဒဲအဖိၪခွၫၥံၪလၧမ့ၪလၧမိလ့ၭအဂး,လၧယလမၪလူၬ ဘၪအဝ့ၫၥံၪ, ဒဲလအီၪထၪ့ဘၪလၧယၥၭခံဖၧၩ့တၭ, မၩဝ့ၫလၧဆၧၥၭလိၪလမံၩ့နီၪ ဘဲၫၥိၭအမိဒုၭမၩမၪၦ ယုဒၫဖိၪလီၫ.
36 မၩအၥၭဘဲၫနီၪတၭ, ဘိၩ့နဲၪ့ယီၩ, ယဟိဝၩအံၫစ ရ့လၭအယွၩစံၭဆၧလၧဒိၩ့ လဖျိၪ့ယီၩ လၧနၥံၪစံၭ, ဆၧမိဖ့ၪလၫ့ခွံၬဝ့ၫ လၧဘၭဘလၧၫ့အစဎွၩအစူၪဖၧၩ့ လၧနၭၥံၪဖၩ့ၥံၪ, ဒဲလၧဆၧၥၭဝံလၩ့ဒိၩ, ဒဲလၧဆၧၥံၫ
37 ချဲၫ့အဂးနီၪ, အဂဲးအကၠီၪ့ဘဲၫယီၩ,- ယိခွါ,ယမိအၪ့ ထုၫ့ကီၪ့ဒိၩ့ဖိၪ လၧခးထီးအလူၬအဖၧၩ့ လၧယနၫ့ထၪ့ ဒုၭအီၪအဝ့ၫၥံၪလၧယၥၭထၪ့, ဒဲယၥၭခဲၩထၪ့, ဒဲယ ၥၭခိလူၬတၭ,ယမိဒုၭဂဲၫထဲၩ့ဒီၭအဝ့ၫၥံၪ လၧဆၧအ လးထီးယီၩတၭ, ယမိဒုၭအီၪဂုးခၧၫ့အဝ့ၫၥံၪလၧဆၧ
38 န့ၥၫအလးလီၫ.- အဝ့ၫၥံၪမိကဲၪထၪ့ယၡၩခမျၧးတၭ,
39 ယမိကဲၪထၪ့အဝ့ၫၥံၪအယွၩလီၫ.- ယမိဖ့ၪလၫ့အဝ့ၫ ၥံၪအၥၭလဖျိၪ့ဎး ဒဲအဖၧၩ့ၥၭလဘီၩ့ဎး, ဘဲၫၥိၭအမိ ၥၭမဲၪယၧၩလၩ့ဆိၩလၩ့ကၠၪ လၧအဆၧဂ့ၩအဂးဒဲလၧ
40 အဖိၪၥံၪလၧခဲၫ့အဂးလီၫ.- တၭယမိအုၩ့လၩ့အဆိၩ အကၠၪလၧအဝ့ၫၥံၪ, ဒဲမၩအဝ့ၫၥံၪလၧဆၧဂ့ၩနီၪ, ယ ကၠၪခွံၬယၥၭ လၧအအီၪအ့ၬ. တၭယမိအီၪက့ၪဆၧ ၥၭမဲၪလၧအဝ့ၫၥံၪအၥၭခံဖၧၩ့ ဘဲၫၥိၭအထီးစဲၪ့ဖၭ
41 လၧယၧၩလဂ့ၩး- မွဲမၬယမိၥၭထိၬလၧအဖၫ့ခိၪဘဲၫ ၥိၭယမိမၩဂ့ၩအဝ့ၫၥံၪ, ယမိၥုၪ့လၩ့ဝ့ၫလၧခးလဘံၪ့ ယီၩအဖၧၩ့တၡါလ့ၬ, လၧယၥၭထၧၫ့ဖျိၪ့ယၫ ဒဲလၧ ယၥၭၡီၩ့ထီးအလူၬလီၫ.
42 အဂဲးဘဲၫယီၩယဟိဝၩစံၭဘဲၫယီၩ, ဘဲၫယဒုၭဘၪ ၦခမျၧးယီၩ လၧဆၧအၧၩ့ဖၭဒိၪထီးအလူၬအၥိၭနီၪ, ယမိဒုၭဘၪအဝ့ၫၥံၪလၧကယဲဆၧဂ့ၩ လၧယလီၩဘၪ
43 ဝဲၩအဝ့ၫၥံၪဘဲၫနီၪၥိၭထီးအလူၬဆ့လီၫ.- တၭၦမိဎွ့ၩ န့ဂၪ့ခိၪအဝၩ့လဖၪ လၧခးလဘံၪ့ယီၩအဖၧၩ့လၧနၥံၪ စံၭလၧအဂဲး, ၦၡၩမွဲဂ့ၩ, ဆၧဖိၪဆၧဎါမွဲဂ့ၩ, လအီၪ ဘၪလၧအဖၧၩ့ဒဲအအီၪယူဝ့ၫနီၪ, ဆၧဖ့ၪလၫ့ခွံၬဝ့ၫလၧ
44 ၦခၫလဒံအၫဖိၪအစူၪဖၧၩ့နီၪလီၫ.- တၭၦဎွ့ၩန့ဂၪ့ခိၪ အဝၩ့လဖၪလၧစ့ၩ, ဒဲကွ့ၭအမံၩ့လၧလံၬဖၧၩ့ဒဲစဲၩနဲၪ့ ထၬဝ့ၫ,ဒဲမၩန့ၦထိးအၥၭ လၧစဘံၪ့ယမံၫ့အခးဖၧၩ့, ဒဲလၧဆၧအလးအီၪဝၬဖီၩ့ ယရုစလံၫ့လၧခီၫ့, ဒဲလၧ ယုဒၫအဒိၩ့လဖၪအဖၧၩ့, ဒဲလၧခိၪလီၩ့ထိၩ့ချိၬအဒိၩ့ လဖၪအဖၧၩ့,ဒဲလၧခိၪလီၩ့ဆူၭအဒိၩ့လဖၪအဖၧၩ့, ဒဲ လၧမုခံၫ့အဒိၩ့လဖၪအဖၧၩ့လီၫ. အဂဲးဘဲၫယီၩယမိ ဒုၭဂဲၫထဲၩ့ထဲၩ့အဝ့ၫၥံၪ အဆၧအၪ့မၧၫ့ဎီးဝ့ၫ, ယဟိ ဝၩစံၭဝ့ၫဒၪ.