31
1 ယဟိဝၩစံၭဝ့ၫဒၪ, ဆၧလၧအထီထီးနီၪယမိကဲၪ ထၪ့အံၫစရ့လၭအဂံၪ့ဒီၪ့လဖၪ ထီးအလူၬအယွၩတၭ,
2 အဝ့ၫၥံၪမိကဲၪထၪ့ယၡၩခမျၧးလီၫ.- ယဟိဝၩစံၭဘဲၫ ယီၩ,ၦခမျၧးလၧအဖျ့ၭနၭၥံၪဖၩ့ၥံၪနီၪ ဘၪခိးဘၪတၩ လၧမံၩ့လၬကျၩး အံၫစရ့လၭဒၪလ့ၬ, လၧယမိဒုၭအီၪ
3 ပွံၭဝ့ၫလီၫ.- ယဟိဝၩနဲၪဖျီၪအၥၭလၧယမ့ၬယၫလၧ ဖျိၩ့စံၭဝ့ၫ, မွဲမၬ, ယအဲၪယူၭနၧၩလၧဆၧအဲၪအဆိၩ အကၠၪလီၫ. မၩအၥၭဘဲၫနီၪတၭ, ယဒုၭဘၪနၧၩလၧ
4 ဆၧအဲၪအခိးအတၩယံၬယံၬလ့ၬလီၫ.- မၩဒီၭယမိ မၩထၪ့ထဲၩ့ဒီၭနၧၩတၭ, နမိဘၪဆၧအီၪမၩထၪ့နၥၭ နီၪ,အံၫစရ့လၭအၡၩမုၪနၩ့ဧ့, နမိကယၧၩ့ကယီၫဒီၭ နၥၭလၧနဒိၩ့ဖိၪတၭ, လ့ၩဂဲထုၪ့လံလၧၦလိၬကွ့ၩအ
5 ၥိၭလီၫ.- နမိၥုၪ့ဒီၭနစဘံၭမုအလးလၧစမ့ရအၫအခိၪ လီၩ့,ၦၥုၪ့ဆၧနီၪမိၥုၪ့လၩ့ဆၧတၭ, မိအၪ့ဝ့ၫအဆၧၥၪ
6 လီၫ.- အဂဲးဘဲၫယီၩမုလနံၩမိဘၪ လၧၦခိၭဆၧအခိၪ လီၩ့အံဖြံၫ့အလီၩ့,မိကိၭထၪ့ဝ့ၫ, ဂဲထုၪ့ဘီၪ, မွဲပလ့ၩ ၡီၩ့လၧဇံအိၫ့, လၧယဟိဝၩပယွၩအအီၪဆံၭ.
7 အဂဲးဘဲၫယီၩယဟိဝၩစံၭဘဲၫယီၩ, ၥံၫကျံၩဆၧလၧ ဆၧၥၭထိၬလၧစယၫကူၭအကၠီၩ့တၭ, ဒုၭကိၭၡၭထၪ့ လၧၦဆၨၩလဖၪအခိၪအကျၩ, ဒုၭနါဂၧၫ့ဆၧ,စံၭထၪ့ အၪ့အူၭတၭ,စံၭ, ယဟိဝၩဧ့, ထိးထဲၩ့တၩ့ထဲၩ့နၡၩ
8 ခမျၧး,အံၫစရ့လၭအၡၩအီၪလၩ့ထးနီၪဆံၭ.- ယိခွါ, ယမိဂဲၫဆိၬထဲၩ့အဝ့ၫၥံၪ လၧခးလၧမုဖၩတၭ, မိအၪ့ ထုၫ့ကီၪ့အဝ့ၫၥံၪ လၧဂၪ့ခိၪအလီၩ့ ၦမ့ၬဘျီၪဒဲၦခၪ့ ဂၭဂီၩ့အီၪလၧအဝ့ၫၥံၪ, ၦမုၪလၧအဒၧၩ့ဒဲၦမုၪလၧအ ဘၪဆၧဂူၭဆၫလစီၪ့ဎးလီၫ. ၦလဒီၪ့ဖၭဒိၪမိဂဲၫထဲၩ့
9 ထီးယီၩလီၫ.- မိဂဲၫဝ့ၫလၧအမ့ၬထံၫလၩ့တၭ, ယမိၥိၫ့ ဝ့ၫလၧဆၧအၪ့ကံၩ့အၪ့ယၫတၭ, ယမိၥိၫ့အဝ့ၫၥံၪလၧ ထံၫချိၬအနဲၩ့လၧဖၧၩ့ၥၭလီၩ့အဖၧၩ့ ထီးၦအခၪ့လ ဘၪထၧၩ့ဘၪ, အဂဲးဘဲၫယီၩ ယမွဲဖါလၧအံၫစရ့လၭ အဂးတၭ,အံဖြံၫ့မွဲယဖိၪဝဲၡါလီၫ.
10 ခိၭနၪယဟိဝၩအလူဆံၭ, ၦဆၨၩၥံၪဧ့းတၭလီၩ လၩ့လၬလၩ့ဝ့ၫလၧမၫဆမံၭနဲၩ့အခးလဖၪ အီၪဝ့ၫလၧ အယဲၩ့ဆံၭး စံၭ,ၦလၧအမၩလၩ့ပြံၩလၩ့ပၩအံၫစရ့ လၭလဂၩနီၪ မိအၪ့ထုၫ့ကီၪ့ထဲၩ့ဝ့ၫ ဒဲယိဝ့ၫဘဲၫၦယိ
11 ၥိၪနီၪယိအၥိၪလဒီၪ့အၥိၭနီၪလီၫ.- အဂဲးဘဲၫယီၩယ ဟိဝၩဎွ့ၩန့ထဲၩ့ယူၭစယၫကူၭ, ဒဲမၩဖီၩ့မၩဖျ့ၭဝ့ၫလၧ
12 ၦလၧအဆီၪ့နဲၪ့အဝ့ၫအစူၪဖၧၩ့လီၫ.- အခိးမွဲအဝ့ၫၥံၪ မိဂဲၫဝ့ၫ, ဒဲၥံၫကျံၩဆၧလၧဇံအိၫ့အလးထၪ့ထီၫနီၪတၭ, မိယွၩလၩ့ဝ့ၫစီၪ့ဎး လၧယဟိဝၩအဆၧဂ့ၩအဖၧၩ့, လၧဘုၪကၠိၩ့အဂး, ဒဲလၧစဘံၭထံၫအၥၫ့အဂး,ဒဲလၧ ၥိၪၥံၪချၫၥံၪအဂး,ဒဲလၧၥိၪဒဲဘ့ၪအဂး, ဒဲလၧချီၥံၪအ ဂးလီၫ.တၭအၥၭမိမၩအၥၭ ဘဲၫဆၧၥၪအလးလၧၦ ၡီၫ့ထံၫလၧအဖၧၩ့ ဂ့ၩဘၪစဲၪအၥိၭနီၪတၭ, အဝ့ၫၥံၪ
13 ၥၭအုၭလၧၩ့အ့ၬ.- ထီးနီၪလဖၧၫ့ၦမုၪနၩ့မိၥၭထိၬလၧ ဆၧဂဲထုၪ့လံအဖၧၩ့, ဒဲၦဖိၪၥၪခွၫဒဲၦၥၭၡါလစီၪ့ဎး လီၫ.အဂဲးဘဲၫယီၩ ယမိအၪ့လဲၩခွံၬအၥၭအုၭ လၧ အၥၭထိၬအဂး, ဒဲယမိမၩမုၬထၪ့ထဲၩ့အဝ့ၫၥံၪဒုၭၥၭ ထိၬထဲၩ့အဝ့ၫၥံၪလၧဆၧၥၭအုၭအလးနီၪလီၫ.
14 တၭယမိဒုၭဘျဲၩအၪ့ယၡၩလုဆၧအၥၭလၧဆၧၥိၪး ဒဲယခ့ၫယၡၩခမျၧးၥံၪ မိမံၫ့ၥုၪ့မံၫ့ၥၭလၧယဆၧဂ့ၩဆၧ ဘွၩနီၪး ယဟိဝၩစံၭဝ့ၫဒၪ.
15 ယဟိဝၩစံၭဘဲၫယီၩဆၧအၥီၫဂၧၫ့ထၪ့ဝ့ၫ လၧရၫမၫ အဖၧၩ့ဂၪ့ဆၧယၧၩ့ဆၧ, ဒဲဂၪ့ကိၭၡၭထၪ့ဆၧတၭ,နး ရၫခ့လၭဂၪ့ဝ့ၫလၧအဖိၪလဖၪအကၠီၩ့တၭ, ဒိၭဆၧမၩ မုၬထၪ့ထဲၩ့နီၪ အၥၭအီၪအ့ၬ. မွဲအဖိၪလအီၪဘၪအ
16 ကၠီၩ့လီၫ.- ယဟိဝၩစံၭဘဲၫယီၩ, ထုၭထဲၩ့နလူလၧဂၪ့ ကိၭဂၪ့ၡၭဆၧ, ဒဲနမ့ၬၥၪလၧအမ့ၬထံၫလၩ့နီၪဆံၭ. အ ဂဲးဘဲၫယီၩနမၩဆၧမိအီၪလၧအလံၩ့အလဲၫနီၪ, ယဟိ ဝၩစံၭဝ့ၫဒၪ. အဝ့ၫၥံၪမိဂဲၫထဲၩ့ထဲၩ့လၧဆၧအဒုၪအ
17 ဒၩအခးဖၧၩ့လီၫ.- နဖိၪလဖၪမိဂဲၫထဲၩ့ထဲၩ့လၧအခး ဒၪဝ့ၫအနဲၩ့ထံၭနီၪ, ဆၧယိလါအီၪဝ့ၫလၧနဂးလၧယၫ လခီၫနီၪ,ယဟိဝၩစံၭဝ့ၫဒၪ.
18 မွဲမၬ,ယနါဂၧၫ့အံဖြံၫ့ဘၪမီၪ့ဘၪမၭတၭ, စံၭဝ့ၫဒၪ, နအၪ့ၥီၪ့ယၧၩတၭ, ယဒိၭဆၧအၪ့ၥီၪ့ဘဲၫချီဖိၪလၧအ လမၩလိၪဘၪဆၧအၥိၭနီၪလီၫ. ကၠၪထဲၩ့နၥၭလၧယ အီၪဘဲၫၥိၭယမိကၠၪယၥၭဆံၭ. အဂဲးဘဲၫယီၩနမွဲယ
19 ဟိဝၩယယွၩလီၫ.- မွဲမၬ,လၧယကၠၪယၥၭအလးခဲၫ့ နီၪ,ယနီၫ့ယါလၩ့ထဲၩ့ယၥၭတၭ, ယဘၪဆၧၥီၪ့လိၪ ယၧၩအလးခဲၫ့နီၪ, ယဒိၪလၩ့ယကံၪဒူၪလီၫ. ယမ့ၬ မဲတၭ,မွဲမၬ,ယၥၭဘံၪဘူၪအဂဲးဘဲၫယီၩ, ယထိးယ
20 ၥၭဘၪ့အဆၧဒုၪဒွ့ၪလီၫ.- အံဖြံၫ့ မွဲယဖိၪခွၫၥၭဘီၩ့ ဧၪးမွဲဖိၪၥၪလၧအဘၪယၥၭဧၪ. အဂဲးဘဲၫယီၩ လၧ ယချဲၩ့ဆၧထၫ့ဒၩအဝ့ၫအလးခဲၫ့နီၪ ယနၪ့ထၪ့ထဲၩ့ဒံၭ တၡါဒံၭလီၫ. မၩအၥၭဘဲၫနီၪတၭ, ယၥၭဘၪခိဘၪ ဝီၩလၧအဂးတၭ,ယမိယၫ့ၥၭတၡါအဝ့ၫ, ယဟိဝၩ စံၭဝ့ၫဒၪ.
21 အီၪက့ၪထၪ့ဖၧၩ့ၥၭအဆၧမၩနဲၪ့လၧနဂး, ဘီၩ့ထၪ့ ထုၪ့လဖၪလၧနဂး, အီၪက့ၪနၥၭလၧဖၧၩ့ၥၭမု,လၧနဂဲၫ ထဲၩ့ဖိၬဒၪလ့ၬနီၪးဂဲၫထဲၩ့ဒီၭ, အံၫစရ့လၭအမုၪနၩ့ဧ့,
22 ဂဲၫထဲၩ့ဒီၭလၧနဒိၩ့လဖၪယီၩဆံၭ.- နမိစဲၪ့ဝံၩ့ဝၩ့ဆၧ ဆံၭယံၬလဲၪ. ဖိၪမုၪလၧအဂုၩ့ထဲၩ့အၥၭလဂၩဧ့း အ ဂဲးဘဲၫယီၩယဟိဝၩတဲၩ့လၩ့ ဆၧအၥၫ့လမံၩ့လၧဂၪ့ခိၪ ချိၫ့, ၦမုၪအီၪဖီၩ့ၦခွၫလီၫ.
23 ဆၧၥုၭမုခမျၧးအယဟိဝၩ, အံၫစရ့လၭအယွၩစံၭ ဘဲၫယီၩ,ထီးယအ့ၪဒုၭဂဲၫထဲၩ့ ၦလၧအကဲၪဎီးတၭ, ၦမိစံၭဒီၭလၧယုဒၫအခးဖၧၩ့, ဒဲလၧအဒိၩ့လဖၪအ ဖၧၩ့,မွဲယဟိဝၩဆိၪဂ့ၩနၧၩဆံၭ. ဆၧတီၩအီၪအလး,
24 ဆၧဆံၫ့ဎံၪအခိၪလီၩ့ဧ့,- ၦမၩကၩဂၪ့ခိၪလဖၪ,ဒဲၦလၧ အစဲၪ့ထၪ့လၧၥိၪလၧဘ့ၪလဖၪ, မိအီၪလၧယုဒၫအဖၧၩ့ ဒၪဝ့ၫ,ဒဲလၧအဒိၩ့ထီးအလူၬလဖၪအဖၧၩ့စီၪ့ဎးလီၫ.
25 အဂဲးဘဲၫယီၩ လၧဆၧပွံၭအၥၭအကၠီၩ့ ယမိဒုၭခၧၫ့ ထၪ့ၦအၥၭတၭ, ယမိဒုၭဘျဲၩအၪ့ကယဲ ၦလၧအၥၭ
26 လၩ့ဘဲၩထီးအလူၬလီၫ.- အနီၪတၭ,ယနၪ့ထၪ့ယၥၭ တၭ,ယမံၫမုၬဒိၪမၬလီၫ.
27 ယဟိဝၩစံၭဝ့ၫဒၪ, ယိခွါ,မုနံၩလဖၪဘၪဝ့ၫလၧယ မိဎွံၪလၩ့ၦၡၩအချံၫ, ဒဲဆၧဖိၪဆၧဎါအချံၫလၧအံၫစရ့
28 လၭအဂံၪ့ဖၧၩ့, ဒဲလၧယုဒၫအဂံၪ့ဖၧၩ့လီၫ.- ဆၧမိမၩ အၥၭ,ဘဲၫယယိယူၭအဝ့ၫၥံၪနီၪ, ဘဲၫၥိၭအမိထ့ၭထၪ့ ခွံၬ,ဒဲမၩဂၭဂီၩ့, ဒဲမၩၡၪ့မၩနၭအၥိၭနီၪး ဆၧမိမၩအ ၥၭလၧယမိယိထဲၩ့အဝ့ၫၥံၪ ဘဲၫၥိၭယမိမၩထၪ့, ဒဲၥုၪ့
29 လၩ့ဝ့ၫဘဲၫနီၪအၥိၭ, ယဟိဝၩစံၭဝ့ၫဒၪ.- ဆၧလၧမုနံၩ လဖၪနီၪ, ဖါလဖၪအၪ့စဘံၭၥၪဆဲၪ့, ဒဲဖိၪၥၪလဖၪအ
30 ၥွၫဎံၩ့နီၪ,ၦစံၭလၧၩ့ဝ့ၫအ့ၬ.- အ့ၪမွဲၦမိၥံၫလၧအဆၧ ဒဲၩဘၭဒၪဝ့ၫအကၠီၩ့ ကိၭဂၩဒ့ၭလီၫ. ကယဲၦလၧအ အၪ့စဘံၭၥၪဆဲၪ့ လဂၩလါလါနီၪ, အၥွၫဒၪဝ့ၫမိဎံၩ့ လီၫ.
31 ယိခွါ,ယဟိဝၩစံၭဝ့ၫဒၪ, မုနံၩလဖၪမိဘၪဝ့ၫလၧ ယမိအုၩ့လၩ့ဆၧအၥၫ့ လၧအံၫစရ့လၭအၡၩဂံၪ့ဖိၪ,
32 ဒဲယုဒၫအၡၩဂံၪ့ဖိၪလီၫ.- မွဲဘဲၫဆၧအုၩ့လၩ့လၧယ အုၩ့လၩ့လၧအဝ့ၫၥံၪအဖါလဖၪ, မုလနံၩလၧယဖီၪ့ ထၬအစူၪဘဲၫၥိၭယဒုၭစဲၪ့ထၪ့ခွံၬဝ့ၫ လၧခးအံဇံၭအ ဖၧၩ့အၥိၭနီၪအ့ၬ. ဆၧအုၩ့လၩ့နီၪမွဲအဝ့ၫၥံၪမၩဂၭ ဂီၩ့လီၫ.ယခွံၬၡိၭယူၭအဝ့ၫၥံၪ, ယဟိဝၩစံၭဝ့ၫဒၪ.
33 အ့ၪမွဲအယီၩမွဲဆၧအုၩ့လၩ့လၧယမိအုၩ့လၩ့လၧအံၫ စရ့လၭအၡၩဂံၪ့ဖိၪ, ဆၧလၧမုနံၩလဖၪနီၪအလးခဲၫ့ တၭ,ယဟိဝၩစံၭဝ့ၫဒၪ, ယမိအီၪက့ၪဆၧၥီၪ့ဆၧၥၫ့ လၧအဝ့ၫၥံၪအၥၭခံဖၧၩ့တၭ, ယမိကွ့ၭလၧအၥၭအ လီၩ့တၭ, ယမိကဲၪထၪ့အယွၩတၭ, အဝ့ၫၥံၪမိကဲၪထၪ့
34 ယခ့ၫယၡၩလီၫ.- တၭအဝ့ၫၥံၪလမိၥီၪ့လိၪလၧၩ့ဘၪ ၦလၧအနဲၩ့ထံၭ, ဒဲအထၧၫ့ဖုဝဲလဂၩဘၪလဂၩလဂၩ ဘၪလဂၩနီၪ,စံၭ,ၥ့ၪယၫယဟိဝၩဆံၭ. အဂဲးဘဲၫယီၩ ၦမိၥ့ၪယၫယၧၩထီးအလူၬ, လၧအဆံၭထုၬထီၩ့လၧ အဒိၪထုၬ, ယဟိဝၩစံၭဝ့ၫဒၪး အဂဲးဘဲၫယီၩယမိဖျါ ခွံၬအဆၧမၪတၭ,ယနၪ့ထၪ့ထဲၩ့လၧၩ့အဆၧဒဲၩဘၭ အ့ၬ.
35 ယဟိဝၩစံၭဘဲၫယီၩ, ၦလၧအအီၪက့ၪၦမ့ၬလၧဆၧ ဖၩ့လၧမုဆၫအဂး, လၧအဒုၭအီၪထၪ့လၩဒဲၡၪၥံၪလၧ ဆၧဖၩ့ လၧမုနၩအဂး, လၧအမၩဂုးဖုး မၫဆမံၭလၧ အလပီၩၥီၫထၪ့ဝ့ၫနီၪ, ဆၧၥုၭမုခမျၧး အယဟိဝၩမွဲ
36 အမံၩ့လီၫ.- ယဟိဝၩစံၭဝ့ၫဒၪ,ၥနိၫလဖၪယီၩအ့ၪစဲၪ့ ထၪ့ခွံၬလၧယမ့ၬယၫတၭ, အံၫစရ့လၭအချံၫအၥၪလ ကဲၪလၧၩ့ဘၪၦဆၨၩလၧယမ့ၬယၫ အဆိၩဆိၩအကၠၪ
37 ကၠၪလီၫ.- ယဟိဝၩစံၭဘဲၫယီၩ,ၦထိၪမူၭခိၪလၧထၭ လခီၫ,ဒဲအၪ့ဎၬန့ဂၪ့ခိၪအခၪ့ထံၭ လၧလၬလခီၫနီၪအ့ၪ ၥ့ၪတၭ,ထီးနီၪလဖၧၫ့ယမိခွံၬၡိၭခွံၬ အံၫစရ့လၭအချံၫ အၥၫထီးအလူၬ လၧအမၩဆၧထီးအလူၬအကၠီၩ့နီၪ, ယဟိဝၩစံၭဝ့ၫဒၪ.
38 ယိခွါ,ယဟိဝၩစံၭဝ့ၫဒၪ,မုနံၩလဖၪဘၪဝ့ၫလၧၦမိ တဲၩ့ဒိၩ့လၧယဟိဝၩအဂး, လၧဟၫနၫအ့လၭအထိၬ
39 ထီၫဖိးလၧတရၫ့အနိၪ့လီၫ.- တၭနိၪထိၪဖျံၩမိလ့ၩထၪ့ အီၪဆဲၫဎၩ့ဝ့ၫ လၧဆၧစီၩ့ခိၪဂ့ရ့ၭတၭ, မိလ့ၩဎဲၪ့ဆၧ
40 လၧဂိအၭလီၫ.- ၦစွၪအခိၪလီၩ့ဆူၭ ထၧၫ့ဆူၭယၫ, ဒဲ ဖံၫ့ချၪ,ဒဲဂၪ့ခိၪအဝၩ့လဖၪ ထီးအလူၬ ဖိးလၧထံၫချိၬ ကံၭဒၧၫ့,ဖိးလၧတရၫ့ကၥ့ၪအနိၪ့ လၧမုထၪ့လခီၫနီၪ, မိဆံၫ့ဎံၪထၪ့လၧယဟိဝၩအဂးတၭး ဆၧထ့ၭခွံၬလၧၩ့ အဝ့ၫၥံၪအ့ၬး ဆၧလမၩလၩ့ဎီးလၧၩ့ဘၪအဆိၩဆိၩ အကၠၪကၠၪလီၫ.