23
1 ၦယိၥိၪလဖၪလၧအမၩဂၭဂီၩ့, ဒဲမၩလၩ့ပြံၩလၩ့ ပၩယဆၧအၪ့အဆၪအလးလဖၪနီၪ, ဘၪအၡၪ့လီၫ.
2 ယဟိဝၩစံၭဝ့ၫဒၪ,- မၩအၥၭဘဲၫနီၪတၭ,ယဟိဝၩအံၫ စရ့လၭအယွၩစံၭ လၧၦယိၥိၪလဖၪလၧအယိယၡၩ ခမျၧးလဖၪအဂဲးအကၠီၪ့, နၥံၪမၩလၩ့ပြံၩလၩ့ပၩယ ၥိၪလဒီၪ့, ဒဲနၫ့ထၪ့ခွံၬဝ့ၫတၭ, အီၪၡီၩ့လၧၩ့အဝ့ၫၥံၪ အ့ၬ. ယိခွါ, ယမိစ့ၩရၫ့နၥံၪမၩဆၧအအၧၩ့အကၠီၩ့,
3 ယဟိဝၩစံၭဝ့ၫဒၪ.- မွဲလါနၫ့တၭယမိအၪ့ထုၫ့ကီၪ့ယ ၥိၪလဒီၪ့အဆၧအီၪလၩ့ထးလၧကယဲ ခးလၧယနၫ့ထၪ့ ခွံၬဒုၭအီၪဝ့ၫလၧအဖၧၩ့တၭ, ယမိဒုၭဂဲၫထဲၩ့ဝ့ၫလၧ အဝ့ၫၥံၪအဖီၩ့ဖၧၩ့တၭ, အဝ့ၫၥံၪမိၥၪထၪ့ဒဲအၪထၪ့ဝ့ၫ
4 ဒၪဆ့လီၫ.- တၭယမိအီၪက့ၪၦယိၥိၪလဖၪလၧအဖၫ့ ခိၪလၧအမိယိဒုၭအၪ့ဝ့ၫတၭ, အဝ့ၫၥံၪၥၭမဲၪလၧၩ့ဆၧ အ့ၬ,ဒဲအၪ့ယိၪလၧၩ့ဆၧအ့ၬ, ဒဲလၩ့မါဘၪဆ့အ့ၬ,
5 ယဟိဝၩစံၭဝ့ၫဒၪ.- ယိခွါ, ယဟိဝၩစံၭဝ့ၫဒၪ, မုနံၩ လဖၪမိဘၪလၧယမိဒုၭဂဲထုၪ့ဆၧတီၩဆၧလီၩ့အထဲၩ့ လၧစဒၫဝံၭအဂးတၭ, စဎွၩလဂၩမိပၧၩ့ဆၧတၭ, မိ ဘီၪထၪ့ယီၫထၪ့မိမၩဆၧစ့ၩရၫ့ ဒဲဆၧတီၩဆၧလီၩ့လၧ
6 ဂၪ့ခိၪချိၫ့လီၫ.- ဆၧလၧမုနံၩလဖၪနီၪယုဒၫမိထီၩ့လၧ ဆၧထိးထဲၩ့တၩ့ထဲၩ့တၭ, အံၫစရ့လၭမိအီၪလၧဆၧ ဒိၭနဲၩ့အၥၭအလးတၭ, ဆၧမိကိၭအဝ့ၫဒၪအမံၩ့ဘဲၫ
7 ယီၩ,ယဟိဝၩပဆၧတီၩဆၧလီၩ့နီၪလီၫ.- မၩအၥၭ ဘဲၫနီၪတၭ,ယဟိဝၩစံၭဝ့ၫဒၪ,ယိခွါ, မုနံၩလဖၪဘၪ ဝ့ၫလၧၦလစံၭလၧၩ့ဘၪ ယဟိဝၩမၧၫ့ဝ့ၫလၧအဒုၭ
8 စဲၪ့ထၪ့ခွံၬ ၦအံၫစရ့လၭဖိၪလၧခးအံဇံၭနီၪ,- အ့ၪမွဲ အမိစံၭ,ယဟိဝၩမၧၫ့ဝ့ၫလၧအဂဲၫဆိၬထၪ့ခွံၬ, ဒဲဒုၭ ဂဲၫထဲၩ့ထဲၩ့ အံၫစရ့လၭအၡၩဂံၪ့ဖိၪ အချံၫအၥၪလၧ ခးလၧမုဖၩ, ဒဲလၧခးထီးအလူၬ လၧယနၫ့ထၪ့ခွံၬဒုၭ အီၪဝ့ၫလၧအဖၧၩ့တၭ, မိအီၪဝ့ၫလၧအခးဒၪဝ့ၫအဖၧၩ့ လီၫ.
9 ယၥုၪ့ခါယၥၭလၩ့လၧယၥၭခံဖၧၩ့ လၧမီၪလဖၪအ ကၠီၩ့တၭ,ယဎွံၪထီးအလူၬဝၭထိၬ, ယမၩယၥၭဘဲၫ ၦအီၩမၧၩ့အၥၭအၥိၭနီၪတၭ, မၩအၥၭဘဲၫၦလၧစ ဘံၭထံၫမၩစၪဝ့ၫအၥိၭနီၪ လၧယဟိဝၩအကၠီၩ့, ဒဲလၧ
10 အလူဆံၫ့ဎံၪအကၠီၩ့လီၫ.- အဂဲးဘဲၫယီၩထံၫၥံၪခးၥံၪ နီၪဎွ့ၩဝ့ၫလၧၦမၩမၪၦမၫၦဝၩတၭ, ထံၫၥံၪခးၥံၪနီၪ ၥုၪ့အုၭၥၭအုၭလၧဆၧဆိၪအၧၩ့အကၠီၩ့လီၫ. ဆၧအၪ့ အဆၪအလး လၧမံၩ့လၬကျၩနီၪဎဲၫ့ထၪ့ခွံၬလီၫ. အ ဂဲးဘဲၫယီၩ အဝ့ၫၥံၪအဖၧၩ့ၥၭမွဲအမၩဆၧအၧၩ့တၭ,
11 အဂဲးအဘၭတီၩအ့ၬ.- မွဲမၬ,မီၪမွဲဂ့ၩ, ၦလုဆၧမွဲဂ့ၩ, ယူၭယၪ့ဆၧအ့ၬ. တၭယဒၪန့အဆၧအၧၩ့လၧယဂံၪ့
12 ဖၧၩ့ဒၪလ့ၬ, ယဟိဝၩစံၭဝ့ၫဒၪ.- မၩအၥၭဘဲၫနီၪတၭ, အဝ့ၫၥံၪအဖၧၩ့ၥၭမိကဲၪထၪ့ ဘဲၫဆၧအလးဖျ့ၫလၧ ဆၧခံၭကျၩအၥိၭလၧအဂးတၭ, ဆၧမိနၫ့ဆီၪ့အဝ့ၫၥံၪ တၭ,မိလၩ့ထံၩဖါဝ့ၫ လၧအဖၧၩ့နီၪလီၫ. အဂဲးဘဲၫ ယီၩယမိဒုၭဘၪအဝ့ၫၥံၪလၧဆၧအၧၩ့ ထီးဆၧစ့ၩရၫ့
13 ဝ့ၫအနံၪ့ဘၪဝ့ၫနီၪ, ယဟိဝၩစံၭဝ့ၫဒၪ.- ယဒၪဆၧဂီၩ့ ဆၧစၪလၧစမ့ရအၫအမီၪလဖၪအဖၧၩ့လီၫ. အဝ့ၫၥံၪ ချဲၩ့ဆၧလၧမီၪအချိၬလၧဘၫအလၭ, ဒဲဒုၭမၩမၪယ
14 ၡၩခမျၧးအံၫစရ့လၭနီၪလီၫ.- ယဒၪယူၭဆ့ဆၧအၧၩ့ နၭမၬလၧယရုစလံၫ့အမီၪလဖၪအဖၧၩ့လီၫ. အဝ့ၫၥံၪ အဲၪဘိၩ့မၫ, အဲၪဘိၩ့ဝၩတၭ,လ့ၩဝ့ၫလၧဆၧအဘျံၭ အဘျၪအဖၧၩ့တၭ, ဒုၭဆီၪ့ထၪ့ၦလၧအမၩဆၧအၧၩ့ အစူၪ,ထီးၦလဂဲၫထဲၩ့ဘၪနးဂၩတၭ, အဝ့ၫၥံၪထီးအ လူၬနီၪအီၪဝ့ၫ လၧယမ့ၬယၫဘဲၫစီဒၧၫ့အၥိၭ ဒဲအၡၩ
15 အီၪဝ့ၫနီၪဘဲၫဂမိရၫအၥိၭနီၪလီၫ.- မၩအၥၭဘဲၫနီၪ တၭ,ဆၧၥုၭမုခမျၧးအယဟိဝၩစံၭ လၧမီၪလဖၪအဂဲး အကၠီၪ့ဘဲၫယီၩ, ယိခွါ,ယမိဒုၭအၪ့အဝ့ၫၥံၪလၧရီးခ ၥီၫ,ဒဲဒုၭအီၩဝ့ၫလၧၥံၪခၪ အထံၫနီၪလီၫ. အဂဲးဘဲၫ ယီၩဆၧလယူၭလယၪ့ဘၪဆၧနီၪ စဲၪ့ထၪ့ခွံၬလၧယရု စလံၫ့အမီၪလဖၪအစူၪဖၧၩ့ ဖိးလၧခးထၧၫ့ဘံၪ့ယၫအ ဖၧၩ့လီၫ.
16 ဆၧၥုၭမုခမျၧးအယဟိဝၩစံၭဘဲၫယီၩ, ထီးခိၭနၪ မီၪလဖၪအလူလၧအမိချဲၩ့ဆၧ လၧမီၪအချိၬလၧနၥံၪ အကျၩလဂ့ၩ, အဝ့ၫၥံၪအၪ့လီၫနၥံၪ လၧဆၧပျီၩပျီၩ တၭးချဲၩ့ဝ့ၫလၧဆၧဒၪလၧယၫလခီၫ, လၧအဂဲၫထၪ့ လၧအၥၭဒၪဝ့ၫအဖၧၩ့, မွဲဆၧလၧအထၪ့ဖျ့ၭလၧယဟိ
17 ဝၩအနိၭအ့ၬ.- တၭအဝ့ၫၥံၪစံၭဒံၭ လၧၦလၧအလ ယူၭယၪ့ဘၪယၧၩလဖၪ, ယဟိဝၩစံၭယူၭဝ့ၫ, နၥံၪမိ အီၪလၧဆၧဘၪလိၬအိၭလိၬလီၫ. တၭစံၭကယဲၦလၧ အလ့ၩဖိၬအနါကဲၪ့အခဲၫ့နီၪ ဆၧအၧၩ့ဘၪနၥံၪ နးမံၩ့
18 အ့ၬ.- အဂဲးဘဲၫယီၩမွဲပလၫဆၧၫ့ထုၪ့လၧယဟိဝၩ အဆၧအီၪၥူၪအဖၧၩ့တၭ, ဒၪဘၪဒဲနါဂၧၫ့ဘၪအလူ လဂၩလဲၪ. မွဲပလၫယိနဲၪ့ဝ့ၫတၭ,နါဂၧၫ့အဆၧချဲၩ့လ
19 ဂၩလဲၪ.- ယိခွါ, လံၩၥဝံၭဘၪဆဲၫ့လၧယဟိဝၩလ့ၩ ထၪ့ဆၧဆီၪ့ဆီၪ့လ့ၬနီၪ, လံၩဆီၪ့ၥဝံၭအၥၭတၭး မွဲ
20 အမိဘၪၦလတီၩဘၪ အခိၪဎွံၪနၭနၭလ့ၬလီၫ.- ယဟိ ဝၩအၥၭခဲၩထၪ့နီၪလကၠၪထဲၩ့ဘၪ, ထီးအမၩဆၧ, ဒဲ ထီးအမၩလၧၫ့ထၪ့ဎွ့ၩထၪ့ဆၧ လၧအၥၭခံဖၧၩ့နီၪ လီၫ.လၧမုနံၩလၧယၫနီၪ နၥံၪမိနၪၥ့ၪဆၧလၩ့ထံးလၩ့
21 ဆ့ၭလီၫ.- မီၪလဖၪယလအၪ့မၧၫ့ဘၪလါနၫ့နီၪစဲၪ့တ လဲးဝ့ၫယူၭး ယလမၪလူၬဘၪလါနၫ့တၭ, အဝ့ၫၥံၪချဲၩ့
22 လၧမီၪအချိၬယူၭ.- အဝ့ၫၥံၪအ့ၪဆၧၫ့ထုၪ့လၧယဆၧ ကၩ့ကၩအဖၧၩ့တၭ, ဒဲဒုၭနါဂၧၫ့ယၡၩခမျၧးလၧယ ဆၧချဲၩ့းထီးနီၪလဖၧၫ့ မိဒုၭဂဲၫထဲၩ့အဝ့ၫၥံၪလၧအဖၧၩ့ ၥၭအၧၩ့, ဒဲလၧအမၩဆၧအၧၩ့အအီၪနီၪလီၫ.
23 ယမွဲယွၩအီၪဘူၭဝ့ၫတၭ, မွဲယွၩအီၪယဲၩ့ဆ့အ့ၬဧၪ,
24 ယဟိဝၩစံၭဝ့ၫဒၪ.- ၦၡၩလဂၩဂၩအီၪက့ၪၥူၪခွံၬအ ၥၭလၧဆၧအီၪၥူၪအလးလဖၪ ဘဲၫၥိၭယထီးဒၪဘၪ အဝ့ၫလဂ့ၩနီၪဘၪမိၥ့ၪဧၪ, ယဟိဝၩစံၭဝ့ၫဒၪ, ယမၩ ဎွ့ၩဂၪ့ခိၪ ဒဲမူၭခိၪနီၪ,မွဲအ့ၬဧၪ, ယဟိဝၩစံၭဝ့ၫဒၪ.
25 မီၪလဖၪလၧအချဲၩ့ဆၧလၧမီၪအချိၬ အဘျံၭအဘျၪ လၧယမံၩ့နီၪ,ယနါဂၧၫ့ယူၭဆၧလၧအစံၭယူၭဝ့ၫ, စံၭ,
26 ယမံၫမးဆၧ,ယမံၫမးဆၧနီၪလီၫ.- ဆၧနီၪမိအီၪလၧ မီၪလၧအချဲၩ့ဆၧလၧမီၪအချိၬ အဘျံၭအဘျၪအၥၭခံ ဖၧၩ့ဆံၭယံၬလဲၪ. မွဲဝ့ၫလၧအၪ့လီၫဆၧအမီၪလီၫ.
27 ဆီၫ့မီၪ့ဝ့ၫလၧအမိဒုၭၥၭနၪ့ ယၡၩခမျၧးလၧယမံၩ့လၧ အမံၫမးဆၧလဖၪအကၠီၩ့, လၧအလီၩလၩ့လၬလၩ့ လဂၩလၧၦလၧအနဲၩ့ထံၭ, လဂၩလၧၦလၧအနဲၩ့ထံၭ, ဘဲၫအဖါၥံၪၥၭနၪ့ခွံၬယမံၩ့ လၧဘၫအလၭအကၠီၩ့အ
28 ၥိၭနီၪလီၫ.- မီၪလၧအအီၪလၧဆၧမံၫမးနီၪမွဲအလီၩ လၩ့လၬလၩ့ဒၪဝ့ၫဆၧမံၫမးဆံၭ. တၭၦလၧအအီၪလၧ ယလူနီၪ, မွဲအလီၩလၩ့လၬလၩ့ ယလူတီၩတီၩဆံၭ. ဖ့ၫထိၪဎီၩ့လၧဂူၫဆၪနီၪ မွဲဆၧနီၪလမံၩ့လဲၪ, ယဟိဝၩ
29 စံၭဝ့ၫဒၪ.- ယလူမၩအၥၭဘဲၫမ့ၪအၥိၭနီၪ, မွဲအ့ၬဧၪ, ယဟိဝၩစံၭဝ့ၫဒၪး မၩအၥၭဘဲၫစၭခုၪ လၧအမၩခါ
30 လၩ့ဘျ့ၭလိးၥံၪလဲၫ့ၥံၪအၥိၭနီၪ, မွဲအ့ၬဧၪ.- မၩအၥၭ ဘဲၫနီၪတၭ, ယိခွါ,ယထၫ့ဒၩမီၪလဖၪလၧအအၪ့ဂူၬ န့ယလူ, လဂၩလၧၦလၧအနဲၩ့ထံၭ, လဂၩလၧၦလၧ
31 အနဲၩ့ထံၭ,ယဟိဝၩစံၭဝ့ၫဒၪ.- ယိခွါ,ယဟိဝၩစံၭဝ့ၫ ဒၪ,ယထၫ့ဒၩမီၪလဖၪ လၧအမၩန့ၦၡၩၥံၪအဖျ့ၩတၭ,
32 စံၭဝ့ၫ,အဝ့ၫဒၪစံၭဆၧး- ယိခွါ,ယဟိဝၩစံၭဝ့ၫဒၪ,ယ ထၫ့ဒၩ ၦလၧအချဲၩ့လၧမီၪအချိၬ လၧအမံၫမးဆၧအ ဘျံၭအဘျၪတၭ,လီၩလၩ့လၬလၩ့ဝ့ၫတၭ, ဒုၭလၩ့မၪ ယၡၩခမျၧးလၧအဆၧချဲၩ့အဘျံၭအဘျၪ, ဒဲလၧအ အီၪက့ၪဖိၫလိၫအၥၭနီၪလီၫ. တၭယအၪ့မၧၫ့လၩ့န့မွဲ အ့ၬ.မွဲယမၪလူၬဆၧလၧအဝ့ၫၥံၪဆ့အ့ၬ. မၩအၥၭ ဘဲၫနီၪတၭ, ၦၡၩခမျၧးယီၩဘၪခိးဘၪတၩလၧအဝ့ၫ ၥံၪနးမံၩ့အ့ၬ, ယဟိဝၩစံၭဝ့ၫဒၪ.
33 တၭထီးၦခမျၧးယီၩမွဲဂ့ၩ, မီၪမွဲဂ့ၩ,ၦလုဆၧလဂၩ မွဲဂ့ၩ,အ့ၪအၪ့စၪ့နၧၩ,စံၭဝ့ၫ, ယဟိဝၩအဆၧအွံၪဆၧ ယိၭ,မွဲဆၧနီၪလဲၪတၭး နမိဘၪစံၭအဝ့ၫၥံၪ, မွဲဆၧအွံၪ ဆၧယိၭနီၪလဲၪ. ယမိခွံၬၡိၭနၥံၪ,ယဟိဝၩစံၭဝ့ၫဒၪ.
34 တၭမီၪလဂၩမွဲဂ့ၩ, ၦလုဆၧလဂၩမွဲဂ့ၩ,ၦခမျၧးမွဲဂ့ၩ, လၧအစံၭယဟိဝၩအဆၧအွံၪဆၧယိၭနီၪ, ယမိစ့ၩ
35 ရၫ့စၪၦလဂၩနီၪ, ဒဲအၡၩဂံၪ့ဖိၪလီၫ.- နၥံၪမိဘၪစံၭ ဘဲၫယီၩ,လဂၩလၧၦအီၪလၧအနဲၩ့ထံၭ, လဂၩလၧ အထၧၫ့ဖုဝဲလဂၩနီၪ, ယဟိဝၩစံၭဆၧၫ့ဆၧဘဲၫၥ့ၪလဲၪ.
36 တၭယဟိဝၩချဲၩ့ယူၭမွဲဆၧနီၪလမံၩ့လဲၪ.- တၭယဟိ ဝၩအဆၧအွံၪဆၧယိၭနီၪ,နၥံၪစံၭလၧၩ့အ့ၬ. အဂဲးဘဲၫ ယီၩၦၡၩလဂၩဂၩ အလူဒၪဝ့ၫနီၪမိကဲၪထၪ့အဆၧအွံၪ ဆၧယိၭဆုၬဆုၬလီၫ. အဂဲးဘဲၫယီၩ နၥံၪမၩကဒံၩ ကဒၩယွၩလၧအမၧၫ့ဝ့ၫအလူ, ဆၧၥုၭမုခမျၧးအယဟိ
37 ဝၩပယွၩနီၪလီၫ.- နၥံၪမိဘၪစံၭမီၪ,ယဟိဝၩချဲၩ့ဆၧၫ့ နၧၩဘဲၫၥ့ၪလဲၪ.ဒဲ,ယဟိဝၩချဲၩ့ထၪ့ဆၧနီၪလမံၩ့လဲၪ.
38 အ့ၪမွဲနၥံၪအ့ၪစံၭ, ယဟိဝၩအဆၧအွံၪဆၧယိၭနီၪတၭ, မွဲမၬယဟိဝၩစံၭဘဲၫယီၩ, မွဲနၥံၪစံၭဆၧချဲၩ့ယီၩ, ယ ဟိဝၩအဆၧအွံၪဆၧယိၭနီၪတၭ, ယအၪ့မၧၫ့လၩ့ဆၧ လၧနၥံၪအအီၪတၭစံၭ, နၥံၪလစံၭဘၪ,ယဟိဝၩအ
39 ဆၧအွံၪဆၧယိၭနီၪတၭ,- မၩအၥၭဘဲၫနီၪတၭ,ယိခွါ, ယဝ့ၫဒၪယီၩ, ယၧၩဒၪလ့ၬမိၥၭနၪ့ခွံၬနၥံၪလူၬထူၬဆံၫ့ ဘၩ့တၭ,နၥံၪမွဲဂ့ၩ, ဒဲဒိၩ့လဖျိၪ့လၧယဖ့ၪလၫ့နၥံၪအ
40 ဖါလဖၪမွဲဂ့ၩ, ယမိခွံၬၡိၭခွံၬလၧယမ့ၬယၫလီၫ.- တၭ ယမိအီၪက့ၪဆၧဒုၪဒွ့ၪအဆိၩအကၠၪ, ဒဲဆၧမ့ၬမဲလၩ့ ဆိၩလၩ့ကၠၪလၧဆၧလၥၭနၪ့ဘၪဝ့ၫ လၧနၥံၪအလီၩ့ လီၫ.