22
1 ယဟိဝၩစံၭဘဲၫယီၩ, လ့ၩလၩ့လၧယုဒၫအစဎွၩ
2 အဂံၪ့တၭ, ချဲၩ့ဆၧလၧဆၧချဲၩ့ယီၩ,- တၭစံၭ, ယုဒၫ အစဎွၩလၧအဆၧၫ့နၩ့ လၧစဒၫဝံၭအလးဆီၩ့ဆီအဖၫ့ ခိၪလဂၩဧ့, နဝ့ၫဒၪဒဲနခ့ၫနၡၩ, ဒဲနၡၩခမျၧးလၧအလ့ၩ နုၬလၧတရၫ့ယီၩလဖၪ အဖၧၩ့ၥံၪဧ့, ခိၭနၪယဟိဝၩ
3 အလူအထၫဆံၭ.- ယဟိဝၩစံၭဘဲၫယီၩ, မၩဆၧစ့ၩ ရၫ့,ဒဲဆၧတီၩဆၧလီၩ့, ဒဲမၩဖီၩ့မၩဖျ့ၭၦလၧအဘၪ ဆၧအၪ့ဂူၬန့ဝ့ၫလၧ ၦမၩအၧၩ့ဆၧအစူၪဖၧၩ့ဆံၭ. တၭ ဆၧလတီၩဘၪမွဲဂ့ၩ,ဆၧမၩန့ဆီၪ့မွဲဂ့ၩ, မၩၦလခီၫ ဘၩ့မုးဖိၪ,ၦဖိၪဎွ့ၪ, ၦမုၪမဲၫနီၪမွဲဂ့ၩ, တၭလူၫလၩ့ဆၧ ၥွံၪလၧအဆၧဒဲၩဘၭလအီၪဘၪ လၧအလးထီးယီၩ
4 လဂ့ၩ.- အဂဲးဘဲၫယီၩနၥံၪအ့ၪမၩတၡါဆၧလမံၩ့ယီၩ တၭ,ထီးနီၪလဖၧၫ့စဎွၩလဖၪမိဆၧၫ့နၩ့ လၧစဒၫဝံၭအ လးဆီၩ့ဆီအဖၫ့ခိၪ, ထူၬလဲၪ့ကၥ့ၪ, ဒဲထူၬကၥ့ၪ,ဂဲၫ နုၬလၧဂံၪ့ယီၩအတရၫ့အဖၧၩ့, အဝ့ၫဒၪဒဲအခ့ၫအၡၩ ခမျၧးလီၫ.
5 အ့ၪမွဲနၥံၪအ့ၪလခိၭနၪဘၪဆၧချဲၩ့ယီၩ, ယဟိဝၩ စံၭဝ့ၫဒၪ, ယဆိၪလၩ့ယၥၭလၧယမ့ၬယၫဒၪယဝ့ၫလၧ
6 ဂံၪ့လဖျိၪ့ယီၩမိကဲၪထၪ့ဆၧအီၪယူဝ့ၫလီၫ.- အဂဲးဘဲၫ ယီၩယဟိဝၩစံၭယုဒၫအစဎွၩ အၡၩဂံၪ့ဖိၪဘဲၫယီၩ, နမွဲဂံလအၭလၧယဂး, လ့ၭဘနၧၫ့အဒၩ့ခိၪလီၫ. မွဲလါ နၫ့ယမိမၩနၧၩလၧမံၩ့လၬကျၩ, ဒိၩ့ၥံၪလၧၦလအီၪဘၪ
7 လၧအဖၧၩ့လီၫ.- တၭယမိတဲၩ့ဝဲၩၦမၩဂၭဂီၩ့ဆၧလ ဖၪ,လၧနဂး,လဂၩဒဲအစူၪဝဲၩ, လဂၩဒဲအစူၪဝဲၩတၭ, မိခူၬလၩ့နၥံၪ့ၡိၫအ့ရ့ၭ လၧအဂ့ၩထုၬလဖၪ, ဒဲဖျႃၭ
8 လၩ့ခွံၬအဝ့ၫၥံၪ လၧမ့ၪဖၧၩ့လီၫ.- တၭၦအၪဆၨၩမိ လ့ၩဖီၩ့ခွံၬဒိၩ့လဖျိၪ့ယီၩတၭ, မိစံၭလိၬအၥၭလဂၩ ဒဲလဂၩနီၪ, ယဟိဝၩမၩဒိၩ့ဖၭဒိၪလၧဆၧယီၩမွဲဘၪ
9 လဲၪ.- တၭၦမိစံၭဆၧၫ့ဆၧ, အဂဲးဘဲၫယီၩအဝ့ၫၥံၪစဲၪ့ ဒၪယဟိဝၩအယွၩအဆၧအုၩ့လၩ့တၭ, ဘိၪ့ထၪ့ဘၩ ထၪ့ယွၩဂူၫဂၩလဖၪ, ဒဲမၩအဝ့ၫၥံၪအဆၧလီၫ.
10 ထီးဂၪ့လၧၦၥံၫအကၠီၩ့လဂ့ၩ, ဂၪ့ဆၧယၧၩ့ဆၧလၧ အကၠီၩ့လဂ့ၩး အ့ၪမွဲဂၪ့နၭနၭလ့ၬလၧၦလၧအစဲၪ့ထၪ့ ခွံၬအကၠီၩ့ဆံၭ. အဂဲးဘဲၫယီၩမွဲအဂဲၫထဲၩ့ဘၪလၧၩ့
11 အ့ၬတၭ,ဒၪဘၪလၧၩ့အခးဒၪဝ့ၫအ့ၬး- အဂဲးဘဲၫယီၩ ယဟိဝၩစံၭဆၧဘၪဆဲၫ့လၧယုဒၫအစဎွၩစယိၫစဲအၫ အဖိၪခွၫစၡၫလၧၫ့ လၧအကဲၪထၪ့စဎွၩလၧအဖါစယိၫ စဲအၫအလး, လၧအစဲၪ့ထၪ့ခွံၬလၧအလးယီၩဂဲၫထဲၩ့
12 လၧၩ့ထီးယီၩအ့ၬ.- မွဲအမိၥံၫဝ့ၫထီးအလးလၧၦၡၩ အၪ့မၧၫ့ဎီးဝ့ၫ လၧအဖၧၩ့တၭ, ဒၪလၧၩ့ခးယီၩအ့ၬ.
13 ၦလၧအမၩဂံၪ့လၧဆၧလတီၩလလီၩ့ဘၪ, ဒဲအဒူၭ လၧထၭလခီၫလဖၪလၧဆၧစ့ၩရၫ့လတီၩဘၪ, လၧဆၧ အၪ့မၧၫ့ၦလၧအနဲၩ့ထံၭမၩအဆၧတၭ, ဖ့ၪလၫ့အလံၩ့ အလဲၫအ့ၬး ဒဲလဖ့ၪလၫ့ဘၪဆၧ လၧၦမၩဆၧလၧအ
14 ဂးနီၪ,- ၦလၧအစံၭယမိမၩဂံၪ့ဖၭဒိၪလၧယဂး,အီၪ လၧဒူၭဖၭလဲလဖၪတၭ, မၩတရၫ့လံၩဒဲမၩဒူၭၥံၪအ ခိၪလၧၥံၪ့ၡိၫအ့ရ့ၭတၭ, ဂုၪဝ့ၫလၧၥံၪထံၫဝီၩနီၪ, ဘၪ
15 အၡၪ့လီၫ.- မွဲနထိၪဎီၩ့နၥၭလၧၦဂူၫဂၩလၧၥံၪ့ၡိၫအ့ ရ့ၭအဆၧမၩတၭ, နမိကဲၪစဎွၩဆ့ဧၪ. နဖါအၪ့ဆၧ, ဒဲ အီၩဆၧ, ဒဲစ့ၩရၫ့ဆၧ, ဒဲမၩဆၧတီၩဆၧလီၩ့မွဲအ့ၬဧၪ.
16 မၩအၥၭဘဲၫနီၪတၭ,မွဲအန့ဘၪဆၧအဂ့ၩလီၫ.- အဝ့ၫ ဒၪစ့ၩရၫ့ၦၡၪ့ဖိၪယၬဖိၪ, ဒဲၦဘၪၡၪ့ဘၪနၭအခွးလီၫ. ထီးနီၪလဖၧၫ့မွဲအန့ဆၧဂ့ၩလီၫ. ဆၧနီၪမွဲဆၧၥ့ၪယၫ
17 ယၧၩမွဲအ့ၬဧၪ,ယဟိဝၩစံၭဝ့ၫဒၪ.- အ့ၪမွဲနမ့ၬၥၪဒဲနၥၭ အီၪန့ၫလၧနၥၭကွံၩဆၧအဂး, ဒဲလၧနမိလူၫလၩ့ဆၧၥွံၪ လၧအဆၧဒဲၩဘၭ လအီၪဘၪအဂး,ဒဲလၧနမၩအၧၩ့ ဆၧအဂး, ဒဲလၧနအၪ့ဂူၬန့ဆၧအဂးဘဲၫၥိၭနမိမၩဝ့ၫ
18 လီၫ.- မၩအၥၭဘဲၫနီၪတၭ,ယဟိဝၩစံၭဘဲၫယီၩ, လၧ ယုဒၫအစဎွၩစယိၫစဲအၫအဖိၪခွၫစယဟီအကံၫ့အဂဲး, ၦဂၪ့လၧအကၠီၩ့တၭ,စံၭ, အၩလါ, ယထၧၫ့ဖုဝဲခွၫ, အ့ၪလမွဲဘၪ, အၩလါ, ယထၧၫ့ဖုဝဲမုၪနီၪမွဲအ့ၬ.အဝ့ၫ ၥံၪလဂၪ့ဘၪလၧအကၠီၩ့တၭ,စံၭ, အၩလါ, ကဆါဧ့ၬ
19 အ့ၪလမွဲဘၪ,အၩလါ,အလၩအဖၩ့ဧ့ၬ- ၦၡၩမိခုၪ့လၩ့ ဘၧၩ့ခွံၬဝ့ၫ လၧကၥ့ၪယီၩ့ အဆၧခုၪ့လၩ့ဘၧၩ့ခွံၬနီၪမိ မီၩ့ဝ့ၫ,ဒဲခွံၬၡိၭခွံၬဝ့ၫ လၧယရုစလံၫ့အတရၫ့လၧခီၫ့ လီၫ.
20 လ့ၩထၪ့ဘၭလၧလ့ၭဘနၧၫ့နီၪ,ကိၭထၪ့တၭ, ထုၭ ထၪ့နလူလၧဘၫၡၫ့အဖၧၩ့တၭ, ကိၭထၪ့ဆၧလၧအၭ ဘရံၫ့အလီၩ့ဆံၭ. အဂဲးဘဲၫယီၩၦလၧအအဲၪနၧၩထီး အလူၬနီၪထီၩ့ယူၭလၧဆၧဂၭဂီၩ့ယူၭ.
21 ယချဲၩ့ဆၧလၧနၧၩ လၧနဘီၪထၪ့ယီၫထၪ့အဘိၩ့ဘၭ တၭ,နစံၭယခိၭနၪအ့ၬ. လၧနလခိၭနၪဘၪယလူနီၪ,
22 မွဲနထူၫနရူၫခီၫလၧနမုၪနၩ့ထၪ့လီၫ.- လံၩမိမၩလူၬခွံၬ နၡၩယိဆၧထီးအလူၬ, ဒဲၦလၧအအဲၪနၧၩမိလ့ၩကဲၪဎီး လီၫ. မွဲမၬ,နမ့ၬမိမဲတၭ,မိအီၪက့ၪမဲနမ့ၬလၧနဆၧဒဲၩ
23 ဘၭထီးအလူၬအကၠီၩ့လီၫ.- ၦအီၪဝ့ၫလၧလ့ၭဘနၧၫ့ အလီၩ့လၧအမၩအၥွံၫ လၧၥံၪ့ၡိၫအ့ရ့ၭ အခံၫလဂၩ ဧ့,ထီးဆၧဆၫဘၪနၧၩဘဲၫၦမုၪဘၪ ဆၧဂူၭဆၫအၥိၭ နီၪတၭ,နမိဘၪဆၧၡၪ့ဆၧနၭနီၪ, ဆၧနၭဆံၭဒိၪလဲၪၬ
24 ယမၧၫ့ယဝ့ၫယဟိဝၩစံၭဝ့ၫဒၪ, တၭယုဒၫအစဎွၩ ယဟီအကံၫ့အဖိၪခွၫစကိၫနဲအၫနီၪ မွဲအစူၪၥံၭအဆၧ မၩနဲၪ့လၧယစူၪထွ့ၪအလီၩ့လါနၫ့နီၪ, ယမိထုၭန့ခွံၬ
25 နၧၩလၧအလးထီးနီၪ,- တၭယမိဖ့ၪလၫ့နၧၩလၧၦလၧ အအၪ့ဎူၫအၪ့ဎၬနၥၭမၧၫ့အစူၪဖၧၩ့, ဒဲလၧၦလၧနၥၭ မဲၪဝ့ၫအစူၪဖၧၩ့, လၧဘၭဘလၧၫ့အစဎွၩန့ၭဘူၫခၭန့
26 ဇၫအစူၪဖၧၩ့ဒဲလၧၦခၫလဒံအၫဖိၪအစူၪဖၧၩ့လီၫ.- ယ မိနၫ့ထၪ့ခွံၬနၧၩ,ဒဲနမိလၧအဆီၫ့အီၪန့နၧၩလၧခးအဂူၫ လဘံၪ့ထီးနၥံၪလအီၪဖျဲၪဘၪ လၧအဖၧၩ့တၭ, နၥံၪ
27 မိၥံၫထီးနီၪလီၫ.- အ့ၪမွဲခးလၧအဝ့ၫၥံၪ ဆိၫ့ဂဲၫထဲၩ့
28 ထီးအလးနီၪတၭ, အဝ့ၫၥံၪမိဂဲၫထဲၩ့ဘၪအ့ၬ.- စကိၫ နဲအၫလဂၩယီၩ မွဲဖၧၩ့လၧအထ့ဖၭလၧၦလယူၭယၪ့ ဘၪဝ့ၫဧၪ, မွဲဆၧအဎၧၩ့အဎီ လၧအလဘၪဘၪဆၧအ ၥၭဧၪ,ဘၪဆၧနၫ့ထၪ့ခွံၬဝ့ၫ, အဝ့ၫဒၪ, ဒဲအချံၫအၥၪ တၭ,လၩ့ဘၪလၧခးလၧအလၥ့ၪယၫဘၪဝ့ၫ အဖၧၩ့နီၪ မွဲဘၪလဲၪ.
29 ထံၫၥံၪခးၥံၪဧ့ၬထံၫၥံၪခးၥံၪဧ့ၬထံၫၥံၪခးၥံၪဧ့ၬ ခိၭ
30 နၪယဟိဝၩအလူအထၫဆံၭ.- ယဟိဝၩစံၭဘဲၫယီၩ, ကွ့ၭန့လၧစဎွၩလဂၩယီၩ, မွဲၦထူၬဖိၪ, ၦလၧအလဘီၪ ထၪ့ယီၫထၪ့ဘၪ လဆိၩဒၪအၥၭနီၪဆံၭ. အဂဲးဘဲၫ ယီၩၦလၧအချံၫအၥၪအကျၩနီၪ ဘီၪထၪ့ယီၫထၪ့နး ဂၩအ့ၬး တၭဆၧၫ့နၩ့လၧစဒၫဝံၭ အလးဆီၩ့ဆီအဖၫ့ ခိၪအ့ၬဒဲပၧၩ့လၧၩ့ဆၧလၧယုဒၫအဖၧၩ့နးဂၩဆ့အ့ၬ.