1 လၧဘၭဘလၧၫ့အစဎွၩန့ၭဘူၫခၭန့ဇၫ ဆိၬထၪ့ခွံၬ ယုဒၫအစဎွၩယ့ၭခနဲအၫ စယဟီအကံၫ့အဖိၪခွၫလဂၩ နီၪ,ဒဲယုဒၫအၦဒိၪဖၭဒိၪ, ဒဲၦလဲၬၥမါဖိၪ, ဒဲၦထမၬ ဖိၪလၧယရုစလံၫ့တၭ, ဆိၬအၪ့မၧၫ့ဎီးဝ့ၫလၧဘၭဘ လၧၫ့အလးခဲၫ့နီၪ, ယဟိဝၩဒုၭနဲၪယၧၩတၭ, ယိခွါ, ဒၩ့နံၫဖျိၪ့အီၪလၧချိၪ့ဒိၩ့ၥၪနီၪ ဘၪဆၧအီၪက့ၪဝ့ၫလၧ 2 ယဟိဝၩအဆၧလုအဂံၪ့အမ့ၬယၫလီၫ.- ဒၩ့လဖျိၪ့အီၪ ဝ့ၫလၧချိၪ့ဒိၩ့အၥၪဂ့ၩမၬ, ဘဲၫချိၪ့ဒိၩ့ၥၪလၧအမံၫ့ဆိၫ ဝ့ၫအၥိၭနီၪလီၫ. တၭဒၩ့လဖျိၪ့ဒၪနီၪ အီၪလၧချိၪ့ဒိၩ့ ၥၪအၧၩ့နၭမၬတၭ, လၧအအၧၩ့ဝ့ၫအကၠီၩ့နီၪ ၦၡၩ 3 အၪ့နၧၩ့အ့ၬ.- တၭယဟိဝၩစံၭယၧၩ, စယ့ၫရမဲအၫ ဧ့,နဒၪဘၪဆၧနီၪလဲၪ. တၭယစံၭချိၪ့ဒိၩ့ၥၪလီၫ. ချိၪ့ ဒိၩ့ၥၪအဂ့ၩနီၪ ဂ့ၩဒိၪမၬတၭ, ချိၪ့ဒိၩ့ၥၪအအၧၩ့နီၪ အၧၩ့ဒိၪမၬ,လၧအအၧၩ့အကၠီၩ့နီၪ, ၦအၪ့ဝ့ၫလကဲၪ ဘၪလီၫ.

4 တၭယဟိဝၩအလူလၩ့ဘၪယၧၩတၭ, စံၭဝ့ၫဒၪ. 5 ယဟိဝၩအံၫစရ့လၭအယွၩစံၭဘဲၫယီၩ, ဘဲၫချိၪ့ဒိၩ့ ၥၪအဂ့ၩယီၩအၥိၭနီၪ, ယမိအီၪက့ၪၦလၧအဘၪဆၧ ဆိၬအၪ့မၧၫ့ဎီးဝ့ၫလၧယုဒၫအကျၩ, လၧယနၫ့ထၪ့ခွံၬ လၧအလးယီၩဒုၭလ့ၩဖိး လၧၦခၫလဒံအၫဖိၪ အခး 6 ဖၧၩ့လၧအဆၧဂ့ၩအဂးလီၫ.- တၭယမိအီၪက့ၪယမ့ၬ ၥၪလၧအလီၩ့လၧဆၧဂ့ၩအဂးတၭ, ယမိဒုၭဂဲၫထဲၩ့ အဝ့ၫၥံၪလၧခးလဘံၪ့ယီၩ အဖၧၩ့တၭ, ယမိမၩထၪ့ မၩထီၫအဝ့ၫၥံၪတၭ, ယလမၩလၩ့ဎီးဘၪဝ့ၫတၭ, ယ 7 မိၥုၪ့လၩ့အဝ့ၫၥံၪတၭ, ယထ့ၭထၪ့ခွံၬဝ့ၫအ့ၬ.- တၭ ယမိဖ့ၪလၫ့ အဝ့ၫၥံၪအၥၭလၧအမိၥ့ၪယၫယၧၩ, လၧ ယမွဲယဟိဝၩလီၫ. တၭအဝ့ၫၥံၪမိကဲၪထၪ့ယၡၩခမျၧး တၭ, ယဝ့ၫဒၪယီၩ ယမိကဲၪထၪ့အဝ့ၫၥံၪအယွၩလီၫ. အဂဲးဘဲၫယီၩ အဝ့ၫၥံၪမိဂဲၫထဲၩ့ထဲၩ့ လၧယအီၪလၧ 8 အၥၭထၧၫ့ဖျိၪ့ယၫလီၫ.- အ့ၪမွဲချိၪ့ဒိၩ့ၥၪအအၧၩ့, လၧ အအၧၩ့, ထီးၦအၪ့ဝ့ၫလကဲၪဘၪလၧအအၧၩ့အကၠီၩ့ နီၪ,မွဲမၬယဟိဝၩစံၭဘဲၫယီၩ, ယမိဖ့ၪလၫ့ခွံၬယုဒၫ အစဎွၩဇ့ၭဒကဲအၫ, ဒဲအၦဒိၪဖၭဒိၪလဖၪ, ဒဲၦယရု စလံၫ့ဖိၪအဆၧအီၪလၩ့ထး လၧအအီၪလၩ့ထးဝ့ၫလၧ ခးယီၩအဖၧၩ့, ဒဲၦလၧအအီၪဝ့ၫလၧခးအံဇံၭအဖၧၩ့ 9 နီၪး- ယမိဖ့ၪလၫ့ခွံၬအဝ့ၫၥံၪလၧဆၧမၩခိမၩဝီၩ, ဒဲ လၧဆၧၡၪ့ဆၧနၭ လၧဂၪ့ခိၪအဘၩ့အမုး ထီးအလူၬ အဖၧၩ့, ဘဲၫၥိၭအမိကဲၪထၪ့ဆၧဒုၪဒွ့ၪအလး ဒဲဆၧ ချဲၩ့ဒီၩ့အလး, ဒဲဆၧမၩကြၩ့ထမးအလး, ဒဲဆၧဆိၪ အၧၩ့အလး, လၧကယဲဆၧအလးဖၧၩ့ထီးယမိနၫ့ထၪ့ 10 ခွံၬအဝ့ၫၥံၪလီၫ.- တၭယမိအၪ့မၧၫ့လၩ့နၭၥံၪဖၩ့ၥံၪ, ဒဲဆၧၥၭဝံလၩ့ဒိၩ, ဒဲဆၧၥံၫချဲၫ့လၧအကျၩထီးအဝ့ၫၥံၪ မိလူၬခွံၬဝ့ၫလၧခးလဘံၪ့အဖၧၩ့, လၧယဖ့ၪလၫ့လၧ အဝ့ၫၥံၪအဖါလဖၪနီၪလီၫ.