15
1 မၩဒီၭလဖၧၫ့ယဟိဝၩစံၭယၧၩ, စမိစ့ၭ,ဒဲစစၫမုၫ အ့လၭအ့ၪဆၧၫ့ထုၪ့လၧယမ့ၬယၫလါနၫ့တၭ, ယကၠၪ စိၩယၥၭ လၧယၡၩခမျၧးအအီၪအ့ၬ. နၫ့ထၪ့ခွံၬအ ဝ့ၫၥံၪလၧယမ့ၬယၫတၭ, ဒုၭစဲၪ့ထၪ့ခွံၬအဝ့ၫၥံၪဆံၭ.
2 တၭဆၧမိမၩအၥၭထီးၦၡၩအ့ၪစံၭနၧၩ, မွဲပမိစဲၪ့ထၪ့ ခီၫခီၫလဲၪနီၪတၭး ထီးနီၪလဖၧၫ့ နမိဘၪစံၭအဝ့ၫၥံၪ, ယဟိဝၩစံၭဘဲၫယီၩ, ၦလၧအအီၪဝ့ၫလၧဆၧၥံၫအဂး နီၪ,လၧဆၧၥံၫအအီၪး ဒဲၦလၧအအီၪဝ့ၫလၧနၭအဂး နီၪ,လၧနၭအအီၪး ဒဲၦလၧအအီၪဝ့ၫလၧဆၧၥၭဝံလၩ့ ဒိၩအဂးနီၪ, လၧဆၧၥၭဝံလၩ့ဒိၩအအီၪး ဒဲၦလၧအ အီၪလၧဆၧအၪ့မၧၫ့ဎီးအဂးနီၪ, လၧဆၧအၪ့မၧၫ့ဎီး အအီၪနီၪလီၫ.
3 တၭယဟိဝၩစံၭဝ့ၫဒၪ, ယမိအီၪက့ၪလၩ့ဆၧလၧအ ဖၫ့ခိၪနးလံမံၩ့, နၭလမံၩ့ဘဲၫၥိၭအမိမၩၥံၫဆၧ, ဒဲထွံၪ ၥံၪလမံၩ့,ဘဲၫၥိၭအမိအဲၪ့ၡၫ့ဆၧ, ဒဲထိၪလၧဆၧဖိၭဖၫ့ လမံၩ့,ဒဲဆၧဖိၪဆၧဎါလၧမံၩ့လၬကျၩလမံၩ့, ဘဲၫၥိၭ
4 အမိအၪ့ဆၧဒဲမၩဂၭဂီၩ့ဆၧလီၫ.- တၭယမိမၩလၩ့ ပြံၩလၩ့ပၩဝ့ၫ ဖိးလၧဂၪ့ခိၪအဘၩ့မုး ထီးအလူၬအ ဖၧၩ့,လၧယုဒၫအစဎွၩဟ့ၭဇကဲအၫအဖိၪခွၫ, စမနၭ စ့ၫအကၠီၩ့,လၧဆၧလၧအမၩဝ့ၫ လၧယရုစလံၫ့အဖၧၩ့ အကၠီၩ့လီၫ.
5 အဂဲးဘဲၫယီၩ မွဲပလၫမိယၫ့ၥၭနၧၩလဂၩလဲၪ.ယ ရုစလံၫ့ဧ့,မွဲပလၫမိမၩမုၬထၪ့နၧၩလဂၩလဲၪး မွဲပလၫ မိကၠၪအၥၭတၭ, အၪ့စၪ့နအီၪမုၬဆ့ဧၪနီၪ,လဂၩလဲၪ.
6 ယဟိဝၩစံၭဝ့ၫဒၪ, နစဲၪ့ဒၪယူၭယၧၩယူၭ. နဂုၩ့ထဲၩ့ နလးခဲၫ့လီၫ. မၩအၥၭဘဲၫနီၪတၭ,ယမိယၩ့ထၪ့ယစူၪ လၧနလီၩ့, ဒဲမၩဂၭဂီၩ့နၧၩလီၫ. ဆၧနီၫ့ယါလၩ့ထဲၩ့
7 နီၪမၩပွံၭယၥၭလီၫ.- ယမိဎၬအဝ့ၫၥံၪလၧချဲၩလၧခး အတရၫ့ဖၧၩ့, ယမိမၩန့ခွံၬအဖိၪလဖၪ, ယမိမၩဂၭဂီၩ့ ယၡၩခမျၧးလီၫ. အဂဲးဘဲၫယီၩအဝ့ၫၥံၪထဲၩ့ခွံၬလၧ
8 အဖၧၩ့ၥၭဒၪဝ့ၫအ့ၬ.- အဝ့ၫၥံၪအမုၪမဲၫလဖၪမိအၪနဲၪ့ ဒံၭမၫဆမံၭနဲၩ့အမ့ၭဒံၭလီၫ. ယမိဒုၭဂဲၫထၪ့ထၫ့ဒုၪ ဒၩၦဖိၪၥၪခွၫၥံၪအမိနီၪ, လၧၦအၪ့ဂူၬန့ဆၧလၧမုထုၪ့, ဒဲယဒုၭလၩ့ဘၪအဝ့ၫၥံၪ လၧဆၧၥၭမဲၪဝၭထိၬလၧဒိၩ့
9 နီၪချဲၫ့မၬလီၫ.- ၦလၧအအီၪဖျဲၪန့နွ့ၫဂၩနီၪ လၩ့ဘဲၩ ဝ့ၫ,အၥၭစဲၪ့ထၪ့ခွံၬ, အမုလၩ့နုၬ လၧမုဆၫလခီၫ, အမ့ၬမဲတၭ, အီၪမဲအမ့ၬတၭ,ၦအီၪလၩ့ထ့ၬလၧအ ကျၩနီၪယမိဖ့ၪလၫ့ခွံၬဝ့ၫလၧနၭအဂး လၧအဒုၪအဒၩ အမ့ၬယၫလီၫ. ယဟိဝၩစံၭဝ့ၫဒၪ.
10 ယဘၪဆၧအၡၪ့လီၫး ယမိဧ့, နဆီၫ့အီၪန့ယၧၩ, ဘဲၫၥိၭယမိကဲၪထၪ့ၦအဲၪ့လိၬဆိၭချဲၩ့လိၬဆၧ, ဒဲၦလၧ အဂဲးလိၬတ့ၭလိၬလၧအၡၩခးဖိၪထီးအလူၬလီၫ. ယ အၪ့လီးစ့ၩလၧမျၭအဂးအ့ၬ ဒဲယဒုၭအၪ့လီးစ့ၩလၧ အမျၭအဂးလၧၦၡၩနီၪဆ့အ့ၬ. မွဲလါနၫ့ၦထီးအလူၬ
11 နီၪဆိၪအၧၩ့ယၧၩကိၭဂၩဒ့ၭလီၫ.- တၭယဟိဝၩစံၭ ယၧၩ,မွဲတီၩယမိမၩဖီၩ့မၩဖျ့ၭနၧၩ လၧဆၧဂ့ၩအဂး လီၫ.လၧဆၧအၧၩ့အထီဒဲဆၧခိအထီနီၪ ယမိဒုၭမၩ
12 ဆၧၩ့နၧၩလၧဆၧအဒုၪအဒၩလီၫ.- ၦမၩခါထၭဒဲထီး
13 ဘၪဆဲၫ့ လၧမုဖၩနီၪဘၪမိၥ့ၪဧၪ.- နစူၪလးခၪ့ခိၪဒဲန ဆၧအီၪက့ၪကီၪ့လဖၪနီၪ ယမိဖ့ၪလၫ့ဝ့ၫလၧဆၧအၪ့ဂူၬ န့လီၫ. လၧဆၧအဎွ့ၩအကၠီၩ့မွဲအ့ၬး မွဲလၧနဆၧဒဲၩ ဘၭထီးအလူၬအကၠီၩ့ လၧနခးအနဲၩ့ထံၭထီးအလူၬ
14 အဖၧၩ့လီၫ.- တၭယမိဒုၭမၩနၧၩလၧနဒုၪနဒၩအဆၧ လၧခးလဘံၪ့အဖၧၩ့လၧနလၥ့ၪယၫဘၪလီၫ. အဂဲးဘဲၫ ယီၩ ယၥၭထၪ့ဆူၭခဲၩထၪ့မ့ၪတၭ, မိအၪ့ဆၧထၫ့ဒုၪ ဒၩနၥံၪလီၫ.
15 ယဟိဝၩဧ့,နၥ့ၪယၫဆၧဘၪဆဲၫ့လၧယၧၩလီၫ. နၪ့ ထၪ့ထဲၩ့ယၧၩတၭ,စ့ၩရၫ့တီၩန့ယၧၩ ဒဲမၩဆၧၫ့ဆၧ အၧၩ့လၧၦလၧအမၩအၧၩ့ယၧၩဆံၭ. မွဲနအွံၪၥၭဆၧၩ့ ဆၧတၭ,ဆိၬထၪ့ခွံၬယၧၩလဂ့ၩ, ၥ့ၪယၫလၧယဘၪ
16 ဆၧဒုၪဒွ့ၪလၧနကၠီၩ့ဆံၭ.- ယဒၪန့နဆၧချဲၩ့ၥံၪတၭ, ယအၪ့ခွံၬဝ့ၫလီၫ. နလူမွဲယဆၧၥုၪ့ထိၬၥၭထိၬ, ဒဲယ ဆၧၥုၪ့ဎွံၫၥၭယီၫအလးလီၫ. အဂဲးဘဲၫယီၩယဟိဝၩ ဆၧၥုၭမုခမျၧးအယွၩဧ့, ဆၧကိၭယၧၩလၧနမံၩ့လီၫ.
17 ယၥၭထိၬဒဲဆၧၫ့နၩ့ လၧၦဒုၪဒွ့ၪအဆၧအီၪကီၪ့အဖၧၩ့ နီၪမွဲအ့ၬ. ယဆၧၫ့နၩ့လဂၩဎး လၧနစူၪအကၠီၩ့လီၫ.
18 အဂဲးဘဲၫယီၩနမၩဎွ့ၩယၥၭ ဒဲဆၧခိဆၧဝီၩလီၫ.- ယ ဆၧဆိၭက့ၭအီၪဝ့ၫလထံၪဎးလဘီၩ့ဎးတၭ, ယဖၧၩ့ လးလၧအလအုၩ့လၩ့ဘၪ လၧဆၧမၩဘျၪထဲၩ့ဝ့ၫနီၪ, ဘျၪထဲၩ့ၥ့ၪအ့ၬးမွဲဘၪလဲၪ. နမိကဲၪထၪ့လၧယဂးဘဲၫ ၦအၪ့လီၫဆၧအၥိၭ, ဘဲၫထံၫလၧအလၩ့ၥံၭဝ့ၫအၥိၭ နီၪဆ့ဧၪ.
19 မၩအၥၭဘဲၫနီၪတၭ,ယဟိဝၩစံၭဘဲၫယီၩ, နအ့ၪ ထဲၩ့ထဲၩ့တၭ,ယမိဒုၭဂဲၫထဲၩ့နၧၩတၭ, နမိဆၧၫ့ထုၪ့ လၧယမ့ၬယၫလီၫ. နအ့ၪအၪ့နၩ့ဖၭမၩန့ဆၧလူဒိၪဎွ့ၩ ဒိၪလၧဆၧအၧၩ့ အကျၩတၭ, နမိမၩနၥၭဘဲၫယနိၭ အၥိၭနီၪလီၫ. အဝ့ၫၥံၪမိထဲၩ့ထဲၩ့လၧနအီၪလီၫ. အ့ၪ မွဲနဝ့ၫဒၪယီၩ ထီးထဲၩ့ထဲၩ့လၧအဝ့ၫၥံၪအအီၪလဂ့ၩ.
20 တၭယမိအီၪက့ၪနၧၩ လၧဆၧအဒီၪ့ထီးဘၩ့နီၪလၧၦ ခမျၧးယီၩအဂးတၭ, ထီးအဝ့ၫၥံၪမိဒုၭဆၧလၧနၧၩနီၪ လါနၫ့မၩနၧၩ့ဘၪနၧၩအ့ၬ. အဂဲးဘဲၫယီၩယအီၪလၧ နၥိၭဘဲၫၥိၭယမိထိးထဲၩ့တၩ့ထဲၩ့နၧၩ, ဒဲမၩဖီၩ့မၩဖျ့ၭ
21 နၧၩ,ယဟိဝၩစံၭဝ့ၫဒၪ,- ယမိမၩဖီၩ့မၩဖျ့ၭနၧၩလၧ ၦလတီၩဘၪအစူၪဖၧၩ့တၭ, ယမိဎွ့ၩန့ထဲၩ့နၧၩလၧ ၦလၧအၥၭမဲၪဆၧအလးအစူၪဖၧၩ့လီၫ.