16
1-2 နဝ့ၫ ဒၪယီၩထီးန့မၫလဂ့ၩတၭ, ဖိၪခွၫမွဲဂ့ၩ, ဖိၪမုၪမွဲဂ့ၩ,
3 ထၪ့ဖိၪလၧဆၧအလးထီးယီၩလဂ့ၩ.- အဂဲးဘဲၫယီၩ ယဟိဝၩစံၭလၧၦအဖိၪခွၫ, ဒဲၦအဖိၪမုၪ,လၧအအီၪဖျဲၪ လၧဆၧအလးထီးယီၩအဂဲး, ဒဲအမိလၧအဆီၫ့အီၪန့ ဝ့ၫအဂဲး, ဒဲအဖါလၧအထၪ့ဖိၪဝ့ၫလၧခးယီၩအဂဲးဘဲၫ
4 ယီၩ,- မိၥံၫဝ့ၫလၧဆၧၥံၫလမုၬဘၪ,ၦဂၪ့ဝ့ၫလၧအကၠီၩ့ အ့ၬ.တၭၦခုၪ့လၩ့ဘၧၩ့ခွံၬဝ့ၫအ့ၬ, မိမၩအၥၭဘဲၫ ဆၧအ့ၪလၧဂၪ့ခိၪအၥိၭနီၪတၭ, မိလူၬခွံၬဝ့ၫလၧနၭဒဲ ဆၧၥၭဝံလၩ့ဒိၩတၭ, အစွၪလဖၪမိကဲၪထၪ့ဆၧအၪ့လၧ ဆၧဖိၭဖၫ့ အထိၪလဖၪအဂး, ဒဲလၧဂၪ့ခိၪအဆၧဖိၪ
5 ဆၧဎါအဂးလီၫ.- အဂဲးဘဲၫယီၩယဟိဝၩစံၭဘဲၫယီၩ, လ့ၩနုၬလၧၦဂၪ့ဆၧအဂံၪ့ဖၧၩ့လဂ့ၩတၭ, လ့ၩဂၪ့ဆၧ လၧၦၡၩအကၠီၩ့လဂ့ၩ, မၩမုၬထၪ့ထဲၩ့ဝ့ၫလဂ့ၩ,အဂဲး ဘဲၫယီၩယဟိဝၩစံၭဝ့ၫဒၪ, ယဆၧမုၬဆၧလၩ,ဒဲယဆၧ အဲၪအခိးအတၩ, ဒဲယၥၭအီၪဆၧနီၪယမၩန့ထၪ့ထဲၩ့
6 လၧၦၡၩခမျၧးယီၩလီၫ.- အဒိၪမွဲဂ့ၩ, အဆံၭမွဲဂ့ၩ, မိၥံၫဝ့ၫလၧခးလဘံၪ့ယီၩအဖၧၩ့တၭ, ၦခုၪ့လၩ့ဘၧၩ့ ခွံၬအဝ့ၫၥံၪအ့ၬး တၭၦဂၪ့ဝ့ၫလၧအကၠီၩ့နီၪဆ့အ့ၬ. ၦ ဂ့ၬလၩ့အၥၭလၧအကၠီၩ့အ့ၬး ၦလိၩ့အခိၪလၧအကၠီၩ့
7 နီၪဆ့အ့ၬ.- ၦကံၪ့ဘျ့ၭကိၪ လၧအကၠီၩ့လၧအၥၭအုၭ အဘိၩ့ဘၭ,ဘဲၫၥိၭအမိမၩမုၬထၪ့ထဲၩ့ဝ့ၫ လၧၦၥံၫအ ကၠီၩ့အ့ၬ. လၧအဖါအကၠီၩ့မွဲဂ့ၩ, လၧအမိအကၠီၩ့မွဲ ဂ့ၩ,ၦဖ့ၪအီၩဝ့ၫလၧထွ့ၫမၩမုၬဆၧအ့ၬ.
8 တၭနလ့ၩဘၪလၧဆၧအၪ့ဆၧအီၩအဂံၪ့ဖၧၩ့ဘဲၫၥိၭ
9 နမိဆၧၫ့နၩ့အၪ့ဆၧဒဲအီၩဆၧဆ့အ့ၬ.- အဂဲးဘဲၫယီၩ ဆၧၥုၭမုခမျၧးအယဟိဝၩ အံၫစရ့လၭ အယွၩစံၭဝ့ၫ ဒၪ,ယိခွါ,လၧနၥံၪအမ့ၬယၫ, လၧနၥံၪအနံၩအၥၫ့နီၪ, ယမိဒုၭအီၪလၩ့မါပံၭ ဆၧၥုၪ့ဎွံၫၥၭယီၫအၥီၫ, ဒဲဆၧ ၥုၪ့ထိၬၥၭထိၬအၥီၫ, ဒဲအတလၭမူၭခွၫအၥီၫ, ဒဲအတ လၭမူၭမုၪအၥီၫထီးယီၩလီၫ.
10 ဆၧမိမၩအၥၭ ထီးနလီၩဘၪဆၧချဲၩ့ထီးအလူၬလ ဖၪယီၩလၧၦၡၩခမျၧးနီၪတၭ, အဝ့ၫၥံၪမိစံၭနၧၩ, ယ ဟိဝၩစံၭ ဆၧအၧၩ့ဖၭဒိၪယီၩ ထၫ့ဒုၪဒၩပၧၩမွဲဘၪ လဲၪးတၭပဆၧဒဲၩဘၭမွဲနီၫလဲၪး တၭပဆၧမၪလၧပမၩ
11 မၪယဟိဝၩပယွၩမွဲနီၫလဲၪနီၪတၭ,- ထီးနီၪလဖၧၫ့နမိ ဘၪစံၭအဝ့ၫၥံၪ, အဂဲးဘဲၫယီၩနၥံၪစဲၪ့ဒၪယၧၩ, ယဟိ ဝၩစံၭဝ့ၫဒၪ, ဒဲဖိၬယွၩအဂူၫဂၩလဖၪအခဲၫ့, မၩအဆၧ, ဘိၪ့ထၪ့ဘၩထၪ့ဝ့ၫ, ဒဲစဲၪ့ဒၪယၧၩတၭ, ထီးန့ယဆၧ
12 ၥီၪ့ဆၧၥၫ့အ့ၬ.- နၥံၪမၩယူၭဆၧအၧၩ့နဲၪ့ နၥံၪအဖါ လဖၪဒံၭလီၫ. အဂဲးဘဲၫယီၩနၥံၪလ့ၩဖိၬလဂၩအၥၭ အၧၩ့အဆၧဆီၫ့မီၪ့အခဲၫ့, လဂၩဘၪလဂၩကိၭဂၩဒ့ၭ
13 ဆုၬဆုၬတၭ, နၥံၪခိၭနၪယလူအ့ၬ.- မၩအၥၭဘဲၫနီၪ တၭ,ယမိနၫ့ထၪ့ခွံၬ နၥံၪလၧခးလဘံၪ့ယီၩအဖၧၩ့,ထီၩ့ လၧခးလဘံၪ့ဒၪအဖၧၩ့,လၧနၥံၪမွဲဂ့ၩ, နၥံၪအဖါလဖၪ မွဲဂ့ၩ, လၥ့ၪယၫဘၪဝ့ၫတၭ, နၥံၪမိမၩယွၩ အဂူၫဂၩ လဖၪအဆၧ လၧမုနၩနၩမုဆၫဆၫထီးနီၪလီၫ. အဂဲး ဘဲၫယီၩယယၫ့ၥၭနၥံၪအ့ၬ.
14 မွဲလါနၫ့တၭ,ယဟိဝၩစံၭဝ့ၫဒၪ, ယိခွါ,မုနံၩလဖၪ မိဂဲၫလၧၦလစံၭလၧၩ့ဘၪ, ယဟိဝၩမၧၫ့ဝ့ၫလၧအဒုၭ စဲၪ့ထၪ့ခွံၬအံၫစရ့လၭဖိၪလၧခးအံဇံၭအဖၧၩ့နီၪတၭ,
15 အ့ၪမွဲ,ဆၧမိစံၭ, ယဟိဝၩမၧၫ့ဝ့ၫ လၧအဒုၭဂဲၫထဲၩ့ ထဲၩ့ဝ့ၫၦအံၫစရ့လၭဖိၪလၧခးမုဖၩလခီၫ, ဒဲလၧကယဲ ခးလၧအဒုၭစဲၪ့ထၪ့ခွံၬဝ့ၫထီၩ့လၧအဖၧၩ့နီၪလီၫ. အ ဂဲးဘဲၫယီၩယမိဒုၭဂဲၫထဲၩ့ဝ့ၫလၧအခးဒၪဝ့ၫလၧယဖ့ၪ လၫ့အဖါဒၪဝ့ၫအဖၧၩ့လီၫ.
16 ယိခွါ,ယဟိဝၩစံၭဝ့ၫဒၪ, ယမိအၪ့မၧၫ့လၩ့ ၦမၩယၪဖိၪ အၪဂၩတၭ, အဝ့ၫၥံၪမိမၩန့ၦလဖၪနီၪ တၭ,လၧအလးခဲၫ့နီၪ ယမိအၪ့မၧၫ့လၩ့ ၦလီၩ့ခၭ ဆၧဖိၪဆၧဎါလဖၪ လၧအမိလီၩ့ခၭအဝ့ၫၥံၪ လၧ ခိၪလီၩ့ထိၩ့ချိၬ, ဒဲလၧကယဲလၧစီၩ့ခိၪ,ဒဲလၧလိး
17 အိၩဖၧၩ့လီၫ.- အဂဲးဘဲၫယီၩယမ့ၬၥၪအီၪဝ့ၫလၧအဝ့ၫ ၥံၪအဖၧၩ့ၥၭလီၩ့လီၫ. အဝ့ၫၥံၪအီၪကဒုၩခွံၬလၧယမ့ၬ အ့ၬ.တၭအဆၧဒဲၩဘၭအီၪၥူၪ လၧယမ့ၬယၫဆ့အ့ၬ.
18 တၭလၧအခၪ့ထံၭနီၪ ယမိမၩဆၧၫ့အဆၧဒဲၩဘၭဒဲအ ဆၧမၪနံၫစၩလီၫ. အဂဲးဘဲၫယီၩ အဝ့ၫၥံၪမၩဘၪၥၭ လိၪယခးလၧဆၧအစွၪလဖၪလၧဆၧလုထၪ့ဆၧဂၩ့ ဆၧဖၪ့, ဒဲမၩဎွ့ၩယဆၧန့ၥၫလၧဆၧၥၭဂဲၫ့အလးလဖၪ လီၫ.
19 ယဂဲးယဘၭ, ယထိၬယထၬ,ယအီၪကဒုၩအလး လၧဆၧမၩခိမၩဝီၩအမုနံၩ, ယဟိဝၩဧ့းၦဆၨၩလဖၪ မိဂဲၫလၧနအီၪလၧဂၪ့ခိၪအထုၬလဖၪတၭ,မိစံၭ,မွဲမၬ, ပဖါလဖၪန့ၥၫ ဆၧအဘျံၭအဘျၪ, ဆၧပျီၩပျီၩဒဲဆၧ
20 လၧအလန့ကဲၩ့န့ကၩဘၪလီၫ.- ၦၡၩမိတဲၩ့အယွၩလ
21 ဖၪလၧအဂးဒၪဝ့ၫ,ဒဲလမွဲဘၪအယွၩၥံၪဆ့ဧၪ.- မၩအ ၥၭဘဲၫနီၪတၭ,ယိခွါ, အယီၩလဖၧၫ့ ယမိဒုၭၥ့ၪယၫ အဝ့ၫၥံၪလၧယစူၪ, ဒဲယစီၩ့ယမၩ့း တၭအဝ့ၫၥံၪမိၥ့ၪ ယၫလၧယမံၩ့မွဲယဟိဝၩလီၫ.