14
1 ယဟိဝၩအလူလၧအလၩ့ဘၪ စယ့ၫရမဲအၫလၧ ထံၫလအီၪဘၪအဂဲးအကၠီၪ့လီၫ.
2 ယုဒၫၥုၪ့အုၭၥၭအုၭ, ဒဲအတရၫ့လဖၪလၩ့ဘဲၩဝ့ၫ, ၡီၫ့လၩ့အခိၪထီၩ့လၩ့လၧဂၪ့ခိၪလီၩ့တၭ, ယရုစလံၫ့
3 အကိၭၡၭထၪ့နီၪလ့ၩထၪ့ဝ့ၫလီၫ.- တၭၦအီၪလၧအ လၩအဖၩ့လဖၪအၪ့မၧၫ့လၩ့ အခ့ၫအၡၩလဖၪလၧထံၫ အလးလီၫ. အဝ့ၫၥံၪဂဲၫလၧထံၫဖၧၩ့တၭ, ထံၫအီၪအ့ၬ. ဂဲၫထဲၩ့ထဲၩ့တၭ, အထံၫဆဲၩအီၪပျီၩလီၫ. အမ့ၬမဲတၭ,
4 အီၪက့ၪမဲအမ့ၬတၭ,ချႃၬဘံၭအခိၪလီၫ.- အဂဲးဘဲၫ ယီၩဂၪ့ခိၪထ့ဖၭလီၫ. မွဲဆၧလဂဲၫဆၧၩ့ဘၪလၧဂၪ့ခိၪ ချိၫ့အဂဲးလီၫ. ၦမၩကၩလၧဂၪ့ခိၪလဖၪအမ့ၬမဲတၭ,
5 ချႃၬဘံၭအခိၪလီၫ.- ထီးခံၫဘၩ့မိဖိၪဆါလၧဆၧပျၩ့ ဖၧၩ့တၭ,စဲၪ့ဒၪဝ့ၫ လၧနၪ့ၥံၪမံၩ့ၥံၪ လအီၪဘၪအကၠီၩ့
6 လီၫ.- တၭကၥ့ၪယီၩ့မံၩ့ဆၧၫ့ထုၪ့ဝ့ၫလၧဆၧစီၩ့ခိၪအ လီၩ့,ၥွံၭထၪ့လံၩ ဘဲၫထွံၪဂၪ့ခိၪအၥိၭနီၪ, အမ့ၬၥၪၥံၪ လူၬခွံၬဝ့ၫလၧနၪ့ၥံၪမံၩ့ၥံၪ လအီၪဘၪအကၠီၩ့လီၫ.
7 ယဟိဝၩဧ့, ၦဆၧအၧၩ့လဖၪထိးအၥၭထၫ့ဒၩပၧၩ လါနၫ့တၭ,နဝ့ၫဒၪမၩလၧနမံၩ့ဒၪနဝ့ၫအကၠီၩ့ဆံၭ. အ အဂဲးဘဲၫယီၩပၥၭဂၭဂီၩ့ယူၭအၪဘျၩ့ယူၭ, ပမၩမၪဘၪ
8 နၧၩယူၭ.- အံၫစရ့လၭအဆၧယိလါ, ဆၧထိးထဲၩ့ တၩ့ထဲၩ့ဝ့ၫလၧအဘၪၡၪ့ဘၪနၭအထီနီၪ, လဂၩဧ့, န ကဲၪထၪ့ဆၧဘဲၫၦလခီၫဘၩ့မုးဖိၪလၧခးအဖၧၩ့, ဒဲဘဲၫ ၦဖိၬဖၧၩ့ၥၭလဂၩလၧအပၠၪထၪ့အတဲၩလၧမုလနၩအ
9 ဂးနီၪ,မွဲအဂဲးဘဲၫၥ့ၪလဲၪ.- နမၩနၥၭဘဲၫၦလၧအၥၭ အီၪယူတၡါ, ဒဲဘဲၫၦအဆီၪ့လၧအထိးထဲၩ့တၩ့ထဲၩ့ ဆၧလၥ့ၪဘၪအၥိၭနီၪ, မွဲဘၪလဲၪ. မွဲလါနၫ့တၭယဟိ ဝၩဧ့, နအီၪလၧပကျၩတၭ,ဆၧကိၭပၧၩလၧနမံၩ့လီၫ. ထီးစဲၪ့ဒၪပၧၩလဂ့ၩ.
10 ယဟိဝၩစံၭၦခမျၧးယီၩဘဲၫယီၩ, အဝ့ၫၥံၪအဲၪဆၧ လၧအမိဂၭဝံၩ့ဝၩ့ဆၧဘဲၫနီၪတၭ, ပဒၩ့အခၪ့အ့ၬ. မၩ အၥၭဘဲၫနီၪတၭ, ယဟိဝၩထိးဆၧၫ့အဝ့ၫၥံၪအ့ၬ. ဘိၩ့ နဲၪ့ယီၩမွဲအနၪ့ထၪ့ထဲၩ့အဝ့ၫၥံၪအဆၧအၧၩ့, ဒဲစ့ၩရၫ့
11 အဆၧဒဲၩဘၭလီၫ.- ထီးနီၪလဖၧၫ့ယဟိဝၩစံၭယၧၩ ထီးဘၩဆိၪဖၪန့ ၦခမျၧးယီၩ လၧဆၧအဂ့ၩအဂးလ
12 ဂ့ၩ.- အ့ၪဒုၪဆၧအၪ့ဆၧအီၩလါနၫ့တၭ, ယခိၭနၪအ အၪ့ကံၩ့အၪ့ယၫဆၧအ့ၬး အ့ၪလုထၪ့ဆၧလုမ့ၪဒဲဆၧ မၩဘိၪ့ကိၪလါနၫ့တၭ, ယထိးဆၧၫ့ဝ့ၫအ့ၬ. ယမိမၩ လူၬခွံၬဝ့ၫလၧနၭ, ဒဲလၧဆၧၥၭဝံလၩ့ဒိၩ ဒဲလၧဆၧၥံၫ ချဲၫ့လီၫ.
13 ထီးနီၪလဖၧၫ့ယစံၭ, အၩလါ,ကဆါယဟိဝၩဧ့း ယိခွါ, မီၪလဖၪစံၭအဝ့ၫၥံၪ, နၥံၪဒၪဘၪနၭအ့ၬ, ဒဲနၥံၪ အဆၧၥၭဝံလၩ့ဒိၩမိအီၪဆ့အ့ၬ. အ့ၪမွဲယဟိဝၩမိဖ့ၪ လၫ့တၡါနၥံၪ, လၧဆၧဘၪလိၬအိၭလိၬ လၧအလး
14 ယီၩအဖၧၩ့လီၫ.- ထီးနီၪလဖၧၫ့ ယဟိဝၩစံၭယၧၩ, မီၪလဖၪချဲၩ့ဆၧလၧမီၪအချိၬ အဘျံၭအဘျၪယလအၪ့ မၧၫ့လၩ့န့ဘၪအဝ့ၫၥံၪတၭ, ယမၪလူၬအဝ့ၫၥံၪဆ့အ့ၬ. ယချဲၩ့ဆၧလၧအဝ့ၫၥံၪဆ့အ့ၬ. အဝ့ၫၥံၪချဲၩ့ဆၧလၧ မီၪအချိၬလၧဆၧဒၪဆၧအၪ့လီၫဝ့ၫတၭ,ဒဲလၧဆၧအူၪ ဆၧပီၩ,ဒဲဆၧပျီၩပျီၩ, ဒဲဆၧဘၪဆဲၫ့လၧအၪ့လီၫဆၧ
15 လၧအၥၭဒၪဝ့ၫအဖၧၩ့လီၫ.- မၩအၥၭဘဲၫနီၪတၭ, ယ ဟိဝၩစံၭလၧမီၪၥံၪအဂဲးအကၠီၪ့, လၧအချဲၩ့ဆၧလၧ မီၪအချိၬလၧယမံၩ့တၭ, ယအၪ့မၧၫ့လၩ့န့ဝ့ၫအ့ၬ. အဝ့ၫၥံၪစံၭဝ့ၫ, နၭ, ဒဲဆၧၥၭဝံလၩ့ဒိၩမိအီၪဘၪလၧ ခးဖၧၩ့ယီၩဆ့အ့ၬ. တၭမီၪလဖၪနီၪ မိလူၬခွံၬဝ့ၫလၧ
16 နၭ,ဒဲလၧဆၧၥၭဝံလၩ့ဒိၩနီၪလီၫ.- တၭၦခမျၧးလၧအ ဝ့ၫၥံၪချဲၩ့ဆၧလၧမီၪအချိၬလၧအမ့ၬယၫနီၪ, မိဘၪဆၧ ခွံၬၡိၭခွံၬဝ့ၫလၧယရုစလံၫ့အဖၧၩ့ၥၭဖၧၩ့, လၧဆၧၥၭ ဝံလၩ့ဒိၩ,ဒဲလၧနၭအကၠီၩ့လီၫ. တၭအဝ့ၫၥံၪအမၫၥံၪ, ဒဲအဖိၪခွၫၥံၪ, ဒဲအဖိၪမုၪၥံၪနီၪ ၦခုၪ့လၩ့ဘၧၩ့ခွံၬဝ့ၫ အီၪအ့ၬ.အဂဲးဘဲၫယီၩယမိလူၫလၩ့အဆၧအၧၩ့လၧ
17 အလီၩ့လီၫ.- တၭနဘၪချဲၩ့ဆၧချဲၩ့ယီၩ လၧအဝ့ၫၥံၪ, ဒဲမ့ၬထံၫယွၩလၩ့လၧမုဆၫဆၫမုနၩနၩဆံၭ. တၭမွဲအ ထီးထုၬလဂ့ၩ. အဂဲးဘဲၫယီၩ ယၡၩခမျၧးအမုၪနၩ့ ဘၪဆၧဆ့ၭဝ့ၫ လၧဆၧဆ့ၭဖၭဒိၪတၭ, ဆၧဖ့ၬဝ့ၫနၭ,
18 မၬလီၫ.- ယအ့ၪလ့ၩထၪ့လၧခီၫ့တၭ, ထီးနီၪလဖၧၫ့ ယိခွါ,ၦလၧအဘၪဆၧမၩၥံၫဝ့ၫလၧနၭၬ ယအ့ၪလ့ၩ နုၬလၧဒိၩ့ဖၧၩ့တၭ, ထီးနီၪလဖၧၫ့,ယိခွါ, ၦလၧအဎွ့ လၩ့ဝ့ၫလၧဆၧၥၭဝံလၩ့ဒိၩဖီၩၬ မွဲမၬ, မီၪဒဲၦလုဆၧ နံၫဂၩလူၬ မိစဲၪ့ဝံၩ့ဝၩ့လၧခးလဘံၪ့ လၧအလၥ့ၪယၫ ဘၪဝ့ၫလီၫ.
19 ယုဒၫနီၪမွဲနခွံၬၡိၭလူၬထူၬဆ့ဧၪး ဇံအိၫ့နီၪမွဲနၥၭ လိၪဆ့ဧၪ. နထးပၧၩတၭ, ဆၧမၩဘျၪထဲၩ့ပၧၩနီၪ, မွဲ အအီၪအ့ၬဧၪ. ပယိလါဆၧဘၪလိၬအိၭလိၬအဖၧၩ့ၥၭ တၭ,ဆၧဂ့ၩအီၪအ့ၬ. ပယိလါဆၧမၩဘျၪထဲၩ့အထီ
20 တၭ,ယိခွါ,ဆၧမၩခိမၩဝီၩဖီၩၬ- ယဟိဝၩဧ့,ပအုၩ့ လၩ့ပဆၧအၧၩ့ဒဲပဖါၥံၪ အဆၧအၧၩ့လီၫ. အဂဲးဘဲၫ
21 ယီၩပမၩမၪဘၪယူၭနၧၩယူၭ.- လၧနမံၩ့အကၠီၩ့နီၪ ထီးခွံၬၡိၭပၧၩလဂ့ၩ, မၩဂၭဂီၩ့နလးဆီၩ့ဆီအလၩ အဖၩ့လဂ့ၩ,နၪ့ထၪ့ထဲၩ့ဆံၭး ထီးမၩဂၭဂီၩ့နဆၧအုၩ့
22 လၩ့လၧပၧၩနီၪလဂ့ၩ.- လၧၦဆၨၩလဖၪအဆၧပျီၩ ပျီၩအကျၩနီၪ, ဆၧဖ့ၪလၫ့ဆၧဂဲၫဆၧၩ့ၥ့ၪနီၪ, မွဲအအီၪ ဝ့ၫလမံၩ့မံၩ့ဆ့ဧၪ. မွဲမူၭခိၪဒုၭဆၧၩ့လၩ့ဒၪဆၧဘၪမိၥ့ၪ ဧၪ.ယဟိဝၩပယွၩဧ့, နဝ့ၫဒၪယီၩနမွဲအဝ့ၫဒၪမွဲအ့ၬဧၪ. မၩအၥၭဘဲၫနီၪတၭ, ပမိဒိၭနဲၩ့ပၥၭလၧနၧၩလီၫ. အ ဂဲးဘဲၫယီၩနတဲၩ့လၩ့ဆၧထီးအလူၬနီၪလီၫ.