1 ၦအီၪလၧခိၪလီၩ့အံဖြံၫ့လဂၩတၭ, အမံၩ့မွဲစမဲကၫ 2 လီၫ.- တၭအဝ့ၫစံၭအမိ,စ့ၩလထီၫ့လယၩလၧဆၧမၩ န့ခွံၬလၧနအီၪ, လၧနဆိၪအၧၩ့ ဆၧလၧအကၠီၩ့တၭ, ချဲၩ့ဆၧလၧယနါဖၧၩ့လၧအဂဲးအကၠီၪ့နီၪ, ယိခွါ,စ့ၩ နီၪအီၪလၧယစူၪဖၧၩ့လီၫ. ယမၩန့ယဝ့ၫလီၫ. တၭအ မိစံၭဝ့ၫဒၪ, မွဲနဘၪဆိၪဂ့ၩလၧယဟိဝၩဆံၭ, ယဖိၪခွၫ 3 ဧ့,- ထီးအဝ့ၫဒၪဖ့ၪထဲၩ့စ့ၩလထီၫ့လယၩလၧအမိ နီၪ,အမိစံၭဝ့ၫဒၪ, စ့ၩနီၪအီၪလၧယစူၪဖၧၩ့တၭ, ယအီၪ က့ၪဆံၫ့ဎံၪတၡါ လၧယဟိဝၩအမ့ၬယၫလၧယဖိၪခွၫ အဂး,ဘဲၫၥိၭအမိတဲၩ့ဆၧဂၩ့စိၭဖျၩအၥၭ, ဒဲဆၧဂၩ့ ၥိၫ့အၥၭလီၫ. တၭဘိၩ့နဲၪ့ယီၩ ယမိဖ့ၪထဲၩ့ဝ့ၫလၧနၧၩ 4 လီၫ.- မွဲလါနၫ့အဝ့ၫနီၪဖ့ၪထဲၩ့စ့ၩလၧအမိတၭ, အမိမၩ န့စ့ၩနံၫယၩတၭ, ဖ့ၪလၫ့ၦၥိၫ့ဆၧဖိၪတၭ, အဝ့ၫဒၪတဲၩ့ ဆၧဂၩ့စိၭဖျၩအၥၭ, ဒဲဆၧဂၩ့ၥိၫ့အၥၭလၧအဝ့ၫတၭ, 5 ဆၧလဖၪနီၪအီၪဝ့ၫ လၧစမဲကၫအဂံၪ့ဖၧၩ့လီၫ.- ၦၡၩ စမဲကၫလဂၩနီၪ အီၪလၧအယွၩလဖၪ အဂံၪ့လဖျိၪ့ တၭ,တဲၩ့န့အ့ဖိၭ, ဒဲဆၧဂၩ့တ့ရဖံၫ့တၭ, အီၪက့ၪဆံၫ့ ဎံၪအဖိၪခွၫလဂၩတၭ, အဝ့ၫဒၪကဲၪထၪ့အၡၩလုဆၧ 6 လီၫ.- ဆၧလၧမုနံၩလဖၪအဖၧၩ့နီၪ စဎွၩအီၪလၧအံၫ စရ့လၭအဖၧၩ့အ့ၬ. တၭၦကိၭဂၩဒ့ၭမၩဆၧဘဲၫအ ဘၪဒၪအၥၭအၥိၭလီၫ.

7 လၧၦယုဒၫအဒီၪ့အကျၩ လၧဘ့ၭၥလံၫဟံၫ့ယုဒၫ အဖၧၩ့, ဖိၪၥၪခွၫအီၪဝ့ၫလဂၩတၭ, အဝ့ၫနီၪမွဲၦလံဝဲၫ 8 ဖိၪလီၫ.- တၭၦလဂၩနီၪစဲၪ့ထၪ့ခွံၬလၧဒိၩ့ဖၧၩ့လၧဘ့ၭ ၥလံၫဟံၫ့ယုဒၫအဖၧၩ့ ဘဲၫၥိၭအမိအီၪ ထီးအဒၪန့အ လးလီၫ. တၭလၧအလ့ၩဆၧနီၪဂဲၫထီၩ့ဝ့ၫလၧခိၪလီၩ့ 9 အံဖြံၫ့လၧစမဲကၫ အဂံၪ့ဖၧၩ့လီၫ.- တၭစမဲကၫစံၭအ ဝ့ၫ,နဂဲၫအထံၭခီၫခီၫလဲၪး တၭအဝ့ၫဒၪစံၭအဝ့ၫ, ယမွဲ ၦလံဝဲၫဖိၪ လၧဘ့ၭၥလံၫဟံၫ့ လၧယုဒၫတၭ, ယမိလ့ၩ 10 အီၪထီးယမိဒၪန့အလးလီၫ.- စမဲကၫစံၭအဝ့ၫ, အီၪ လၧယၥိၭတၭ, ကဲၪထၪ့ယဖါဒဲယၡၩ လုဆၧဆံၭ. တၭယမိဖ့ၪလၫ့နၧၩလနံၪ့လနံၪ့ လၧစ့ၩဆံၫဘံၪ့,ဒဲဆၧ ကီၩ့ဆၧၥိၭလၧအကြၨၭအဘၪ, ဒဲနဆၧအၪ့ဆၧအီၩ 11 လီၫ.တၭၦလံဝဲၫဖိၪ လ့ၩနုၬဝ့ၫလီၫ.- တၭၦလံဝဲၫဖိၪ အီၪလၧၦလဂၩနီၪအၥိၭ မုၬအၥၭလီၫ. တၭဖိၪၥၪခွၫ 12 နီၪအီၪလၧအဝ့ၫဘဲၫအဖိၪခွၫဒၪဝ့ၫအၥိၭနီၪလီၫ.- တၭ စမဲကၫအီၪက့ၪဆံၫ့ဎံၪၦလံဝဲၫဖိၪတၭ, ဖိၪၥၪခွၫနီၪ ကဲၪထၪ့အၡၩလုဆၧတၭ, အီၪဝ့ၫလၧစမဲကၫ အဂံၪ့ 13 ဖၧၩ့လီၫ.- တၭစမဲကၫစံၭဝ့ၫဒၪ, ဘိၩ့နဲၪ့ယီၩယၥ့ၪယၫ လၧယဟိဝၩမိမၩဂ့ၩယၧၩလီၫ. အဂဲးဘဲၫယီၩယအီၪ လၧၦလံဝဲၫဖိၪလဂၩ လၧယၡၩလုဆၧအဂးလီၫ.