16
1 စစၫ့စၧၫ့လ့ၩဝ့ၫထီၩ့လၧဂၫဇၫတၭ, ဒၪဘၪၦမဲၩဎွဲၩ
2 မုၪလဂၩထီးနီၪတၭ, လ့ၩနုၬဝ့ၫလၧအအီၪလီၫ.- တၭ ဆၧလီၩဘၪၦဂၫဇၫဖိၪ, စံၭဝ့ၫဒၪ,စစၫ့စၧၫ့ဂဲၫထီၩ့ယူၭ ထီးယီၩလီၫ. တၭအဝ့ၫၥံၪနီၪအီၪဝၬဖီၩ့ဝ့ၫတၭ, ခိၭ ၥူၪဆၧလၧအဂးၥၫ့နၩချီၩ့ ထီးဒိၩ့အတရၫ့ထံၭ, အီၪ လၩ့မါပံၭၥၫ့နၩချီၩ့တၭ, စံၭဝ့ၫဒၪ, လၧဂီၩလခီၫထီး
3 ဆၧဖၩ့ထၪ့နီၪ, ပမိမၩၥံၫအဝ့ၫလီၫ.- စစၫ့စၧၫ့မံၫဝ့ၫထီး ဖိၭဖၫ့မုတၭ, လၧဖိၭဖၫ့မုနီၪဂဲထုၪ့တၭ, မၩန့ဒိၩ့အတ ရၫ့,ဒဲတရၫ့အထုၪ့နံၫထုၪ့တၭ, လ့ၩဆိၬခွံၬဝ့ၫ, ဒဲနိၪ ဘီၩ့,ဒဲဆၧထီးအလူၬတၭအီၪက့ၪဝ့ၫလၧအခိၬထံၭခိၪ တၭ,ဆိၬထၪ့ဝ့ၫ လၧခိၪလီၩ့ခိၪ လၧအအီၪလၧဟံ ဘြၧၫ့အမ့ၬယၫလီၫ.
4 တၭဆၧနီၪလဖၪအလးခဲၫ့ ဆၧမၩအၥၭလၧအအဲၪ ၦမုၪလဂၩလၧခိၪလီၩ့ဆူၭစိရ့ၭတၭ, အမံၩ့မွဲနးဒ့ၫလဲ
5 လၫ.- တၭၦဖလံၡၫဖိၪအၦဒိၪဖၭဒိၪလဖၪ ဂဲၫလၧအ အီၪတၭ,စံၭအဝ့ၫ, အၪ့လွ့ၫကဒံၩအၪ့လွ့ၫကဒၩအဝ့ၫ တၭ,အဂဲးဆီၪ့အဘၭဆီၪ့နီၪ, မွဲအအီၪလၧဆၧနီၪလ မံၩ့လဲၪနီၪတၭ, ဘဲၫၥိၭပမိစၧၩ့ထၬဝ့ၫ, ဒဲမၩနၭမၩၡၪ့ ဝ့ၫတၭ,ပမိမၩစၪဝ့ၫလၧဆၧနီၪလမံၩ့လဲၪနီၪ, အၪ့စၪ့ ဘီၪ,ပမိဖ့ၪလၫ့နၧၩ လၧစ့ၩလဂၩ အဘံၪ့လထီၫ့လ ယၩ,လဂၩအဘံၪ့လထီၫ့လယၩ ကိၭအဂၩဒ့ၭလီၫ.
6 တၭနးဒ့ၫလဲလၫ စံၭစစၫ့စၧၫ့ နဂဲးဆီၪ့အီၪလၧဆၧ နီၪလမံၩ့လဲၪ, တၭၦမိစၧၩ့ထၬနၧၩ ဘဲၫၥိၭအမိမၩနၭ မၩၡၪ့နၧၩလၧဆၧနီၪလမံၩ့လဲၪနီၪ, ဒုၭနဲၪလါယၧၩ
7 ဘီၪ.- တၭစစၫ့စၧၫ့စံၭဝ့ၫ, ၦအ့ၪစၧၩ့ထၬယၧၩလၧဖျံၩ ၥီၪအၥံၫ့ဆ့ၬ လၧအလဎဲၫ့ဒံၭဘၪနွ့ၫဘီၩ့တၭ, ယဂဲး ယဘၭမိလၩ့ဆါတၭ, ယမိမၩယၥၭ ဘဲၫၦၡၩဂူၫဂၩ
8 လဂၩအၥိၭနီၪလီၫ.- တၭၦဖလံၡၫဖိၪ အၦဒိၪဖၭဒိၪ ဂဲၫဆိၬန့ဝ့ၫ လၧဖျံၩၥီၪအၥံၫ့ဆ့ၬ လၧအလဎဲၫ့ဒံၭဘၪ နွ့ၫဘီၩ့တၭ, အဝ့ၫဒၪစၧၩ့ထၬ စစၫ့စၧၫ့ လၧအဝ့ၫၥံၪ
9 လီၫ.- တၭၦခိၭၥူၪဆၧလၧအဂးနီၪ ဆၧၫ့နၩ့ဝ့ၫလၧ ဒူၭဖၧၩ့လီၫ. တၭၦမုၪနီၪစံၭအဝ့ၫ, ၦဖလံၡၫဖိၪဂဲၫဖီၪ့ နၧၩ,စစၫ့စၧၫ့ဧ့, တၭအဝ့ၫဒၪထုၭထ့ၬခွံၬဖျံၩၥီၪနီၪ, ဘဲၫလူၪၥီၪကဘၩ့ လၧအဘၪမ့ၪအၥိၭနီၪလီၫ. အခိး မွဲၦၥ့ၪယၫဝ့ၫအဂဲးအဘၭနီၪၥ့ၪအ့ၬ.
10 တၭနးဒ့ၫလဲလၫစံၭစစၫ့စၧၫ့, ယိခွါ,နမၩကြၩ့ထ မးယၧၩ,ဒဲချဲၩ့ယူၭဆၧကဘျံၭကဘျၪ လၧယၧၩလီၫ. ဘိၩ့နဲၪ့ယီၩဒုၭနဲၪလါယၧၩ လၧဆၧလၧၦမိစၧၩ့ထၬ
11 ဘၪနၧၩလမံၩ့နီၪဘီၪ.- အဝ့ၫဒၪစံၭဝ့ၫ, ၦအ့ၪစၧၩ့ထၬ ယၧၩလၧဖျံၩဖီၩ့ၥၫ့အၥၭ လၧၦလမၩဒံၭဘၪဆၧလၧ အဝ့ၫတၭ, ယဂဲးယဘၭမိလၩ့ဆါတၭ, ယမိကဲၪထၪ့
12 ဘဲၫၦၡၩဂူၫဂၩလဂၩအၥိၭနီၪလီၫ.- တၭနးဒ့ၫလဲလၫ မၩန့ဖျံၩဖီၩ့ၥၫ့အၥၭတၭ, စၧၩ့ထၬဝ့ၫတၭ, စံၭအဝ့ၫ ဒၪ,ၦဖလံၡၫဖိၪဂဲၫဖီၪ့နၧၩ, စစၫ့စၧၫ့ဧ့, တၭၦခိၭၥူၪ ဆၧနီၪအီၪဝ့ၫလၧဒူၭဖၧၩ့လီၫ. တၭအဝ့ၫဒၪထုၭထ့ၬ ခွံၬဖျံၩလၧအစူၪလီၩ့ ဘဲၫလူၪလဘီၩ့အၥိၭနီၪလီၫ.
13 တၭနးဒ့ၫလဲလၫစံၭစစၫ့စၧၫ့, ခီးဘိၩ့နဲၪ့ယီၩ နမၩ ကြၩ့ထမးယၧၩတၭ, ချဲၩ့ဆၧအဘျံၭအဘျၪလီၫ. ဒုၭ နဲၪယၧၩလၧဆၧလၧၦမိစၧၩ့ထၬဘၪနၧၩ လမံၩ့နီၪဘီၪ. တၭအဝ့ၫဒၪစံၭ, နအ့ၪၥံၪထဲး ယခိၪၥူၫ အပိၩ့နွ့ၫပိၩ့
14 လၧထၪဖၧၩ့တၭမွဲဆၧနီၪလီၫ.- နးဒ့ၫလဲလၫနီၪဖျၩနုၬ ထၬနိၪဖျၭတၭ, စံၭအဝ့ၫ, ၦဖလံၡၫဖိၪဂဲၫဖီၪ့နၧၩ,စစၫ့ စၧၫ့ဧ့,တၭအဝ့ၫဒၪ နၪ့ထၪ့ထဲၩ့အၥၭတၭ စဲၪ့ထၪ့ခွံၬ ဝ့ၫအီၪလၧနိၪဘီၩ့အနိၪဖျၭ, ဒဲထၪနီၪလီၫ.
15 အဝ့ၫဒၪစံၭဝ့ၫ, နၥၭလအီၪဘၪလၧယၧၩတၭ,နစံၭ နအဲၪယၧၩဘဲၫၥ့ၪလဲၪး နမၩကြၩ့ထမးယၧၩၥၧၫ့ဘျၩ့ ယူၭ,နဂဲးဆီၪ့နဘၭဆီၪ့နီၪ, မွဲအအီၪလၧဆၧနီၪလမံၩ့
16 လဲၪနီၪ,နဒုၭနဲၪယၧၩအ့ၬ.- တၭဆၧမၩအၥၭထီးအ မၩဆီၪ့ဆီၪ့ဝ့ၫလၧအဆၧချဲၩ့လဖၪၥံၫ့ၥံၫ့နံၩနီၪ, ဒဲထိၪ
17 ဂဲၩဝ့ၫဒဲမၩခိအၥၭဘူၭလၧအမိၥံၫတၭ,- ဆၧမၩအၥၭ လၧအဝ့ၫဒၪ လီၩဘၪဝ့ၫ လၧအၥၭထၧၫ့ဖျိၪ့ယၫတၭ, စံၭအဝ့ၫ, ယလိၩ့ယခိၪလၧဒီၩနးဆိၭအ့ၬ. အဂဲးဘဲၫ ယီၩယမွဲၦနၭစရ့ၭဖိၪ လၧယွၩအဂး လၧယမိအဒၧၩ့ လးလံၩလံၩလီၫ. ၦအ့ၪလိၩ့ယခိၪတၭ ယဂဲးယဘၭ မိစဲၪ့ထၪ့ခွံၬလၧယအီၪတၭ, ယမိလၩ့ဆါဒဲမိမၩယၥၭ ဘဲၫၦၡၩလဂၩလါလါအၥိၭနီၪလီၫ.
18 ထီးနးဒ့ၫလဲလၫဒၪဘၪ လၧအလီၩဘၪဝ့ၫအၥၭထၧၫ့ ဖျိၪ့ယၫတၭ, အၪ့မၧၫ့လၩ့ဆၧကိၭန့ၦဖလံၡၫဖိၪအၦ ဒိၪဖၭဒိၪတၭ, စံၭဝ့ၫဒၪ, ဂဲၫထၪ့လဘျၩ့ယီၩဘီၪ. အ ဂဲးဘဲၫယီၩအဝ့ၫဒၪဒုၭနဲၪယူၭယၧၩ လၧအၥၭထၧၫ့ဖျိၪ့ ယၫယူၭ. တၭၦဖလံၡၫဖိၪ အၦဒိၪဖၭဒိၪ ဂဲၫထၪ့လၧ
19 အအီၪတၭ, ဂဲၫဆိၬစ့ၩလၧအစူၪဖၧၩ့လီၫ.- တၭၦမုၪ ဒုၭမံၫဝ့ၫလၧအခၪ့လုးခိၪတၭ, ကိၭန့ၦလဂၩတၭအၪ့ မၧၫ့အလိၩ့ခွံၬအခိၪၥူၫ အပိၩ့နွ့ၫပိၩ့တၭး ၦမုၪနီၪမၩ နၭမၩၡၪ့ၥၫ့ဝ့ၫတၭ, အဂဲးအဘၭ စဲၪ့ထၪ့ခွံၬလၧအ
20 ဝ့ၫလီၫ.- တၭစံၭဝ့ၫဒၪ, ၦဖလံၡၫဖိၪဂဲၫဖီၪ့နၧၩ, စစၫ့ စၧၫ့ဧ့,တၭအဝ့ၫဒၪနၪ့ထၪ့အၥၭတၭ စံၭဝ့ၫဒၪ,ယမိစဲၪ့ ထၪ့ဘဲၫဆၧလဘျၩ့လဘျၩ့အၥိၭနီၪ တရူၩယၥၭလီၫ. တၭလၥ့ၪယၫဘၪဝ့ၫလၧ ယဟိဝၩစဲၪ့ထၪ့ခွံၬယူၭလၧ
21 အလီၩ့ယူၭလီၫ.- တၭၦဖလံၡၫဖိၪမၩန့ဝ့ၫတၭ, အီၩ့ ခွ့ၭထၪ့ခွံၬအမ့ၬၥၪတၭ, ဂဲၫဆိၬဝ့ၫလၧဂၫဇၫအဖၧၩ့ တၭ,စၧၩ့ထၬဝ့ၫလၧၥွ့ၫထီးဝီၩတၭ, အဝ့ၫဒၪဂူၬဆုၪ့ ဂူၬလၧထီၫ့ဖၧၩ့လီၫ.
22 တၭလၧၦလိၩ့ခွံၬအခိၪၥူၫအလးခဲၫ့နီၪ အခိၪၥူၫထၪ့ ဒီၭအၥၫ့လီၫ.
23 တၭၦဖလံၡၫဖိၪ အၦဒိၪဖၭဒိၪလဖၪ အီၪကိၩ့အီၪ ကီၪ့ဘဲၫၥိၭအမိလုထၪ့ဆၧလုဖၭဒိၪ လၧအယွၩဒၫဂၫ့ တၭ,ၥုၪ့ထိၬၥၭထိၬလီၫ. အဂဲးဘဲၫယီၩ စံၭဝ့ၫဒၪ, ပ ယွၩဖ့ၪလၫ့ယူၭပဒုၪပဒၩ စစၫ့စၧၫ့လၧပစူၪဖၧၩ့ယူၭ.
24 ၦခမျၧးဒၪဘၪဝ့ၫတၭ စံၭထၪ့အၪ့အူၭအဝ့ၫၥံၪအယွၩ လီၫ.အဂဲးဘဲၫယီၩ စံၭဝ့ၫဒၪ, ပယွၩဖ့ၪလၫ့ခွံၬယူၭပ ဒုၪပဒၩ,ဒဲၦလၧအမၩဂၭဂီၩ့ပထံၫပခး, လၧအမၩၥံၫ
25 ၦအၪဂၩလၧပကျၩလၧအစူၪဖၧၩ့ယူၭ.- ထီးအဝ့ၫၥံၪ အၥၭမုၬထၪ့တၭ, ဆၧမၩအၥၭလၧအစံၭဝ့ၫ, ကိၭန့ စစၫ့စၧၫ့ဘဲၫၥိၭအမိလိၬကွ့ၩ လၧပဂးနီၪဘီၪ. အဝ့ၫ ၥံၪကိၭန့စစၫ့စၧၫ့ လၧအအီၪဝ့ၫ လၧထီၫ့ဖၧၩ့တၭ,အ ဝ့ၫလိၬကွ့ၩလၧအဝ့ၫၥံၪအမ့ၬယၫတၭ, အဝ့ၫၥံၪအီၪ
26 က့ၪအဝ့ၫလၧၥရိၬထုၪ့အဆူၭနီၪလီၫ.- တၭစစၫ့စၧၫ့ စံၭဖိၪၥၪခွၫလဂၩ လၧအဖီၪ့အစူၪနီၪ, ဒုၭဖီၪ့ယၧၩလၧ ၥရိၬထုၪ့ဖၭဒိၪလဖၪ, ဘဲၫၥိၭယမိဒိၭနဲၩ့ယၥၭလၧအ
27 ဝ့ၫၥံၪနီၪဘီၪ.- တၭၥရိၬနီၪဎွ့ၩဝ့ၫလၧၦမုၪၦခွၫၦဖလံ ၡၫဖိၪအၦဒိၪဖၭဒိၪထီးအလူၬ အီၪဝ့ၫထီးနီၪတၭ,လၧ ၥရိၬခိၪနီၪ ၦမုၪဒဲၦခွၫအီၪဝ့ၫဖိၭဘိၭၥၧၫ့ထီၫ့, လၧအ
28 ယိဖၧၩ့စစၫ့စၧၫ့ကွ့ၩဆၧလီၫ.- စစၫ့စၧၫ့ကိၭထၪ့ယဟိ ဝၩတၭ,စံၭဝ့ၫဒၪ, ယဟိဝၩယွၩဧ့, နၪ့ထၪ့ထဲၩ့လါ ယၧၩတၭ, ဒုၭဆီၪ့ထၪ့ယၧၩန့ၫအယီၩလဖၧၫ့, ယွၩဧ့, ဘဲၫၥိၭယမိမၩဆၧၫ့ ၦဖလံၡၫဖိၪ လၧယမ့ၬၥၪနံၫဖျိၪ့
29 အကၠီၩ့နီၪဆံၭ.- စစၫ့စၧၫ့ဖီၪ့ထၬထုၪ့နံၫထုၪ့လၧဆၧ ၥၭကျၩၥရိၬအထုၪ့ လၧအဒိၭနဲၩ့အၥၭလၧအဝ့ၫ,လ ထုၪ့လၧစူၪထွ့ၪ, လထုၪ့လၧစူၪစ့ၪလီၫ.
30 တၭစစၫ့စၧၫ့စံၭဝ့ၫဒၪ, မွဲယၥံၫလၧၦဖလံၡၫဖိၪအၥိၭ ဘီၪ. တၭၡီၫ့ကူၭလၩ့အၥၭလၧအဂဲးအဘၭတၭ, ၥရိၬ နီၪလၩ့ဎီးဝ့ၫ လၧၦဒိၪဖၭဒိၪအဖၫ့ခိၪ, ဒဲလၧကယဲၦ ခမျၧးလၧအအီၪလၧအဖၧၩ့အဖၫ့ခိၪလီၫ. အခိးမွဲလၧ အၥံၫနီၪ မၩၥံၫဘၪၦအၪနဲၪ့ လၧအမၩၥံၫဘၪဝ့ၫလၧ အမၧၫ့ဒံၭအဘိၩ့ဘၭနီၪဒံၭလီၫ.
31 ထီးနီၪလဖၧၫ့အထၧၫ့ဖုဝဲ, ဒဲအၡၩဂံၪ့ဖိၪထီးအလူၬ နီၪလ့ၩလၩ့တၭ, မၩန့ဝ့ၫဒဲဂဲၫထဲၩ့ဆိၬဝ့ၫတၭ, ခုၪ့လၩ့ ဘၧၩ့ခွံၬအဝ့ၫလၧဇိရၫ, ဒဲအ့ၭၡတအီလၭ အဘိၩ့ ဆၧၩ့,လၧအဖါစမနိအၫအၥွၪခိၪအဖၧၩ့လီၫ. တၭအ ဝ့ၫစ့ၩရၫ့ယူၭအံၫစရ့လၭ အနံၪ့နံၫဆံၫယူၭလီၫ.