18
1 ဆၧလၧမုနံၩလဖၪနီၪ စဎွၩအီၪလၧအံၫစရ့လၭအ ဖၧၩ့အ့ၬ. တၭဆၧလၧမုနံၩလဖၪနီၪ ၦဒၫ့ဖိၪလဒီၪ့အၪ့ ဎၬဝ့ၫအဆၧန့ၥၫ လၧအမိအီၪဝ့ၫလၧအဖၧၩ့လီၫ. အ ဂဲးဘဲၫယီၩ ထီၩ့လၩ့လၧမုလနံၩနီၪဆၧန့ၥၫလၩ့ဘၪ လၧအဂးလၧအံၫစရ့လၭအဆၨၩလဖၪအကျၩအ့ၬ.
2 တၭၦဒၫ့ဖိၪအၪ့မၧၫ့လၩ့ၦယဲဂၩ လၧအဂံၪ့ဒီၪ့ဖိၪအ ကျၩနီၪလၧအခးနဲၩ့, ၦၥုၭဖိၪလၧဇိရၫ, ဒဲလၧအ့ၭၡတ အီလၭ,ဘဲၫၥိၭအမိယိဆၧလၧ ထံၫၥံၪခးၥံၪအဖၧၩ့,ဒဲ အၪ့ဎၬယိဝ့ၫတၭး အဝ့ၫၥံၪစံၭဝ့ၫ, လ့ၩအၪ့ဎၬယိထံၫ ၥံၪခးၥံၪဆံၭ. တၭၦလဖၪနီၪ လ့ၩထီၩ့လၧခိၪလီၩ့အံ ဖြံၫ့လၧစမဲကၫအဂံၪ့ဖၧၩ့တၭ, အီၪဝ့ၫၥၫ့နၩချီၩ့ထီးနီၪ
3 လီၫ.- အဝ့ၫၥံၪနီၪအီၪဝ့ၫလၧစမဲကၫအဂံၪ့နဲၩ့တၭ, ၥ့ၪ ယၫၦဖိၪၥၪခွၫ, ၦလံဝဲၫဖိၪအလူတၭ, ကၠၪနုၬထီးနီၪ တၭ,စံၭဝ့ၫ, မွဲပလၫဒုၭဂဲၫနၧၩ ထီးယီၩလဂၩလဲၪ.
4 တၭနဆၧအီၪထီးယီၩ, မွဲဆၧနီၪလမံၩ့လဲၪ.- အဝ့ၫလ ဂၩနီၪစံၭအဝ့ၫၥံၪ, စမဲကၫမၩယၧၩဘဲၫအံၩ ဘဲၫအိၩ တၭ,အၪ့လံၩ့န့ယၧၩတၭ, ယကဲၪထၪ့အၡၩလုဆၧ
5 လီၫ.- တၭအဝ့ၫၥံၪနီၪစံၭအဝ့ၫ, ဘဲၫၥိၭပမိၥ့ၪယၫပ ဖၧၩ့ၥၭလၧပလ့ၩဆၧမိဘီၪထၪ့ယီၫထၪ့ ဆ့ဧၪနီၪ,ပ
6 အၪ့ကံၩ့နၧၩ, အၪ့စၪ့လါလၧယွၩဆံၭ.- တၭၦလုဆၧ နီၪစံၭအဝ့ၫၥံၪလ့ၩဆၧမုၬမုၬဆံၭ, ဖၧၩ့ၥၭလၧနၥံၪဖိၬ
7 ဝ့ၫလဘီၩ့နီၪအီၪဝ့ၫလၧ ယဟိဝၩအမ့ၬယၫလီၫ.ၦယဲ ဂၩနီၪစဲၪ့ထၪ့ဝ့ၫတၭ, လ့ၩနုၬလၧလၫအံၭတၭ,ဒၪဘၪ ၦခမျၧးလၧအဖၧၩ့ လထီးလၩ့ဘၪအၥၭ အီၪဝ့ၫလၩ့ မါပံၭဒဲအီၪက့ၪဂုးအၥၭ ဘဲၫၦဇဲဒၧၫ့ဖိၪအထူၫအရူၫအ ၥိၭနီၪအီၪမုၬဒိၭနဲၩ့အၥၭတၭ, ၦန့ဘၪၥၫဆၧစ့ၩရၫ့ခွး လၧအမိအီၪက့ၪမ့ၬမဲဆၧလမံၩ့မံၩ့နီၪအီၪအ့ၬ. အဝ့ၫ ၥံၪအီၪယဲၩ့ လၧၦစဲဒၧၫ့ဖိၪနီၪတၭ, အဆၧမၩဘၪဆဲၫ့
8 လၧၦၡၩအီၪနးမံၩ့အ့ၬ.- ၦလဖၪနီၪထဲၩ့ထဲၩ့ လၧအ ထၧၫ့ဖုဝဲအအီၪလၧဇိရၫအဖၧၩ့ ဒဲလၧအ့ၭၡတအီလၭ အဖၧၩ့တၭ, ထၧၫ့ဖုဝဲစံၭဝ့ၫဆၧမၩအၥၭဘဲၫၥ့ၪလဲၪ.
9 အဝ့ၫၥံၪစံၭဝ့ၫဒၪ, ဂဲထုၪ့ဘီၪ,ပမိလ့ၩထၪ့ဒၪဘၪအဝ့ၫ ၥံၪလီၫ. အဂဲးဘဲၫယီၩပဒၪဘၪယူၭအထံၫအခးယူၭ. တၭယိခွါ,မွဲအဂ့ၩဝ့ၫဒိၪမၬလီၫ. တၭနၥံၪအီၪလၩ့မါ ပံၭဆ့ဧၪ. အီၪက့ၪကၠႃၪ့နၥံၪအၥၭ လၧနၥံၪမိလ့ၩနုၬ
10 မၩန့ခးနီၪလဂ့ၩ.- ထီးနၥံၪလ့ၩဆၧတၭ, နၥံၪမိလ့ၩနုၬ လၧၦခမျၧးအကျၩလၧ အဒိၭနဲၩ့အၥၭ, လၧခးဖၭလဲ လဘံၪ့အဖၧၩ့လီၫ. အဂဲးဘဲၫယီၩ ယွၩဖ့ၪလၫ့ဝ့ၫလၧ နၥံၪအစူၪဖၧၩ့ယူၭ, ဆၧအလးထီးၦန့ဘၪဒံၭဆၧလ မံၩ့မံၩ့လၧဂၪ့ခိၪချိၫ့ယီၩ အလးအီၪအ့ၬ.
11 တၭၦစဲၪ့ထၪ့ခွံၬထီးနီၪ လၧၦဒၫ့ဖိၪအဂံၪ့ဒီၪ့အကျၩ လၧဇိရၫဒဲအ့ၭၡတအီလၭအဖၧၩ့နီၪ, ၦၡၩလၧအအီၪ
12 တဲၩ့ဝဲၩအၥၭလၧၥုၭဖိၪအစူၪနီၪ, ၦဎူၫယၩလီၫ.- အ ဝ့ၫၥံၪလ့ၩထၪ့ဝ့ၫတၭၥုၪ့အတဲၩ လၧကၧယၭယ့အရံၫ့
13 လၧယုဒၫအဖၧၩ့လီၫ.- မၩအၥၭဘဲၫနီၪတၭကိၭဝ့ၫအ မံၩ့လၧမဟၫနံၫဒၫ့ ထီးမုဆၫလနံၩယီၩလီၫ. ယိခွါ, အီၪဝ့ၫလၧကၧယၭယ့အရံၫ့ အချိၫ့လီၫ. အဝ့ၫၥံၪစဲၪ့ ထၪ့ခွံၬထီးနီၪ ဖိးလၧခိၪလီၩ့အံဖြံၫ့တၭ, ဂဲၫထီၩ့လၧ
14 စမဲကၫအဂံၪ့လီၫ.- ထီးနီၪလဖၧၫ့ၦလၧအလ့ၩယိၥူၪ ခးလၫအံၭယဲဂၩနီၪချဲၩ့ဆၧတၭ, စံၭအထၧၫ့ဖုဝဲလဖၪ, အ့ဖိၭဒဲဆၧဂၩ့တ့ၫရဖံၫ့, ဒဲဆၧဂၩ့စိၭဖျၩအၥၭ, ဒဲဆၧ ဂၩ့ၥိၫ့အၥၭနီၪအီၪဝ့ၫလၧဂံၪ့လဖၪယီၩ အဖၧၩ့နီၪ,မွဲ နၥံၪၥ့ၪယၫဆ့ဧၪ. တၭဘိၩ့နဲၪ့ယီၩ ဆၧလၧနၥံၪမိမၩ
15 ဘၪနီၪဆီၫ့မီၪ့ကၩ့ကၩနၥံၪဝ့ၫဆံၭ.- အဝ့ၫၥံၪကၠၪအ ၥၭလၧနီၪတၭ, ဂဲၫဝ့ၫလၧၦလံဝဲၫဖိၪၦဖိၪၥၪခွၫအဂံၪ့,
16 ထီးစမဲကၫအဂံၪ့ဒၪလ့ၬတၭ, ချဲၩ့ဒုၪ့ဝ့ၫလီၫ.- တၭၦအီၪ တဲၩ့ဝဲၩအၥၭလၧၥုၭဖိၪအစူၪဝဲၩ, ၦဎူၫယၩလၧၦဒၫ့ ဖိၪအကျၩနီၪဆၧၫ့ထုၪ့ဝ့ၫထီးဆၧလ့ၩနုၬ လၧတရၫ့နီၪ
17 လီၫ.- တၭၦလၧအလ့ၩယိၥူၪ ထံၫၥံၪခးၥံၪယဲဂၩနီၪ လ့ၩနုၬထၪ့ထီးနီၪတၭမၩန့ဝ့ၫ လၧဆၧဂၩ့စိၭဖျၩအ ၥၭ,ဒဲအ့ဖိၭ, ဒဲဆၧဂၩ့တ့ၫရဖံၫ့, ဒဲဆၧဂၩ့ၥိၫ့အၥၭလီၫ. တၭၦလုဆၧနီၪဆၧၫ့ထုၪ့လၧဆၧလ့ၩနုၬ လၧတရၫ့ အီၪလၧၦဎူၫယၩအီၪတဲၩ့ဝဲၩအၥၭ လၧၥုၭဖိၪအစူၪဝဲၩ
18 လီၫ.- တၭၦလဖၪနီၪလ့ၩနုၬ လၧစမဲကၫ အဂံၪ့ဖၧၩ့ တၭ,ဂဲၫထဲၩ့ဆိၬဆၧဂၩ့စိၭဖျၩအၥၭ, အ့ဖိၭ,ဒဲဆၧဂၩ့ တ့ၫရဖံၫ့,ဒဲဆၧဂၩ့ၥိၫ့အၥၭလီၫ. တၭၦလုဆၧလဂၩ
19 နီၪစံၭဝ့ၫ,နၥံၪမၩဆၧနီၪလဲၪ.- တၭအဝ့ၫၥံၪစံၭအဝ့ၫ, အီၪလၩ့မါပံၭဆံၭ, အီၪက့ၪနစူၪလၧနနိၭလီၩ့တၭ, လ့ၩလၧပၥိၭ, ကဲၪထၪ့ပဖါ, ဒဲၦလုဆၧ လၧပဂးနီၪ ဆံၭ.နကဲၪၦလုဆၧလၧ ၦလဂၩအဂးမွဲအဂ့ၩလဆံၭ ဧၪ,နကဲၪထၪ့ၦလုဆၧလၧ ၦလဒီၪ့ထၧၫ့ဒီၪ့ယၫလၧအံၫ
20 စရ့လၭအဂးနီၪမိဂ့ၩလဆံၭဧၪ.- ၦလုဆၧလဂၩနီၪအ ၥၭမုၬထၪ့ထဲၩ့တၭ, မၩန့အ့ဖိၭ, ဒဲဆၧဂၩ့တ့ၫရဖံၫ့, ဒဲဆၧဂၩ့စိၭဖျၩအၥၭတၭ, လ့ၩဆၧလၧၦခမျၧးအကျၩ
21 လီၫ.- အခိးမွဲအဝ့ၫၥံၪနီၪကၠၪစိၩအၥၭတၭ, စဲၪ့ထၪ့ဝ့ၫ တၭအီၪက့ၪဖိၪဒံၩဖိၪၥၪ, ဒဲဆၧဖိၪဆၧဎါအဒိၩ့, ဒဲဆၧ
22 ဖိၪဆၧလံၩလၧအမ့ၬယၫလီၫ.- တၭအဝ့ၫၥံၪထီၩ့ဝ့ၫ ယဲၩ့လၧစမဲကၫအဂံၪ့နီၪ, ၦၡၩအီၪဝ့ၫလၧဂံၪ့လဖၪဘူၭ လၧစမဲကၫအဂံၪ့နီၪ အီၪကိၩ့အီၪကီၪ့တၭ, လ့ၩချႃၭန့
23 ၦဒၫ့ဖိၪလီၫ.- အဝ့ၫၥံၪကိၭထၪ့ဝ့ၫလၧၦဒၫ့ဖိၪတၭ, ၦ လဖၪကၠၪထဲၩ့အမ့ၬတၭ, စံၭစမဲကၫ,နဂဲၫလၧၦၡၩၥံၪ
24 ဎွ့ၩနီၪ,မွဲအဂဲးအီၪလၧဆၧနီၪလမံၩ့လဲၪ.- တၭအဝ့ၫ ဒၪစံၭဝ့ၫ, နၥံၪဆိၬခွံၬယယွၩလဖၪလၧယတဲၩ့ဝ့ၫ, ဒဲၦ လုဆၧတၭ, နၥံၪစဲၪ့ထၪ့ခွံၬနီၪ, ဆၧအီၪဒံၭလၧယၧၩမွဲ ဆၧနီၪလမံၩ့လဲၪး တၭနၥံၪစံၭယၧၩ, မွဲအဘၪဆၧနီၪ
25 လမံၩ့လဲၪနီၪ,မွဲဘၪလဲၪ.- တၭၦဒၫ့ဖိၪစံၭအဝ့ၫ, ဒုၭနါ ဂၧၫ့နလူလၧပကျၩလဂ့ၩ, ၦအၥၭထၪ့လဖၪမိစဲၪ့ၡိၫ ဘၪခိၬနအီၪတၭ, လၧနၥၭမၧၫ့ဒဲနၡၩဂံၪ့ဖိၪၥံၪအၥၭ
26 မၧၫ့မိလၩ့မါလီၫ.- ၦဒၫ့ဖိၪလ့ၩဆၧနီၪ, ထီးစမဲကၫဒၪ ဘၪဝ့ၫလၧအဝ့ၫၥံၪဆီၪ့နဲၪ့အနၫ့ဆါဒၪဝ့ၫဒံၭတၭ, ကၠၪ ထဲၩ့အၥၭတၭထဲၩ့ထဲၩ့ဝ့ၫလၧအဂံၪ့လီၫ.
27 အဝ့ၫၥံၪမၩန့ဆၧလၧစမဲကၫတဲၩ့ယူၭဝ့ၫ, ဒဲအၡၩ လုဆၧတၭ, လ့ၩဝ့ၫထီၩ့လၧလၫအံၭ, လၧၦခမျၧးလၧ အအီၪမုၬ, ဒဲလထီးလၩ့ဘၪအၥၭလဖၪနီၪအအီၪဖ့ၬ
28 ခွံၬဝ့ၫလၧနၭအနါ ဒဲဆူၭထၪ့ခွံၬဒိၩ့နီၪလၧမ့ၪလီၫ.- တၭ ၦမၩဖီၩ့မၩဖျ့ၭဆၧအီၪနးဂၩအ့ၬ. အဂဲးဘဲၫယီၩအီၪ ယဲၩ့ဝ့ၫလၧဇဲဒၧၫ့တၭ, အဝ့ၫၥံၪအဆၧမၩဘၪဆဲၫ့လၧ ၦၡၩၥံၪအီၪနးမံၩ့အ့ၬ. အီၪဝ့ၫလၧခိၪလီၩ့ဆူၭဘ့ၭ ၥရ့ဟီၭအနဲၩ့ထံၭလီၫ.
29 ၦလဖၪနီၪမၩကဲၪထၪ့ဒိၩ့လဖျိၪ့တၭ, အီၪဝ့ၫလၧအ ဖၧၩ့လီၫ. တၭကိၭဝ့ၫအမံၩ့လၧဒၫ့ဘဲၫအဖါစဒၫ့အမံၩ့ အၥိၭလၧအံၫစရ့လၭ ထၪ့ဖိၪဝ့ၫလီၫ. မွဲလါနၫ့လၧ
30 အခၪ့ထံၭနီၪဒိၩ့အမံၩ့မွဲလၫအံၭလီၫ.- ၦဒၫ့ဖိၪအီၪက့ၪ ဆၧၫ့ထုၪ့ဆၧဂၩ့စိၭဖျၩအၥၭတၭ, စမနၭစ့ၫအဖိၪခွၫ, စဂၧၡၧၫ့အဖိၪခွၫစစၪ့နၥၫ့, အဝ့ၫဒၪဒဲအဖိၪခွၫလဖၪ မွဲၦလုဆၧလဖၪလၧဒၫ့လဒီၪ့အဂး ထီၩ့လၩ့လၧထံၫၥံၪ ခးၥံၪဘၪဆၧမၩဂၭဂီၩ့ဝ့ၫလီၫ.
31 တၭကယဲမုနံၩမုနၩလၧယွၩအဂံၪ့ အီၪဝ့ၫလၧၡဲလိၫ အဖၧၩ့အဘိၩ့ဘၭနီၪ, အဝ့ၫၥံၪအီၪက့ၪထၪ့စမဲကၫအ ဆၧဂၩ့လၧအတဲၩ့ဝ့ၫစိၭဖျၩအၥၭလီၫ.