45
1 ယဟိဝၩစံၭအၡၩဒိၭဂုၪအၥၭ, စစဲရၧၭနီၪဘဲၫယီၩ, ယဖီၪ့ထၬဝ့ၫလၧအစူၪထွ့ၪဘဲၫၥိၭ အမိယဲးလၩ့ထဲးၦ ဆၨၩလဖၪလၧအမ့ၬယၫတၭ, ယကွဲၪလၩ့စဎွၩလဖၪ အခၧၩ့ယးနီၪ, ဒဲဝဲထၪ့တရၫ့အီၪနံၫဘံၪ့လၧအမ့ၬယၫ
2 တၭ,တရၫ့လဖၪကၭဘံၭထၬလၧၩ့အၥၭအ့ၬ.- ယမိ လ့ၩလၧနမ့ၬယၫတၭ, မၩဎၩ့ဆၧထၪ့စီၩ့လၩ့အိၪ့း ယ မိမၩခါတရၫ့ထီးလဖၪ, ဒဲဒၪ့ထ့ၬအနိၪဘီၩ့ထၭလကုၭ
3 လကုၭလီၫ.- ဆၧလူဒိၪဎွ့ၩဒိၪလၧဆၧခံၭကျၩ,ဒဲဆၧ အစူၪလးခၪ့ခိၪအီၪဘံၭအၥၭ လၧအလးအီၪၥူၪလဖၪ နီၪ,ယမိဖ့ၪလၫ့နၧၩဘဲၫၥိၭနမိၥ့ၪယၫလၧယၧၩ, ၦလၧ အကိၭထၪ့နၧၩလၧနမံၩ့, မွဲယဟိဝၩၦအံၫစရ့လၭအ
4 ယွၩလီၫ.- လၧယခ့ၫယၡၩစယၫကူၭအဂး,ဒဲၦလၧယ ရွံန့ဝ့ၫအံၫစရ့လၭအဂးယကိၭယူၭနၧၩလၧနမံၩ့, ယ ကိၭယူၭလါနၫ့နၧၩ လၧနမံၩ့ၥၫ့တၭ, နလၥ့ၪယၫဘၪ
5 ယၧၩလီၫ.- ယဝ့ၫဒၪယီၩယမွဲယဟိဝၩတၭ,အဂူၫဂၩ အီၪနးဂၩအ့ၬ. အ့ၪလမွဲဘၪယၧၩတၭ, ယွၩအီၪအ့ၬ. ယခဲးထူၬယူၭနယးဒံၩ့ လါနၫ့တၭ, နၥ့ၪယၫယၧၩ
6 အ့ၬ.- ဘဲၫၥိၭၦၡၩမိၥ့ၪယၫ လၧမုထၪ့ဖိးလၧမုနုၬနီၪ အ့ၪလမွဲဘၪယၧၩတၭ, အီၪနးဂၩအ့ၬ. ယမွဲယဟိဝၩ
7 တၭ,အဂူၫဂၩအီၪနးစီၪ့အ့ၬ.- ယတဲၩ့ဆၧဖၩ့ယီၩ တၭ,ယမၩဆၧခံၭ, ယဒုၭအီၪထၪ့ ဆၧဘၪလိၬအိၭ လိၬတၭ,ယတဲၩ့ဆၧအၧၩ့လီၫ. ယဝ့ၫဒၪ ယဟိဝၩ
8 ယီၩယမၩဆၧလဖၪနီၪထီးအလူၬလီၫ.- မူၭခိၪဧ့,ဒုၭ လၩ့ဆၩ့ဆၧလၧထၭနီၪဆံၭ. မွဲဆၧအုၪ့ဆၧၩ့လၩ့ဆၧ တီၩဆၧလီၩ့ဆံၭ. မွဲဂၪ့ခိၪအိၭထၪ့တၭ, မွဲအဒုၭအီၪ ထၪ့ဆၧထိးထဲၩ့တၩ့ထဲၩ့ ဒဲဆၧတီၩဆၧလီၩ့မဲၪထၪ့,မွဲ အဒုၭမဲၪထၪ့ဆၧလစီၪ့ဎးဆံၭ. ယဝ့ၫဒၪ ယဟိဝၩ ယီၩတဲၩ့လၩ့ယူၭဝ့ၫယူၭ.
9 ၦၡၩလၧအဂဲးလိၬတ့ၭလိၬ လၧၦလဂၩလၧအတဲၩ့ လၩ့ဝ့ၫနီၪဘၪအၡၪ့လီၫ. မွဲဖၧၩ့အကဲၩ့လၧဖၧၩ့ဂၪ့ခိၪ အကဲၩ့အကျၩလီၫ. ကဖံၬမိစံၭၦလၧအကၧၩ့ဝ့ၫနီၪ,မွဲ နကၧၩ့နီၫလဲၪနီၪဆ့ဧၪ. ဆၧလၧနတဲၩ့နီၪမိစံၭ, နစူၪ
10 လအီၪဘၪနီၪဆ့ဧၪ.- ၦလၧအစံၭအဖါ, မွဲနထၪ့ဖိၪ နီၪလဲၪးဒဲအမိ, နအီၪဖျဲၪန့နီၫလဲၪနီၪ, မွဲအဘၪအၡၪ့ လီၫ.
11 ယဟိဝၩအံၫစရ့လၭအ ဆၧဆံၫ့ဎံၪလဂၩ, ဒဲဆၧ တဲၩ့လၩ့အဝ့ၫနီၪ, စံၭဘဲၫယီၩ,ဆၧလၧအမိမၩအၥၭ အဂဲးအကၠီၪ့နီၪအၪ့စၪ့ယၧၩဘီၪး ဒဲယဖိၪလဖၪဒဲဆၧ မၩလၧယစူၪအဂဲးအကၠီၪ့နီၪ, မွဲအအီၪဒၪဝ့ၫလၧယ
12 စူၪဖၧၩ့ဆံၭ.- ယတဲၩ့လၩ့ဂၪ့ခိၪ ဒဲဒုၭကဲၪထၪ့ ၦၡၩ အီၪလၧအဖၫ့ခိၪနီၪဆ့လီၫ. ယဝ့ၫဒၪယစူၪပၠၪထၪ့မူၭ ခိၪတၭ,အၥုၭမုခမျၧးထီးအလူၬနီၪ ယအီၪက့ၪလၧအ
13 လးလီၫ.- ယဝ့ၫဒၪယဒုၭအီၪထၪ့အဝ့ၫလၧဆၧတီၩ ဆၧလီၩ့တၭ, ယမိမၩလီၩ့အဖၧၩ့ၥၭထီးအလူၬလီၫ. အဝ့ၫဒၪမိမၩကဲၪထၪ့ထဲၩ့ယဒိၩ့လဖျိၪ့, အဝ့ၫဒၪမိမၩ ဂၭဖျ့ၭယၡၩလၧဆၧအၪ့မၧၫ့ဎီးဝ့ၫလဖၪနီၪ, လၧဆၧ အဎွ့ၩအဂး, လၧဆၧအလံၩ့အလဲၫအဂး လမွဲဘၪး ဆၧၥုၭမုခမျၧးအယဟိဝၩစံၭဝ့ၫဒၪ.
14 ယဟိဝၩစံၭဝ့ၫဘဲၫယီၩ, အံဇံၭအမၩဆၧဖံၭဆၧ, ဒဲကုၡၫ, ဒဲၦစဘံအၫ့ဖိၪလၧအမိၡါဒိၪလဖၪ လၧအန့ ဆၧနီၪမိဂဲၫလၧနအီၪတၭ, မိကဲၪထၪ့နဆၧလီၫ. အဝ့ၫ ၥံၪမိဖိၬနခဲၫ့တၭ, လၧၥွ့ၫထၭအဖၧၩ့နီၪအဝ့ၫၥံၪဂဲၫထီၩ့ နီၪ,မိဘိၪ့ထၪ့ဘၩထၪ့နၧၩ, မိဘၩဆိၪဖၪနၧၩတၭ, စံၭ, ယွၩအီၪလၧနဖၧၩ့တၭ, ယွၩအဂူၫဂၩအီၪနးဂၩအ့ၬ.
15 မွဲမၬ,နမွဲယွၩလဂၩလၧအအီၪက့ၪၥူၪနၥၭ, ၦထိးထဲၩ့
16 တၩ့ထဲၩ့ဆၧ, အံၫစရ့လၭအယွၩဧ့.- အဝ့ၫၥံၪအမ့ၬ မိမဲတၭ, မိအီၪက့ၪမဲအမ့ၬထီးအလူၬတၭး ၦလၧအ တဲၩ့ဆၧဂၩ့လဖၪနီၪ မိဘၪဆၧဂၭဂီၩ့ဘံၪဘူၪဝ့ၫလစီၪ့ ဎးလီၫ.
17 အံၫစရ့လၭမိထီၩ့လၧဆၧထိးထဲၩ့တၩ့ထဲၩ့ဝ့ၫအ ဆိၩအကၠၪ လၧယဟိဝၩအဖၧၩ့လီၫ. နၥံၪအမ့ၬလမဲ ဘၪတၭ,နၥံၪလအီၪက့ၪမဲဘၪနၥံၪအမ့ၬ အဆိၩဆိၩ
18 အကၠၪကၠၪနီၪလီၫ.- အဂဲးဘဲၫယီၩယဟိဝၩလၧအတဲၩ့ လၩ့မူၭခိၪ,စံၭဘဲၫယီၩ, ယွၩအနၫ့ဆါဒၪဝ့ၫလၧအတဲၩ့ လၩ့ဂၪ့ခိၪဒဲမၩဝ့ၫ, အဝ့ၫဒၪဒုၭအီၪခၧၫ့ဝ့ၫ, အဝ့ၫဒၪ တဲၩ့လၩ့ဝ့ၫမွဲဘဲၫၥိၭ အမိအီၪပျီၩအ့ၬ. မွဲဘဲၫၥိၭ မိ အီၪလၧၦမိအီၪလၧအဖၫ့ခိၪအဂးလီၫ. ယဝ့ၫဒၪယီၩ,
19 ယမွဲယဟိဝၩတၭ, အဂူၫဂၩအီၪနးဂၩအ့ၬ.- ယချဲၩ့ ၥူၪဆၧလၧဂၪ့ခိၪ ဆၧခံၭအလးဖၧၩ့နီၪမွဲအ့ၬ. မွဲယစံၭ စယၫကူၭအဆၨၩအဆၬ, နၥံၪဝ့ၫယီၩအၪ့ဎၬန့ယၧၩ ဆံၭနီၪ,မွဲအပျီၩပျီၩအ့ၬ. ယဝ့ၫဒၪယီၩယမွဲယဟိဝၩ လၧအချဲၩ့ဆၧတီၩတီၩလီၫ. ယဒုၭနဲၪဆၧလၧအတီၩ အလီၩ့လီၫ.
20 အီၪကိၩ့အီၪကီၪ့နၥံၪဝ့ၫတၭ, ဂဲၫထဲၩ့ဆံၭ. ၥုၭဘူၭ နၥံၪအၥၭစီၪ့ဎး, ၦလၧအဖီၩ့ဖျ့ၭလၧၦဆၨၩလဖၪအ ကျၩၥံၪဧ့, ၦလၧအဆိၬထၪ့ၥံၪ့အဆၧဂၩ့စိၭဖျၩအၥၭ နီၪဒဲဘၩဆိၪဖၪယွၩလဂၩ လၧအထိးထဲၩ့တၩ့ထဲၩ့ ဆၧလၥ့ၪဘၪလဖၪနီၪ ၦၡၩလဖၪနီၪၥ့ၪယၫဆၧနးမံၩ့
21 အ့ၬ.- ဒုၭနဲၪဆၧ ဒဲဒုၭဂဲၫဘူၭဝ့ၫတၭး မွဲမၬ, အကိၪ့ လိၬအၥၭဆံၭ. မွဲပလၫဒုၭနါဂၧၫ့ဆၧနီၪ လၧဖျိၩ့လံၩ လံၩလဂၩလဲၪး မွဲပလၫဒုၭနဲၪဝ့ၫ လၧအၥၫ့နီၪလဂၩ လဲၪ.ယဝ့ၫဒၪယဟိဝၩမွဲအ့ၬဧၪ. တၭအ့ၪလမွဲဘၪ ယၧၩယွၩအီၪဝ့ၫနးဂၩအ့ၬ. ယွၩအတီၩအလီၩ့ၦထိး ထဲၩ့တၩ့ထဲၩ့ဆၧး အ့ၪလမွဲဘၪယၧၩအီၪနးဂၩအ့ၬ.
22 ဂၪ့ခိၪထုၬ ၦထီးအလူၬၥံၪဧ့, ဘဲၫၥိၭနၥံၪမိန့ဘၪဆၧ ထိးထဲၩ့တၩ့ထဲၩ့နီၪ, ယိထၪ့ယၧၩဆံၭ. အဂဲးဘဲၫယီၩ
23 ယမွဲယွၩတၭ,အဂူၫဂၩအီၪနးဂၩအ့ၬ.- ယဆိၪလၩ့ယ ၥၭလၧယနၫ့ဆါဒၪယဝ့ၫ, ဆၧချဲၩ့နီၪထၪ့ဖျ့ၭယူၭလၧ ယနိၭလၧဆၧတီၩဆၧလီၩ့ အဖၧၩ့ယူၭး တၭလမိဂဲၫ ထဲၩ့ထဲၩ့ဘၪနီၪမွဲဘဲၫယီၩ, ကယဲၦၡၩမိဘၪချံၭလၩ့အ ခၪ့လုးခိၪလၧယမ့ၬယၫး ကယဲၦၡၩအဖျ့ၩ မိဆိၪလၩ့
24 အၥၭလၧယမ့ၬယၫလီၫ.- ၦလဂၩဂၩမိစံၭတၡါ, န့ၫ လၧယဟိဝၩအဖၧၩ့ ယအီၪလၧဆၧတီၩဆၧလီၩ့, ဒဲ ဆၧအဂဲးအဘၭလီၫ. ၦၡၩမိဂဲၫလၧအအီၪတၭ, က ယဲၦလၧအၥၭထၪ့ထၫ့ဒၩအဝ့ၫနီၪ အမ့ၬမိမဲထီးအလူၬ
25 လီၫ.- ကယဲၦအံၫစရ့လၭအချံၫအၥၪ ထီးအလူၬနီၪ, ဆၧမိအီၪက့ၪတီၩအီၪက့ၪလီၩ့ဝ့ၫလၧ ယဟိဝၩအဖၧၩ့ ဒဲမိအီၪက့ၪဖိၫလိၫအၥၭလၧအဖၧၩ့လီၫ.