46
1 ဘၫအလၭခိၬလၩ့, နံဘိၫကူၭလၩ့အၥၭ,အဆၧဂၩ့ ဆၧဖၪ့ၥံၪနီၪ ဘၪဆၧအီၪက့ၪဝ့ၫလၧဆၧဖိၪဆၧဎါအ လီၩ့,ဒဲဆၧဖိၪဆၧဎါ အဒိၩ့အလီၩ့လီၫ. နၥံၪအဆၧ အွံၪဆၧယိၭတဲၩ့ဝဲၩယူၭ, ဆၧဖဒၨၭလၧဆၧဖိၪဆၧဎါ
2 လၧဆၧပွံၭအၥၭအဂးလီၫ.- အဝ့ၫၥံၪၡီၫ့လၩ့ကူၭလၩ့ အၥၭ,ခိၬလၩ့ဝ့ၫလစီၪ့ဎးတၭ, မၩဖီၩ့ဖျ့ၭဆၧဖဒၨၭၥ့ၪ အ့ၬ.အဝ့ၫၥံၪအနၫ့ဆါဒၪဝ့ၫ လ့ၩလၧဆၧအၪ့မၧၫ့ကဲၪ ဎီးအဖၧၩ့လီၫ.
3 ခိၭနၪယလူစယၫကူၭအဂံၪ့ဖိၪ, ဒဲကယဲၦလၧအအီၪ လၩ့ထးလၧအံၫစရ့လၭအဂံၪ့ဖိၪထီးအလူၬ,ၦလၧယ ဆိၬဝ့ၫ လၧဆၧဂူၭဖိၫ့ဖၧၩ့ လံၩလံၩ ခီးဘိၩ့နဲၪ့ယီၩ, လၧအဘၪဆၧဆိၬဝ့ၫ လၧအမိအဒၧၩ့လးဖၧၩ့လံၩလံၩ
4 ခီးဘိၩ့နဲၪ့ယီၩ,ၥံၪဧ့,- ယမွဲအဝ့ၫဒၪထီၩ့လၩ့လၧၦၥၭ ၡါတၭ,ယမိဆိၬနၥံၪထီးနၥံၪအခိၪဘွၩလီၫ. ယဝ့ၫဒၪ ယမၩယူၭတၭ, ယဝ့ၫဒၪယမိဆိၬဆၧတၭ, ယဝ့ၫဒၪ ယမိအွံၪဆၧယိၭဆၧတၭ, ယမိမၩဖီၩ့ဖျ့ၭဆၧလီၫ.
5 နၥံၪမိဒီၩ့လၩ့ယၧၩတၭ, အီၪက့ၪမီၪ့ဎီၩ့ယၧၩ, ဒဲယိဎီၩ့ ယၧၩဘဲၫၥိၭပမိလၩ့ဂၬလိၬပၥၭ လၧပလၫလဂၩလဲၪ.
6 ၦလၧအလလီၫ့ကီၩ့ဘၪဆၧနီၪ ထုၭထၪ့ထီၫ့လၧထိၪ့ ဖၧၩ့အၪအၪလ့ၬတၭ, ခံၫ့စ့ၩလၧခံၫ့ဖၧၩ့, အၪ့လံၩ့ၦနဲၫ့ ထီၫ့တၭ,အဝ့ၫဒၪတဲၩ့ယွၩ လၧအဝ့ၫလီၫ. အဝ့ၫၥံၪ
7 ထွံၩလၩ့ဝ့ၫ,မွဲမၬ, ဘိၪ့ထၪ့ဘၩထၪ့ဝ့ၫလီၫ.- အဝ့ၫ ၥံၪယိၭဝ့ၫလၧအခိၬထံၭခိၪတၭ,ဆိၬဝ့ၫတၭ, အီၪက့ၪ ဝ့ၫလၧအလးဒၪဝ့ၫတၭ, အဆၧၫ့ထုၪ့ထီးနီၪလီၫ. ၥုၭ အၥၭလၧအလးအ့ၬ, မွဲမၬ, ၦမိကိၭထၪ့လါနၫ့လၧအ အီၪနီၪ, စံၭဆၧၫ့ဆၧၥ့ၪအ့ၬး တၭထိးထဲၩ့တၩ့ထဲၩ့ဝ့ၫ လၧအဆၧခိဆၧဝီၩအဖၧၩ့နီၪၥ့ၪဆ့အ့ၬ.
8 နၪ့ထၪ့ထဲၩ့ဆၧနီၪတၭ, ဒုၭနဲၪနၥံၪအၥၭ လၧနၥံၪ မွဲၦၡၩဆံၭ. ၦမၩမၪဆၧဖိၪၥံၪဧ့, ထီးန့လၧနၥံၪအၥၭ
9 ဆံၭ.- နၪ့ထၪ့ထဲၩ့ဆၧလၧအခၪ့ထံၭ လၧဖျိၩ့နီၪဆံၭ. အဂဲးဘဲၫယီၩယမွဲယွၩတၭ, အဂူၫဂၩအီၪနးဂၩအ့ၬ.
10 ယမွဲယွၩတၭ, ဆၧလၩ့ဂၬယၧၩအီၪအ့ၬ.- ခီၫလၧဖျိၩ့ နီၪယဒုၭနဲၪဆၧလၧအခၪ့ထံၭထီးအထုၬ, ဆၧလၧအ လမၩဒံၭဘၪအၥၭတၭ, ယစံၭ, ဆၧလၧယကၩ့ကၩ ဝဲၩနီၪမိအီၪခၧၫ့ဝ့ၫတၭ, ကယဲဆၧဘၪယၥၭနီၪ ယမိ
11 မၩထီးအလူၬလီၫ.- ယကိၭထိၪဖၭဒိၪလဘံၪ့လၧမု ထၪ့လခီၫ, ဒဲၦလၧအမၩယကိၪ့ထၪ့ဆၧလဂၩနီၪလၧ ထံၫယဲၩ့ခးယဲၩ့လီၫ. ယချဲၩ့ယူၭ, မွဲမၬ, ယမိမၩအီၪ
12 ထၪ့ယကၩ့ကၩဆၧ, မွဲမၬ, ယမိဒုၭမၩအၥၭလီၫ.- ၦ လၧအၥၭကၪ လၧအအီၪယဲၩ့လၧဆၧတီၩဆၧလီၩ့ၥံၪ
13 ဧ့,ခိၭနၪယလူဆံၭ.- ယဆၧတီၩဆၧလီၩ့နီၪ ယမိဒုၭ ဂဲၫဘူၭဝ့ၫတၭး အီၪဘၪလၧအယဲၩ့အ့ၬး တၭယဆၧ ထိးထဲၩ့တၩ့ထဲၩ့နီၪ ၥုၭနံၩၥုၭၥၫ့အ့ၬ. တၭယမိအီၪ က့ၪလၩ့ယဆၧထိးထဲၩ့တၩ့ထဲၩ့ လၧဇံအိၫ့အဖၧၩ့လၧ အံၫစရ့လၭအဂးယဆၧလၩဖၩ့လီၫ.