44
1 တၭဘိၩ့နဲၪ့ယီၩခိၭနၪ, ယခ့ၫယၡၩစယၫကူၭဧ့,
2 ဒဲအံၫစရ့လၭလၧယရွံန့ဝ့ၫလဂၩဧ့,- ယဟိဝၩလၧအ တဲၩ့လၩ့နၧၩ ဒဲဒုၭကဲၪထၪ့နၧၩ လၧဆၧဒၧၩ့လးဖၧၩ့ လံၩလံၩလဂၩနီၪ, မိမၩဆၧၩ့နၧၩတၭ, စံၭဝ့ၫဘဲၫယီၩ, ယခ့ၫယၡၩစယၫကူၭဧ့, ဒဲၦလၧယရွံန့ဝ့ၫစယ့ၭၡရၧၫ့
3 လဂၩဧ့,ထီးၥၭမဲၪလဂ့ၩ.- အဂဲးဘဲၫယီၩယမိလူၫ လၩ့ထံၫလၧၦလၧဆၧၥၭဝံအၥၭလၧထံၫအလီၩ့,ဒဲဒုၭ လၩ့ယွၩထံၫလၧဂၪ့ခိၪဎဲၫ့ထၬအဖၫ့ခိၪလီၫ. ယမိလူၫ လၩ့ယၥၭမုလၧနချံၫနၥၪအလီၩ့,ဒဲယဆၧဆိၪဂ့ၩလၧ
4 နဆၨၩနဆၬအလီၩ့လီၫ.- တၭအဝ့ၫၥံၪမိမၩအၥၭဘဲၫ ဖံစလီၫ့မဲၪထၪ့ လၧနၪ့ၥံၪမံၩ့ၥံၪအကျၩ လၧထံၫကၠီၪ့
5 နဲၩ့အၥိၭနီၪလီၫ.- ၦလဂၩမိစံၭယဝ့ၫဒၪယီၩ ယမွဲယ ဟိဝၩအၡၩလီၫ. တၭအလဂၩဒၪမိကိၭလၩ့အၥၭလၧ စယၫကူၭအမံၩ့လီၫ.တၭအလဂၩဒၪမိကွ့ၭဝ့ၫလၧအ စူၪလၧအမွဲယဟိဝၩအဆၧတၭ, မိကိၭလၩ့အၥၭလၧ အမံၩ့ၥၫ့အံၫစရ့လၭလီၫ.
6 ယဟိဝၩအံၫစရ့လၭအစဎွၩ, ဆၧလၧအဎွ့ၩန့ထဲၩ့ အံၫစရ့လၭ, ဆၧၥုၭမုခမျၧးအယဟိဝၩစံၭဘဲၫယီၩ, ယဝ့ၫဒၪယီၩယမွဲဆၧအခၪ့ထံၭတၭ, ယဝ့ၫဒၪယီၩယ မွဲဆၧအခဲၫ့ထုၬတၭ, အ့ၪလမွဲဘၪယၧၩယွၩအီၪနးဂၩ အ့ၬ.
7 တၭခီၫလၧယအီၪက့ၪလၩ့ ၦခမျၧးအဆိၩအကၠၪ လဆၨၩနီၪ,မွဲပလၫမိကိၭထၪ့ဆၧတၭ,ဒုၭနဲၪဝ့ၫ, ဒဲတဲၩ့ ဝဲၩဆၧလၧယဂးတၭ, ဆၧလၧအမၩအၥၭ, ဒဲဆၧလၧ အမိမၩအၥၭနီၪ, မိလီၩဘၪဝ့ၫဘဲၫယၧၩအၥိၭလဂၩ
8 လဲၪ.မွဲအဒုၭနဲၪဖျီၪထၪ့ဝ့ၫဆံၭ.- ထီးၥၭမဲၪနၥံၪဝ့ၫ လဂ့ၩ,ဒဲအၪ့ယိၪဆၧလဂ့ၩ, ယဒုၭနါဂၧၫ့နၧၩတၭ, လီၩဘၪနၧၩ လၧဖျိၩ့လံၩလံၩမွဲအ့ၬဧၪ. တၭနၥံၪမွဲ ယၡၩထိးအၥၭမွဲအ့ၬဧၪ. အ့ၪလမွဲဘၪယၧၩ, မွဲယွၩ လဂၩဂၩအီၪဒံၭဆ့ဧၪ. မွဲကဒၪယူၭ, လဲၫ့လအီၪဘၪ, ယၥ့ၪယၫနးစီၪ့အ့ၬ.
9 ၦလၧအတဲၩ့ဆၧဂၩ့ဆၧဖၪ့ မွဲဆၧအီၪပျီၩ ထီး အလူၬတၭ, အဆၧအဂ့ၩအဘၪနီၪ မွဲဆၧန့ကၩ ဆၧအ့ၬ.တၭမွဲအၡၩထိးအၥၭဒၪဝ့ၫနီၪ, လဒၪ ဘၪဆၧဒဲလၥ့ၪယၫဘၪဆၧ ဘဲၫၥိၭအမ့ၬ မိမဲလီၫ.
10 မွဲပလၫတဲၩ့လၩ့ ယွၩတၭ, ၥိၫ့ဆၧဂၩ့ဆၧဖၪ့လၧ
11 အလန့ကဲၩ့န့ကၩဘၪဆၧလဂၩလဲၪ.- ယိခွါ, အထံၩ အၥိၭထီးအလူၬအမ့ၬမိမဲလီၫ. တၭၦတဲၩ့ဆၧလဖၪ နီၪမွဲၦၡၩလီၫ. မိအီၪကီၪ့ထီးအလူၬနီၪမိဆၧၫ့ထုၪ့, မိ
12 ၥၭမဲၪၥၭဖျဲၩ့ဆၧ, မိမ့ၬလဲၩလစီၪ့ဎးလီၫ.- ဘဲၫၥိၭအမိ မၩထၪ့အခံးအဂၩ့ လၧစၭခုၪနီၪ ထမၬၥံၪလူၭလၩ့ဝ့ၫ လၧအနိၪထံၬလၧမ့ၪအၧၩ့ကျၩတၭ, မိထုၭထၪ့အစူၪ ဒူၪအဂဲးအဘၭတၭ, မိထးဝ့ၫလီၫ. လၧနီၪအမ့ၬယၫ ဆၧၥၭဝံအၥၭတၭ, အဂဲးအဘၭအီၪအ့ၬ. လအီၩဘၪ
13 ထံၫတၭလၩ့ဘဲၩဝ့ၫလီၫ.- လဲၬၥမါနီၪ,စိၭဖျၩယူၭၥံၪ့ ၥံၪယူၭ,ဆုးထၪ့ယူၭပနီၫ့ဖျံၩယူၭ, မိကွ့ၭနဲၪ့ဝ့ၫလၧနိၪ ကွ့ၭဆၧ,မိတဲၩ့ဝ့ၫလၧနိၪဖျၩတၭ, မိမၩနဲၪ့ဝ့ၫလၧနိၪ ဖၭထါလီၫ. အနီၪတၭ, တဲၩ့ဝဲၩဝ့ၫဘဲၫၦၡၩအဂၩ့အ ၥိၭ,ဘဲၫၦၡၩအဎံၫအလၩအၥိၭ ဘဲၫၥိၭအမိအီၪလၧ
14 ဂံၪ့ဖၧၩ့လီၫ.- အဝ့ၫခူၬလၩ့ခွံၬၥံၪ့ၡိၫအ့ရ့ၭ လၧအဂး နီၪးဒဲအၪ့မၩန့ၥံၪ့အကိၩ့ ဒဲၥံၪ့ထိၭဖၫတၭ, မၩန့ထၪ့ ဝ့ၫလၧအဂးဒၪဝ့ၫလၧမံၩ့လၬကျၩအၥံၪ့ကျၩလီၫ. ၥုၪ့ ၥံၪ့ၡိၫလထုၪ့တၭ,ဆၧဆၧၩ့မိဒုၭဒိၪထၪ့ဝ့ၫလီၫ.- ထီး
15 နီၪလဖၧၫ့မွဲအကဲၪထၪ့ဝ့ၫလၧၥံၪ့မုလၧ ၦၡၩအဂးလီၫ. တၭမိမၩန့ဝ့ၫလကုၭ ဆူၭဆူၭမ့ၪ လၧအနၫ့ဆါဒၪဝ့ၫ လီၫ.မွဲမၬ, မိဆူၭခဲၩ့မ့ၪတၭ အၪ့ကၪကိၪလီၫ. မွဲမၬ, မိတဲၩ့ဆ့အယွၩတၭ, ထွံၩလၩ့ဘၩဝ့ၫလီၫ. တဲၩ့ယူၭ ဆၧဂၩ့စိၭဖျၩတၭ, ထွံၩလၩ့ဝ့ၫလၧအမ့ၬယၫလီၫ.
16 ဆူၭထၪ့ခွံၬယူၭလကုၭလၧမ့ၪယူၭ, အလကုၭနီၪမိအၪ့ ဖီၫ့အၪ့ဆၧယၪ,မိအၪ့ကၪဆၧယၪတၭ,မိအၪ့ဘျဲၩအၪ့, ဒဲမိဆူၭဆူၭအၥၭလၧမ့ၪတၭ, စံၭဝ့ၫ, အၫဟါ, ယလၧၩ့
17 ယူၭ,ယဒၪဘၪမ့ၪယူၭ.- တၭဆၧအီၪလၩ့ထးနီၪတဲၩ့ ယူၭဝ့ၫလၧအယွၩ, အဆၧဂၩ့စိၭဖျၩအၥၭလီၫ. ထွံၩ လၩ့ဒဲဘိၪ့ထၪ့ဘၩထၪ့ဝ့ၫတၭ, ဘၩဆိၪဖၪဝ့ၫစံၭ, မၩ ဖီၩ့မၩဖျ့ၭယၧၩဆံၭ. အဂဲးဘဲၫယီၩ နမွဲယယွၩလီၫ.
18 ၦဘဲၫနီၪလဖၪ လၥ့ၪယၫဘၪဆၧတၭ, နၪဆၧၥ့ၪအ့ၬ. အဂဲးဘဲၫယီၩဆၧကၭဘံၭထၬအမ့ၬဘဲၫၥိၭအထီးဒၪ ဆၧလဂ့ၩ, ဒဲအၥၭနီၪဘဲၫၥိၭအထီးမၩလၧဆၧကိၪ့ၥ့ၪ
19 လဂ့ၩလီၫ.- လထီးန့ဘၪအၥၭတၭ,လအီၪဘၪလၧ ဆၧၥ့ၪယၫအၥုၪ့ဆၭအၥၭဆၭလၧအမိစံၭ, ယဆူၭခွံၬ ယူၭလကုၭလၧမ့ၪယူၭ. မွဲမၬ, လၧအမ့ၪအၧၩ့အဖၫ့ခိၪ ယဎူယူၭကိၪး ယအၪ့ကၪယူၭဆၧယၪတၭ, အၪ့ဆၧ ယူၭတၭ, လၧဆၧအီၪလၩ့ထးနီၪ, မွဲယမိမၩဆၧၥၭ လိၪဆ့ဧၪး မွဲယမိထွံၩလၩ့လၧၥံၪ့ကုၭအမ့ၬယၫနီၪဆ့
20 ဧၪ.- အဝ့ၫဒၪအၪ့ဖံၫ့ချၪး အၥၭလၧဆၧအၪ့လီၫန့ဝ့ၫ လမံၩ့ဒုၭဂၭဖျိၭဝ့ၫလၧဖၧၩ့ၥၭတၭ, မၩဖီၩ့မၩဖျ့ၭအ ၥၭဒၪဝ့ၫၥ့ၪအ့ၬတၭ, လစံၭဘၪ, ဆၧကဘျံၭကဘျၪအီၪ ဝ့ၫလၧယစူၪထွ့ၪနီၪ, မွဲအ့ၬဧၪ.
21 စယၫကူၭဧ့, ဒဲအံၫစရ့လၭဧ့,နၪ့ထၪ့ထဲၩ့ဆၧနီၪလ ဖၪဆံၭ. အဂဲးဘဲၫယီၩနမွဲယခ့ၫယၡၩလီၫ. ယတဲၩ့ လၩ့နၧၩနမွဲယခ့ၫယၡၩလီၫ. အံၫစရ့လၭဧ့,ယၥၭနၪ့
22 ဘၪနၧၩအ့ၬ.- ယထူၭခွံၬယူၭနဆၧမၪဘဲၫဆၧအုၪ့တၪ့ အၥိၭ,ဒဲနဆၧဒဲၩဘၭဘဲၫဆၧအုၪ့အၥိၭနီၪယူၭ. ဂဲၫထဲၩ့ ကဒၩထဲၩ့လၧယအီၪဆံၭ. အဂဲးဘဲၫယီၩယဎွ့ၩန့ထဲၩ့ ယူၭနၧၩယူၭ.
23 ၥံၫကျံၩဆၧမူၭခိၪဧ့, အဂဲးဘဲၫယီၩယဟိဝၩမၩယူၭ ဝ့ၫယူၭ, ကိၭၡၭထၪ့ဆၧ, ၦလၧဂၪ့ခိၪချိၫ့လခီၫဧ့, ဆၬ ထၪ့ထၭခိၪ, ခိၪလီၩ့ၥံၪဧ့, မံၩ့လၬကျၩဒဲကယဲၥံၪ့လၧ အဖၧၩ့ကိၭထံၭဒ့ၭဆံၭ. အဂဲးဘဲၫယီၩယဟိဝၩဎွ့ၩန့ ထဲၩ့ယူၭစယၫကူၭတၭ, မိမၩလၩဖၩ့လၩ့အၥၭလၧ အံၫစရ့လၭအကျၩလီၫ.
24 ယဟိဝၩလၧအဎွ့ၩန့ထဲၩ့နၧၩ ဒဲဒုၭကဲၪထၪ့နၧၩခီၫ လၧဒၧၩ့လးအဖၧၩ့နီၪစံၭဘဲၫယီၩ, ယဝ့ၫဒၪယီၩယမွဲ ယဟိဝၩလၧအၥ့ၪဆၧလူၬ, လၧအပၠၪထၪ့မူၭခိၪလဂၩ ဎး,လၧအဒၩလၩ့ဂၪ့ခိၪ ယနၫ့ဆါဒၪယဝ့ၫလဂၩဎး,
25 လၧအမၩဂၭဂီၩ့ၦချဲၩ့ဘျံၭချဲၩ့ဘျၪအဆၧနဲၪ့, ဒဲဒုၭဖျႃ ထၪ့ၦၡၩအၪ့ဖၩ့ဆၧလဖၪ လၧအဒုၭထဲၩ့ထဲၩ့ၦကိၪ့ ဆၧၥ့ၪတၭ, အီၪက့ၪအဆၧၥ့ၪယၫလၧဆၧဘၪဆဲၫ့လၧ
26 ၦဂီၩ့ဖိၪး- လၧအဒုၭအီၪဂုးအီၪခၧၫ့အခ့ၫအၡၩ အဆၧ ချဲၩ့တၭ,မိမၩလၧၫ့ထၪ့ဎွ့ၩထၪ့အၥီၫ့အဆၧကိၭး ၦလၧ အစံၭဆၧလၧယရုစလံၫ့အဂဲး, ၦၡၩမိအီၪလၧနဖၧၩ့း ဒဲလၧယုဒၫအဒိၩ့လဖၪအဂဲးနီၪ, ၦၡၩမိမၩကဲၪထၪ့ ထဲၩ့ဝ့ၫတၭ,အလးလၩ့ဎီးနီၪယမိမၩထၪ့ထဲၩ့ဝ့ၫလီၫ.
27 ၦလၧအစံၭ, ဆၧယိၬဖၧၩ့နီၪလၩ့ၥံၭခွံၬဆံၭး တၭယမိ
28 မၩလၩ့ၥံၭခွံၬနၥံၪအထံၫမိၡါနီၪလီၫ.- လၧအစံၭဆၧ လၧစဲရၧၭအဂဲး, မွဲယၡၩယူၬၥိၪတၭ, မိမၩဝ့ၫကယဲ ဆၧဘၪယၥၭတၭး စံၭဆၧလၧယရုစလံၫ့အဂဲးနီၪ,နမိ ဘၪဆၧဒုၭကဲၪထၪ့နၧၩတၭးလၧဆၧလုအဂံၪ့အဂဲးနီၪ, နခၪ့ထံၭလဖၪမိဘၪဆၧအီၪက့ၪလၩ့ဝ့ၫလီၫ.