1 ၦအဆၨၩၥံၪဧ့,ဘဲၫၥိၭနၥံၪမိနါဂၧၫ့ဆၧနီၪ, ၥုၭဘူၭ နၥံၪအၥၭဆံၭ. တၭၦခမျၧးၥံၪဧ့,ခိၭနၪဆံၭ. မွဲဂၪ့ခိၪ ဒဲဆၧအီၪလၧအဖၧၩ့, ဂၪ့ခိၪ, ဒဲဆၧကဲၪထၪ့လၧအဖၧၩ့ 2 နီၪခိၭနၪဆၧဆံၭ.- အဂဲးဘဲၫယီၩ ယဟိဝၩၥၭထၪ့ ၦကိၭဆၨၩဒ့ၭ, ဒဲၥၭခဲၩထၪ့ဘၪ အၥုၭမုခမျၧးကိၭစီၪ့ ဒ့ၭတၭ,အီၪက့ၪဝ့ၫလၧဆၧဂၭဂီၩ့အဂး, ဒဲဖ့ၪလၫ့ခွံၬ ဝ့ၫလၧဆၧၥံၫအဂးလီၫ.

3 တၭအဝ့ၫၥံၪအၡၩ ဘၪဆၧကျီၪ့ၥံၫဝ့ၫနီၪ ဆၧမိခွံၬ ၡိၭခွံၬဝ့ၫလီၫ. အစွၪမိနၧၫ့အုၪထၪ့တၭ, ခိၪလီၩ့ထိၩ့ 4 ချိၬမိဖံၪထၪ့ဝ့ၫ လၧအၥွံၪလီၫ.- မူၭခိၪအၥုၭမုခမျၧး ထီးအလူၬနီၪမိလူၬခွံၬတၭ, မူၭခိၪမိထူၫထၪ့အၥၭဘဲၫ လံၬထူၫထၪ့ဝ့ၫအၥိၭနီၪတၭ, အၥုၭမုခမျၧးထီးအလူၬ မိလၩ့ထ့ၬ, ဘဲၫလၪလၩ့ဎွံၪလၧစဘံၭမုအၥိၭ, ဒဲဘဲၫချိၪ့ 5 ဒိၩ့ၥၪလၩ့ဘၩ့လၧၥံၪ့ချိၪ့ဒိၩ့အလီၩ့အၥိၭနီၪလီၫ.- အ ဂဲးဘဲၫယီၩယနၭမိစုၪလၩ့အၥၭလၧမူၭခိၪ, ယိခွါ,မိဂဲၫ လၩ့ဘၪခးအံဒၧၫ့, ဒဲလၧၦလၧအဘၪယဆၧဆိၪအၧၩ့ 6 လၧဆၧစ့ၩရၫ့အကၠီၩ့လီၫ.- ယဟိဝၩအီၪလၧအနၭ လဘံၪ့ဎွ့ၩလၧဆၧၥွံၪ, ဘျဲၩအၪ့လၧဆၧၥိၪ, ဒဲၥိၪဖိၪ, ဒဲဘ့ၪအၥွံၪ,ဒဲၥိၪဖၫအလ့အၥိၪနီၪလီၫ. အဂဲးဘဲၫယီၩ ယဟိဝၩ အီၪလၧဆၧလုဖၭဒိၪ လၧဘီၭဇရၫအဖၧၩ့း 7 ဒဲဆၧမၩၥံၫဖၭဒိၪ လၧခးအံဒၧၫ့အဖၧၩ့နီၪလီၫ.- ဆၧ ဒိၪၥံၪမိလၩ့ထံၩဖါလၧအၥိၭ, ဒဲချီဖၫ, ဒဲချီဖၫၡါတၭ, အခးနီၪမိဘၪစုၪဘိၪ့လၩ့ဝ့ၫ လၧဆၧၥွံၪအဖၧၩ့တၭ, 8 အဂၪ့ခိၪအမုၬနီၪ မိဘီၪ့ထၪ့လၧဆၧၥိၪလီၫ.- အဂဲး ဘဲၫယီၩဆၧမၩဆၧၫ့ဆၧအၧၩ့ အမုလနံၩအီၪလၧယ ဟိဝၩ,ဆၧဖ့ၪထဲၩ့ဆၧအနံၪ့ လၧဇံအိၫ့အခွးအဂး 9 လီၫ.- တၭထံၫချိၬလဖၪမိကဲၪထၪ့ကျဲၩ့တံၭ,ဒဲအဂၪ့ခိၪ မုၬနီၪ,လၧကးတၭ, အဂၪ့ခိၪမိကဲၪထၪ့ကျဲၩ့တံၭလၧ 10 မ့ၪအၪ့ဝ့ၫလီၫ.- လၧမုဆၫမွဲဂ့ၩ,လၧမုနၩမွဲဂ့ၩ,လၩ့ဖံၬ ဘၪအ့ၬ.အမ့ၪခူၪမိထၪ့ဝ့ၫလၩ့ဆိၩလၩ့ကၠၪလီၫ. လ ဆိၩဘၪလဆိၩ, လကၠၪဘၪလကၠၪ,မိအီၪယူလၩ့ဆိၩ 11 လၩ့ကၠၪၦခၫ့ဂၬဘၪဝ့ၫအ့ၬ.- ထိၪစၭကဝၭ, ဒဲဆၧဂိၬ ဆူၪမိန့ၥၫဝ့ၫတၭ, ထိၪဖၭဒိၪ ဒဲကျၭမိအီၪလၧအဖၧၩ့ လီၫ.တၭဆၧမိဆုးထၪ့ဖျံၩအီၪပျီၩလဘီၩ့ လၧအဖၫ့ 12 ခိၪ,ဒဲလိးအီၪယူနီၪလီၫ.- အဝ့ၫၥံၪကိၭလါနၫ့ၦဒိၪၥံၪ တၭ,အဘၩ့အမုးလအီၪဘၪထီးနီၪ, အၦဒိၪဖၭဒိၪ လဖၪအီၪလၧၩ့နးဂၩအ့ၬ.

13 ဆၧဆူၪအၪမံၩ့မိမဲၪထၪ့လၧအနီးဖၧၩ့, ဒဲလၧအ ထိၬဖၧၩ့နီၪလီၫ. တၭမိကဲၪထၪ့ထွံၪဂၪ့ခိၪအဖၧၩ့ဒဲထိၪ 14 ကလအူၭအအီၪအလးနီၪလီၫ.- ဆၧမံၩ့လၬမိဘၪခီၩ့ လၧထွံၪမံၩ့ဖိၪ,ဒဲဆၧထီၫဆီၪ့ကိၭလိၬအၥၭလၧအၥိၭ လီၫ.ထီးနီၪလံၬနၪ အီၪပွံၭတၭ, ဒၪန့ဆၧအီၪပွံၭအ 15 လးလၧအဂးလီၫ.- ထီးနီၪဂူဖျါမိမၩအၥွံၫဒံၪဝ့ၫလီၫ. အဒံၪဖၭထၪ့ဂီၩ့တၭ, မိဒုၭအီၪကီၪ့အဖိၪလၧအလၩ ၡုၪဖၧၩ့လီၫ. တၭထီးနီၪလၫ့ကထၬမိအီၪကိၩ့အီၪကီၪ့ 16 လဘံၪ့ဒဲအၥိၭ, လဘံၪ့ဒဲအၥိၭလီၫ.- အၪ့ဎၬဆၧလၧ ယဟိဝၩအလံၬဖၧၩ့တၭ, ဖီထၪ့ဘီၪး ဆၧလၩ့မါဘၪ နးဘံၪ့အ့ၬ. ဆၧလၧအၥိၭလအီၪဘၪမိအီၪနးမံၩ့အ့ၬ. အဂဲးဘဲၫယီၩယနိၭမၪလူၬဆၧနီၪ, ဒဲယၥၭနီၪဒုၭအီၪ 17 ကီၪ့ဝ့ၫလီၫ.- အဝ့ၫဒၪဖၭဆၧလၧအဝ့ၫၥံၪအဂးဆ့တၭ, အစူၪအၪ့နၩ့ဖၭအဆၧၫ့လၧဖျံၩလၧအဂးလီၫ. မိန့ၥၫ ဝ့ၫလၩ့ဆိၩလၩ့ကၠၪ, မိအီၪဝ့ၫထီးနီၪလဆိၩဘၪလဆိၩ လီၫ.