33
1 နဝ့ၫဒၪလၧအအၪ့ဂူၬန့ဆၧတၭ, ၦလအၪ့ဂူၬန့ဘၪ နဆၧး အၪ့လီၫဆၧတၭ, ၦလအၪ့လီၫန့ဘၪနၧၩလဂၩ ဧ့,နဘၪအၡၪ့လီၫ. ထီးနလအၪ့ဂူၬန့လၧၩ့ဘၪဆၧ တၭ,ဆၧမိအၪ့ဂူၬန့နဆၧး တၭထီးနအၪ့လီၫဆၧဂီၩ့ နီၪၦမိအၪ့လီၫန့နၧၩလီၫ.
2 ယဟိဝၩဧ့,ယၫ့ၥၭပၧၩဆံၭ, ပယိလါနဖၧၩ့ၥၭလီၫ. ကဲၪထၪ့အဝ့ၫၥံၪအစူၪဒူၪလၧမုဂီၩ, ဆၧထိးထဲၩ့တၩ့
3 ထဲၩ့ပၧၩလၧဆၧခိဆၧဝီၩအထီနီၪဆံၭ.- လၧဆၧတုၩ့ ထၪ့တုၩ့လၩ့အၥီၫအကၠီၩ့နီၪ, ၦခမျၧးစဲၪ့ဖျိၭ ထီးနဂဲ
4 ထုၪ့နီၪၦဆၨၩလဖၪလၩ့ပြံၩလၩ့ပၩလီၫ.- တၭနၥံၪ အၪ့ဂူၬန့ဆၧနီၪ မိကဲၪဘဲၫထွ့အီၪက့ၪကီၪ့ဆၧအၥိၭ, ဘဲၫထွ့စဲၪ့အၥိၭနီၪ ၦလဂၩဂၩဂဲၫစဲၪ့ လၧအအီၪနီၪ
5 လီၫ.- ယဟိဝၩဘၪဆၧအီၪက့ၪထၪ့ထီၫဝ့ၫနီၪ,အဂဲး ဘဲၫယီၩအီၪဝ့ၫလၧဆၧအလးထၪ့ထီၫလီၫ. အဝ့ၫဒၪ မၩဎွ့ၩယူၭ ဇံအိၫ့လၧဆၧစ့ၩရၫ့ ဒဲဆၧတီၩဆၧလီၩ့
6 လီၫ.- တၭမွဲအကဲၪထၪ့နဆၧၫ့နထီလဖၪအဆၧဒိၭနဲၩ့ အၥၭအလး, ဒဲဆၧထိးထဲၩ့တၩ့ထဲၩ့အဂဲးအဘၭ, ဆၧ ကိၪ့ၥ့ၪ, ဒဲဆၧၥ့ၪယၫးဆၧၥၭမဲၪယဟိဝၩနီၪမွဲဆၧလူ ဒိၪဎွ့ၩဒိၪလီၫ.
7 ယိခွါ,အၡၩအဆီၪ့လဖၪကိၭထၪ့လၧခီၫ့, ဆၧဘၪ လိၬအိၭလိၬအၥီၫ့လဖၪအမ့ၬထံၫလၩ့နၭနၭလ့ၬလီၫ.
8 ဖၧၩ့ၥၭမုအီၪယူဝ့ၫ, ၦဖိၬဖၧၩ့ၥၭအီၪလၧၩ့အ့ၬ. အဝ့ၫ ဒၪမၩဂၭဂီၩ့ဆၧအုၩ့လၩ့မၩကြၩ့ထမးဒိၩ့လဖၪ, ယူၭ
9 ယၪ့ၦနးဂၩအ့ၬ.- ထံၫၥံၪခးၥံၪနီၪ အၥုၪ့အုၭအၥၭ အုၭ,အၥၭလၩ့ဘဲၩဝ့ၫး လ့ၭဘနၧၫ့အမံၩ့လၬကျၩအ မ့ၬမဲလၩ့ယံၭခွံၬ, ၡၫရၧၫ့ မၩအၥၭဘဲၫၡါမုနၧၫ့ဖၫအ ၥိၭနီၪတၭ,ဘၫၡၫ့အခိၪလီၩ့ ဒဲကၫမလၭအခိၪလီၩ့ဝၭ ထိၬဝ့ၫလီၫ.
10 ဘိၩ့နဲၪ့ယီၩယမိဂဲထုၪ့,ယဟိဝၩစံၭဝ့ၫဒၪး ဘိၩ့ နဲၪ့ယီၩယမိဒိၭ ဆၧအီၪက့ၪထၪ့ထီၫယၧၩ ဘိၩ့နဲၪ့ယီၩ
11 ယမိအီၪက့ၪထၪ့ထီၫယၥၭလီၫ.- နၥံၪမိဒၧၩ့ထၪ့န့ ဖ့ၫးနၥံၪမိအီၪဖျဲၪန့န့ၫ လီထိၭနၫတၭး နၥံၪအၥၪ
12 ဘဲၫမ့ၪအၥိၭနီၪမိအၪ့ခွံၬနၥံၪလီၫ.- ၦဆၨၩလဖၪမိ ကဲၪထၪ့ဘၧၩ့လိးလၧမ့ၪအၪ့ဝ့ၫး ဒဲဆၧဆူၪဒၪ့ထ့ၬအၥၭ
13 မ့ၪမိအၪ့ခွံၬဝ့ၫလီၫ.- ၦလၧအအီၪ လၧအယဲၩ့ၥံၪဧ့, ဆၧလၧယမၩနီၪခိၭနၪနၥံၪဝ့ၫဆံၭး ဒဲၦလၧအဂဲၫအီၪ
14 ဘူၭၥံၪဧ့,ၥ့ၪယၫယစီၩ့ယမၩ့ဆံၭး- ၦဆၧဒဲၩဘၭဖိၪ ၥၭမဲၪဆၧလၧဇံအိၫ့အဖၧၩ့, ဆၧဝၭထိၬဝၭတ့ၭဖီၪ့န့ၦ အၧၩ့လီၫ. မွဲပလၫလၧပကျၩအီၪဝ့ၫလၧမ့ၪအၪ့ဆၧအ ဖၧၩ့နီၪမိၥ့ၪလဂၩလဲၪ. မွဲပလၫလၧပကျၩအီၪဝ့ၫလၧ မ့ၪအၪ့ဆၧအဆိၩဆိၩအကၠၪကၠၪ အဖၧၩ့နီၪမိၥ့ၪလဂၩ လဲၪ.
15 ၦလၧအလ့ၩဆၧလၧဆၧတီၩဆၧလီၩ့အဖၧၩ့, ၦလၧ အချဲၩ့ဆၧတီၩတီၩလီၩ့လီၩ့, ၦလၧအခွံၬၡိၭဆၧအၪ့ ဘျံၭအၪ့ဘျၪ, ၦလၧအတရူၩလၩ့ခွံၬအစူၪဘဲၫၥိၭအ ထီးမၩန့လၬဆီၪ့လဂ့ၩး လၧအၥံၭဘံၭအနါဖၧၩ့ဘဲၫ ၥိၭအထီးနါဂၧၫ့ဆၧမၩၥံၫၦၡၩအၥၭအဂဲး, ဒဲလၧအ
16 ဘံၪ့အမ့ၬဘဲၫၥိၭအထီးယိဆၧအၧၩ့လဂ့ၩနီၪ,- အဝ့ၫ ဒၪမိအီၪလၧဆၧအလးထၪ့ထီၫ, လိးၥံၪလဲၫ့ၥံၪအထိၬ မိကဲၪထၪ့အဒိၭနဲၩ့အၥၭအလးလီၫ. ဆၧမိဖ့ၪလၫ့ဝ့ၫ အကိၪ,ဒဲအထံၫမိအီၪဂုးခၧၫ့ဝ့ၫဒၪလီၫ.
17 နမ့ၬၥၪမိဒၪ ဘၪစဎွၩအီၪလၧအဎံၫအလၩ,
18 မိဒၪဘၪဝ့ၫလၧထံၫ ယဲၩ့ခးယဲၩ့လီၫ.- နၥၭမိဆီၫ့မီၪ့ လၧဆၧၥၭမဲၪၥၭဖျဲၩ့ အဂဲးလီၫ. ၦကွ့ၭလံၬနီၪအီၪ ခီၫခီၫလဲၪး ၦခံၫ့ဆၧမွဲအအီၪခီၫခီၫလဲၪး ၦလၧအဝံ
19 ထၪ့နၬထၪ့တၨၭထီၫလဖၪနီၪ မွဲအအီၪခီၫခီၫလဲၪ.- ၦ ဆီၪ့လဆၨၩနီၪ, ၦလဆၨၩ လၧအဆၧချဲၩ့ယိၬနဲၪ့ဒံၭ လၧနနါဂၧၫ့ၥ့ၪး ၦလဆၨၩလၧအချဲၩ့ဆၧကၪကၪဂဲၩဂဲၩ ထီးၦနၪလၥ့ၪဘၪနီၪနၥံၪဒၪဘၪအ့ၬ.
20 ယိဇံအိၫ့ပမၩဘိၪ့ အဒိၩ့လဖျိၪ့ဆံၭ. နမ့ၬၥၪမိဒၪ ဘၪယရုစလံၫ့ လၧဆၧအီၪဝ့ၫလၧအလးဂုးဖုး, တဲၩ လၧၦလၥုၪ့ဘၪအလးတၭ, အဆိၩအကၠၪနီၪပလထုၭ ထၪ့ဘၪအတၧၩ့, ဒဲအဖျံၩနီၪမိဘၪထ့ၬခွံၬ နးဘီၩ့ဆ့
21 အ့ၬ.-အ့ၪမွဲထီးနီၪယဟိဝၩမိကဲၪထၪ့ဆၧကယးကဖး လၧပဂး, ထံၫမိၡါအလး,ဒဲထံၫဖၭလဲလဖၪ,ထီးနီၪက ဘၩ့အီၪလၧတငၨၭၥံၪလလ့ၩဘၪ, ဒဲကဘၩ့အဎံၫအ
22 လၩလခၫ့ဂၬဘၪ,- အဂဲးဘဲၫယီၩယဟိဝၩၦစ့ၩရၫ့ခွး လၧပဂး, ယဟိဝၩအီၪက့ၪလၩ့ဆၧၥီၪ့ဆၧၥၫ့လၧပဂး, ယဟိဝၩပစဎွၩ, အဝ့ၫဒၪမိထိးထဲၩ့တၩ့ထဲၩ့ပၧၩလီၫ.
23 နဖျံၩလၩ့ပၠၪတၭ, လစၧၩ့ထၬန့ဘၪယါထုၪ့ထီးအ ခၧၫ့တၭ,ပၠၪလၩ့ယါလၪလၥ့ၪဘၪနီၪလီၫ. ထီးနီၪလ ဖၧၫ့ၦနၩ့ဖၭဆၧအၪ့ဂူၬန့အၪလ့ၬ, ၦလၧအစူၪဂၭဂီၩ့ အခၪ့ဂၭဂီၩ့လဖၪမၩန့ဆၧအၪ့ဂူၬန့လီၫ.
24 တၭၦအီၪဝ့ၫလဖၪနီၪ, စံၭလၧယမၩလကဲၪဘၪနီၪ အ့ၬ.အီၪဝ့ၫလၧအဖၧၩ့လဖၪနီၪ အဆၧဒဲၩဘၭဘၪဆၧ ဖျါခွံၬယူၭလီၫ.