35
1 ၡါမုနၧၫ့ဖၫဒဲပွ့ၪခိၪပွ့ၪနါနီၪ မိၥၭထိၬလၧဆၧနီၪလ ဖၪအကၠီၩ့တၭ, မံၩ့လၬကျၩမိၥုၪ့ဎွံၫၥၭယီၫတၭ, မိဖီၫ
2 ထၪ့ဘဲၫဖီၫဆၧဆူၪအၥိၭနီၪလီၫ.- ဖီၫထၪ့တၭ, မိဖီၫ ထၪ့ဒဲၥုၪ့ဎွံၫၥၭယီၫ, ဒဲဆၧၥုၪ့ထိၬၥၭထိၬ လၧဆၧမုၬ လၩဒဲဆၧကိၭၡၭထၪ့အဖၧၩ့လီၫ. ဆၧမိဖ့ၪလၫ့ဝ့ၫလၧ လ့ၭဘနၧၫ့အလၩအဖၩ့, ကၫမလၭ,ဒဲၡၫရၧၫ့အဎံၫအ လၩလီၫ. ၦၡၩမိဒၪဘၪယဟိဝၩအလၩအဖၩ့ပယွၩ
3 အကယးအကဖးလီၫ.- ဒုၭဆီၪ့ထၪ့စူၪလၧအလၩ့ဆါ တၭ,ဒုၭခၧၫ့ထၪ့ခၪ့လုးခိၪလၧအဝၭဝ့ၫနီၪဆံၭ.
4 စံၭၦလၧအၥၭမဲၪဆၧ, အီၪလၧအဂဲးဆီၪ့ဆံၭးၥၭမဲၪ ဆၧလဂ့ၩ. ယိခွါ, နၥံၪအယွၩ,ဆၧမၩဆၧၫ့ဆၧအၧၩ့, ဂဲၫဝ့ၫ,ယွၩမိဖ့ၪထဲၩ့ဆၧလီၫ. အဝ့ၫဒၪဂဲၫဝ့ၫတၭမိမၩ ဖီၩ့မၩဖျ့ၭနၥံၪလီၫ.
5 ထီးနီၪလဖၧၫ့ၦမ့ၬဘျီၪအမ့ၬၥၪ မိဘၪဆၧဝဲထၪ့တၭ, ၦနါအၧၩ့အနါမိဒိၭထုၭထၪ့ခွံၬ ဆၧဆွံၫဘံၭ လၧအ
6 ဖၧၩ့လီၫ.- ထီးနီၪလဖၧၫ့ၦအခၪ့ဂၭဂီၩ့ မိစဲၪ့ထၪ့ဘဲၫခံၫ ဘၩ့အၥိၭတၭ, ၦအုၭအၭအဖျ့ၩ မိကိၭၡၭထၪ့လီၫ. အဂဲးဘဲၫယီၩ ထံၫဖျိၭထၪ့လၧၡါမုနၧၫ့ဖၫ ဒဲထံၫချိၬလ
7 ဖၪလၧမံၩ့လၬကျၩနီၪလီၫ.- ဆၩ့လူလၩ့မိကဲၪထၪ့က မၫ,ဒဲဂၪ့ခိၪဎဲၫ့ထၬနီၪ မိကဲၪထၪ့ထံၫထၪ့ဖျိၭဖၧၩ့, ထွံၪ ဂၪ့ခိၪမံၫအလးအီၪလၧအလးဖၧၩ့, နၪ့ဒဲဖီးပိၩအလး
8 လီၫ.- ဖၧၩ့ၥၭမုဒဲဖၧၩ့ၥၭဖိၪမိအီၪထီးနီၪတၭ, ဆၧကိၭ ဝ့ၫလၧဖၧၩ့ၥၭဆံၫ့ဎံၪတၭ, ဆၧလဆံၫ့ဘၪဖိၬဝ့ၫအ့ၬး မွဲအမိအီၪန့ၫလၧအဝ့ၫၥံၪအဂးတၭ, အဝ့ၫဒၪဖိၬဖၧၩ့ ၥၭနီၪ,ဒဲၦလၧအလမၩလိၪဘၪဆၧဂၭဖျိၭဖၧၩ့ၥၭနီၪ
9 အ့ၬ.- တၭဆၬလၥၧၫ့အီၪထီးနီၪနးဒုၩအ့ၬ, ဆၧဖိၪဆၧ ဎါအၥၭဒူၩလဖိၬဘၪဝ့ၫတၭ,အီၪထီးနီၪဆ့အ့ၬ. အ့ၪ မွဲၦၡၩဒိၭဆၧဎွ့ၩန့ထဲၩ့အၥၭလဖၪ မိဖိၬဝ့ၫဒၪလီၫ.
10 တၭၦလၧယဟိဝၩ ဎွ့ၩန့ထဲၩ့ဝ့ၫလဖၪနီၪ, မိဂဲၫထဲၩ့ ထီၩ့လၧဇံအိၫ့အီၪလၧဆၧကိၭၡၭထၪ့, ဒဲဆၧၥုၪ့ထိၬ ၥၭထိၬအဆိၩအကၠၪ လၧအခိၪဎွံၪအဖၫ့ခိၪလီၫ. ဆၧ ၥုၪ့ဎွံၫၥၭယီၫ, ဒဲဆၧၥုၪ့ထိၬၥၭထိၬမိချႃၭန့ဝ့ၫတၭ, ဆၧ ၥုၪ့အုၭၥၭအုၭဒဲဆၧဂၪ့အုၩဂၪ့ထိၬ မိစဲၪ့ထၪ့ခွံၬဝ့ၫဒၪ လီၫ.