24
1 တၭအဝ့ၫဒၪစံၭစမိစ့ၭ, ဂဲၫထၪ့လၧယဟိဝၩအအီၪ, နဝ့ၫဒၪဒဲစအၫရၧၫ့, စနၫဒၭ, ဒဲစအဘဲဟုၫ, ဒဲအံၫစရ့ လၭအၡၩၥုၪ့က့ၭၥၭၡါၥံၪ နွ့ၫဆံၫတၭ, မွဲနၥံၪဘိၪ့ထၪ့
2 ဘၩထၪ့ဆၧအီၪလၧအယဲၩ့ဆံၭ.- တၭစမိစ့ၭ, မိၥုၭ ဘူၭအၥၭလၧယဟိဝၩအအီၪ န့ၫလဂၩဎးနီၪလီၫ.အ ဝ့ၫၥံၪမိၥုၭဘူၭအၥၭအ့ၬး ဒဲၦခမျၧးလ့ၩထၪ့ဘၪလၧ အဝ့ၫဒၪအၥိၭဆ့အ့ၬ.
3 စမိစ့ၭဂဲၫဝ့ၫတၭ, လီၩဘၪၦခမျၧး လၧကယဲယဟိ ဝၩအဆၧချဲၩ့လဖၪ, ဒဲကယဲအစ့ၩရၫ့ဆၧထီးအလူၬ တၭ,ၦခမျၧးလီၩဆၧၫ့ဆၧ လၧအလူလဖၧၫ့ဎးထီးအ လူၬတၭ, စံၭဝ့ၫဒၪ, ကယဲဆၧချဲၩ့လၧယဟိဝၩချဲၩ့ဆၧ နီၪပမိထီးန့ထီးအလူၬလီၫ.
4 စမိစ့ၭကွ့ၭလၩ့ ကယဲယဟိဝၩအဆၧချဲၩ့လဖၪထီး အလူၬတၭ, လၧမုဂီၩနီၪဂဲထုၪ့ဂီၩဂီၩလ့ၬတၭ, မၩဆၧ လုအလးလၧခိၪလီၩ့ခၪ့ထံၭနီၪ, ဒဲဆၧအထုၪ့လဆံၫနံၫ ထုၪ့ဎွ့ၩဎီၩ့လၧၦအံၫစရ့လၭဖိၪ လဆံၫနံၫဒီၪ့နီၪလီၫ.
5 အဝ့ၫဒၪအၪ့မၧၫ့ ၦၥၭဘၪ့လၧအံၫစရ့လၭဖိၪ အကျၩ တၭ,အဝ့ၫၥံၪလုထၪ့ဆၧလုမ့ၪ, ဒဲလုထၪ့ယဟိဝၩလၧ
6 ဆၧလုဘၪလိၬအိၭလိၬဆၧအချီဖၫၥံၪနီၪလီၫ.- စမိစ့ၭ မၩန့ဆၧၥွံၪနံၫပိၩ့လပိၩ့တၭ, ဒုၭနုၬဝ့ၫလၧလိၫ့လဖၪ အဖၧၩ့တၭ, ဆၧၥွံၪနံၩပိၩ့လပိၩ့နီၪ ဎွံၪဝ့ၫလၧဆၧလု
7 လးအဖၫ့ခိၪနီၪလီၫ.- မၩန့လံၬဆၧအုၩ့လၩ့တၭ, ဖီဝ့ၫ လၧၦခမျၧးအနါဖၧၩ့တၭ, အဝ့ၫၥံၪစံၭ, ကယဲဆၧလၧ
8 ယဟိဝၩချဲၩ့ဆၧနီၪပမိထီးန့ဒဲခိၭနၪလီၫ.- စမိစ့ၭမၩ န့ဆၧၥွံၪတၭ, ဎွံၪဝ့ၫလၧၦခမျၧးအလီၩ့တၭ, စံၭဝ့ၫဒၪ, ယိခွါ,ဆၧၥွံၪဘၪဆဲၫ့ လၧဆၧအုၩ့လၩ့လၧယဟိဝၩ အုၩ့လၩ့လၧနၥံၪ လၧဆၧချဲၩ့ယီၩ ထီးအလူၬအဂဲးအ ကၠီၪ့လီၫ.
9 ထီးနီၪလဖၧၫ့ စမိစ့ၭ ဒဲစအၫရၧၫ့ ဒဲစနၫဒၭ, စအဘဲ ဟုၫ, ဒဲအံၫစရ့လၭ အၡၩအၥုၪ့က့ၭၥၭၡါ နွ့ၫဆံၫလ
10 ဖၪလ့ၩထၪ့ဝ့ၫလီၫ.- အဝ့ၫၥံၪဒၪဘၪအံၫစရ့လၭအယွၩ တၭ, ဆၧအလးလၧအခၪ့အဖၫ့လၬ မၩအၥၭဘဲၫထၫ့ မျါနံလၫအၥိၭနီၪ, မၩအၥၭဘဲၫမူၭခိၪအလးဒၪဝ့ၫလၧ
11 အဆံၫ့အၥိၭနီၪလီၫ.- အဝ့ၫဒၪယၩ့ထၪ့အစူၪလၧအံၫ စရ့လၭအခိၪလဖၪအ့ၬ. တၭအဝ့ၫၥံၪဒၪဘၪယွၩတၭ, အၪ့ဆၧဒဲအီၩဆၧလီၫ.
12 တၭယဟိဝၩ စံၭစမိစ့ၭ ဂဲၫထၪ့လၧယအီၪလၧခိၪ လီၩ့အလီၩ့နီၪတၭ, အီၪထီးနီၪဆံၭ. တၭယမိဖ့ၪလၫ့ နၧၩလၧလိးပၪလဖၪ, ဒဲဆၧၥီၪ့ဆၧၥၫ့, ဒဲဆၧမၪလူၬလၧ
13 ယကွ့ၭယူၭနီၪ, ဘဲၫၥိၭနမိၥီၪ့လိၪအဝ့ၫၥံၪလီၫ.- တၭ စမိစ့ၭဂဲထုၪ့ဒဲအခ့ၫအၡၩ စယီရှုၫအ့ၫတၭ, စမိစ့ၭလ့ၩ
14 ထၪ့လၧယွၩအခိၪလီၩ့နီၪလီၫ.- အဝ့ၫဒၪစံၭၦၥုၪ့က့ၭ ၥၭၡါ,အီၪခိၭပၧၩထီးယီၩ, ထီးပဂဲၫထဲၩ့ကဒၩထဲၩ့ လၧနၥံၪအအီၪဆံၭ. တၭယိခွါ, စအၫရၧၫ့ ဒဲစဟၧၫ အီၪလၧနၥံၪအၥိၭလီၫ. ၦလဂၩဂၩအမူၭ အ့ၪအီၪနီၪ မွဲအလ့ၩလၧအဝ့ၫၥံၪအအီၪဆံၭ.
15 စမိစ့ၭလ့ၩထၪ့လၧခိၪလီၩ့ခိၪနီၪတၭ, ဆၧအုၪ့ချႃၬ
16 ဘံၭခိၪလီၩ့နီၪလီၫ.- တၭယဟိဝၩအလၩအဖၩ့အီၪ ဝ့ၫလၧခိၪလီၩ့စဲနၫအလီၩ့, ဆၧအုၪ့ချႃၬဘံၭဝ့ၫဎူၫနံၩ တၭ,နွ့ၫနံၩလနံၩနီၪမွဲအကိၭထၪ့စမိစ့ၭ လၧဆၧအုၪ့
17 အၥၭခံဖၧၩ့လီၫ.- တၭၦယိယဟိဝၩအလၩအဖၩ့နီၪ, လၧၦအံၫစရ့လၭဖိၪအမ့ၬယၫ မၩအၥၭဘဲၫမ့ၪအၪ့ဆၧ
18 လၧခိၪလီၩ့ အဒၩ့ခိၪအၥိၭလီၫ.- စမိစ့ၭလ့ၩနုၬလၧ ဆၧအုၪ့အၥၭခံဖၧၩ့တၭ, လ့ၩထၪ့လၧခိၪလီၩ့ ခိၪနီၪ လီၫ. တၭစမိစ့ၭအီၪဝ့ၫ လၧခိၪလီၩ့အလီၩ့ အနံၩလံ ဆံၫ, ဒဲအနၩလံဆံၫလီၫ.