25
1 ယဟိဝၩချဲၩ့ဆၧလၧစမိစ့ၭတၭ, စံၭဝ့ၫဒၪ, စံၭၦအံၫ စရ့လၭဖိၪ လၧအမိဘၪဂဲၫဆိၬအ့ၪယၧၩ လၧဆၧမၩ
2 ဘိၪ့ဆံၭ.- ကယဲၦလၧအဖ့ၪဒၪဆၧ လၧအၥၭလဂၩလါ လါနီၪ,နၥံၪဘၪမၩန့ဆၧမၩဘိၪ့ယၧၩ လၧအဝ့ၫၥံၪဆုၬ
3 ဆုၬလီၫ.- တၭအယီၩမွဲဆၧမၩဘိၪ့လၧနၥံၪဘၪမၩန့ လၧအစူၪဖၧၩ့,ထီၫ့ၥံၪလွ့ၫၥံၪ, ကျိၪၥံၪစ့ၩၥံၪ, ဒဲထီးဝီၩ
4 ၥံၪ,- ဒဲဆၧလၫ, ဒဲဆၧအလုၭဒဲဆၧဝီၩ, ဒဲဆၧဘွၩဖျ့ၫ
5 လံၬကံၭ,ဒဲဘ့ၪအဆီၪ့,- ဒဲၥိၪဖၫအဖံၭဝီၩ, ဒဲတဟၫၡၭ
6 အဖံၭ, ဒဲၥံၪ့ၡံၭတၫ,- ဒဲၥိၪလၧမ့ၪဒိၩ့အဂး, ဒဲဆၧနၧၫ့ မၧၫ့ လၧၥိၪဂုၪဆၧအဂး, ဒဲဆၧဆူၭခဲၩမ့ၪ နၧၫ့မၧၫ့အ
7 ဂး.- ထၫ့မျါမဟူယါ, ဒဲလိးမၩဎွ့ၩဆၧလၧအ့ဖိၭအ
8 ဖၧၩ့,ဒဲလၧၥၭနၫပဒၩ့အဖၧၩ့လီၫ.- ဘဲၫၥိၭယမိအီၪလၧ အဝ့ၫၥံၪအကျၩတၭ, မွဲအမၩဆၧအလးဆံၫ့ဎံၪလၧယ
9 ဂးဆံၭ.- ဘဲၫကယဲဆၧလၧယဒုၭဒၪဘၪနၧၩ တဲၩဆံၫ့ ဎံၪအဒီၩ့အထ့ၬ, ဒဲအဆၧဖိၪဆၧလံၩ အဒီၩ့အထ့ၬအ ၥိၭနီၪ, နၥံၪဘၪမၩဝ့ၫဘဲၫနီၪအၥိၭလီၫ.
(၂မိ ၃၇းၥ-၉)
10 တၭအဝ့ၫၥံၪ ဘၪမၩတလၫ လၧၥံၪ့ၡံၭတၫလဖျိၪ့ လီၫ. အဖၭထီၫနံၫဖျါထၫ, ဒဲအဒၪ့ဎၩ့လဖျါထၫ, ဒဲအ
11 ဆီၩ့ဆီထၪ့လဖျါထၫလီၫ.- တၭနဘၪဖၩ့ဝ့ၫလၧထီၫ့ ဆံၫ့, လၧအချိၫ့မွဲဂ့ၩ, အဖၧၩ့မွဲဂ့ၩ, နဘၪဖၩ့အလီၩ့, ဒဲနဘၪမၩဆၧခွၩ့ထၬ ထီၫ့ဝၬဖီၩ့ လၧအဖၫ့ခိၪလီၫ.
12 တၭနဘၪၥိၫ့အခွၩ့ထီၫ့လံခွၩ့လၧအဂး ဒဲအီၪက့ၪဝ့ၫအ နိၪ့လံနိၪ့တၭ, ခွၩ့နံၫခွၩ့ မိအီၪလၧလခီၫ, ဒဲခွၩ့နံၫခွၩ့
13 မိအီၪလၧလခီၫဒၪလီၫ.- တၭနဘၪမၩနိၪယိၭဘီၩ့နံၫ
14 ဘီၩ့လၧၥံၪ့ၡံၭတၫ, ဒဲဖၩ့ဝ့ၫလၧထီၫ့လီၫ.- တၭနဘၪ ဒုၭနုၬနိၪယိၭဘီၩ့လဖၪ လၧအခွၩ့ဖၧၩ့လၧတလၫအ နဲၩ့ထံၭ,ဘဲၫၥိၭၦၡၩမိဆိၬတလၫ လၧအဝ့ၫၥံၪနီၪလီၫ.
15 တၭနိၪယိၭဘီၩ့လဖၪမိအီၪဒၪအဆၧ လၧတလၫအခွၩ့ ဖၧၩ့လီၫ. တၭၦၡၩထုၭထၪ့ခွံၬဘၪ လၧအဖၧၩ့အ့ၬ.
16 တၭနဘၪဒုၭနုၬ ဆၧအုၩ့လၩ့ လၧယမိဖ့ၪလၫ့နၧၩ လၧ တလၫအဖၧၩ့နီၪလီၫ.
17 တၭနဘၪမၩဆၧယၫ့ၥၭအလး လၧထီၫ့ဆံၫ့ထုၬလီၫ.
18 အဖၭထီၫနံၫဖျါထၫဒဲအဒၪ့ဎၩ့လဖျါထၫလီၫ.- တၭန ဘၪတဲၩ့ခ့ၫရူၬနံၫဒုၩလၧထီၫ့လလီၪ့ဎးနီၪ နဘၪတဲၩ့ဝ့ၫ,
19 ထီးဆၧယၫ့ၥၭအလးအထိၭနၫနံၫခီၫလူၬလီၫ.- တဲၩ့ ခ့ၫရူၬလဒုၩလၧထိၭနၫလခီၫ, ဒဲခ့ၫရူၬအဝ့ၫလဒုၩလၧ အထိၭနၫလခီၫဒၪလီၫ. နၥံၪဘၪတဲၩ့ခ့ၫရူၬလဖၪထီး
20 ဆၧယၫ့ၥၭအလးအထိၭနၫနံၫခီၫလီၫ.- ခ့ၫရူၬလဖၪ မိအီၪလၧအဒံၭယၩ့ထၪ့အၥၭ, အဒံၭလဖၪမိချႃၬဘံၭ ဆၧယၫ့ၥၭ အလးအဖၫ့ခိၪတၭ အမ့ၬမိယိလိၬအၥၭ လီၫ. ခ့ၫရူၬလဖၪ အမ့ၬမိအီၪ တီၩလၧဆၧယၫ့ၥၭအ
21 လးလီၫ.- နဘၪအီၪက့ၪဆၧယၫ့ၥၭအလး လၧတလၫ အဖၫ့ခိၪတၭ, နဘၪဒုၭနုၬဆၧအုၩ့လၩ့လၧယမိဖ့ၪလၫ့
22 နၧၩ လၧတလၫဖၧၩ့လီၫ.- ယမိဒၪလိၬယၥၭလၧနၧၩ ထီးနီၪတၭ, ယမိချဲၩ့ဆၧလၧနၧၩ လၧဆၧယၫ့ၥၭ အ လးအဖၫ့ခိၪတၭ, လၧခ့ၫရူၬလဖၪ အဘိၩ့ဆၧၩ့ လၧ အအီၪလၧတလၫအဖၫ့ခိၪဘၪဆဲၫ့ လၧဆၧအုၩ့လၩ့ လၧဆၧထီးအလူၬ လၧယမိမၪလူၬနၧၩ လၧၦအံၫစရ့ လၭဖိၪအဂးလီၫ.
(၂မိ ၃၇:ၥဝ-ၥ၆).
23 နဘၪမၩဆ့ စပွဲနးဒုၩလၧၥံၪ့ၡံၭတၫလီၫ. အဖၭထီၫ နံၫဖျါ, ဒဲအဒၪ့ဎၩ့လဖျါ, ဒဲအဆီၩ့ဆီထၪ့လဖျါထၫလီၫ.
24 တၭနဘၪဖၩ့ဝ့ၫလၧထီၫ့ဆံၫ့ထုၬ ဒဲမၩဆၧခွၩ့ထၬထီၫ့
25 ဝၬဖီၩ့ဝ့ၫလီၫ.- နဘၪမၩအခိၪဖဲၩ့လဖံၭဝၬဝၬတၭ,နဘၪ
26 မၩခွၩ့ထၬထီၫ့လၧအခိၪဖဲၩ့ဖၫ့ခိၪဝၬဝၬလီၫ.- နဘၪမၩခွၩ့ ထီၫ့လံခွၩ့လၧအဂးတၭ,နဘၪအီၪက့ၪဆၧခွၩ့ လၧအနိၪ့
27 လံနိၪ့လၧအအီၪလၧအခၪ့လံခီၫအလီၩ့လီၫ.- ခွၩ့လဖၪ နီၪဘၪအီၪဎၩ့လၧအခိၪဖဲၩ့ လၧနိၪယိၭဘီၩ့အဂးလၧ
28 ၦၡၩမိယိၭထၪ့စပွဲနီၪအဂးလီၫ.- နဘၪမၩနိၪယိၭဘီၩ့ လၧၥံၪ့ၡံၭတၫတၭ, ဖၩ့ဝ့ၫလၧထီၫ့, ဘဲၫၥိၭၦၡၩမိဆိၬထၪ့
29 စပွဲလၧအဝ့ၫၥံၪလီၫ.- တၭနဘၪမၩအထွ့ၫလဖၪ, အနိၪ ထိၩ့လဖၪ, ဒဲအခိၪချႃၬလဖၪ, ဒဲအလိၫ့လၧၦလူၫလၩ့ ဆၧလၧအဝ့ၫလဖၪလီၫ. နဘၪမၩလၧထီၫ့ဆံၫ့ထုၬလီၫ.
30 တၭနဘၪအီၪက့ၪထၪ့ ဆၧမ့ၬယၫအကိၪလၧစပွဲခိၪ လၧယမ့ၬယၫ လထံၪဎးလီၫ.
(၂မိ ၃၇:ၥ၇-၂၄).
31 တၭနဘၪတဲၩ့မ့ၪဒိၩ့မိၡါ လၧထီၫ့ဆံၫ့ထုၬလီၫ.မ့ၪဒိၩ့ မိၡါနီၪမိဘၪမၩဝ့ၫလၧထီၫ့လလီၪ့ဎးနီၪး အဘီၩ့ဒဲအ ထဲၩ့လဖၪ, အခိၪမၪ့လဖၪ, အမိၬလဖၪ,အဖီၫလဖၪမိ
32 ဘၪမၩဝ့ၫ လၧဆၧနီၪလမံၩ့ဎးလီၫ.- တၭအထဲၩ့ဎူၫ ထဲၩ့မိဂဲၫထၪ့လၧအပၪထံၭလဖၪလီၫ. မ့ၪဒိၩ့မိၡါအ ထဲၩ့ၥၧၫ့ထဲၩ့လၧအနီၪလခီၫ, ဒဲမ့ၪဒိၩ့မိၡါအထဲၩ့ၥၧၫ့
33 ထဲၩ့လၧအယီၩလခီၫလီၫ.- အခိၪမၪ့လၩ့ဂၬၡါကၭၥၪ ၥၧၫ့ဖျိၪ့, အဒိၪမိၬလဖျိၪ့, ဒဲဖီၫလမုၫအီၪလၧအဝ့ၫလ ထဲၩ့လီၫ. ဒဲအခိၪမၪ့လၩ့ဂၬၡါကၭၥၪၥၧၫ့ဖျိၪ့, အဒိၪမိၬ လဖျိၪ့,ဒဲဖီၫလမုၫအီၪဝ့ၫ လၧအဝ့ၫလထဲၩ့လီၫ. ဘဲၫနီၪ အၥိၭ လၧထဲၩ့ဎူၫထဲၩ့ လၧအဂဲၫထၪ့ လၧမ့ၪဒိၩ့မိၡါ
34 လီၫ.- တၭမ့ၪဒိၩ့မိၡါနီၪမိဘၪအီၪ လၧအခိၪ မၪ့လၩ့ ဂၬၡါကၭၥၪလံဖျိၪ့အဒိၪမိၬလဖၪ, ဒဲအဖီၫလဖၪလီၫ.
35 အဒိၪမိၬလဖျိၪ့ မိအီၪလၧထဲၩ့နံၫထဲၩ့ အဖၫ့လၬ လၧ ဆၧလမံၩ့ဎးတၭ, အဒိၪမိၬလဖျိၪ့ မိအီၪလၧထဲၩ့နံၫ ထဲၩ့အဖၫ့လၬလၧဆၧလမံၩ့ဎးတၭ, အဒိၪမိၬလဖျိၪ့မိ အီၪလၧထဲၩ့ နံၫထဲၩ့အဖၫ့လၬ လၧဆၧလမံၩ့ဎးတၭ, ဘဲၫအထဲၩ့ ဎူၫထဲၩ့လၧအဂဲၫထၪ့ လၧမ့ၪဒိၩ့ မိၡါအ
36 လီၩ့အၥိၭနီၪလီၫ.- အဒိၪမိၬလဖၪ, ဒဲအထဲၩ့လဖၪ မိ ဘၪအီၪဝ့ၫလၧဆၧ လမံၩ့ဎးလီၫ. အဆၧထီးအလူၬမိ
37 ဘၪအီၪဝ့ၫလၧထီၫ့ဆံၫ့ထုၬလမံၩ့ဎးလီၫ.- နဘၪတဲၩ့ အမ့ၪဒိၩ့နွ့ၫဖျိၪ့တၭ, ၦဘၪစီၩ့ထၪ့မ့ၪဒိၩ့ လဖၪနီၪ,
38 ဘဲၫၥိၭအမိဖၩ့ထၪ့ဆဲၫဎၩ့လၧအမ့ၬယၫလီၫ.- တၭအ နိၪထံၬမ့ၪ, ဒဲနိၪထံၬအထွ့ၫလဖၪ ဆၧဘၪမၩဝ့ၫ လၧ
39 ထီၫ့ဆံၫ့ထုၬလီၫ.- တၭဘၪတဲၩ့ဝ့ၫလၧဆၧဖိၪဆၧလံၩ လဖၪထီးအလူၬ လၧထီၫ့ဆံၫ့ထုၬ အလယၧးလကံကၫ
40 လီၫ.- တၭထီးလၩ့နၥၭမၩဝ့ၫ ဘဲၫဆၧအဒီၩ့အထ့ၬ လၧဆၧဒုၭဒၪဘၪနၧၩ လၧခိၪလီၩ့ခိၪနီၪဆံၭ.