23
1 ဆၧပရၧၫ့ကဘျံၭကဘျၪနီၪ, ထိးဆၧၫ့လဂ့ၩ. အီၪ က့ၪဎုၬနစူၪ လၧၦလတီၩလလီၩ့ဘၪအၥိၭ ဘဲၫၥိၭနမိ ကဲၪထၪ့ ၦလၧအထိးအၥၭ လၧဆၧအၪ့လီၫလဂ့ၩ.
2 ထီးဖိၬ ၦခမျၧးအခဲၫ့ ဘဲၫနမိမၩဆၧအၧၩ့ အၥိၭနီၪလ ဂ့ၩး ဘဲၫၥိၭဆၧမိဘိၭကၠၪခွံၬဆၧတၭ, ထီးလီၩဆၧၫ့ ဆၧဘၪဆဲၫ့ လၧအခွး ဖိၬထွ့ၫၦအၪဂၩ အခဲၫ့လဂ့ၩ.
3 ထီးမၩလၩမၩဖၩ့ ၦဘၪၡၪ့ဘၪယၬ လၧဆၧဘၪဆဲၫ့
4 လၧအခွးနီၪလဂ့ၩ.- နအ့ၪဘၪခီၩ့နဒုၪနဒၩအချီမွဲဂ့ၩ, အကၥ့ၪယီၩ့မွဲဂ့ၩ, လၧအဂၭဖျိၭဖၧၩ့ၥၭတၭ, ဒုၭဂဲၫ ထဲၩ့ထဲၩ့ဝ့ၫ လၧအအီၪတၡါဆံၭ.
5 နအ့ၪဒၪဘၪ ၦလၧအၥၭဂဲၫ့နၧၩလဂၩ အကၥ့ၪယီၩ့ လၩ့ထံၩဖါဝ့ၫ လၧအဆၧဎၧၫ့အဖၫ့လၬနီၪ, နလမၩ ဆၧၩ့ဘၪတၭ, ထီးအီၪလဂ့ၩ, မၩဆၧၩ့တၡါဆံၭ.
6 ထီးဘိၭကၠၪခွံၬနၡၩၡၪ့ဖိၪယၬဖိၪ လၧအဆၧစ့ၩရၫ့
7 ဘၪဆဲၫ့ လၧအခွးလဂ့ၩ.- အီၪယဲၩ့ လၧဆၧလမွဲလ တီၩဘၪနီၪဆံၭ. တၭထီးမၩၥံၫ ၦလၧအဆၧဒဲၩဘၭ လအီၪ, ၦအတီၩအလီၩ့နီၪလဂ့ၩ. အဂဲးဘဲၫယီၩယ
8 အီၪက့ၪတီၩၦအၧၩ့ဖိၪလဖၪအ့ၬ.- ထီးထိးဆၧၫ့လၬ ဆီၪ့လဂ့ၩး အဂဲးဘဲၫယီၩ လၬဆီၪ့နီၪမၩကဒုၩၦၥုၪ့ ဆၭၥၭဆၭအမ့ၬၥၪတၭ, ဘိၭကၠၪခွံၬၦအတီၩအလီၩ့ လဖၪအဆၧချဲၩ့လီၫ.
9 ထီးမၩနၭမၩၡၪ့ၦလခီၫဘၩ့မုးဖိၪလဂ့ၩး အဂဲးဘဲၫ ယီၩနၥံၪၥ့ၪယၫၦလခီၫဘၩ့မုးဖိၪအၥၭလီၫ. နၥံၪမွဲၦ လခီၫဘၩ့မုးဖိၪ လၧခးအံဇံၭအဖၧၩ့လီၫ.
10 တၭနမိဎွံၪဘၪဆၧလၧနဂၪ့ခိၪဎူၫနံၪ့, ဒဲအၪ့ထုၫ့ကီၪ့
11 အဆၧၥၪလီၫ.- အ့ၪမွဲနွ့ၫနံၪ့လနံၪ့နီၪ, နဘၪဒုၭအီၪပွံၭ ဝ့ၫဒဲအီၪဒၪအဆၧ, ဘဲၫၥိၭၦၡၩခမျၧးအၡၪ့ဖိၪယၬဖိၪ မိအၪ့ဆၧ ဒဲဆၧလၧအဝ့ၫၥံၪအီၪက့ၪလၩ့ထးနီၪ, ဆၧ ဖိၪဆၧဎါအမံၩ့လၧမံၩ့လၬကျၩ မိအၪ့ဘၪဝ့ၫလီၫ.ဘဲၫ နီၪအၥိၭ နဘၪမၩနစဘံၭအလး ဒဲနအလဲအိၫ့ အလး နီၪလီၫ.
12 ဎူၫနံၩအထးဖၧၩ့နီၪ နမိဘၪမၩနဆၧမၩတၭ,နွ့ၫနံၩ လနံၩနီၪနဘၪအီၪပွံၭ, ဘဲၫၥိၭနချီဒဲနကၥ့ၪယီၩ့မိအီၪ ပွံၭ, ဒဲနဎီးမုၪအဖိၪခွၫ, ဒဲၦလခီၫဘၩ့မုးဖိၪအၥၭမိဎွံၫ ထၪ့မိမုၬထၪ့လီၫ.
13 ထီးလၩ့နၥံၪအၥၭ လၧကယဲဆၧလၧယစံၭယူၭနၥံၪ ဆံၭး တၭထီးကိၭထၪ့ ယွၩအဂူၫဂၩလဖၪ အမံၩ့လ ဂ့ၩ,မွဲဆၧထီးနါဂၧၫ့ဘၪ လၧအဂဲၫထၪ့လၧနနိၭလဂ့ၩ.
14 လနံၪ့အထးဖၧၩ့နီၪ ထီးန့ဆၧမၩဘိၪ့လၧယဂးၥၧၫ့ ဖၧၫ့ဆံၭ.
15 နဘၪထီးန့ဘိၪ့ကိၪလဘၪဘၪလၧမံၪ (နဘၪအၪ့ကိၪ လဘၪဘၪလၧမံၪနီၪနွ့ၫနံၩ, ဘဲၫယမၪလူၬနၧၩအၥိၭ ထီးအဆၧၫ့ အထီလၧလၩအၫ ဘံၭနီၪလီၫ. အဂဲးဘဲၫ ယီၩ လၧလၩနီၪအထးဖၧၩ့ နၥံၪစဲၪ့ထၪ့ခွံၬ လၧအံဇံၭ တၭ,ၦၡၩဂဲၫထၪ့ဘၪ လၧယမ့ၬယၫလၧအအီၪပျီၩပျီၩ
16 နီၪအ့ၬ.-) ဒဲဘိၪ့ကူၭဆၧ, နမၩဆၧအၥၪဆိၫဘၪဆဲၫ့ လၧနဎွံၪဆၧလၧဆံၬဖၧၩ့း ဒဲဘိၪ့အၪ့ထုၫ့ကီၪ့ဆၧ, ထီး နအၪ့ထုၫ့ကီၪ့နဆၧမၩ လၧဆံၬဖၧၩ့, ဒဲလၧနံၪ့အထုၬ
17 လီၫ.- လနံၪ့အထးဖၧၩ့နီၪ ကယဲနၥံၪအခွၫထီးအလူၬ ဘၪဂဲၫထၪ့လၧ ယဟိဝၩအမ့ၬယၫ ၥၧၫ့ဖၧၫ့လီၫ.
18 ထီးလုထၪ့ယဆၧလုအၥွံၪ ဒဲကိၪအီၪ လၧမံၪနီၪလ ဂ့ၩး တၭယဆၧမၩဘိၪ့ အဆၧၥိၪနီၪ ထီးအီၪက့ၪဝ့ၫ ၥၫ့နၩချီၩ့ထီးမုဆဲၪ့ထၪ့နီၪလဂ့ၩ.
19 နဂၪ့ခိၪအၥၪဆိၫအဝံခိၪလဖၪနီၪ, ဂဲၫဆိၬလၧယဟိ ဝၩနယွၩအဂံၪ့ဖၧၩ့ဆံၭ. ထီးအၪ့ဎွံထၪ့ဘ့ၪဖိၪ လၧအ မိအနူထံၫဖၧၩ့နီၪလဂ့ၩ.
20 ယိခွါ,ယအၪ့မၧၫ့လၩ့အၥီၫ့လဂၩ လၧနမ့ၬယၫလၧ အမိယိနၧၩလၧဖၧၩ့ၥၭ, ဒဲမိဒုၭဂဲၫနုၬနၧၩ လၧဆၧအ
21 လးလစီၪ့လၧယတဲၩ့ဝဲၩယူၭလီၫ.- ထီးလၩ့နၥၭလၧ အဝ့ၫဒၪအကၠီၩ့ဒဲခိၭနၪအလူဆံၭ. မၩၥၭထၪ့အဝ့ၫနီၪ လဂ့ၩ. အဂဲးဘဲၫယီၩ မိကွဲၪဖျါခွံၬနၥံၪအဆၧမၪအ့ၬ.
22 မွဲယမံၩ့အီၪလၧအဖၧၩ့အဂဲးလီၫ.- အ့ၪမွဲနအ့ၪခိၭနၪ အလူလၩ့ထံးလၩ့ဆ့ၭ, ဒဲထီးန့ကယဲယချဲၩ့ဆၧတၭ, ယမိကဲၪထၪ့နဒုၪနဒၩလဖၪအဒုၪအဒၩ, ဒဲၦမၩခိမၩ ဝီၩနၧၩလဖၪ အဆၧမၩခိမၩဝီၩဝ့ၫလီၫ.
23 အဂဲးဘဲၫယီၩယၥီၫ့နီၪ မိလ့ၩလၧနမ့ၬယၫဒဲဒုၭလ့ၩ နၧၩလၧၦအၫမိၫဖိၪ, ဒဲၦဟ့ၥၭဖိၪ, ဒဲၦပံရ့ၭဖိၪ,ဒဲၦကၫ နအၫ့ဖိၪ, ဒဲၦဟ့ဝဲၭဖိၪ, ဒဲၦယ့ဘူၫဖိၪလဖၪအအီၪတၭ,
24 ယမိမၩဂၭဂီၩ့အဝ့ၫၥံၪလီၫ.- ထီးဘိၪ့ထၪ့ဘၩထၪ့အ ဝ့ၫၥံၪအယွၩလဖၪလဂ့ၩး မၩအဆၧလဂ့ၩး မၩဆၧဘဲၫ အဝ့ၫၥံၪ မၩဝ့ၫအၥိၭနီၪလဂ့ၩ, အ့ၪမွဲနဘၪမၩဂၭဂီၩ့
25 ဒဲမၩလၩ့ဘျ့ၭအဆၧဂၩ့လဖၪနီၪလီၫ.- နၥံၪဘၪမၩ ယဟိဝၩနၥံၪအယွၩအဆၧတၭ, အဝ့ၫနီၪမိဆိၪဂ့ၩနၥံၪ အကိၪ, ဒဲနၥံၪအထံၫလီၫ. တၭယမိအၪ့မၩန့ထၪ့ခွံၬ
26 ဆၧစူၭဆၧဆၫလၧနၥံၪအကျၩလီၫ.- ဆၧအဂူၭလၩ့ ဎွံၪဘၪအ့ၬး ဆၧထူၬဖိၪအီၪဘၪလၧနခးဖၧၩ့နးမံၩ့အ့ၬ.
27 နနံၩနၥၫ့ဎွ့ၩအံၩဎွ့ၩအိၩ ယမိမၩဎွ့ၩထၪ့လီၫ.- ယမိ အၪ့မၧၫ့ယဆၧၥၭမဲၪ လ့ၩလၧနမ့ၬယၫတၭ, ကယဲၦ ခမျၧးလၧနမိလ့ၩ လၧအအီၪထီးအလူၬနီၪ ယမိမၩဂၭ ဂီၩ့ဝ့ၫတၭ, ယမိအၪ့မၧၫ့နဒုၪနဒၩ ကၠၪဒိၭချိၫ့အၥၭလၧ
28 နအီၪလီၫ.- တၭယမိအၪ့မၧၫ့ဖျၧၫ့ၥံၪ လ့ၩလၧနမ့ၬယၫ လၧအမိနၫ့ထၪ့ခွံၬ ၦဟ့ဝဲၭဖိၪ, ၦကၫနအၫ့ဖိၪ, ဒဲၦဟ့
29 ၥၭဖိၪ လၧနမ့ၬယၫလီၫ.- ယမိနၫ့ထၪ့ခွံၬဝ့ၫ လၧနမ့ၬ ယၫလၧလနံၪ့ဎးအ့ၬး အ့ၪမွဲဘဲၫနီၪတၭ, ခးမိအီၪယူ ဘၪခိၬတၭ, ဆၧဖိၪဆၧဎါအမံၩ့လၧမံၩ့လၬကျၩမိအၪ
30 ထၪ့ထၫ့ဒုၪဒၩနၧၩလီၫ.- ယမိနၫ့ထၪ့ခွံၬအဝ့ၫၥံၪလၧ နမ့ၬယၫလဆံၭဘၪလဆံၭ ထီးနမိအၪထၪ့ဒဲန့ၥၫထံၫ ၥံၪခးၥံၪနီၪလီၫ.
31 တၭယမိအီၪက့ၪနနဲၩ့ထံၭ လၧမၫဆမံၭဝီၩ ဖိးလၧ ဖလံၡၫဖိၪအမၫဆမံၭ, ဒဲလၧၡါမုနၧၫ့ဖၫ ဖိးလၧထံၫမိ ၡါလီၫ. အဂဲးဘဲၫယီၩယမိဖ့ၪလၫ့ခွံၬပခးဖိၪလၧနစူၪ ဖၧၩ့တၭ, နမိဘၪနၫ့ထၪ့ခွံၬအဝ့ၫၥံၪ လၧနမ့ၬယၫလီၫ.
32 တၭလၧအဝ့ၫၥံၪမွဲဂ့ၩ, ဒဲအယွၩလဖၪမွဲဂ့ၩ, ထီးအုၩ့
33 လၩ့ဆၧလၧအဝ့ၫၥံၪနးမံၩ့လဂ့ၩ,- အဝ့ၫၥံၪမိအီၪဘၪ လၧနခးဖၧၩ့အ့ၬ. မွဲအမိအၪ့မၧၫ့နမၩမၪဘၪခိၬယၧၩ လီၫ. အဂဲးဘဲၫယီၩ နအ့ၪမၩအဝ့ၫၥံၪအယွၩလဖၪအ ဆၧတၭ, ဆၧမိကဲၪထၪ့ဖျံၩခွၩ့ လၧနဂးလီၫ.