22
1 ၦလဂၩဂၩအ့ၪအၪ့ဂူၪချီလဒုၩမွဲဂ့ၩး ၥိၪလဒုၩမွဲဂ့ၩ, ဒဲမၩၥံၫဝ့ၫမွဲဂ့ၩ, အၪ့ဆၫခွံၬဝ့ၫမွဲဂ့ၩ, ဘၪဖ့ၪထဲၩ့ချီ ယဲဒုၩလၧချီလဒုၩအဂး, ဒဲၥိၪလံဒုၩလၧၥိၪလဒုၩအ ဂးလီၫ.
2 ၦလၧအအၪ့ဂူၪဆၧအ့ၪဘၪဆၧဒၪန့ဝ့ၫ လၧအဘုၪ့ဖိး ဆၧအဘိၩ့ဘၭတၭ, ဘၪဆၧဖ့ၬဝ့ၫနီၪ ထီးအၥံၫတၭ,
3 ဘၪၥံၫဝ့ၫလၧအလးအ့ၬ.- မုအ့ၪထၪ့ချႃၭန့ဝ့ၫတၭ, ဆၧၥွံၪမိအီၪလၧအကၠီၩ့လီၫ. မွဲအဘၪဖ့ၪထဲၩ့ဆၧဎွ့ၩ ဎီၩ့လၧၫ့လၧၫ့ဎွ့ၩဎွ့ၩဆ့လီၫ. အဆၧအ့ၪလအီၪဘၪ တၭၦဘၪအၪ့ဆၫခွံၬဝ့ၫ လၧအအၪ့ဂူၪဆၧအကၠီၩ့လီၫ.
4 ဆၧအ့ၪဒၪန့ ဆၧလၧအအၪ့ဂူၪဆၧမၧၫ့ဝ့ၫ လၧအစူၪ ဖၧၩ့တၡါတၭ, ချီမွဲဂ့ၩ, ကၥ့ၪယီၩ့မွဲဂ့ၩ, ၥိၪမွဲဂ့ၩ,အဝ့ၫ ဘၪဖ့ၪထဲၩ့ဆၧနံၫစၩလီၫ.
5 ၦၡၩအ့ၪဒုၭအၪ့ခွံၬဘၪဆံၬမွဲဂ့ၩ, စဘံၭမုအလးမွဲ ဂ့ၩ,ဒဲဒုၭနုၬအဆၧဖိၪဆၧဎါလၧအဖၧၩ့, ဒဲဒုၭအၪ့ဝ့ၫ လၧၦဂူၫဂၩအဆံၬဖၧၩ့တၭ, ဆၧအဂ့ၩထုၬလၧအဆံၬ ဖၧၩ့ဒၪဝ့ၫမွဲဂ့ၩ, ဆၧအဂ့ၩထုၬ လၧအစဘံၭမုအလး ဒၪဝ့ၫအဖၧၩ့မွဲဂ့ၩ, ဘၪဖ့ၪထဲၩ့ဝ့ၫဆ့လီၫ.
6 မ့ၪအ့ၪခဲၩထၪ့တၭ, ဘၪလၧဆၧဆူၪဆၧမဲၪ, ဒဲဘုၪ ထူအီၪကီၪ့မွဲဂ့ၩ, ဘုၪလကူၭဒံၭဘၪမွဲဂ့ၩ, ဆံၬမွဲဂ့ၩ, မ့ၪအ့ၪအၪ့ခွံၬဝ့ၫတၭ, ၦလၧအဆူၭထၪ့မ့ၪလဂၩနီၪ, မိဘၪဖ့ၪထဲၩ့ဆၧဎွ့ၩအလးလီၫ.
7 ၦအ့ၪအီၪက့ၪဆၧလမံၩ့မံၩ့ လၧၦၡၩလၧအနဲၩ့ထံၭ အစူၪဖၧၩ့, စ့ၩမွဲဂ့ၩ, ဆၧဖိၪဆၧလံၩမွဲဂ့ၩ, ဘဲၫၥိၭအမိ ယိဝ့ၫတၭ, ၦအ့ၪအၪ့ဂူၪဝ့ၫလၧၦလဂၩနီၪ အဂံၪ့ဖၧၩ့ တၭ, ဆၧအ့ၪဒၪန့ၦအၪ့ဂူၪဆၧလဂၩနီၪတၭ, ဘၪဖ့ၪ
8 ထဲၩ့ဆၧနံၫစၩလီၫ.- ဆၧအ့ၪလဒၪန့ဘၪၦအၪ့ဂူၪဆၧ လဂၩနီၪတၭ, ဂံၪ့ကဆါဘၪဂဲၫ လၧယွၩအအီၪနီၪ,ဘဲၫ ၥိၭဆၧမိဖျီၪထၪ့ လၧအနၫ့ဆါမၩန့ ၦလၧအနဲၩ့ထံၭ
9 အဆၧဖိၪဆၧလံၩဧၪ, လမၩန့ဘၪဧၪနီၪလီၫ.- လၧက ယဲဆၧမၩမၪဆၧအဂဲး, လၧချီအကၠီၩ့မွဲဂ့ၩ, လၧကၥ့ၪ ယီၩ့အကၠီၩ့မွဲဂ့ၩ, လၧၥိၪအကၠီၩ့မွဲဂ့ၩ, လၧဆၧကီၩ့ ဆၧၥိၭအကၠီၩ့မွဲဂ့ၩ, လၧကယဲဆၧလၧအလၩ့မါလၧ ၦၡၩစံၭ လၧအမွဲအဆၧအကၠီၩ့မွဲဂ့ၩ, ၦနံၫဂၩလူၬအ ခွး ဘၪဂဲၫလၧယွၩအအီၪလီၫ. ၦလၧယွၩမိစ့ၩရၫ့စၪ ဝ့ၫလဂၩနီၪ ဘၪဖ့ၪလၫ့ထဲၩ့ၦလၧ အနဲၩ့ထံၭအဆၧနံၫ စၩလီၫ.
10 ကၥ့ၪယီၩ့မွဲဂ့ၩ, ချီမွဲဂ့ၩ,ၥိၪမွဲဂ့ၩ, ထီးဒၪဆၧဖိၪဆၧ ဎါလဒုၩဒုၩမွဲဂ့ၩ, ၦအ့ၪအီၪက့ၪလၧၦၡၩ လၧအနဲၩ့ ထံၭအစူၪဖၧၩ့ဘဲၫၥိၭအမိယိဝ့ၫတၭ, ၥံၫမွဲဂ့ၩ, ဘၪထံၭ မွဲဂ့ၩ,ဆၧဖီၪ့န့ဝ့ၫမွဲဂ့ၩ, ၦၡၩအ့ၪလဒၪဘၪနးဂၩတၭ,
11 ဆၧဆိၪလၩ့အၥၭ ဘၪဆဲၫ့လၧယဟိဝၩ ဘၪအီၪလၧ ၦနံၫဂၩအဘိၩ့ဆၧၩ့ လၧအလမၩဘၪၦလၧအနဲၩ့ထံၭ အဆၧဖိၪဆၧလံၩလီၫ. တၭအကဆါဘၪထိးဆၧၫ့ဝ့ၫ တၭ,အဝ့ၫလဂၩနီၪ ဘၪဖ့ၪထဲၩ့ ဆၧလၧအဂးအ့ၬ.
12 ဆၧအ့ၪအၪ့ဂူၪတၡါတၭ, ဘၪဖ့ၪထဲၩ့ ဆၧလၧအက
13 ဆါနီၪထီးအဎွ့ၩထၪ့လီၫ.- ဆၧအ့ၪအဲၪ့ယၬခွံၬဝ့ၫတ ၡါတၭ, မွဲအဂဲၫဆိၬအကုၭအကျၩ့ လၧဆၧထိးအၥၭ အဂးဆံၭ. ဘၪဖ့ၪထဲၩ့ လၧဆၧအဲၪ့ယၬဝ့ၫအဂးအ့ၬ.
14 တၭၦအ့ၪအၪ့လံၩ့ဆၧလၧၦၡၩ လၧအနဲၩ့ထံၭတၭ, ဘၪဒိၪဘၪထံၭမွဲဂ့ၩ, ၥံၫဝ့ၫမွဲဂ့ၩ, အကဆါလအီၪဘၪ ဝ့ၫတၭ, ဘၪဖ့ၪထဲၩ့ဆၧန့ၫဎီၩ့လၧၫ့လၧၫ့ဎွ့ၩဎွ့ၩလီၫ.
15 အ့ၪမွဲအကဆါအ့ၪအီၪဝ့ၫလၧအၥိၭတၭ, ဘၪဖ့ၪထဲၩ့ ဆၧလၧအဂးအ့ၬ. ဘၪဆၧအၪ့လံၩ့အၥၭတၭ, ဂဲၫဝ့ၫ လၧဆၧအလံၩ့အလဲၫအဂးလီၫ.
16 တၭၦအ့ၪအၪ့လံၬၦမုၪနၩ့ လၧအလဘၪအဲၪတၩ့လိၬ ဘၪအၥၭလဂၩ, ဒဲမံၫဎုၬဝ့ၫတၭ, အဝ့ၫဒၪဘၪဎွ့ၩန့ဝ့ၫ
17 လၧအမၫအဂးတၡါလီၫ.- အဖါအ့ၪလမိဖ့ၪလၫ့ဘၪ ဝ့ၫလၧအမၫအဂးနီၪ, ဒဲပဒၩ့ထၬဝ့ၫတၡါတၭ, ဆၧဘၪ လိၭစ့ၩအလယၧးန့ၫဎီၩ့ ၦမုၪနၩ့အဎွ့ၩနီၪလီၫ.
18 ၦမုၪလၧအအီၪ လၧအယူၬနီၪ ထီးဒုၭမၧၫ့လဂ့ၩ.
19 ထီးဒၪၦလၧအမံၫဎုၬ လၧဆၧဖိၪဆၧဎါ လဂၩလါ လါနီၪ, မိဘၪဆၧမၩၥံၫဝ့ၫတၡါလီၫ.
20 ၦလၧအလုထၪ့ဆၧလၧကဆါလဂၩဂၩလၧအလမွဲ ဘၪယဟိဝၩလဂၩနီၪ, မိဘၪဆၧမၩဂၭဂီၩ့ခွံၬဝ့ၫလီၫ.
21 ၦလခီၫဘၩ့မုးဖိၪနီၪ ထီးမၩအၧၩ့မၩၥၫ့ဘၪလဂ့ၩး အဂဲးဘဲၫယီၩ နၥံၪမွဲယူၭ ၦလခီၫဘၩ့မုးဖိၪ လၧခးအံ ဇံၭအဖၧၩ့လီၫ.
22 ၦမုၪမဲၫမွဲဂ့ၩ, ၦဖိၪဎွ့ၪမွဲဂ့ၩ, နၥံၪထီးမၩနၭမၩၡၪ့
23 လဂ့ၩ.- နအ့ၪမၩနၭမၩၡၪ့လမံၩ့မံၩ့တၭ, အဝ့ၫၥံၪအ့ၪ ကိၭထၪ့ယၧၩတီၩတီၩ, ယမိခိၭနၪတၡါ အဆၧကိၭ
24 နီၪလီၫ.- တၭယၥၭထၪ့မိခဲၩထၪ့တၭ, ယမိမၩၥံၫနၥံၪ လၧနၭတၭ, နၥံၪအမၫမိကဲၪထၪ့ၦမုၪမဲၫတၭ, နၥံၪအ ဖိၪလဖၪမိကဲၪထၪ့ ၦဖိၪဎွ့ၪလီၫ.
25 နအ့ၪဒုၭအၪ့လီးစ့ၩ လၧၦၡၩခမျၧး ဒဲၦၡၪ့ဖိၪအီၪ လၧနၥိၭတၭ, ကဲၪထၪ့ဘဲၫၦလၧအအၪ့စ့ၩအအ့ၪလၧ အဂးလဂ့ၩ, အီၪက့ၪစ့ၩအအ့ၪ လၧအလီၩ့လဂ့ၩ.
26 နအ့ၪမၩန့ၦလၧနနဲၩ့ထံၭ အကီၩ့အၥိၭ လၧဆၧပီၩ့လၩ့
27 ဝ့ၫအဂးနီၪ, ထီးမုလၩ့နုၬတၭ, နဘၪဖ့ၪထဲၩ့လီၫ.-အ ဂဲးဘဲၫယီၩဆၧလုၬဘံၭအၥၭနီၪ, မွဲန့ၫအဝ့ၫဒၪနီၪလီၫ. မွဲအကီၩ့အၥိၭလၧအဖံၭအဂးတၭ, မိမံၫလၧဆၧနီၪလ မံၩ့လဲၪ. တၭထီးအကိၭထၪ့ယၧၩနီၪ, ဆၧမိမၩအၥၭ လၧယမိခိၭနၪလီၫ. အဂဲးဘဲၫယီၩယဝ့ၫဒၪယီၩယဖ့ၪ ခိးဖ့ၪတၩလီၫ.
28 ထီးဒုၪဒွ့ၪယွၩလဂ့ၩ. ဆိၪအၧၩ့နၡၩခမျၧးအၦဒိၪ လဂ့ၩ.
29 ဘဲၫၥိၭနမိမၩဘိၪ့နဆၧဎွ့ၩ, နဆၧၥၪမံၫ့အဆိၫ, နစဘံၭၥၪဆိၫအထံၫ, ထီးၥုၭနံၩၥုၭၥၫ့လဂ့ၩး နဖိၪခွၫဝဲ
30 ၡါလဂၩနီၪနဘၪဖ့ၪလၫ့ယၧၩလီၫ.- ဘဲၫနီၪအၥိၭနဘၪ မၩလၧနချီၥံၪ, နၥိၪၥံၪလီၫ. နွ့ၫနံၩမိအီၪလၧအမိၡါ အၥိၭတၭ, ဎိၭနံၩလနံၩနီၪ နဘၪဖ့ၪလၫ့ယၧၩလီၫ.
31 တၭနၥံၪမိဘၪကဲၪထၪ့ၦဆံၫ့ဎံၪ လၧယဂးလီၫ. ဆၧ ယၪလၧဆၧဖိၪဆၧဎါ အဲၪ့ၡၫ့ဝ့ၫနီၪ, ထီးအၪ့လဂ့ၩ,ခွံၬ ၡိၭခွံၬလၧထွံၪလဖၪ အအီၪဆံၭ.