3
1 လၧဆၧယီၩလဖၪအလးခဲၫ့တၭ, စဎွၩအဟၭရှုၫ အံရၧၭနီၪဒုၭထီၫထၪ့ ၦအၫဂၭဖိၪစဟၫမ့ၭဒၥၫအဖိၪခွၫ စဟၫမၫ့တၭ, အီၪက့ၪထၪ့အဝ့ၫဒၪ လၧကယဲၦဒိၪဖၭ
2 ဒိၪလၧအစူၪဖၧၩ့ထီးအလူၬၥံၪအဖၫ့ခိၪနီၪလီၫ.- တၭ ကယဲစဎွၩအခ့ၫအၡၩထီးအလူၬ လၧအအီၪလၧစဎွၩ အတရၫ့ဖၧၩ့ၥံၪ, ၡီၫ့လၩ့အခိၪတၭ, ဘိၪ့ထၪ့ဘၩထၪ့ စဟၫမၫ့နီၪ, အဂဲးဘဲၫယီၩ လၧအဝ့ၫဒၪအဂဲးအကၠီၪ့
3 စဎွၩမၪလူၬဝ့ၫဘဲၫနီၪၥိၭလီၫ.- အ့ၪမွဲစမီၫဒကၫလဂၩ ၡီၫ့လၩ့ဝ့ၫအ့ၬ, ဘိၪ့ထၪ့ဘၩထၪ့ဝ့ၫဆ့အ့ၬ. ထီးနီၪလ ဖၧၫ့စဎွၩအခ့ၫအၡၩၥံၪ လၧအအီၪလၧစဎွၩအတရၫ့ ဖၧၩ့နီၪ,စံၭစမီၫဒကၫဘဲၫယီၩ, မွဲဘၪနီၫလၫလၧနမၪ ဘၪစဎွၩအဆၧမၪလူၬနီၪလဲၪ.
4 ဆၧမၩအၥၭထီးအဝ့ၫၥံၪလီၩဘၪဝ့ၫ ၥံၫ့ၥံၫ့နံၩနီၪ, အဝ့ၫဒၪလခိၭနၪဘၪတၭ, အဝ့ၫၥံၪလီၩဘၪစဟၫမၫ့ နီၪ,ဘဲၫၥိၭအမိၥ့ၪယၫဝ့ၫ လၧစမီၫဒကၫအဂဲးအကၠီၪ့ နီၪ,အဆၧမၩလမံၩ့မိဂုးခၧၫ့ဆ့ဧၪ. အဂဲးဘဲၫယီၩအ ဝ့ၫဒၪလီၩဘၪအဝ့ၫၥံၪ လၧအမွဲၦယုဒၫဖိၪ နီၪလီၫ.
5 တၭထီးစဟၫမၫ့ဒၪဘၪလၧ စမီၫဒကၫလၡီၫ့လၩ့ဘၪ, ဒဲလဘိၪ့ထၪ့ဘၩထၪ့ဘၪအဝ့ၫဒၪနီၪ, ထီးနီၪလဖၧၫ့
6 စဟၫမၫ့လၧၫ့ဎွ့ၩလၧဆၧၥၭထၪ့လီၫ.- တၭအဝ့ၫဒၪ အၥၭအီၪလၧအမိအီၪက့ၪအစူၪ န့ၫလၧစမီၫဒကၫလ ဂၩဎးအလီၩ့နီၪ, ကၭအ့ၬး အဂဲးဘဲၫယီၩအဝ့ၫၥံၪဒုၭ နဲၪယူၭအဝ့ၫလၧစမီၫဒကၫအဆၨၩနီၪလီၫ. အခိးမွဲ စဟၫမၫ့အၪ့ဎၬမၩဂၭဂီၩ့ခွံၬ ၦယုဒၫဖိၪၥံၪထီးအလူၬ လၧအအီၪဝ့ၫလၧ စအဟၭရှုၫအံရၧၭအဘၩ့အမုးအ ဖၧၩ့ဎံၩ့ဎံၩ့လ့ၬ, စမီၫဒကၫအဆၨၩဒၪလ့ၬနီၪလီၫ.
7 လၧလၩအခၪ့ထံၭလဘံၪ့, လၧအမွဲလၩနဲစၫ့အ ဖၧၩ့လၧစဎွၩအဟၭရှုၫအံရၧၭအနံၪ့ လဆံၫနံၫနံၪ့လနံၪ့ နီၪ,ၦလဖၪခွံၬဖၧၫ, လၧအမွဲဆၧဖၭ, လၧစဟၫမၫ့အ မ့ၬယၫလနံၩဘၪလနံၩ, ဒဲလၧလလၩဘၪလလၩ,ထီၩ့ လၩ့လၩလဆံၫနံၫဘံၪ့လဘံၪ့, လၧအမွဲလၩအၫဒၫနီၪ
8 လီၫ.- တၭစဟၫမၫ့စံၭစဎွၩ အဟၭရှုၫအံရၧၭနီၪ,လၧ နဘၩ့နမုးအဝၩ့ထီးအလူၬလဖၪအဖၧၩ့နီၪ, ၦအဆၨၩ အီၪဝ့ၫလဆၨၩလၧအဎွံၪဖၭလိၬအၥၭ လၧၦခမျၧးၥံၪ အကျၩဎံၩ့ဎံၩ့လ့ၬလီၫ. တၭအဝ့ၫၥံၪအထူၫအရူၫလ ဖၪလၩ့မဲၩလၧၦခမျၧးၥံၪကိၭဂၩဒ့ၭး တၭထီးန့စဎွၩ အလူနီၪဆ့အ့ၬ. အခိးမွဲဆၧမၩအၥၭ ဘဲၫနီၪတၭ,စ ဎွၩဒုၭမၧၫ့လါနၫ့အဝ့ၫၥံၪ အခိးအတၩအီၪနးမံၩ့အ့ၬ.
9 အ့ၪဘၪစဎွၩအၥၭ, မွဲဆၧကွ့ၭလၩ့ဝ့ၫလၧဆၧမိမၩဂၭ ဂီၩ့ခွံၬအဝ့ၫၥံၪဘီၪ. တၭယဝ့ၫဒၪယီၩယမိဖ့ၪလၫ့စ့ၩ အကံကၫလလၬနီၪ, လၧၦလၧအပၧၩ့ဆၧလမံၩ့နီၪအ စူၪဖၧၩ့,ဘဲၫၥိၭအဝ့ၫၥံၪ မိဂဲၫဆိၬဒူၭလၩ့လၧစဎွၩအ ဆၧအီၪက့ၪကီၪ့ အစူၪလးခၪ့ခိၪ အလးဖၧၩ့နီၪလီၫ.
10 စဎွၩနီၪဘဲၪ့လၩ့ခွံၬ အစူၪၥံၭ လၧအစူၪဒၪဝ့ၫအလီၩ့ တၭ,ဖ့ၪလၫ့ဝ့ၫလၧ ၦအၫဂၭဖိၪ, စဟၫမ့ၭဒၥၫအဖိၪခွၫ
11 စဟၫမၫ့, ၦယုဒၫဖိၪၥံၪအဒုၪအဒၩနီၪလီၫ.- တၭစဎွၩ နီၪစံၭစဟၫမၫ့, စ့ၩနီၪဆၧဖ့ၪလၫ့နၧၩ, ဒဲၦၡၩလဖၪနီၪ ဆ့,ဘဲၫၥိၭနမိမၩအဝ့ၫၥံၪ ထီးဒၪနဆီၫ့မီၪ့လၧအမွဲဆၧ အဂ့ၩနီၪလီၫ.
12 ထီးနီၪလဖၧၫ့လၧလၩခၪ့ထံၭလဘံၪ့, လၩထၪ့လ ဆံၫၥၧၫ့နံၩလနံၩနီၪ, ဆၧကိၭန့စဎွၩအၡၩကွ့ၭလံၬလ ဖၪတၭ,ဆၧကွ့ၭလၩ့ဝ့ၫဘဲၫစဟၫမၫ့မၪလူၬဝ့ၫအၥိၭ, လၧစဎွၩအၦဒိၪဖၭဒိၪၥံၪ, ဒဲၦဒိၪအီၪလၧခးလဝၩ့လ ဂၩ,လဝၩ့လဂၩအဖၫ့ခိၪကိၭစီၪ့ဒ့ၭ ဒဲလၧၦပၧၩ့အၡၩ ခမျၧးၥံၪလၧကယဲခးအဝၩ့ကိၭစီၪ့ဒ့ၭ, ဘဲၫဆၧကွ့ၭဝ့ၫ အၥိၭ,ဒဲဘဲၫၦခမျၧးၥံၪအလၨအီၪဝ့ၫ လမံၩ့လါလါနီၪ, ဆၧကွ့ၭဝ့ၫလၧ စဎွၩအဟၭရှုၫအံရၧၭအမံၩ့နီၪ,ဒဲစဲၩ
13 နဲၪ့ထၬဝ့ၫလၧစဎွၩအဆၧစဲၩနဲၪ့နီၪလီၫ.- လံၬလဖၪ နီၪဆၧဖ့ၪယုဝ့ၫလၧၦၥိၫ့လံၬအစူၪဖၧၩ့, လၧကယဲစဎွၩ အခးအဝၩ့လဖၪထီးအလူၬ, ဘဲၫၥိၭဆၧမိမၩဂၭဂီၩ့, မၩၥံၫခွံၬ, ဒဲဒုၭလၩ့မါၦယုဒၫဖိၪၥံၪထီးအလူၬ, ၦၥၭ ဘၪ့မွဲဂ့ၩ,ၦၥၭၡါမွဲဂ့ၩ, ဖိၪၥၪဆံၭၥံၪမွဲဂ့ၩ ၦမုၪၥံၪမွဲ ဂ့ၩ,လၧလနံၩဎးနီၪ, ထီးအဘၪလၩလဆံၫနံၫဘံၪ့လ ဘံၪ့, လၩထၪ့လဆံၫၥၧၫ့နံၩလနံၩနီၪ, လၧအမွဲလၩ အၫဒၫတၭး အဝ့ၫၥံၪအစူၪလးခၪ့ခိၪနီၪ မၩဝ့ၫလၧဆၧ
14 အၪ့ဂူၬဆီၪ့အဂးနီၪလီၫ.- တၭလံၬနီၪဆၧကွ့ၭဆဲၫလ ဘံၪ့လၧဆၧမၪလူၬအဂး, လၧဆၧဘၪဖ့ၪလၫ့ဝ့ၫလၧ ခးကိၭအဝၩ့ဒ့ၭတၭ, ဒုၭဂၧၫ့ထၪ့ၥၩလၩ့ယူၭလၧၦခ မျၧးၥံၪထီးအလူၬ ဘဲၫၥိၭအမိတဲၩ့ဝဲၩအၥၭလၧမုလ
15 နံၩနီၪအဂးလီၫ.- ၦၥိၫ့လံၬလဖၪနီၪစဲၪ့ထၪ့ခွံၬဝ့ၫတၭ, လၧစဎွၩအဆၧမၪလူၬအကၠီၩ့နီၪ, လ့ၩဆၧဆီၪ့ဆီၪ့ လ့ၬတၭ, အဆၧစ့ၩရၫ့လမံၩ့နီၪ ကဲၪထၪ့ဝ့ၫလၧနီးရှု ၡၫ့အဖၧၩ့နီၪလီၫ. တၭစဎွၩဒဲစဟၫမၫ့ၥံၪဆၧၫ့နၩ့အီၩ လၨၪဆၧလီၫ. အ့ၪမွဲဒိၩ့ရှုၡၫ့ဘၪဆၧခိဆၧဝီၩနီၪလီၫ.