4
1 ထီးစမီၫဒကၫၥ့ၪယၫကယဲဆၧမၩအၥၭ ထီးအ လူၬနီၪ,စမီၫဒကၫၡၫ့ယၬအကီၩ့အၥိၭတၭ, ကီၩ့ထၪ့ ရၧၬအဆၧယၬအီၪလၧဖံၫ့ချၪနီၪ, စဲၪ့ထၪ့လ့ၩဝ့ၫလၧဒိၩ့ အၥၭကျၩတၭယ ကိၭၡၭထၪ့အလူၥီၫ ဒဲဂၪ့အုၩဂၪ့ထိၬ
2 တၭး ဂဲၫထီၩ့လၧစဎွၩအတရၫ့အမ့ၬယၫနီၪလီၫ.- အ ဂဲးဘဲၫယီၩၦလၧအကီၩ့ရၧၬအဆၧယၬနီၪ, နုၬဘၪလၧ
3 စဎွၩအတရၫ့ဖၧၩ့နးဂၩအ့ၬ.- တၭလၧကယဲခးဝၩ့ ဖၧၩ့,ထီးဒၪအလးလၧစဎွၩအဆၧမၪလူၬနီၪ ဒဲအဆၧ စ့ၩရၫ့လမံၩ့ထီၩ့ဝ့ၫလစီၪ့လါလါတၭ, လၧၦယုဒၫဖိၪအ ကျၩနီၪဆၧဂၪ့အုၩဂၪ့ထိၬအီၪထၪ့ဝ့ၫ, ဒဲအဒုၪဆၧအၪ့ ဆၧအီၩတၭ, ဘၪဂၪ့ဘၪယၧၩ့, ၥုၪ့အုၭၥၭအုၭတၭး ၦအၪဂၩမံၫနၩ့ဝ့ၫလၧရၧၬအဆၧယၬ အီၪလၧဖံၫ့ချၪနီၪ အဖၧၩ့လီၫ.
4 အခိးမွဲနးအ့စတၧၫအဎီးမုၪၥံၪ ဒဲအၡၩဖၫဆွံၪလ ဖၪဂဲၫလီၩဘၪဆၧနီၪလီၫ. ထီးနီၪလဖၧၫ့နးဎွၩမုၪနီၪ အၥုၪ့အုၭအၥၭအုၭဒိၪမၬတၭး အၪ့မၧၫ့ၦလ့ၩဆိၬဆၧ ကီၩ့ဆၧၥိၭလၧစမီၫဒကၫအအီၪနီၪ ဒဲမၩန့ခွံၬရၧၬအ
5 ဆၧယၬနီၪလါနၫ့တၭး အဝ့ၫဒၪမၩဝ့ၫအ့ၬ.- ထီးနီၪလ ဖၧၫ့နးအ့စတၧၫကိၭစဎွၩအၦဒိၪ စဟၫတၭလဂၩနီၪ, လၧဆၧအီၪက့ၪဝ့ၫဘဲၫၥိၭ အမိမၩနးအ့စတၧၫအခ့ၫအ ၡၩအဆၧမၩနီၪ, အၪ့မၧၫ့အဝ့ၫဒၪလ့ၩလၧစမီၫဒကၫ အအီၪ,ဘဲၫၥိၭအမိၥ့ၪယၫဆၧအဂဲးအကၠီၪ့နီၪ, ဒဲမၩ
6 အၥၭအဂဲးဘဲၫၥ့ၪလဲၪ.- အခိးမွဲစဟၫတၭစဲၪ့ထၪ့လၧ ဒိၩ့အဖၧၩ့ၥၭအဖၧၩ့ လၧစမီၫဒကၫအအီၪ, လၧစဎွၩ
7 အတရၫ့အမ့ၬယၫလစီၪ့နီၪလီၫ.- တၭစမီၫဒကၫလီၩ ဘၪအဝ့ၫဒၪကယဲဆၧလမံၩ့လါလါ လၧဆၧမၩအၥၭ လၧအဂးနီၪ, ဒဲစ့ၩလၧစဟၫမၫ့လီၩဘၪဝဲၩဝ့ၫလၧအမိ ဖ့ၪလၫ့စဎွၩ အအီၪက့ၪစူၪလးခၪ့ခိၪအလး, လၧအမိ
8 မၩဂၭဂီၩ့ၦယုဒၫဖိၪၥံၪအကၠီၩ့နီၪလီၫ.- မွဲအဖ့ၪလၫ့ အဝ့ၫဒၪဆ့လၧဆၧစ့ၩရၫ့လမံၩ့နီၪအလံၬလဘံၪ့, လၧ အကဲၪထၪ့ဝ့ၫလၧရှုၡၫ့ ဘဲၫၥိၭဆၧမိမၩဂၭဂီၩ့ခွံၬအဝ့ၫ ၥံၪနီၪ,ဘဲၫအဝ့ၫဒၪမိဒုၭနဲၪ နးအ့စတၧၫလၧလံၬနီၪ,ဒဲ လီၩဘၪဝ့ၫအဂဲးအကၠီၪ့, ဒဲအၪ့မၧၫ့နးအ့စတၧၫလ့ၩ နုၬလၧစဎွၩအအီၪ, ဘဲၫၥိၭအမိအၪ့ကံၩ့အၪ့ယၫအ ဝ့ၫဒၪ,ဒဲအၪ့ကံၩ့ဆၧလၧအမ့ၬယၫ လၧအဆၨၩဒၪဝ့ၫ အဂးလီၫ.
9 တၭစဟၫတၭနီၪဂဲၫလီၩဘၪ နးအ့စတၧၫလၧစမီၫ
10 ဒကၫအဆၧချဲၩ့လဖၪလီၫ.- တၭနးအ့စတၧၫစံၭဒီၭစ
11 ဟၫတၭ,ဒဲဖ့ၪလၫ့ဆၧမၪလူၬလၧစမီၫဒကၫနီၪး- စဎွၩ အခ့ၫအၡၩကိၭဂၩဒ့ၭ, ဒဲၦခမျၧးၥံၪလၧစဎွၩအခးအ ဝၩ့ဖၧၩ့လဖၪ,ၥ့ၪယၫဝ့ၫ, လၧကယဲၦလဂၩဂၩ,ၦမုၪမွဲ ဂ့ၩ, ၦခွၫမွဲဂ့ၩ, ဆၧအ့ၪလကိၭဘၪတၭ, အ့ၪလ့ၩနုၬ လၧယၫလစီၪ့ လၧစဎွၩအအီၪနီၪ, ဆၧၥနိၫလၧအဝ့ၫ ဒၪအဂးအီၪန့ၫလမံၩ့ယီၩ, အ့ၪလမွဲဘၪၦလၧစဎွၩမိ ယူၬစိၩနိၪထိၭထီၫ့လဘီၩ့နီၪ လၧအမိမၧၫ့ဝ့ၫဒၪအဂး, မိဘၪၥံၫဝ့ၫလီၫ. တၭလၧမုနံၩၥၧၫ့ဆံၫအထးဖၧၩ့နီၪ, ဆၧလကိၭဘၪယၧၩလ့ၩနုၬလၧ စဎွၩအအီၪနီၪလီၫ.
12 တၭၦလဖၪလီၩဘၪစမီၫဒကၫ လၧနးအ့စတၧၫအဆၧ ချဲၩ့လဖၪလီၫ.
13 ထီးနီၪလဖၧၫ့စမီၫဒကၫမၪလူၬ ဆၧစံၭဆၧၫ့နးအ့ စတၧၫဘဲၫယီၩ, နနၫ့ဆါဒၪနဝ့ၫအီၪလၧစဎွၩအဂံၪ့ဖၧၩ့ နီၪ,နမိဖီၩ့ဖျ့ၭဆၧယီၫနဲၪ့ၦယုဒၫဖိၪထီးအလူၬ, ထီး
14 ဆီၫ့မီၪ့လၩ့နၥၭလဂ့ၩ.- အဂဲးဘဲၫယီၩဆၧအဆၧၫ့ အထီယီၩနအ့ၪအီၪလၩ့မါပံၭတၡါတၭ, ဆၧဘီၪထၪ့ ယီၫထၪ့ဒဲဆၧဖီၩ့ဖျ့ၭနီၪ လၧၦယုဒၫဖိၪၥံၪအဂးမိဂဲၫ ထၪ့ဝ့ၫလၧအလးလစီၪ့ဒၪး အ့ၪမွဲနနၫ့ဆါဒဲနဖါအဂံၪ့ မိဘၪဆၧဂၭဂီၩ့ဝ့ၫဒၪလီၫ. တၭနထၪ့ဘၭယူၭလၧဘၩ့ မုးလၧဆၧအဆၧၫ့အထီယီၩအဂးဧၪ, လမွဲဘၪဧၪနီၪ, မွဲပလၫၥ့ၪယၫဝ့ၫလဂၩလဲၪ.
15 ထီးနီၪလဖၧၫ့နးအ့စတၧၫအၪ့မၧၫ့ အချဲၩ့ဆၧၫ့စ မီၫဒကၫဘဲၫယီၩ,-
16 လ့ၩဘီၪကိၭကီၪ့ကယဲၦယုဒၫဖိၪ ၥံၪလၧအအီၪလၧရှုၡၫ့အဖၧၩ့, ဒုၪဆၧအၪ့ဆၧအီၩလၧ ယဂးတၭ, လၧၥၧၫ့ၥၫ့အထးဖၧၩ့နီၪ, မုနၩဂ့ၩ,မုဆၫ ဂ့ၩ,ထီးအၪ့ဆၧအီၩဆၧလဂ့ၩး ယဝ့ၫဒၪဒဲယဎီးမုၪ လဖၪပမိဒုၪဆၧအၪ့ဆၧအီၩဘဲၫနီၪၥိၭဆ့လီၫ. အခိး မွဲယမိလ့ၩနုၬလၧစဎွၩအအီၪ, လဘၪဆဲၫ့ဘၪလၧအ ၥနိၫနီၪလါနၫ့တၭ, ယအ့ၪဘၪဆၧဂၭဂီၩ့တၭ, ယဂၭ ဂီၩ့ယဝ့ၫလီၫ.-
17 အခိးမွဲစမီၫဒကၫလ့ၩဝ့ၫတၭ, ဘဲၫ နးအ့စတၧၫမၪလူၬဝ့ၫအၥိၭ, မၩဝ့ၫကိၭအမံၩ့ဒ့ၭနီၪဆ့ လီၫ.