2
1 လၧဆၧနီၪလဖၪအလးခဲၫ့တၭ, ထီးစဎွၩအဟၭရှုၫ အံရၧၭအဆၧၥၭထၪ့နီၪလၩ့ဆါထဲၩ့ဝ့ၫဒၪတၭ, မွဲအနၪ့ ထၪ့ထဲၩ့နးဝၭၡတဲၫ, ဒဲအဆၧမၩလမံၩ့, ဒဲဆၧစ့ၩရၫ့
2 လၧအလၩ့ဘၪဝ့ၫနီၪလီၫ.- ထီးနီၪလဖၧၫ့စဎွၩအခ့ၫအ ၡၩၥံၪလၧအမၩအဝ့ၫဒၪအဆၧနီၪစံၭအဝ့ၫ, မွဲဆၧအၪ့
3 ဎၬန့ၦမုၪနၩ့အဎံၫအလၩၥံၪလၧစဎွၩအဂးဆံၭ.- မွဲစ ဎွၩအီၪက့ၪလၩ့ ၦဒိၪၥံၪလၧအဘၩ့အမုး အခးအဝၩ့ ထီးအလူၬအဖၧၩ့, ဘဲၫၥိၭအဝ့ၫၥံၪမိဒုၭအီၪကီၪ့ကယဲ ၦမုၪနၩ့အဎံၫအလၩၥံၪ လၧနီးရှုၡၫ့အဖၧၩ့, လၧၦမုၪ ၥံၪအဂံၪ့နီၪ, လၧၦခိၭၦမုၪၥံၪ, စဎွၩအၡၩၦဒိၪစဟံဂံၫ နီၪအစူၪဖၧၩ့ဘီၪ. တၭကယဲဆၧလၧအဝ့ၫၥံၪ ကြၨၭ န့ဘၪလၧဆၧမၩဆံၫ့အဂးနီၪ, မွဲဆၧဖ့ၪလၫ့အဝ့ၫၥံၪ
4 ဘီၪ.- တၭၦမုၪနၩ့လၧအဘၪစဎွၩအၥၭနီၪ, မွဲအဝ့ၫ ဒၪကဲၪထၪ့နးဎွၩမုၪ လၧနးဝၭၡတဲၫ အလးနီၪဘီၪ. တၭဆၧလမံၩ့နီၪ ဘၪစဎွၩအၥၭတၭး မၩဝ့ၫဘဲၫနီၪ လီၫ.
5 တၭလၧ နီးရှုၡၫ့အဖၧၩ့နီၪ ၦယုဒၫဖိၪလဂၩအမံၩ့မွဲ စမီၫဒကၫအီၪဝ့ၫ, မွဲစယၫအၧၭအဖိၪခွၫ, စၡံမအဲၫအ
6 ဖိၪခွၫ, စကံၭအဖိၪခွၫ,ၦဘံၪ့ယမံၫ့ဖိၪနီၪလီၫ.- အဝ့ၫ ဒၪဘၪဆၧဆိၬခွံၬဝ့ၫလၧ ယရုစလံၫ့လၧဆၧအၪ့မၧၫ့ဎီး ဝ့ၫအဖၧၩ့နီၪ, လၧအဘၪဆၧဆိၬခွံၬဝ့ၫလၧယုဒၫအစ ဎွၩယ့ၭကနဲအၫအၥိၭ, ၦလၧဘၭဘလၧၫ့အစဎွၩန့ၭ
7 ဘူၫခၭန့ဇၫနီၪဆိၬခွံၬဝ့ၫဒၪလီၫ.- အဝ့ၫဒၪလုအၪ့လု အီၩနးဟဒၭစၫ, လၧအမွဲအမၩ့အဖိၪမုၪ,နးအ့စတၧၫ, အဂဲးဘဲၫယီၩအမိအဖါလအီၪလၧၩ့ဘၪတၭ, ၦမုၪနီၪ အခံးဘၪအဂၩ့ဂ့ၩ ဒဲအဎံၫအလၩဆ့း လၧအမိအဖါ ၥံၫထလၧၫ့ခွံၬနီၪ, စမီၫဒကၫမၩန့ဝ့ၫလၧအဖိၪမုၪဒၪဝ့ၫ အဂးလီၫ.
8 အခိးမွဲဆၧမၩအၥၭထီးစဎွၩ အဆၧမၪလူၬဒဲအ ဆၧစ့ၩရၫ့နီၪဘၪဆၧဂၧၫ့ထၪ့ဝ့ၫ, ဒဲၦမုၪနၩ့ၥံၪအၪဂၩနီၪ, ဘၪဆၧဒုၭအီၪကီၪ့ၡီၩ့လၧနီးရှုၡၫ့အဖၧၩ့ လၧစဟံဂံၫ အစူၪဖၧၩ့နီၪ, နးအ့စတၧၫလဂၩဘၪဆၧဂဲၫၥိၫ့ဝ့ၫဆ့ လၧစဎွၩအဂံၪ့ထီၩ့လၧၦခိၭၦမုၪၥံၪ စဟံဂံၫအစူၪဖၧၩ့
9 နီၪလီၫ.- တၭၦမုၪနၩ့နီၪဘၪအဝ့ၫဒၪအၥၭ, ဒဲအန့ဘၪ ဆၧအခိးအတၩလၧအဝ့ၫဒၪလဂၩနီၪး တၭဆၧလၧအ ဘၪဆဲၫ့လၧဆၧမၩဆံၫ့နီၪ, အဝ့ၫဒၪဖ့ၪလၫ့ဝ့ၫချဲၫ့လ့ၬ. ဒဲကယဲဆၧလၧအကြၨၭန့ဘၪလမံၩ့လါလါ, ဒဲၦမုၪနၩ့ ၥံၪဘၪဆဲၫ့လၧစဎွၩအဂံၪ့, လၧအကြၨၭန့ဘၪ,ဆၧဖ့ၪ လၫ့နွ့ၫဂၩလၧနးအ့စတၧၫနီၪတၭး စဟံဂံၫနီၪအီၪက့ၪ အဝ့ၫဒၪဒဲအမုၪနၩ့လဖၪ လၧၦမုၪၥံၪအဂံၪ့အဂးအဂ့ၩ
10 ထုၬလစီၪ့နီၪလီၫ.- တၭနးအ့စတၧၫနီၪ နဲၪဖျီၪထၪ့အ ဆၨၩဒၪဝ့ၫဒဲအဘူၭအထံးၥံၪနးမံၩ့အ့ၬ, အဂဲးဘဲၫယီၩ စမီၫဒကၫမၪလူၬ ထံၫထံၫဆၭဆၭ လၧအထီးနဲၪဖျီၪ
11 ထၪ့လဂ့ၩ.- တၭနးအ့စတၧၫနီၪမိမၩနီၫလဲၪ, ဒဲမိဘၪ နီၫလဲၪနီၫလဲၪနီၪ, ဘဲၫအမိၥ့ၪယၫဝ့ၫအၥိၭတၭ, စမီၫ ဒကၫလဲးလီၩ့ဝ့ၫလၧ ၦမုၪၥံၪအဂံၪ့အဝၩ့နီၪအမ့ၬယၫ ကိၭမုနံၩဒ့ၭလီၫ.
12 ထီးၦမုၪနၩ့ၥံၪလဂၩဘၪလဂၩ လဂၩဘၪလဂၩဘၪ ဆဲၫ့လၧအမိလ့ၩနုၬလၧစဎွၩ အဟၭရှုၫအံရၧၭအအီၪ, လၧအအီၪယူၭလၩလဆံၫနံၫဘံၪ့အလးခဲၫ့, ဘဲၫၦမုၪ ၥံၪအထူၫအရူၫအီၪဝ့ၫအၥိၭ, (အဂဲးဘဲၫယီၩအဝ့ၫၥံၪ ဘၪမၩဆံၫ့ထၪ့အၥၭအမုနံၩလဖၪ လၧၫ့ဎွ့ၩဝ့ၫဘဲၫနီၪ ၥိၭ,လၩဎူၫဘံၪ့လၧမူၫရၫ့အၥိၪ, ဒဲလၩဎူၫဘံၪ့လၧဆၧ နၧၫ့မၧၫ့မုၬလဖၪ, ဒဲဆၧအဂူၫဂၩလဖၪလၧဆၧမၩဆံၫ့
13 ၦမုၪၥံၪအဂး,) - ထီးနီၪလဖၧၫ့ၦမုၪနၩ့ဂဲၫဝ့ၫလၧစဎွၩ အအီၪဘဲၫနီၪၥိၭတၭ, ထီးဒၪဆၧလမံၩ့လါလါလၧအ မိန့ဘၪအၥၭလၧၦမုၪအဂံၪ့ဖၧၩ့, ဘဲၫၥိၭအမိလ့ၩနုၬ
14 လၧစဎွၩအဂံၪ့နီၪ, ဆၧဖ့ၪလၫ့ဝ့ၫဒၪလီၫ.- မွဲအလ့ၩနုၬ လၧမုဂၪလၩ့လခီၫတၭ, ထီးမုဆဲၪ့ထၪ့ထဲၩ့ထဲၩ့ဝ့ၫလၧ ၦမုၪအဂံၪ့နံၫဖျိၪ့လဖျိၪ့နီၪ, လၧစဎွၩအၦဒိၪစၡၫအၭ ၡဂၭလၧအခိၭၦၥံၪမၫလဖၪအစူၪဖၧၩ့လီၫ. အ့ၪလမွဲ ဘၪလၧအဘၪစဎွၩအၥၭလၧအဝ့ၫနီၪ, ဒဲလကိၭဘၪ ဝ့ၫအမံၩ့တၭ, မွဲအဂဲၫနုၬလၧၩ့လၧစဎွၩအအီၪနီၪအ့ၬ.
15 စမီၫဒကၫအမၩ့စအဘဲၫဟလၭအဖိၪမုၪ နးအ့စ တၧၫ, လၧစမီၫဒကၫမၩန့လၧအဖိၪမုၪဒၪဝ့ၫအဂး, ထီးအဘၪ ထဲၩ့လၧအဘၪလ့ၩနုၬလၧစဎွၩအအီၪတၭ, အ့ၪလမွဲဘၪဆၧလၧစဎွၩအၦဒိၪလၧ အခိၭၦမုၪၥံၪစဟံ ဂံၫအီၪက့ၪဝဲၩဝ့ၫလၧအဂးနီၪ, နးအ့စတၧၫအၪ့ကံၩ့ဆၧ ဂူၫဂၩနးမံၩ့အ့ၬ. တၭနးအ့စတၧၫနီၪန့ဘၪဆၧအခိးအ တၩလၧကယဲၦလၧအဒၪဘၪ အဝ့ၫကိၭဂၩဒ့ၭလီၫ.
16 ဘဲၫနီၪၥိၭ ဆၧလ့ၩၥိၫ့နးအ့စတၧၫ လၧစဎွၩအဟၭရှုၫ အံရၧၭအအီၪ ထီးအဘၪလၩဆံၫဘံၪ့လဘံၪ့, လၧအ မွဲလၩတံဘ့ၭနီၪ, လၧအပၧၩ့ဆၧအနံၪ့နွ့ၫနံၪ့လနံၪ့အ
17 ဖၧၩ့နီၪလီၫ.- တၭစဎွၩအဲၪနးအ့စတၧၫနီၪ, အၪနဲၪ့ၦမုၪ ထီးအလူၬၥံၪတၭ, အဝ့ၫနီၪန့ဘၪဆၧအခိးအတၩလၧ စဎွၩအမ့ၬယၫအၪနဲၪ့ၦမုၪနၩ့ၥံၪ ထီးအလူၬတၭ, အ ခိးမွဲစဎွၩချႃၬထၪ့ဝ့ၫလၧဘၩ့မုးအၥရဖူၩနီၪ, ဒဲဒုၭကဲၪ ထၪ့အဝ့ၫလၧနးဎွၩမုၪလၧ နးဝၭၡတဲၫအလးနီၪလီၫ.
18 ထီးနီၪလဖၧၫ့စဎွၩမၩဘိၪ့ဖၭဒိၪ လၧကယဲအၦဒိၪဖၭ ဒိၪၥံၪ, ဒဲအခ့ၫအၡၩၥံၪအဂးတၭ, မွဲနးအ့စတၧၫအ ဆၧဘိၪ့တၭး စဎွၩနီၪဖျါခွံၬ ဆၧလၧခးအဝၩ့လဖၪအ ဖၧၩ့တၭ, ဖ့ၪလၫ့ဆၧလဖၪ, ဘဲၫဆၧအီၪလၧစဎွၩအ စူၪဖၧၩ့အၥိၭနီၪလီၫ.
19 ထီးဆၧဒုၭအီၪကီၪ့ၦမုၪနၩ့ၥံၪ နံၫဘျၩ့လဘျၩ့တၭ, ထီးနီၪလဖၧၫ့စမီၫဒကၫ ဆၧၫ့နၩ့လၧစဎွၩအတရၫ့ဖၧၩ့
20 နီၪလီၫ.- နးအ့စတၧၫနီၪနဲၪဖျီၪထၪ့ အဘူၭအထံးၥံၪဒဲ အဆၨၩနီၪဒံၭအ့ၬ. ဘဲၫစမီၫဒကၫမၪလူၬထံၫထံၫဆၭ ဆၭအၥိၭ, အဂဲးဘဲၫယီၩနးအ့စတၧၫနီၪမၩစမီၫဒကၫ အဆၧမၪလူၬၥံၪ, ဘဲၫလၧအဘၪဆၧလုအၪ့လုအီၩဝ့ၫ လၧအၥိၭနီၪလီၫ.
21 လၧမုနံၩလဖၪနီၪ, လၧစမီၫဒကၫဆၧၫ့နၩ့လၧစဎွၩ အတရၫ့ဖၧၩ့အဘိၩ့ဘၭနီၪ စဎွၩအၦဒိၪလဖၪနံၫဂၩ, စဘံဂၥၫ့,ဒဲစတံရ့ၭ, ဘၪဆဲၫ့လၧၦခိၭတရၫ့နီၪ,ၥၭထၪ့ ဝ့ၫဒၪတၭ, အၪ့ဎၬအလးဘဲၫၥိၭအမိအီၪက့ၪအစူၪလၧ
22 စဎွၩအဟၭရှုၫအံရၧၭအလီၩ့လီၫ.- ဆၧလမံၩ့နီၪစမီၫ ဒကၫၥ့ၪယၫဝ့ၫတၭ, လီၩဘၪနးဎွၩမုၪအ့စတၧၫနီၪ, ဒဲနးအ့စတၧၫထိးအၥၭလၧစဎွၩ, လၧစမီၫဒကၫအမံၩ့
23 အဖၧၩ့လီၫ.- တၭထီးဘၪဆၧအၪ့စိၭအၪ့စၪ့ဝ့ၫအဂဲး အကၠီၪ့တၭ, ဆၧဖျီၪထၪ့ဝ့ၫဒၪး အခိးမွဲအဝ့ၫၥံၪဘၪဆၧ စၧၩ့လၩ့ၥံၫခွံၬဝ့ၫလၧ ၥံၪ့လထံၭအလီၩ့နံၫဂၩလူၬတၭ, ဆၧကွ့ၭဝ့ၫလၧလံၬကွ့ၭနဲၪ့ဆၧအဖၧၩ့နီၪ လၧစဎွၩအမ့ၬယၫဆ့လီၫ.