6
1 ထီးနီၪလဖၧၫ့ စဎွၩဒရဲအၧၭစ့ၩရၫ့ဝ့ၫဒၪတၭး ဆၧ အၪ့ဎၬလၧလံၬထူလဖၪအဂံၪ့ဖၧၩ့, လၧဆၧအီၪက့ၪ
2 ကီၪ့ဘၭဘလၧၫ့အဎၧၩ့အဎီလဖၪနီၪအလးလီၫ.- တၭ ထီးအၭမၥၫ, လၧနီးဖၧၩ့လၧအအီၪဝ့ၫလၧခးမံဒအၫ အဖၧၩ့နီၪ,ဆၧဒၪန့ဝ့ၫလံၬထူလထူတၭ, ဆၧကွ့ၭဝ့ၫ လၧအဖၧၩ့ဘဲၫယီၩ,
3 လၧစဎွၩစဲရၧၭအနံၪ့အခၪ့ထံၭလနံၪ့နီၪ, စဎွၩစဲရၧၭ စ့ၩရၫ့ဆၧဘၪဆဲၫ့ လၧယွၩအဂံၪ့လၧယရုစလံၫ့တၭး စံၭဝ့ၫ,ဒုၭကဲၪထၪ့ဂံၪ့နီၪအလး လၧအဝ့ၫၥံၪလုထၪ့ ဆၧလဖၪတၭ, အီၪက့ၪလၩ့အခၪ့ထံၭနီၪခၧၫ့ခၧၫ့လ့ၬး ဒဲအထၪ့ထီၫနီၪအဖျါဎူၫဆံၫ, အဒၪ့ဎၩ့နီၪ အဖျါဎူၫ ဆံၫးလိးဖၭဒိၪၥံၪၥၧၫ့ထၧၫ့, ဒဲၥံၪ့အၥၫ့ လထၧၫ့နီၪ
4 ဆံၭ.- တၭအဎွ့ၩနီၪမွဲဆၧဖ့ၪလၫ့ခွံၬဝ့ၫ လၧစဎွၩအ
5 ဂံၪ့,- ဒဲထွ့ၫထီၫ့ၥံၪစ့ၩၥံၪ ဘၪဆဲၫ့လၧယွၩအဂံၪ့နီၪဆ့, ဆၧလၧစန့ၭဘူၫခၭန့ဇၫ ဆိၬထၪ့ခွံၬလၧဆၧလုအဂံၪ့ လၧအအီၪလၧယရုစလံၫ့နီၪ, ဒဲဂဲၫထဲၩ့န့လၧဘၭဘ လၧၫ့တၭ, ဖ့ၪလၫ့ထဲၩ့ဒဲဆိၬထဲၩ့ဒီၭ လၧဆၧလုအဂံၪ့ လၧယရုစလံၫ့နီၪ, ထီးအလးဒၪဝ့ၫတၭ, အီၪက့ၪအဝ့ၫ ၥံၪလၧယွၩအဂံၪ့ဖၧၩ့နီၪဆံၭ.
6 အခိးမွဲဘိၩ့နဲၪ့ယီၩ, စတၭနအဲၫ,ပၧၩ့ဆၧလၧထံၫမိ ၡါဝါအနီၪလခီၫ, စၡံၥၫဘီၭဇနဲၫ, ဒဲနၥံၪအၥိၭၦအၭ ဖၫစၭဖိၪၥံၪ, လၧအအီၪလၧထံၫမိၡါဝါအနီၪလခီၫ,န ၥံၪဝ့ၫဧ့, အီၪဆီၩ့ဆုၩနၥံၪလၧအလးနီၪဘီၪး ယွၩအ
7 ဂံၪ့အဆၧမၩနီၪထီးမၩထံၬထၬနးမံၩ့လဂ့ၩ.- ၦယုဒၫ ဖိၪၥံၪအၦဒိၪဖၭဒိၪ, ၦယုဒၫဖိၪအၥုၪ့က့ၭၥၭၡါၥံၪ, မွဲ
8 အမၩထၪ့ယွၩအဂံၪ့နီၪ လၧအလးဒၪဝ့ၫဆံၭ.- လၧနီၪ အမ့ၬယၫယစ့ၩရၫ့ဆၧလမံၩ့ လၧနၥံၪကြၨၭမၩလၧၦ ယုဒၫဖိၪအၥုၪ့က့ၭၥၭၡါၥံၪနီၪ, လၧအမၩထၪ့ယွၩအ ဂံၪ့နီၪအဂးလီၫ. ဆၧလၧအဘၪဆဲၫ့ လၧစဎွၩအဆၧ ဖိၪဆၧလံၩလဖၪ, ဒဲအခီၫ့လၧထံၫမိၡါဝါအနီၪလခီၫ, မွဲဆၧဖ့ၪလၫ့ခွံၬအဎွ့ၩၥံၪ လၧၦလဖၪနီၪအစူၪဖၧၩ့,ဘဲၫ
9 ၥိၭဆၧထီးပဒၩ့ အဝ့ၫၥံၪလဂ့ၩလီၫ.- တၭကယဲဆၧ လၧအဝ့ၫၥံၪကြၨၭန့ဘၪ လမံၩ့လါလါနီၪ, ချီဖၫဖိၪမွဲ ဂ့ၩ,ၥိၪဖၫၥံၪ,ၥိၪဖိၪၥံၪမွဲဂ့ၩ, ဘဲၫၥိၭအမိလုထၪ့မူၭခိၪ အယွၩနီၪလၧဆၧလုမ့ၪ, ဘုၪကၠိၩ့,ထံၫလၪ, စဘံၭထံၫ, ဒဲၥိၪ,ဘဲၫၦလုဆၧလၧယရုစလံၫ့နီၪ, စ့ၩရၫ့ဝ့ၫအၥိၭ, မွဲဆၧဖ့ၪလၫ့တၡါ လနံၩဘၪလနံၩလနံၩဘၪလနံၩ
10 ဆံၭ.- မွဲဘဲၫၥိၭအဝ့ၫၥံၪ မိလုထၪ့ဆၧနၧၫ့မၧၫ့မုၬ လၧ မူၭခိၪအယွၩနီၪ, ဒဲအၪ့ကံၩ့ဘၩဆိၪဖၪန့စဎွၩ,ဒဲအဖိၪ
11 ခွၫၥံၪမိမၧၫ့အဂးလီၫ.- လၧနီၪအမ့ၬယၫဆ့, ယစ့ၩရၫ့ ဆၧလမံၩ့, လၧၦလဂၩဂၩ အ့ၪမၩဂၭဂီၩ့ဆၧအလူ ယီၩ,မွဲဆၧရိလၩ့ခွံၬအဂံၪ့, ဘီၩ့ထၪ့အထုၪ့လဖၪတၭ, စၧၩ့ၥံၫလၩ့ခွံၬ ၦလဂၩနီၪ လၧအလီၩ့ဆံၭ. တၭလၧ ဆၧယီၩလမံၩ့အကၠီၩ့အဂံၪ့နီၪ, မွဲအကဲၪထၪ့ဆၧအ့ၪ
12 ပိၩ့နီၪဘီၪ.- တၭယွၩလဂၩလၧအဒုၭအီၪထၪ့အမံၩ့ လၧအလးထီးနီၪ, မွဲအမိမၩဂၭဂီၩ့ကယဲစဎွၩၥံၪ, ဒဲၦ ခမျၧးၥံၪလၧအအီၪက့ၪအစူၪ လၧအမိမၩဂၭဂီၩ့ယွၩ အဂံၪ့ယီၩလၧအအီၪလၧယရုစလံၫ့နီၪ, ထီးအလူၬဆ့ လီၫ. ယဝ့ၫဒၪယီၩ, စဒရဲအၧၭစ့ၩရၫ့ယူၭဆၧလမံၩ့ ယူၭးမွဲအကဲၪထၪ့ဒၪဝ့ၫ လၧအဆိၫအချဲၫ့ဆံၭ.
13 ထီးနီၪလဖၧၫ့စတၭနအဲၫ, ၦပၧၩ့ဆၧလၧထံၫမိၡါဝါ အယီၩလခီၫ,စၡံၥၫဘီၭဇနဲၫ, ဒဲအဝ့ၫၥံၪအၥိၭလဖၪ, ဘဲၫစဎွၩဒရဲအၧၭမၪလူၬဝ့ၫအၥိၭတၭး အဝ့ၫၥံၪမၩဝ့ၫ ဘဲၫနီၪလၧအဆိၫအချဲၫ့ဆ့လီၫ.
14 တၭၦယုဒၫဖိၪလဖၪ အၥုၪ့က့ၭၥၭၡါၥံၪ မၩထၪ့ဂံၪ့ နီၪ,ဒဲအဘီၪထၪ့ယီၫထၪ့ လၧမီၪစဟၭဂဲၫ ဒဲစအံၭဒိၫ အဖိၪခွၫစဇ့ၭခရဲအၫၥံၪချဲၩ့ဆၧလၧ မီၪအချိၬအဘိၩ့ ဘၭနီၪလီၫ. တၭအဝ့ၫၥံၪမၩထၪ့ဂံၪ့နီၪ ဒဲမၩဂီၩ့ဝ့ၫ, ဘဲၫအံၫစရ့လၭအယွၩမၪလူၬဝ့ၫအၥိၭ, ဒဲဘဲၫပၧၡၫ အစဎွၩစဲရၧၭ, ဒဲဒရဲအၧၭ, ဒဲအၫတဇၧၭစံၫၥံၪမၪလူၬ ဝ့ၫအၥိၭနီၪဆ့လီၫ.
15 တၭလၧစဎွၩဒရဲအၧၭ ပၧၩ့ဆၧဎူၫနံၪ့လနံၪ့, လၧ လၩအၫဒၧၫၥၧၫ့နံၩလနံၩနီၪ, ဂံၪ့ယီၩဘၪဆၧမၩဂီၩ့ဝ့ၫ ဒၪလီၫ.
16 တၭၦအံၫစရ့လၭဖိၪလဖၪ, ၦလုဆၧၥံၪ,ၦလံဝဲၫ ဖိၪၥံၪ,ဒဲၦဂူၫဂၩလဖၪ ဘၪဆဲၫ့လၧၦအၪ့မၧၫ့ဎီးဆၧနီၪ မၩဘိၪ့ဖလါယွၩအဂံၪ့ယီၩ လၧဆၧၥုၪ့ထိၬၥၭထိၬ
17 တၭး- လုထၪ့ဆၧလၧအမၩဘိၪ့ဖလါယွၩအဂံၪ့ယီၩ အဘိၩ့ဘၭနီၪ, ချီဖၫၥံၪလယၩ, ၥိၪဖၫၥံၪနံၫယၩ,ၥိၪဖိၪ ၥံၪလံယၩး ဒဲလၧအံၫစရ့လၭထီးအလူၬ အဆၧဒဲၩ ဘၭအဆၧမၩဘိၪ့အဂးနီၪ, ဘ့ၫဖၫလဆံၫနံၫဒုၩ, ဘဲၫ အံၫစရ့လၭအဒီၪ့ၥံၪ အဆၧဝံဆၧနၬ အီၪဝ့ၫအၥိၭနီၪ
18 လီၫ.- တၭအဝ့ၫၥံၪအီၪက့ၪၦလုဆၧလဖၪ ဘဲၫဆၧအၪ့ နၩ့ဖၭလၧအဝ့ၫၥံၪအဂးအၥိၭ, ဒဲၦလံဝဲၫဖိၪၥံၪဘဲၫအ ဆၫ့လဖၪအၥိၭ လၧယွၩအဆၧမၩအဂး လၧယရုစ လံၫ့အဖၧၩ့နီၪး ဘဲၫဆၧကွ့ၭအၥၭ လၧလံၬစမိစ့ၭအ ဖၧၩ့အၥိၭနီၪလီၫ.
19 တၭလၧလၩခၪ့ထံၭလဘံၪ့ လဆံၫလံနံၩလနံၩနီၪး ၦဘၪဆဲၫ့လၧဆၧအၪ့မၧၫ့ဎီးဝ့ၫလဖၪ မၩဘိၪ့လ့ၩဖၬ
20 နီၪလီၫ.- အဂဲးဘဲၫယီၩၦလုဆၧလဖၪ, ဒဲၦလံဝဲၫဖိၪလ ဖၪဘၪဆၧမၩဆံၫ့ဎံၪအၥၭစီၪ့ဎးတၭ, အီၪဆံၫ့ဎံၪဝ့ၫ ကိၭဂၩဒ့ၭနီၪ, မၩၥံၫဆၧဘိၪ့လ့ၩဖၬ လၧၦဆၧအၪ့ မၧၫ့ဎီးဖိၪၥံၪကိၭဂၩဒ့ၭအဂး, ဒဲအဝ့ၫၥံၪအထၧၫ့ဖုဝဲ လဖၪ,ၦလုဆၧအဂး ဒဲလၧအနၫ့ဆါၥံၪအဂးဆ့လီၫ.
21 တၭအံၫစရ့လၭဖိၪ, လၧအဂဲၫစဲၪ့ထၪ့ခွံၬ ဒီၭလၧဆၧ အၪ့မၧၫ့ဎီးနီၪ, ဒဲကယဲၦလၧအမၩလၩ့ဖၭအၥၭ လၧ ထံၫၥံၪခးၥံၪအဆၨၩလဖၪ အဆၧၥၭလိၪနီၪ, ထီၩ့လၧ ၦလဖၪနီၪအအီၪ, ဘဲၫၥိၭအမိအၪ့ဎၬ ယဟိဝၩအံၫစ
22 ရ့လၭအယွၩနီၪအၪ့ဝ့ၫ,- ဒဲမၩဘိၪ့ကိၪလဘၪဘၪလၧ မံၪနီၪနွ့ၫနံၩအထးဖၧၩ့ လၧဆၧၥုၪ့ထိၬၥၭထိၬနီၪလီၫ. အဂဲးဘဲၫယီၩယဟိဝၩ ဒုၭၥၭထိၬအဝ့ၫၥံၪ, ဒဲကၠၪထဲၩ့ အစံရအၫအစဎွၩအၥၭ လၧအဝ့ၫၥံၪအအီၪ, ဘဲၫၥိၭအ မိမၩဂုးထၪ့ဆီၪ့ထၪ့အဝ့ၫၥံၪ အစူၪလၧဆၧမၩဘၪဆဲၫ့ လၧယွၩအဂံၪ့, အံၫစရ့လၭအယွၩနီၪလီၫ.