1 လၧဆၧနီၪလဖၪအလးခဲၫ့ လၧပၧၡၫအစဎွၩအၫ 2 တဇၧၭစံၫပၧၩ့ဆၧအဘိၩ့ဘၭနီၪ,- စအ့ဇရၫ, စစံၫရအဲ အၫအဖိၪခွၫ,စအၭစရဲအၫအဖိၪခွၫ, စဟံၫလကဲအၫ 3 အဖိၪခွၫ,- စၡၫလၧၫ့အဖိၪခွၫ, စဇၫဒီၭအဖိၪခွၫ,စအ ဟဲတၧၫအဖိၪခွၫ, စအၫမရဲၫအၫအဖိၪခွၫ, စအၫဇရဲ 4 အၫအဖိၪခွၫ, စမ့ၫရဲအီၭအဖိၪခွၫ,- စဇ့ၫရဟဲအၫအ 5 ဖိၪခွၫ,စအၧၭဇဲၫအဖိၪခွၫ, စဘၧၭကဲၫအဖိၪခွၫ,- စအ ဘံၭရှုၫအၫအဖိၪခွၫ, စဖံနအၭအဖိၪခွၫ, စအံၫလအ့ဇၫ အဖိၪခွၫ, စအၫရၧၫ့လၧအမွဲၦလုဆၧအခိၪအဖိၪခွၫ 6 နီၪ,- စအ့ဇရၫလဂၩယီၩ စဲၪ့ထၪ့ခွံၬလၧဘၭဘလၧၫ့တၭး မွဲၦလၧအကွ့ၭလံၬၥ့ၪ လၧစမိစ့ၭအဆၧၥီၪ့ဆၧၥၫ့အ ဖၧၩ့,လၧယဟိဝၩအံၫစရ့လၭအယွၩ ဖ့ၪလၫ့ဝဲၩဝ့ၫနီၪ လီၫ.တၭစဎွၩနီၪဖ့ၪလၫ့အဝ့ၫဒၪ ကယဲဆၧလၧအအၪ့ ကံၩ့ဝ့ၫထီးအလူၬနီၪ, ဘဲၫယဟိဝၩ, အနၫ့ဆါအယွၩ 7 အစူၪအီၪဝ့ၫလၧအဂးအၥိၭနီၪလီၫ. တၭအံၫစရ့လၭ အဖိၪအလံၩလ့ၩထၪ့လၧအၥိၭလနၩ့, ဒဲၦလုဆၧၥံၪလ နၩ့,ဒဲၦလံဝဲၫဖိၪၥံၪ, ဒဲၦၥံၫကျံၩဆၧလဖၪ, ဒဲၦပၧၩ့တ ရၫ့လဖၪ,ဒဲၦန့ၭၥနံဖိၪလဖၪ, ထီၩ့လၧယရုစလံၫ့,လၧ 8 အစဎွၩအၫတဇၧၭစံၫအနံၪ့နွ့ၫနံၪ့လနံၪ့နီၪလီၫ.- အဝ့ၫ ဒၪထီၩ့လၧယရုစလံၫ့ လၧလၩယဲဘံၪ့လဘံၪ့း လၧစ 9 ဎွၩအနံၪ့နွ့ၫနံၪ့လနံၪ့နီၪလီၫ.- မွဲအစဲၪ့ထၪ့ခွံၬ လၧဘၭ ဘလၧၫ့နီၪလၧလၩအခၪ့ထံၭ လဘံၪ့လၩထၪ့ၥၫ့လနံၩ နီၪ,လၧလၩယဲဘံၪ့လဘံၪ့ လၩထၪ့ၥၫ့လနံၩနီၪ,ထီၩ့ ဝ့ၫဒၪလၧယရုစလံၫ့နီၪ, ဘဲၫအနၫ့ဆါအယွၩအစူၪဂ့ၩ 10 အီၪလၧအဂးအၥိၭနီၪလီၫ.- အဂဲးဘဲၫယီၩစအ့ဇရၫ နီၪတဲၩ့ဝဲၩအၥၭ ဘဲၫၥိၭအမိအၪ့ဎၬယဟိဝၩအဆၧ ၥီၪ့ဆၧၥၫ့,ဒဲမၩဝ့ၫဆ့, ဒဲၥီၪ့ထဲၩ့ၥၫ့ထဲၩ့ဆၧမၪလူၬၥံၪ ဒဲဆၧစ့ၩရၫ့ၥံၪလၧအံၫစရ့လၭ အဖၧၩ့နီၪလီၫ.

11 တၭအယီၩမွဲလံၬလၧဆၧကွ့ၭဆဲၫဝ့ၫ လဘံၪ့လၧစ ဎွၩအၫတဇၧၭစံၫဖ့ၪၦလုဆၧ စအ့ဇရၫနီၪ, မွဲၦကွ့ၭ လံၬလဂၩ, ၦကွ့ၭယဟိဝၩအဆၧမၪလူၬၥံၪအဆၧချဲၩ့ လဖၪ,ဒဲဆၧၥီၪ့ဆၧၥၫ့ လၧအံၫစရ့လၭအဂးနီၪလီၫ.

12 စအၫတဇၧၭစံၫ, စဎွၩလဖၪအစဎွၩ, လၧစအ့ဇရၫ, ၦလုဆၧ,ၦကွ့ၭမူၭခိၪအယွၩ အဆၧမၪလူၬလဂၩ,ဆၧ မုၬလၩ,ဒဲဆၧအဆၧၫ့အထီ ဘဲၫနီၪၥိၭလၧအဂးဘီၪ. 13 ယဝ့ၫဒၪယီၩယစ့ၩရၫ့ဆၧလမံၩ့, ဘဲၫၥိၭကယဲၦဘၪ ဆဲၫ့လၧအံၫစရ့လၭအၡၩခမျၧးၥံၪ, ဒဲအၡၩလုဆၧလ ဖၪ,ဒဲၦလံဝဲၫဖိၪလဖၪ, လၧယဘၩ့ယမုးအဖၧၩ့နီၪ, ကယဲၦလၧအၥၭအီၪထၪ့ဒၪဝ့ၫ လၧအမိလ့ၩထၪ့ဘၪ အၥၭလၧယရုစလံၫ့နီၪ, မွဲအဝ့ၫၥံၪလ့ၩဖိၬနခဲၫ့ဘီၪ. 14 အဂဲးဘဲၫယီၩစဎွၩ ဒဲအၡၩဒုၭကိၪ့ဆၧနွ့ၫဂၩလဖၪ, အၪ့မၧၫ့နၧၩတၭ, မွဲဘဲၫၥိၭနမိအၪ့စၪ့ဆၧလၧယုဒၫဒဲ ယရုစလံၫ့အဂဲးအကၠီၪ့, ဘဲၫနယွၩအဆၧမၪလူၬလၧ 15 နစူၪဖၧၩ့ အီၪဝ့ၫအၥိၭနီၪး- ဒဲဆိၬထၪ့စ့ၩ ဒဲထီၫ့ဘဲၫ စဎွၩဒဲအၡၩဒုၭကိၪ့ဆၧလဖၪ မၩဘိၪ့ယီၫအံၫစရ့လၭ 16 အယွၩနီၪ,လၧအအီၪဝ့ၫလၧယရုစလံၫ့တၭး- ဒဲကယဲ ကျိၪၥံၪစ့ၩၥံၪ, ထီၫ့ၥံၪလွ့ၫၥံၪလၧနဒၪန့ လၧခးဘၭဘ လၧၫ့အဖၧၩ့, လၧၦခမျၧးၥံၪဖ့ၪလၫ့ဒၪဆၧဘဲၫနီၪ, ဘဲၫ အၥၭဒၪဝ့ၫအၥိၭ, ဒဲဆၧလၧၦလုဆၧလဖၪ မၩဘိၪ့ဝ့ၫ ထီးဒၪအၥၭနီၪ, လၧအဝ့ၫၥံၪအယွၩအဂံၪ့အဂးလၧ 17 ယရုစလံၫ့အဖၧၩ့တၭး- မွဲဘဲၫၥိၭနမိဎွ့ၩန့ဆၧချဲၫ့ချဲၫ့ လၧစ့ၩနီၪ, ချီဖၫၥံၪ, ၥိၪဖၫၥံၪ, ၥိၪဖိၪၥံၪ, ဒဲအဝ့ၫၥံၪအ ဆၧမၩဘိၪ့ကိၪမုၬဒဲအဆၧလုအီၩလဖၪ, ဒဲလုထၪ့ဆၧ နီၪလဖၪလၧဆၧလုအလး, အီၪလၧနၥံၪအယွၩအဂံၪ့ 18 လၧယရုစလံၫ့အဖၧၩ့နီၪလီၫ.- တၭစ့ၩဒဲထီၫ့လၧအအီၪ လၩ့ထးဝ့ၫနီၪ, နဝ့ၫဒၪဒဲနထၧၫ့ဖုဝဲၥံၪ, ထီးဒၪဆၧလမံၩ့ မံၩ့လၧနၥံၪဆီၫ့မီၪ့ကြၨၭန့ဘၪနီၪ, မၩဝ့ၫဘဲၫနီၪၥိၭ, 19 ဘဲၫနၥံၪအယွၩအၥၭအီၪဝ့ၫအၥိၭနီၪဆံၭ.- တၭဖၧၩ့ ၥံၪထွ့ၫၥံၪလၧဆၧဖ့ၪလၫ့လၧနစူၪဖၧၩ့ လၧနယွၩအဂံၪ့ ဆၧမၩအဂးနီၪး ဖ့ၪလၫ့ဒၪနဝ့ၫ လၧယရုစလံၫ့အယွၩ 20 အမ့ၬယၫနီၪဆံၭ.- တၭကယဲဆၧဂူၫဂၩလမံၩ့လါလါ လၧအကြၨၭလၧနယွၩအဂံၪ့အဂးတၭ, ဆၧန့ဘၪနီၪ အလးအ့ၪအီၪ, အၪ့မၩန့ဝ့ၫလၧစဎွၩအီၪက့ၪကီၪ့ဆၧ 21 အဂံၪ့ဖၧၩ့နီၪဘီၪ.- တၭယဝ့ၫဒၪယီၩ,ယၧၩ, စဎွၩအၫ တဇၧၭစံၫယီၩ စ့ၩရၫ့အၪ့မၧၫ့ၦလၧ အပၧၩ့ဆၧအီၪ က့ၪကီၪ့အလးလဖၪ, လၧအအီၪလၧထံၫမိၡါဝါအနီၪ လခီၫ, ဘဲၫၥိၭထီးဒၪဆၧလမံၩ့လါလါ လၧစအ့ဇရၫၦ လုဆၧ, ၦကွ့ၭမူၭခိၪအယွၩ အဆၧမၪလူၬနီၪ, မိအၪ့ 22 ကံၩ့လၧနၥံၪတၭ, ဘၪမၩအဆိၫအချဲၫ့,- ထီးအထၪ့ ဘၭစ့ၩအကံကၫလယၩ, ဒဲဘုၪကၠိၩ့အကိရၫလယၩ, ဒဲစဘံၭထံၫအဘၭၥၫလယၩ, ဒဲၥိၪအဘၭၥၫလယၩ 23 ဒဲထံၫလၪနီၪတိၪ့ဘၪဝ့ၫအ့ၬ.- ထီးဒၪဆၧလမံၩ့လါလါ လၧမူၭခိၪအယွၩမၪလူၬဝ့ၫနီၪ, မွဲအကဲၪထၪ့ဝ့ၫဒၪလၧ မူၭခိၪအယွၩအဂံၪ့အဂး လၩ့ထံးလၩ့ဆ့ၭဆံၭ. အဂဲး ဘဲၫယီၩ မွဲဆၧၥၭထၪ့လၩ့ဘၪ စဎွၩအဘၩ့အမုးဒဲအ 24 ဖိၪခွၫၥံၪ,မွဲဘၪလဲၪ.- လၧနီၪအမ့ၬယၫပလီၩဘၪနၥံၪ ဆ့,ဆၧလၧအဘၪဆဲၫ့လၧၦလုဆၧလဖၪ, ဒဲၦလံဝဲၫဖိၪ လဖၪ,ၦၥံၫကျံၩဆၧလဖၪ, ၦပၧၩ့တရၫ့လဖၪ, ၦန့ၭၥနံ ဖိၪလဖၪ, ဒဲၦလၧအမၩယွၩအဂံၪ့အခ့ၫအၡၩ အဆၧ မၩနီၪ,ဆၧအၪ့မၧၫ့ဘၪအဝ့ၫၥံၪ ဖ့ၪလၫ့အခီၫ့,အကီၭ, 25 အလံၩ့နီၪအ့ၬ.- တၭနဝ့ၫဒၪ, စအ့ဇရၫဧ့, ဒဲၦစ့ၩရၫ့ ဆၧ,ဘဲၫနယွၩအဆၧကိၪ့ဘၪကိၪ့ၥ့ၪ လၧနစူၪဖၧၩ့အီၪ အၥိၭ,အီၪက့ၪလၩ့ၦဒိၪၥံၪ, ဒဲၦစ့ၩရၫ့ဆၧ, ဘဲၫၥိၭ အဝ့ၫၥံၪမိစ့ၩရၫ့ ၦခမျၧးထီးအလူၬ, ကယဲၦလၧအၥ့ၪ ယၫနယွၩအဆၧမၪလူၬလဖၪ, လၧအအီၪလၧထံၫမိၡါ ဝါအနီၪလခီၫကိၭဂၩဒ့ၭး ဒဲၥီၪ့ထဲၩ့ၥၫ့ထဲၩ့ ၦလၧအ 26 လၥ့ၪယၫဘၪဝ့ၫလဖၪနီၪဆံၭ.- တၭကယဲၦလၧအလ မၩဘၪနယွၩအၥၭ, ဒဲစဎွၩအဆၧမၪလူၬနီၪ, ဘၪဆၧ စ့ၩရၫ့ၥံၫမွဲဂ့ၩ, ဘၪဆၧနၫ့ထၪ့ခွံၬလၧအထံၫအခးဖၧၩ့ မွဲဂ့ၩ, အၪ့မၩန့အစူၪလးခၪ့ခိၪမွဲဂ့ၩ, ဘၪလၩ့လၧထီၫ့ ဖၧၩ့မွဲဂ့ၩနီၪမွဲဆၧစ့ၩရၫ့လၩ့ဘၪ အဝ့ၫဒၪလၧအဆိၫအ ချဲၫ့ဆံၭ.

27 ယဟိဝၩပဖါၥံၪအယွၩ လၧအအီၪက့ၪဆၧလမံၩ့ ယီၩလၧစဎွၩအၥၭဖၧၩ့, ဘဲၫၥိၭအမိမၩဂ့ၩထၪ့ယဟိ ဝၩအဂံၪ့လၧယရုစလံၫ့အဖၧၩ့နီၪ, မွဲအဘၪဆၧဆိၪဂ့ၩ 28 ဆံၭ.- တၭမွဲအဒုၭဘၪယူၭယၧၩ လၧဆၧအခိးအတၩ လၧစဎွၩဒဲအၡၩဒုၭကိၪ့ဆၧလဖၪ အမ့ၬယၫး ဒဲလၧက ယဲစဎွၩအၦဒိၪဖၭဒိၪလဖၪ ထီးအလူၬအမ့ၬယၫဆ့ လီၫ. တၭယဆီၪ့ထၪ့ယဝ့ၫ ဘဲၫယဟိဝၩယယွၩအ စူၪနီၪအီၪလၧယဂးအၥိၭတၭး ယကိၭကီၪ့အံၫစရ့ လၭအၡၩအခိၪလဖၪလ့ၩထၪ့လၧယၥိၭလီၫ.