5
1 ထီးနီၪလဖၧၫ့မီၪလဖၪ, မီၪစဟၭဂဲၫ,ဒဲစအံၭဒိၫအ ဖိၪခွၫစဇ့ၭခရဲအၫၥံၪချဲၩ့ဆၧလၧ ၦယုဒၫဖိၪၥံၪလၧမီၪ အချိၬတၭ, လီၩဘၪၦလဖၪအီၪလၧယုဒၫဒဲယရုစလံၫ့
2 အဖၧၩ့လၧအံၫစရ့လၭအယွၩအမံၩ့နီၪလီၫ.- ထီးနီၪ လဖၧၫ့စၡံၫအၫတအ့လၭအဖိၪခွၫစဇရၧၭ ဘၫဘ့လၭ ဒဲစယီၭစဒၭအဖိၪခွၫစယ့ၭရှုၫအၫဂဲထုၪ့တၭ, မၩထၪ့ ၥၫ့ယွၩအဂံၪ့လၧအအီၪလၧ ယရုစလံၫ့တၭး ယွၩအ မီၪလဖၪအီၪလၧအဝ့ၫၥံၪအၥိၭ မၩဘိၭမၩဆၧၩ့ဝ့ၫ လီၫ.
3 လၧအဆၧၫ့အထီနီၪ စတၭနအဲၫဂဲၫလၧအဝ့ၫၥံၪအ အီၪ,မွဲၦဒိၪဖၭဒိၪလၧအပၧၩ့, ဆၧလၧထံၫမိၡါဝါအ ယီၩလခီၫ, ဒဲစၡံၥၫဘီၭဇနဲၫ ဒဲအဝ့ၫၥံၪအၥိၭလဖၪ တၭ,စံၭၦလဖၪနီၪ, ၦလၧအအၪ့မၧၫ့နၥံၪမၩထၪ့ဂံၪ့
4 ယီၩ,ဒဲဒုၭကဲၪထၪ့ခိၪဒၧၩ့ယီၩ, မွဲၦလဂၩလဲၪ.- တၭပ စံၭၦလဖၪနီၪဘဲၫယီၩၥိၭး ၦလၧအမၩထၪ့ဆၧယီၩ
5 အမံၩ့လဖၪ,မွဲဘဲၫၥ့ၪလဲၪ.- မွဲလါနၫ့တၭအဝ့ၫၥံၪအ ယွၩအမ့ၬၥၪၥံၪအီၪလၧၦယုဒၪဖိၪၥံၪ အၥုၪ့က့ၭအၥၭ ၡါလဖၪအလီၩ့တၭး အခိးမွဲဆၧနီၪလမံၩ့လချႃၭထီၩ့ ဒံၭဘၪလၧစဒရဲအၧၭအအီၪနီၪ, အဝ့ၫၥံၪဒုၭအီၪထီၦ လဖၪနီၪၥ့ၪနးစီၪ့အ့ၬး ထီးနီၪလဖၧၫ့အဝ့ၫၥံၪကွ့ၭဖ့ၪ ယုလံၬလီၩဘၪဆၧအဂဲးအကၠီၪ့နီၪလီၫ.
6 ၦဒိၪဖၭဒိၪပၧၩ့ဆၧလၧ ထံၫမိၡါဝါအယီၩ လခီၫစ တၭနအဲၫနီၪ, ဒဲစၡံၥၫဘီၭဇနဲၫ, ဒဲအဝ့ၫဒၪအၥိၭလဖၪ ၦအၭဖၫစၭဖိၪၥံၪ, လၧအအီၪလၧထံၫမိၡါဝါအယီၩ လခီၫအလံၬနီၪ, ဆၧကွ့ၭဆဲၫန့လဘံၪ့လၧဆၧဖ့ၪယု
7 စဎွၩဒရဲအၧၭနီၪလီၫ.- လံၬလၧအဝ့ၫၥံၪဖ့ၪယုနီၪဆၧ ကွ့ၭအဂဲးအကၠီၪ့ဘဲၫယီၩ,
8 မွဲဆၧမုၬဆၧဎၩ့ထီးအလူၬ ဘၪလၧစဎွၩဒရဲအၧၭ နီၪဘီၪ.ဆၧဒုၭၥ့ၪယၫစဎွၩ လၧဆၧလမံၩ့တၭ, ပဝ့ၫဒၪ ယီၩပလ့ၩလၧခးယုဒၫအဖၧၩ့နီၪ, ထီၩ့လၧယွၩဖၭဒိၪ နီၪအဂံၪ့, လၧၦမၩထၪ့ဝ့ၫလၧလိးဖၭဒိၪၥံၪ,ဒဲၥံၪ့ၥံၪ အီၪလၧဆၧဒီၪ့ၥံၪအဖၧၩ့နီၪး ဒဲဆၧမၩလမံၩ့ယီၩကဲၪ ထၪ့ချဲၫ့လ့ၬ, ဒဲဘီၪထၪ့ယီၫထၪ့ လၧအဝ့ၫၥံၪအစူၪဖၧၩ့
9 လီၫ.- ထီးနီၪလဖၧၫ့ပအၪ့စၪ့ၦၥုၪ့က့ၭၥၭၡါလဖၪ,ဒဲ စံၭအဝ့ၫၥံၪဘဲၫယီၩး ၦလၧအအၪ့မၧၫ့နၥံၪမၩထၪ့ဂံၪ့ ယီၩ,ဒဲဒုၭကဲၪထၪ့ခိၪဒၧၩ့လဖၪယီၩ, မွဲၦလဂၩလဲၪ.
10 တၭပအၪ့စၪ့အဝ့ၫၥံၪအမံၩ့ဆ့, ဘဲၫၥိၭပမိလီၩဘၪ နၧၩ,ဒဲကွ့ၭဖ့ၪယူအဝ့ၫၥံၪအခိၪလဖၪ အမံၩ့နီၪလီၫ.
11 တၭအဝ့ၫၥံၪချဲၩ့ဆၧၫ့တၭ, စံၭဝ့ၫဘဲၫယီၩး ပဝ့ၫဒၪ ယီၩပမွဲမူၭခိၪဒဲဂၪ့ခိၪအယွၩ အခ့ၫအၡၩတၭ, ပမၩ ထၪ့ဂံၪ့လၧဆၧမၩထၪ့ဝ့ၫလၧအခီၫအၪနံၪ့, လၧအံၫ
12 စရ့လၭအစဎွၩဖၭဒိၪမၩထၪ့ဝ့ၫလဖျိၪ့နီၪလီၫ.- မွဲလါ နၫ့တၭပဖါၥံၪထိၪဂဲၩမူၭခိၪအယွၩ အဆၧၥၭထၪ့နီၪ, အဝ့ၫဒၪဖ့ၪလၫ့ခွံၬအဝ့ၫၥံၪ လၧၦခၫလဒံၫအၫဖိၪ,ဘၭ ဘလၧၫ့အစဎွၩ စန့ၭဘူၫခၭန့ဇၫနီၪ အစူၪဖၧၩ့တၭ, အဝ့ၫဒၪမၩဂၭဂီၩ့ဂံၪ့ယီၩ, ဒဲထဲၩ့ဆိၬၦခမျၧးၥံၪထီၩ့
13 လၧဘၭဘလၧၫ့အဖၧၩ့လီၫ.- အ့ၪမွဲၦလၧဘၭဘလၧၫ့ အစဎွၩ စဲရၧၭ အနံၪ့အခၪ့ထံၭလနံၪ့နီၪ, စဎွၩစဲရၧၭ လဂၩစ့ၩရၫ့လၧ ဆၧဘၪမၩထၪ့ယွၩအဂံၪ့ယီၩလီၫ.
14 တၭထွ့ၫထီၫ့ၥံၪစ့ၩၥံၪ ဘၪဆဲၫ့လၧယွၩအဂံၪ့နီၪဆ့,လၧ စန့ၭဘူၫခၭန့ဇၫ ဆိၬထၪ့ခွံၬလၧဆၧလုအဂံၪ့ လၧအ အီၪလၧယရုစလံၫ့အဖၧၩ့နီၪ, ဒဲထဲၩ့န့အီၪက့ၪဝ့ၫလၧ ဘၭဘလၧၫ့အဆၧလုဂံၪ့နီၪး ဆၧနီၪလဖၪဆ့,စဎွၩစဲ ရၧၭလဂၩနီၪ မၩန့ခွံၬလၧဘၭဘလၧၫ့ အဆၧလုဂံၪ့ ဖၧၩ့တၭ,ဖ့ၪလၫ့အဝ့ၫၥံၪ လၧၦလဂၩအမံၩ့မွဲစၡ့ၭၡ ဘၭဇၫ, လၧအဒုၭကဲၪထၪ့ဝ့ၫ လၧၦဒိၪဖၭဒိၪတၭ,
15 စံၭအဝ့ၫဒၪ, မၩန့ထွ့ၫလဖၪယီၩ, လ့ၩဘီၪဆိၬအဝ့ၫ ၥံၪထီၩ့လၧဆၧလုအဂံၪ့ဖၧၩ့, လၧအအီၪလၧယရုစ လံၫ့နီၪ,ဒဲဒုၭကဲၪထၪ့ယွၩအဂံၪ့ လၧအလးဒၪဝ့ၫဆံၭ.
16 ထီးနီၪလဖၧၫ့ စၡ့ၭၡဘၭဇၫလဂၩနီၪ ဂဲၫထီၩ့တၭ, အီၪက့ၪလၩ့ယွၩအဂံၪ့ လၧအအီၪလၧ ယရုစလံၫ့အ ဖၧၩ့အခၪ့ထံၭနီၪလီၫ. တၭလၧအထီနီၪ ထီၩ့လၩ့ခီး ဘိၩ့နဲၪ့ယီၩ, ဆၧမၩလါနၫ့ဂံၪ့ယီၩ, မွဲအဂီၩ့ဒံၭအ့ၬ.
17 အခိးမွဲဘဲၫနီၪတၭး အ့ၪဘၪစဎွၩအၥၭတၭ, မွဲဆၧအၪ့ ဎၬလံၬၥံၪလဲၥံၪ လၧစဎွၩအဆၧအီၪက့ၪကီၪ့အလး နီၪ,လၧဘၭဘလၧၫ့အဖၧၩ့တၭ, မွဲစဎွၩစဲရၧၭလဂၩ နီၪအဆၧစ့ၩရၫ့ လၧဆၧမိမၩထၪ့ ယွၩအဂံၪ့လၧယရု စလံၫ့နီၪအီၪဆ့ဧၪ. တၭလၧဆၧလမံၩ့ယီၩ အဂဲးအ ကၠီၪ့,မွဲစဎွၩဖ့ၪယူလီၩဘၪပၧၩ ထီးဒၪအၥၭလမံၩ့မံၩ့ ဘီၪ.