1 လၧနံၪ့ဆံၫနံၪ့လနံၪ့ လၩဆံၫဘံၪ့လဘံၪ့လၩထၪ့လ ဆံၫနံၫနံၩလနံၩနီၪ, ယဟိဝၩအလူလၩ့ဘၪယၧၩတၭ, 2 စံၭဝ့ၫဒၪ,- ၦၡၩအဖိၪဧ့, အီၪက့ၪနမ့ၬထၫ့ဒၩခးအံ ဇံၭအစဎွၩဖၫရိၫတၭ, ချဲၩ့ဆၧလၧမီၪအချိၬထၫ့ဒၩအ 3 ဝ့ၫ,ဒဲထၫ့ဒၩခးအံဇံၭထၧၫ့ဘံၪ့ယၫတၭ,- ချဲၩ့ဆၧတၭ, စံၭ,ကဆါယဟိဝၩစံၭဘဲၫယီၩ,ယိခွါ,ယထၫ့ဒၩနၧၩ, ဖၫရိၫအံဇံၭအစဎွၩ, မၪဖၭဒိၪလၧအမံၫနၩ့ လၧထံၫ မိၡါအဖၧၩ့တၭ,စံၭ, ယထံၫမိၡါမွဲယဆၧ, ယတဲၩ့ဝ့ၫ 4 လၧယဂးဒၪယဝ့ၫလဂၩဧ့,- ယမိပုၭနခၪလၬလၧနိၪ ပုၭတၭ,ယမိဒုၭဘုၭထၬ ဒ့ၪၥံၪယၪၥံၪ လၧနဘံၪ့ၥံၪ တၭ,ယမိမီၩ့ကၠူၭထၪ့ခွံၬနၧၩ လၧထံၫမိၡါအကျၩ, ဒဲကယဲဒ့ၪၥံၪယၪၥံၪလၧနထံၫမိၡါအဖၧၩ့ လၧအဘုၭ 5 ထၬလၧနဘံၪ့ၥံၪနီၪဆ့လီၫ.- ယမိခွံၬၡိၭခွံၬနၧၩလၧၡါ မုနၧၫ့ဖၫ, နဝ့ၫဒၪဒဲဒ့ၪၥံၪယၪၥံၪ လၧထံၫမိၡါအဖၧၩ့ ထီးအလူၬ, နမိလၩ့ထ့ၬလၧဆၧပျၩ့ဖၧၩ့တၭ, ဆၧလ အီၪက့ၪကီၪ့ဘၪနၧၩ, ဒဲအၪ့ထုၫ့ကီၪ့ဘၪနၧၩဆ့အ့ၬ. ယဖ့ၪလၫ့ယူၭနၧၩလၧဆၧဖိၪဆၧဎါ လၧမံၩ့လၬကျၩ, ဒဲလၧထိၪၥံၪလံၪၥံၪ လၧမူၭဖိၭဖၫ့ လၧဆၧအၪ့အဂး 6 လီၫ.- လၧအကဲၪထၪ့နိၪထိၭလဘီၩ့ လၧအံၫစရ့လၭ အၡၩဂံၪ့ဖိၪအဂးတၭ, ၦအံဇံၭဖိၪထီးအလူၬမိၥ့ၪယၫ 7 ဝ့ၫလၧယမွဲယဟိဝၩလီၫ.- ထီးအဝ့ၫၥံၪမၩန့နၧၩလၧ နစူၪတၭ,နမၩခါခွံၬ, ဒဲအဝ့ၫၥံၪအခိၬထံၭခိၪဘၪလၩ့ ဘျူၭခွံၬထၧၫ့ဘံၪ့ယၫလီၫ. ထီးအဒိၭနဲၩ့အၥၭလၧ နၧၩနီၪ,နမၩခါခွံၬတၭ, ဒုၭဝၭထိၬအယံးဒံၩ့ ထီးအ 8 လူၬလီၫ.- မၩအၥၭဘဲၫနီၪတၭ, ကဆါယဟိဝၩစံၭ ဘဲၫယီၩ,ယိခွါ, ယမိဒုၭဘၪနၧၩလၧနၭလဘံၪ့နီၪ,ဒဲ 9 ဒၪ့ထ့ၬခွံၬၦၡၩ ဒဲဆၧဖိၪဆၧဎါ လၧနဖၧၩ့လီၫ.- ခး အံဇံၭမိအီၪယူဝ့ၫတၭ, မိၥ့ၪယၫဝ့ၫလၧယမွဲယဟိဝၩ လီၫ. အဂဲးဘဲၫယီၩ အဝ့ၫဒၪစံၭဝ့ၫ, ထံၫမိၡါမွဲယဆၧ 10 တၭး ယတဲၩ့အဝ့ၫလီၫ.- မၩအၥၭဘဲၫနီၪတၭ, ယိခွါ, ယထၫ့ဒၩနၧၩ, ယထၫ့ဒၩနထံၫမိၡါလဖၪတၭ,ယမိမၩ ဂၭဂီၩ့ခးအံဇံၭတၭ, မိအီၪယူဝ့ၫလူၬထူၬဆံၫ့ဘၩ့လၧ မံကဒီၫလၭ,ဖိးလၧစဲၫအံနံၫ, ထီၩ့လၧကုၡၫအခးနဲၩ့ 11 ထံၭလီၫ.- ၦၡၩအခၪ့လမိခၫ့ဂၬဘၪဝ့ၫ, ဒဲဆၧဖိၪဆၧ ဎါအခၪ့လမိခၫ့ဂၬဘၪဝ့ၫတၭ, ၦလမိအီၪဘၪလၧအ 12 ဖၧၩ့အနံၪ့လံဆံၫလီၫ.- ယမိမၩအီၪယူခးအံဇံၭလၧ ခးလဖၪလၧအအီၪယူဝ့ၫအကျၩ, အဒိၩ့လဖၪလၧဆၧ မၩလူၬထူၬဝ့ၫ အကျၩနီၪမိအီၪယူအနံၪ့ လံဆံၫလီၫ. တၭယမိမၩလၩ့ပြံၩလၩ့ပၩ ၦအံဇံၭဖိၪလၧၦဆၨၩ လဖၪအကျၩတၭ,ယမိမၩလၩ့မုလၩ့ဖၭဝ့ၫလၧခးလ ဖၪအကျၩလီၫ.

13 ကဆါယဟိဝၩစံၭဘဲၫယီၩ, အနံၪ့လံဆံၫအထုၬနီၪ ယမိအၪ့ထုၫ့ကီၪ့ထဲၩ့ၦအံဇံၭဖိၪ လၧၦဆၨၩလဖၪအ 14 ကျၩထီးအအီၪပြံၩပၩနီၪ,- ယမိဒုၭဂဲၫထဲၩ့ထဲၩ့အံ ဇံၭအၡၩလ့ၩကဲၪဎီးတၭ, ယမိဒုၭဂဲၫထဲၩ့ကဒၩထဲၩ့အ ဝ့ၫၥံၪထီၩ့လၧခးပၫၥြီၭအဖၧၩ့, လၧခးထီးအအီၪဖျဲၪ လၧအဖၧၩ့တၭ,အဝ့ၫၥံၪမိကဲၪထၪ့ဘၩ့မုးလၧအလၩ 15 အဖၩ့လအီၪဘၪလဘၩ့မုးထီးနီၪလီၫ.- အလၩအဖၩ့ မိဆံၭနဲၪ့ဒံၭ ဘၩ့မုးထီးအလူၬ အလၩအဖၩ့လီၫ. မိ အီၪက့ၪထၪ့ထီၫလၧၩ့အၥၭ လၧၦဆၨၩလဖၪအဖၫ့ခိၪ အ့ၬ.ယမိမၩၡၩလၩ့အဝ့ၫ ဘဲၫၥိၭအထီးပၧၩ့လၧၩ့ 16 ၦဆၨၩလဖၪလဂ့ၩလီၫ.- ကဲၪထၪ့လၧၩ့အံၫစရ့လၭ အၡၩဂံၪ့ဖိၪ အဆၧဒိၭနဲၩ့အၥၭ အလးအ့ၬ. ထီးအ ကၠၪဖိၬအဝ့ၫၥံၪအၥၭအခဲၫ့တၭ, ဒုၭနၪ့ထၪ့ထဲၩ့ယၧၩ လၧဆၧဒဲၩဘၭလီၫ. အ့ၪမွဲအဝ့ၫၥံၪမိၥ့ၪယၫဝ့ၫလၧယ မွဲကဆါယဟိဝၩလီၫ.

17 တၭဆၧမၩအၥၭလၧနံၪ့နံၫဆံၫနွ့ၫနံၪ့ လနံၪ့လၩခၪ့ ထံၭလၩထၪ့လနံၩနီၪ, ယဟိဝၩအလူလၩ့ဘၪယၧၩ 18 တၭစံၭဝ့ၫဒၪ,- ၦၡၩအဖိၪခွၫဧ့, ဘၭဘလၧၫ့အစဎွၩ န့ၭဘူၫခၭန့ဇၫဒုၭမၩအၥုၭမု လၧအဆၧမၩဖၭဒိၪထၫ့ ဒၩတဲအၫလီၫ. ကယဲၦအခိၪဎွံၪဆၧဒုၭကဲၪၦအခိၪချၩ, ဒဲကယဲၦအခိၬထံၭခိၪနီၪ အဖံၭလၩ့ဘျူၭခွံၬဝ့ၫလီၫ. မွဲလါနၫ့တၭ,အဝ့ၫဒၪမွဲဂ့ၩ, အၥုၭမုမွဲဂ့ၩ,န့ဘၪအလံၩ့ အလဲၫလၧတဲအၫအစူၪဖၧၩ့ လၧဆၧမၩလၧအမၩထၫ့ 19 ဒၩဝ့ၫအဂးအ့ၬ.- မၩအၥၭဘဲၫနီၪတၭ, ကဆါယဟိ ဝၩစံၭဘဲၫယီၩ,ယိခွါ, ယမိဖ့ၪလၫ့ခးအံဇံၭလၧဘၭ ဘလၧၫ့အစဎွၩ န့ၭဘူၭခၭန့ဇၫအစူၪဖၧၩ့တၭ, အဝ့ၫ ဒၪမိမၩန့အၡၩခမျၧးတၭ, မိအၪ့ဂူၬန့ဆီၪ့အဆၧတၭ, မိအၪ့ဂူၬန့အဆၧဖိၪဆၧလံၩတၭ, ဆၧမိကဲၪထၪ့အ 20 လံၩ့အလဲၫ, လၧအၥုၭမုခမျၧးအဂးလီၫ.- ယဖ့ၪလၫ့ ယူၭအဝ့ၫလၧခးအံဇံၭလၧအမၩဆၧ လၧအမၩထၫ့ ဒၩဝ့ၫအကၠီၩ့ အဂဲးဘဲၫယီၩ အဝ့ၫၥံၪမၩဆၧလၧယဂး 21 ကဆါယဟိဝၩစံၭဝ့ၫဒၪ.- ဆၧလၧမုလနံၩနီၪယမိဒုၭ ထၪ့အံၫစရ့လၭအၡၩဂံၪ့ဖိၪအနိၩ့လဘီၩ့တၭ, ယမိ ဖ့ၪလၫ့နအၩ့ထၪ့နနိၭ လၧအကျၩတၭ,အဝ့ၫၥံၪမိၥ့ၪ ယၫလၧယမွဲယဟိဝၩလီၫ.